ទាន់ហេតុការណ៍
ស្នងការរាជធានីភ្នំពេញ ឧត្តមសេនីយ៍ឯក ជួន ណារិន្ទ ករណីបង្ក្រាបករណីជួញដូរគ្រឿងញៀន រឹបអូសវត្ថុតាងគ្រឿងញៀនម១៤៥គីឡូក្រាម និងឃាត់ខ្លួនឧក្រិដ្ឋជនដែលជាជនបរទេស៥នាក់==>អាវុធហត្ថ​រាជធានី​ភ្នំពេញ សហការ​ជាមួយ Al Forum បើក​សិក្ខាសាលា​ស្តីពី ស្ថានភាព​សន្តិសុខ​សាយ​ប័រ​នៅ​កម្ពុជា​!==>អាវុធហត្ថ​រាជធានី​ភ្នំពេញ ឃាត់​ខ្លួន​សង្ស័យ​ប្រុស​ស្រី​០៦​នាក់ បញ្ជូនទៅ​តុលាការ ពាក់ព័ន្ធ​ករណី​គ្រឿងញៀន​!==>ឯកឧត្តម រ័ត្ន ស្រ៊ាង មេបញ្ជាការរង​កងរាជអាវុធហត្ថ​លើ​ផ្ទៃ​ប្រទេស និង​ជា​មេបញ្ជាការ​កងរាជអាវុធហត្ថ​រាជធានី​ភ្នំពេញ និង​មន្ត្រីក្រោមឱវាទ សូម​ព្រះ​បរម​រាជានុញ្ញាត ក្រាបបង្គំ​ទូលថ្វាយ​ព្រះ​ពរ សម្តេច​ព្រះមហាក្សត្រី នរោត្តម មុនិនាថ​សីហនុ ព្រះវររាជ​មាតា​ជាតិខ្មែរ ក្នុងឱកាស​ព្រះរាជ​ពិធី​បុណ្យ​ចម្រើន​ព្រះជន្ម គម្រប់ ៨៨​ព្រះវស្សា យាង​ចូល ៨៩​ព្រះវស្សា​==>យុទ្ធនាការ «១ម៉ឺនរៀល ១ម៉ឺននាក់» ក្រសួងព័ត៌មាន នឹងម្របសម្រួលរៀបចំសន្និសីទសារព័ត៌មានផ្សព្វផ្សាយវឌ្ឍនភាពយុទ្ធនាការ «១ម៉ឺនរៀល ១ម៉ឺននាក់» របស់មូលនិធិគន្ធបុប្ផាកម្ពុជា ក្រោមអធិបតីភាពឯកឧត្តម==>ឱកាស​ចូល​បម្រើ​ការងា​រ​ក្នុង កងរាជអាវុធហត្ថ​!==>ឧត្តមសេនីយ៍ឯក រ័ត្ន ស្រ៊ាង ដាក់​ដំណើរការ នូវ​គោលការណ៍​ប្រតិបត្តិ​ស្តង់ដា (SOP) ឆ្ពោះទៅ​រក​ប្រព័ន្ធ​ការងារ​បែប​ឌីជីថល សម្រាប់​អាវុធហត្ថ​រាជធានី​ភ្នំពេញ​អនុវត្ត​ជា​លើកដំបូង​!==>នគរបាល​ស្រុក​ថ្មគោល ចុះ​ប្រតិបត្តិការ បង្ក្រាប​ករណី លួច​មាន​ស្ថាន​ទម្ងន់ទោស ( គាស់​បង្អួច​ផ្ទះ ) ០១ ករណី និង​បាន​ធ្វើការ​នាំខ្លួន​ជនសង្ស័យ ០១ នាក់==>​នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៥៨០​នាក់ ត្រូវបាន​ប្រកាស​មុខតំណែង ផ្ទេរ​ភារកិច្ច និង​បំពាក់​ឋានន្តរសក្តិ​ថ្មី​!==>ថវិកា​ចំនួន ៤​ម៉ឺន ដុល្លារ​ហើយ ដែល​លោក​ឧត្តមសេនីយ៍ឯក រ័ត្ន ស្រ៊ាង បាន​ចាត់ចែង​ប្រគល់ជូន​ដល់ ឧត្តមសេនីយ៍ត្រី គង់ គី​នី សម្រាប់​ព្យាបាល​ជំងឺ​!

សម្ដេច​តេជោ ហ៊ុន សែន អញ្ជើញ​ជា​អធិបតីភាព​ក្នុង​ពិធី​បើក​សន្និសីទ ជន​មាន​ពិការភាព ប្រចាំ​តំបន់​អាស៊ី និង​ប៉ាស៊ីហ្វិក លើក​ទី​៥

សម្ដេច​តេជោ ហ៊ុន សែន អញ្ជើញ​ជា​អធិបតីភាព​ក្នុង​ពិធី​បើក​សន្និសីទ ជន​មាន​ពិការភាព ប្រចាំ​តំបន់​អាស៊ី និង​ប៉ាស៊ីហ្វិក លើក​ទី​៥
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

នៅ​ព្រឹក​ថ្ងៃ​ពុធ​ទី​១៥ ខែ​មីនា ឆ្នាំ ២០២៣ នេះ សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់​នៅក្នុង​ពិធី​បើក​សន្និសីទ ជន​មាន​ពិការភាព ប្រចាំ​តំបន់​អាស៊ី និង​អ​ប៉ាស៊ីហ្វិក​លើក​ទី​៥ នៅ​សណ្ឋាគារ​សុខា រ៉េស៊ីដង់ ភ្នំពេញ ។​

​សន្និសីទ​នេះ មាន​ការអញ្ជើញ​ចូលរួម​ពី​ប្រតិភូ​តំណាង​ប្រទេស​ដៃគូ​អភិវឌ្ឍន៍ អង្គការ​សង្គម​ស៊ីវិល អង្គការ​តំណាង​ជន​មាន​ពិការភាព និង​បងប្អូន​ជន​មាន​ពិការភាព​ដែល​បាន​អញ្ជើញ​មកពី​បណ្ដា​ប្រទេស​ក្នុង​តំបន់​អាស៊ី និង​ប៉ាស៊ីហ្វិក​។ សន្និសីទ​ជន​មាន​ពិការភាព​ប្រចាំ​តំបន់​អាស៊ី និង​ប៉ាស៊ីហ្វិក​លើក​ទី​៥ នេះ ស្ដីពី​ការអភិវឌ្ឍ​សហគមន៍​តាម​បែប​បរិយាប័​ន្ន ត្រូវបាន​រៀបចំ​ឡើង​ក្រោម​ប្រធានបទ “​ការពង្រឹង​ភាព​អង់អាច​ផ្នែក​សង្គម និង​សេដ្ឋកិច្ច​របស់​ជន​មាន​ពិការភាព ក្នុងអំឡុង និង​ក្រោយ​ការ​រាតត្បាត​នៃ​ជំងឺ​កូវី​ដ​-១៩ តាមរយៈ “​ការអភិវឌ្ឍ​សហគមន៍​តាម​បែប​បរិ​យាប​ន្ន​”​។

​សម្តេច​តេជោ ហ៊ុន សែន សូម​អំពាវនាវ​ដល់​ស​ហគ​មន៍​ជាតិ និង អន្តរជាតិ សូម​បន្ត​រួម​គ្នា​អនុវត្ត​គោលដៅ​អភិវឌ្ឍន៍​ប្រកបដោយ​ចីរភាព ស្តី​ពី​ជន​មាន​ពិការភាព អនុសញ្ញា​ស្តីពី​សិទ្ធិ​ជន​មាន​-​ពិការភាព​របស់​អង្គការសហប្រជាជាតិ និង​យុទ្ធសាស្ត្រ​ទីក្រុង អ៊ី​ន​ឈុន ដើម្បី​ផ្តល់​សិទ្ធិ​ពិតប្រាកដ​ដល់​ជន​មាន​ពិការភាព​។ សម្តេច​តេ​ជោបាន​មានប្រ​សាសន៍ថា បច្ចុប្បន្ន​បញ្ហា​ប្រឈម​ផ្នែក​សុខភាព​សាធារណៈ សេដ្ឋកិច្ច សង្គម និង​ភូមិសាស្ត្រ​នយោបាយ​បាន និង​កំពុង​ប៉ះពាល់​យ៉ាងធ្ងន់ធ្ងរ​ដល់​ជីវភាព​របស់​ប្រជាជន​ទូទៅ ជា​ពិសេស​ជន​មាន​-​ពិការភាព និង​ជន​ងាយ​រងគ្រោះ​ដទៃទៀត​។​

​សម្តេច​តេ​ជោបាន​មានប្រ​សាសន៍​បន្ត​ថា វិបត្តិ​នៃ​ការរីក​រាលដាល​ជំងឺ​កូវី​ដ​-១៩ ពុំទាន់​បាន​បិទ​បញ្ចប់​ទាំងស្រុង​មាន​ការលេចចេញ​នូវ​ការ ប្រណាំងប្រជែង​របស់​ម​ហា​អំណាច​ធ្វើឱ្យប៉ះពាល់​ដល់​សណ្តាប់ធ្នាប់​ពិភពលោក ដោយ​បាន​បំផ្លាញ​យ៉ាងធ្ងន់ធ្ងរ​នូវ​ធម្មាធិបតេយ្យ​និយម​របស់​អន្តរជាតិ ដែល​ត្រូវបាន​ទទួលស្គាល់​ជា​សកល​។ ដើម្បី​ដោះស្រាយ​បញ្ហា​ប្រឈម​ជា​សកល​នេះ ការគោរព​គ្នា និង​ការជឿទុកចិត្ត​គ្នា​ទៅវិញទៅមក ការគោរព​ធម្មនុញ្ញ និង​គោលការណ៍​អង្គការសហប្រជាជាតិ ព្រមទាំង​ការលើកកម្ពស់​ការអនុវត្ត​យន្តការ​អន្តរជាតិ គឺជា​ដំណោះស្រាយ​ដ៏​មាន​ប្រសិទ្ធភាព ។

​សម្តេច​តេជោ មានប្រសាសន៍ថា ចំពោះ​បញ្ហា​សង្គ្រាម កម្ពុជា​មាន​បទពិសោធន៍​ជូរចត់​គ្រប់គ្រាន់​ដែល​អាច​ចងក្រង​ជា​ប្រវត្តិសាស្ត្រ ហើយ​ជា​ការពិត «​សង្គ្រាម​មិន​អាច​បញ្ចប់​ដោយ​សង្គ្រាម​បាន​ឡើយ​»​។ ក្នុងន័យ​នេះ​មាន​តែ​ការដោះស្រាយ​ជម្លោះ​ដោយ​សន្តិវិធី តាមរយៈ​ការសន្ទនា ការចរចា និង​ការពិគ្រោះ​យោបល់​តែប៉ុណ្ណោះ ទើប​អាច​សម្រេចបាន​នូវ​សុខសន្តិភាព​ប្រកបដោយ​ចីរភាព​។​

​ដើម្បី​រួមចំណែក​ដល់​ការលើកកម្ពស់​ជន​មាន​ពិការភាព ប្រកប​ដោយ​បរិយាប័​ន្នក្នុង​សហគមន៍ និង​ក្នុង​ដំណើរការ អភិវឌ្ឍ​សង្គម​-​សេដ្ឋកិច្ច​ឱ្យ​បាន​ច្រើន​ជា​អតិបរមា សម្តេច​តេជោ ហ៊ុន សែន សូម​លើក​ទឹកចិត្ត និង​ផ្តល់​នូវ​ទស្សនៈ​ចំនួន​៤ ដូចខាងក្រោម​៖

​ទី​១៖ គ្រប់​កិច្ច​អភិវឌ្ឍ រួម​មាន​សកម្មភាព​សង្គម សេដ្ឋកិច្ច​នយោបាយ និង​វប្បធម៌​ត្រូវ​លើកទឹកចិត្ត និង​លើកកម្ពស់​ឱ្យ មាន​ការចូលរួម​ជា​អតិបរមា​របស់​ជន​មាន​ពិការភាព​នៅ​កម្រិត​សហគមន៍​ឱ្យបាន​ទូលំទូលាយ ដើម្បី​សម្រេចបាន​នូវ​ការអភិវឌ្ឍ ប្រកប​ដោយ​បរិយាប័​ន្ន ទាំង​ទិដ្ឋភាព និង​តួអង្គ​នៃ​ការអភិវឌ្ឍ ។

​ទី​២៖ ការបង្កើន​កិច្ចសហការ​រវាង​ប្រជាជន រដ្ឋាភិបាល ដៃគូ​អភិវឌ្ឍ និង​សង្គម​ស៊ីវិល​ត្រូវ​បាន​លើកទឹកចិត្ត សំដៅ​ចែករំលែក​បទពិសោធ ផ្លាស់ប្តូរ​បច្ចេកវិទ្យា​ព័ត៌មាន និងឧ​ត្ត​មានុ​វត្តន៍ ជាក់ស្តែង ជាពិសេស​មតិយោបល់​ល្អៗ​នៃ​កិច្ច​ពិភាគ្សា​គ្នា​ក្នុង រយៈពេល ៣ ថ្ងៃ នៃ​សន្និសីទ​នេះ សម្រាប់​ជា​ធាតុ​ចូលដល់​ការ សម្រួច​បន្ថែម​លើ​ផែនការ​អភិវឌ្ឍ​វិស័យ​ពិការភាព​នៅ​កម្រិត សហគមន៍​ឱ្យ​បាន​កាន់តែ​ស៊ីជម្រៅ ។​

​ទី​៣៖ សូម​លើក​ទឹកចិត្ត​ឱ្យ​បង្កើន​កិច្ច​សហការ​រៀបចំ ការបណ្តុះបណ្តាល​ជំនាញ​ពិសេស និង​ប្រើប្រាស់​បច្ចេកទេស សមស្រប​សម្រាប់​ការសិក្សា​របស់​ជន​មាន​ពិការភាព ដើម្បី​លើកកម្ពស់​សមត្ថភាព និង​លទ្ធភាព​ទទួលបាន​ការ​ងារ​ធ្វើ​ជាមួយ បៀវត្ស​ខ្ពស់ ក៏​ដូចជា​ធ្វើឱ្យ​ជន​មាន​ពិការភាព​អាច​ចូលរួម​កាន់ តែ​ច្រើន ពេញលេញ និង​ស្មើ​សិទ្ធិ​ក្នុង​ទីផ្សារការងារ ទាំង​ក្នុង​វិស័យ​ឯកជន និង​វិស័យ​សាធារណៈ ។​

​ទី​៤៖ សូម​លើក​ទឹកចិត្ត​ឱ្យ​បន្ត​ពង្រឹង​អនុវត្ត និង​ពង្រីក​ការអភិវឌ្ឍ​សហគមន៍​ប្រកប​ដោយ​បរិយាប័​ន្ន មាន​ប្រសិទ្ធភាព និង​ទូលំទូលាយ និង​សូម​អំពាវនាវ​ឱ្យមាន​ការចូលរួម​ជាមួយ​គ្នា ក្នុង​ស្មារតី​ជវភាព​នៃ​ប្រព័ន្ធ​តួអង្គ​តែមួយ ក្នុង​ការអនុវត្ត​សេចក្តី​-​ថ្លែងការណ៍​ហ្សា​កាតា​ស្តីពី​ទសវត្សរ៍​ជន​មាន​ពិការភាព​ប្រចាំ​តំបន់​អាស៊ី និង​ប៉ាស៊ីហ្វិក ឆ្នាំ ២០២៣-២០៣២ ដើម្បី​ជា​គុណ ប្រយោជន៍​ដល់​ជន​មាន​ពិការភាព ទាំង​ក្នុងប្រទេស​តំបន់ និង​សកល​៕

Filed in: ព័ត៌មានជាតិ