រថយន្តហ្វ័ត​ដឹក​អ្នកដំណើ​ររបស់​ក្រុមហ៊ុ​នឡា​វី​តា បុក​អ្នកជិះ​ម៉ូតូ​អូស​ចំងាយ​១៥​ម៉ែត​បណ្តាល​ស្លាប់​ភ្លាមៗ​នៅនឹងកន្លែង​

បុរស​វ័យ​ចំណាស់​ម្នាក់​បាន​ស្លាប់​ភា្ល​មៗ​នៅ​នឹង​កន្លែងកើតហេតុ បន្ទាប់ពី​ជួបឧ​ប​ទ្ថ​វហេតុ​គ្រោះ ថ្នាក់​ចរាចរណ៏ដ៏​រន្ធត់​មួយ​បាន​បង្កឡើង​ដោយ​រថយន្តហ្វ័ត​ដឹក​អ្នកដំណើរ របស់​ក្រុមហ៊ុន​ឡា​វី​តា​បុក​ជាមួយនឹង​ម៉ូតូ​.YAMAHA.​នៅលើ​កំណាត់​ផ្លូវជាតិ​លេខ​៦ កាលពី រសៀល​ថ្ងៃ​ទី​២៥​ខែតុលា​ឆ្នាំ​២០១៦​នៅ​ចំនុច​ភូមិ អូរ​សួស្តី ឃុំ​បារាយណ៏ ស្រុក​បារាយណ៏ ខេត្ត​កំពង់ធំ​។​

តាម​ប្រភព​ព័ត៌មាន​ពី​កន្លែងកើតហេតុ​បានឲ្យដឹងថា​!​មុនពេល​កើតហេតុ​បន្តិច​គេ​បាន​ឃើញ​បុរស​រងគ្រោះ​ម្នាក់​នេះ​ជិះ​ម៉ូតូ​ពី​ជើង​ទៅ​ត្បូង ហើយ​ឈប់​នៅ​ខាងស្តាំ​ដៃ​បន្តិច​រងចាំ​រថយន្ត​មក​ពី​ក្រោយ​ធ្វើចរាចរណ៏​ផុ​តអស់ ទើប​ឆ្លង ខណៈពេល​ដែល​កំពុង​តែ​ឆ្លង​មិន​ទាន់​ផុត​ផ្លូវ​ផង ស្រាប់​រថយន្តហ្វ័ត ធ្វើចរាចរណ៏​បញ្ច្រាសទិ​ស​គ្នា បើក​លឿន​ដូច​ព្រួញ មក​បុក​ម៉ូតូ ពេញទំហឹង​ហើយ​អូស​ម៉ូតូ​ចំងាយ​(១៥​ម​)​ធ្វើឲ្យ​អ្នក​បើក​ម៉ូតូ​ផ្លោង​ធ្លាក់​ថ្នល់ បណ្តាល​ស្លាប់​ភ្លាមៗ​មួយ​រំពិច ! ​ក្រោយពេ​កើតហេតុ សមត្ថកិច្ច​បាន​ចុះមក​ធ្វើការ​វាស់វែង ចំនែក​អ្នកបើក​រថយន្ត​បង្ក​គេចខ្លួន​!

​លោក វរៈសេនីយត្រី សន តាល់ អធិការរង នគរបាល​ស្រុក​បារាយណ៏​បាន​ឲ្យដឹងថា ជនរងគ្រោះ​បើក​ម៉ូតូ​.YA.MAHA.​អត់​ស្លាក​លេខ ឈ្មោះ​សុំ សៀន ភេទ​ប្រុស​អាយុៈ​៦៧​ឆ្នាំ​រស់នៅ​ភូមិ​ចាន់​ល្ហ​ង ឃុំ​ឈូក​ខ្សាច់ ស្រុក​បារាយណ៏ ខេត្ត​កំពង់ធំ (​ស្លាប់​នៅ​នឹង​កន្លែងកើតហេតុ​)​អ្នកបើកបរ​រថយន្ត​បង្ក​គេចខ្លួនបាត់​ស្រ​ម៉ោល​បន្សល់​ទុក​តែ​អ្នក​ជិះ​និង​រថយន្តហ្វ័ត ពណ័​ទឹកប្រាក់​ពាក់​ស្លាក​លេខ​ភ្នំពេញ 2Y.07.51.​បិទ​ស្លាក​ក្រុមហ៊ុន​!​ឡា​វី​តា ដឹក​អ្នកដំណើរ​ភ្នំពេញ សៀមរាប​!​ក្រោយពី​ធ្វើ​កំណត់ហេតុ​វាសវែង​រួច សមត្ថកិច្ច​បាន​ប្រមូល​យក​វត្ថុតាង​បង្ក​ទៅ​រក្សាទុក​នៅ​អធិការ​ស្រុក ចាំ​ដោះស្រាយ​ក្រោយ ហើយ​សព​រងគ្រោះ​ប្រគល់​ឲ្យ​បងប្អូន​យក​ទៅ​ធ្វើបុណ្យ​។​

​ជាមួយគ្នា​នេះ​មហាជន​បាន​រិះគន់​ថា​!​ករណី​គ្រោះថ្នាក់​ចរាច​រណ៏​កើតឡើង​ជា​ច្រើនលើក គឺ​ច្រើន​តែ​បង្ក​ដោយ​រថយន្ត​ដឹក​ដំណើរ​បើកបរ​ខ្វះ​ការប្រុងប្រយ័ត្ន បើក​លឿន​នៅ​ទីប្រជុំជន គ្មាន​សី​លធ​ម៍ (​អាង​មាន​ក្រុមហ៊ុន​ធានា ស្លាប់​បង់លុយ​)៕

 

IMG-20161027-WA0002

Filed in: ខេត្តកំពង់ធំ

Recent Posts

Bookmark and Promote!

© 2018 ឆន្ទៈខ្មែរ | Chhantak Khmer News. All rights reserved. XHTML / CSS Valid.