​ឧបករណ៍​នេសាទ​ល្មើស​ច្បាប់​នៅ​រដូវ​បិទ​នេសាទ​បាន​និង​កំពុង​បង្ហាញ​វត្តមាន នៅ​ស្រុក​ជល​គី​រី​

កំពង់ឆ្នាំង ៖ សព្វថ្ងៃរ​បាំង​លប​ណ​រ៉ាវ សាច់​អួន​ក្រឡា​ញឹក សាច់​ក្រហម របាំង​ធ្នួស​កាត់ពោះ​ព្រែក​នៅ​ចំណុច​ព្រែក​តា​សួស ព្រែក​សំពៅ សំ​ពាក់ វាល​សំណាប មេទឹក​ពាម​ឆ្កោក​ទល់មុខ​វត្ត​ពាម​ឆ្កោក ចំណុច​បឹង ខ្វែង​ឆ្លុៈ បឹង​កណ្ដឹង ចំណុច​ជុំវិញ​ទួល​កប់​ចេះ នឹង​ក្នុង​តំបន់​អភិរក្ស​បឹង​ប្រា​និង​តំបន់​ច្រើន​កន្លែង​ទៀត​ក្នុង​អតីត ឡូត៍​លេខ​១០​អា​ពាម​ឆ្កោក​បាន​កើតឡើង​ព្រោងព្រាត ។  នេះ​បើ​តាម​សេចក្ដីរាយការណ៍​ព័ត៌មាន​ពី​ប្រជា​នេសាទ​នៅ​ស្រុក​ជល​គី​រី ។​

​ប្រជាពលរដ្ឋ​និយាយថា ៖​ឧបករណ៍​ទាំងនេះ​គឺ​ឈ្មួញ​ជា​អ្នក​ជួយ​លុយ​ទិញ សម្ភារៈ​ឧបករណ៍​សាច់​អ៊ូ​ន​គ្រប់​ប្រភេទ​រាប់​ម៉ឺន​ដុល្លារ​អាមេរិក​និង រត់ការ​បង់លុយ​អោយ​មន្ត្រី​ជំនាញ​និង​អាជ្ញាធរ​ស្រុក ប៉ូលិស សហគមន៍​នេសាទ​ជាពិសេស​លោក នាយខ័​ណ្ឌ​ជលផល​ខេត្ត សោម ភិរុណ ដែល​ត្រូវ​បង​ធ​ម៏​របស់​មេ​ឈ្មួញ​យួន​ម្នាក់​ដែល​ម៉ៅ​ការផ្ដាច់​នៅ​ឃុំ​ពាម ឆ្កោក ឈ្មោះ​វៀង យាំង​បូ និង​ង្វៀង យាំង​ដូយ សូម្បី​បងប្អូន​ខ្មែរ​នៅក្នុង​តំបន់​ខាងលើ​ក៍​មិន​អាច​ចូល​ទិញ​ត្រី​ក្នុង តំបន់​នោះ​បាន​ដែរ​។​

​ពាក់ព័ន្ធ​ករណី​នេះ​មាន​សេចក្តីរាយការណ៍​ថា ​៖ ​លោក​មេ​ខ័ណ្ឌ​ប្រចាំខេត្ត​គាត់​លេងល្បិច​កន្ទេល​ធំ​បន្លំ​ដេក ក្បាលទំពែក​បន្លំ​អេះ​ដោយ​បាន​ធ្វើ​របាយការណ៍​កុហក​ចៅហ្វាយខេត្ត​កំពង់ឆ្នាំង លោ​កឈួរ ច័ន្ទ​ ​ឌឿ​ន​ថា​៖ មូលហេតុ​ដែល​មាន​ការ សរសេរព័​តិមាន​ចុះផ្សា​យ​នោះ ព្រោះ​កន្លងមក​ឮ​មាន​អ្នកកាសែត​នោះ​ទៅ​ទារលុយ ពី​ឈ្មោះ បូ នោះ​ច្រើន​ពេក ដល់​គេ​មិន អោយ​លុយ​ទើបបាន​ជា​ចុះផ្សាយ​បំផ្លើស​ពីរ​ការពិត​បែបនេះ​។​

​ការរាយការណ៍​របស់​លោក​សោម ភិរុណ បើ​ចឹង​មែន​នោះ​សរបញ្ជាក់​កាន់តែ​ច្បាស់​ថា​៖​លោក​បាន​ឃុបឃិត​ស៊ីលុយ ពុករលួយ ជាមួយនឹង​មេ​ឈ្មួញ​កាង​បទល្មើស​នេសាទ​ឈ្មោះ វៀង យ៉ាំង​បូ រស់នៅ​ភូមិ​ចុង​កោះ ឃុំ​ផ្សារឆ្នាំង ក្រុង​កំពង់ឆ្នាំង​មិន​ថា​រដូវ​បិទ​ឬ​រដូវ​បើក​នេសាទ​នោះទេ​។ នេះ​គ្រានតែ​ជា​ល្បិច ស្វា​ស៊ី​បាយ រួច​យក​មក​លាប​មាត់​ពពែ​ន​ឬក៏​អាចនិយាយបាន​ថា បៀម​ឈាម​ព្រោះ​ដាក់​គេឯង តែប៉ុណ្ណោះ ។ ព្រោះ ការ​ចោទ​មក​លើ​ក្រុម​អ្នក​សារព័ត៏មាន​នេះ​វា​ជា​លេស​របស់លោក​នាយខ័​ណ្ឌ ជលផល​តែប៉ុណ្ណោះ​។​តាមពិត​អ្នកសារព័ត៌មាន​គ្រាន់តែ ជា​សំរាម​ដែល​តែងតែ​ហុយ​ចូល​ភ្នែក​មន្ត្រី​ខិលខូច មួយចំនួន​ប៉ុណ្ណោះ ។​

​ប្រជាពលរដ្ឋ​បាន​សំណូមពរ​សូម​ឯកឧត្តម​ឈួ​រ ច័ន្ឌ​ឌឿ​ន​ភិបាល​ខេត្ត​កំពង់ឆ្នាំង​មេត្តា​មាន​វិធានការ​ដាក់​ការអង្កេត ស្រាវជ្រាវ​អោយ​បាន​តឹងរឹង​និង​មាន​ប្រសិទ្ធិភាព​បំផុត​ទៅ​មើល​កុំ​អោយ​ជឿ តាម​តែ​របាយការណ៍រ​បស់​មន្ត្រី​ថ្នាក់ក្រោម​ពេក ៕

 

20160708cc1 (1) 20160708cc1 (2)

Filed in: ខេត្តកំពង់ឆ្នាំង, ព័ត៌មាន ដែលគួរចាប់អារម្មណ៍, ព័ត៌មានសំខាន់

Recent Posts

Bookmark and Promote!

© 7607 ឆន្ទៈខ្មែរ | Chhantak Khmer News. All rights reserved. XHTML / CSS Valid.