កោះកុង ៖ នាយប់ថ្ងៃទី ៣១ ខែមីនា ឆ្នាំ២០១៦ វេលាម៉ោង ៧ៈ៣០នាទី ទូកនេសាទល្មើសច្បាប់បួនគ្រឿង BE បានលួចនេ សាទមងហោះនៅចំណុចចុងពយតាបែន ដែលជាតំបន់ហាមឃាត់ ពីព្រោះមងហោះជាឧបករណ៍សាហាវបំផុត ដែលបំផ្លាញ មច្ឆជាតិដែលច្បាប់ជលផលហាមដាច់ខាត តែជនល្មើសបួនទូក BE នេះបានប្រព្រឹត្តទាំងបំពានច្បាប់ជលផល ។ នៅពេល ដែលប្រធានសហគមន៍លោក អាង ទី និងលោកនាយសង្កាត់ជលផល ចាន់ សុភី ចុះទៅបង្ក្រាបជាមួយកម្លាំងជំនាញ និងជល ផល ស្រាប់តែពួកបទល្មើសទូក BE ធំៗនោះ បើកមកបំបុកទូកសមត្ថកិច្ចលិច ២ដង ដោយបានបាត់បង់សម្ភារៈជាច្រើនរួមមាន ទូរស័ព្ទដៃ ម៉ាក SAMSUNG ៦គ្រឿង ។
ក្នុងអំឡុងពេលនោះដែរ ទូកបទល្មើសបានបើកគេចខ្លួនបាត់ ប៉ុន្តែលោក អាង ទី ប្រធានសហគមន៍ឆ្នេរសមុទ្រកោះ ខ្យង និងលោក ចាន់ សុភី ប្រធានសង្កាត់ជលផលស្រុកស្រែអំពិល ព្រមទាំងសហការីទាំងអស់ នឹងខំប្រឹងប្រែងតាមប្រម៉ាញ់ ទូកនេសាទខុសច្បាប់នេះ ឱ្យទាល់តែបានសម្រេច ។ សូមបញ្ជាក់ថា លោក អាង ទី និងលោក ចាន់ សុភី ធ្លាប់មានស្នាដៃ ជាច្រើនឆ្នាំមកហើយដែរ ដោយការចង្អុលបង្ហាញពី ឯកឧត្តម អភិបាលខេត្ត និងឯកឧត្តម អេង ជាសាន ប្រតិភូរាជរដ្ឋាភិបាល ទទួលបន្ទុកផ្នែកជលផល ៕
ដោយ ៖ សារ៉េត
