ទាន់ហេតុការណ៍
ក្រុមការងារ​អាវុធហត្ថ​រាជធានី​ភ្នំពេញ នាំយក​អំណោយ​សួរសុខទុក្ខ​គ្រួសារ​លោក​អនុសេនីយ៍ឯក ហ៊ុន ឡា ជំនួយការ​អាវុធហត្ថ​ខណ្ឌដូនពេញ ដែល​ជួប​ទុក្ខលំបាក​ដោយសារ​អគ្គីភ័យ​ឆាបឆេះ​គេហដ្ឋាន​ ==> បង្ក្រាប​ករណី​ដឹកជញ្ជូន​គ្រឿងញៀន​ជាង ៩០០ គី​ឡូ និង​ចាប់​ជនជាតិ ៥ នាក់​ ==> ​ពលរដ្ឋ​ចំនួន​៤​នាក់ ត្រូវបាន​ឃាត់ខ្លួន​ពាក់ព័ន្ធ និង​រស់នៅ​លើ​ដី​ស្របច្បាប់ ! ==> សម្ដេច​តេជោ ហ៊ុន សែន បញ្ជា​អោយ​បញ្ឍប់​ការ​ផ្ដាច់មុខ​ផ្ដល់​សេវា​ទូរស័ព្ទ និង​អ៉ិន​ធើ​ណែត នៅក្នុង​បុរី ==> អាវុធហត្ថ​ឃាត់ខ្លួន​មន្ត្រី​កងរាជអាវុធហត្ថ​ខេត្ត​កំពង់ធំ​២​នាក់ ក្រោយ​បង្ក្រាប​ករណី​ជល់​មាន់​តាម​អន​ឡាញ បណ្ដាល​ឱ្យ​បុរស​ម្នាក់​ស្លាប់ និង​ធ្វើ​សន្និសីទ​សារព័ត៌មាន នៅ​ព្រឹក​វេលា​ម៉ោង​៩៖០០ នាទី ថ្ងៃទី​១៧ ខែ​សីហា​ ==> លោក​ឧត្តមសេនីយ៍ត្រី បោន​ប៊ិន​បញ្ជាការ ទទួល​បាន​ម៉ូតូ​ចំនួន​៥​គ្រឿង ពី​សប្បុរសជន​ដើម្បី​បម្រើការ​ក្នុង​អង្គភាព​.​កងរាជអាវុធហត្ថ​ខេត្ត​បន្ទាយមានជ័យ​..!!! ==> លោកជំទាវ​បណ្ឌិត បាន ស្រីមុំ និង ឯកឧត្តម គង់ ដួង អញ្ជើញ​ចូលរួម​សិក្ខាសាលា​ស្តីពី « ការចែករំលែក និង​ការផ្លាស់ប្តូរ​បទពិសោធ​លើ​ការងារ​ព័ត៌មាន និង​ការផ្សព្វផ្សាយ​មហាជន នៅក្នុង​បរិបទ​ឌីជីថល » ក្រោម​អធិបតីភាព​សម្តេច​វិបុល​សេនា​ភក្តី សាយ ឈុំ និង​លោកជំទាវ​កិត្តិ​សង្គហ​បណ្ឌិត ម៉ែន សំអន អនុប្រធាន​គណបក្ស​ប្រជាជន​កម្ពុជា​ ==> អភិបាលខេត្ត​មណ្ឌលគិរី ចុះ​ពិនិត្យ​មើល​ស្ថានភាព​ទឹក​ទន្លេស្រែពក និង​ពិនិត្យ​ហេដ្ឋារចនាសម្ព័ន្ធ ដែល​រង​ការខូចខាត​ដោយ​ជំនន់​ទឹកភ្លៀង នៅ​ស្រុក​កោះ​ញែក​ ==> លោក ព្រហ្ម យ៉​ន នាំយក​អំណោយ​ឯកឧត្តម ឧត្តមសេនីយ៍ឯក ស ថេត ប្រគល់ជូន​លោក​អនុសេនីយ៍ឯក អ៊ុក ប៊ុណ្ណា ==> លោក នួន សុខុម ដឹកនាំ​កម្លាំង​ចុះបង្ក្រាប​ក្រុម​រថយន្តដឹក​ឈើ​បាន​ចំនួន​3​គ្រឿង !

​សាលាដំបូង​ខេត្តកំពង់ធំ សម្រេច​ឲ្យ​លោក ឌុ​ក សារ៉ុម នៅ​ក្រៅ​ឃុំ​បណ្ដោះអាសន្ន​

​សាលាដំបូង​ខេត្តកំពង់ធំ សម្រេច​ឲ្យ​លោក ឌុ​ក សារ៉ុម នៅ​ក្រៅ​ឃុំ​បណ្ដោះអាសន្ន​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

ថ្ងៃទី​២២ ខែមិថុនា ឆ្នាំ​២០២២​នេះ លោក សុខ ឧត្តម ចៅក្រម​សាលាដំបូង​ខេត្ត​កំពង់ធំ បាន​ចេញ​សាលក្រម​សម្រេច​ឲ្យ​បេក្ខជន​មេឃុំ​ចំណា​លើ ស្រុក​ស្ទោង មកពី​គណបក្ស​ភ្លើងទៀន នៅ​ក្រៅ​ឃុំ​បណ្ដោះអាសន្ន បន្ទាប់ពី​ចាប់ខ្លួន​កាលពី​ថ្ងៃ​ទី​២១ ខែ​មិថុនា​ម្សិលមិញ ពាក់ព័ន្ធ​បទល្មើស​ប្លន់ កាលពី​២០​ឆ្នាំមុន​។​

​ក្នុង​សាលក្រម​បានបញ្ជាក់​ថា «​មិន​ឃុំខ្លួន​ជា​បណ្តោះអាសន្ន​លើ​ជនជាប់ចោទ​ឈ្មោះ ឌុ​ក សារ៉ុម ហៅ ញឹម សារ៉ុម ហៅ ឌុប វ៉ាន់ ហៅ ឌុប រ៉ុម ភេទ​ប្រុស កើត​នៅ​ថ្ងៃទី​០១ ខែ​កញ្ញា ឆ្នាំ​១៩៧០ សញ្ជាតិ​ខ្មែរ (​សវ​តា​ជាតិ​ខាងលើ​) ពី​បទ​អំពើ​ប្លន់ ប្រព្រឹត្ត​នៅ​ភូមិ​ត្រពាំង​ជ័រ ឃុំ​ចំណា​រលើ ស្រុក​ស្ទោង ខេត្ត​កំពង់ធំ កាលពី​ថ្ងៃ​ទី​៣១ ខែតុលា ឆ្នាំ​២០០២ តាម​មាត្រា​៦ នៃ ច្បាប់​ស្តីពី​ស្ថាន​ទម្ងន់​ទោស នៃ​បទឧក្រិដ្ឋ​។ សាលក្រម​នេះ​ជំនុំជម្រះ​ជា​សាធារណៈ នៅ​ថ្ងៃ​ទី​២២ ខែមិថុនា ឆ្នាំ​២០២២ ចំពោះ​មុខ​ជនជាប់ចោទ​ទុក​សិទ្ធិ​ប្តឹង​ឧទ្ធរណ៍​ក្នុង​កំណត់​ច្បាប់​»​។​

​ជាមួយគ្នានេះ តំណាង​អយ្យការ​អម​សាលាដំបូង​ខេត្ត​កំពង់ធំ ក៏​បាន​ចេញ​សេចក្ដីថ្លែងការណ៍​មួយទៀត​ផងដែរ ពាក់ព័ន្ធ​នីតិវិធី​នៃ​សវនាការ និង​ការចាប់ខ្លួន​លោក ញឹម សារ៉ុម ដែល​ជា​មេឃុំ​ទើប​ជាប់​ឆ្នោត តាម​ដីកា​បង្គាប់​ឲ្យ ចាប់ខ្លួន​លេខ ១៣៣ ដ​.​ច​/២០១២ ចុះ​ថ្ងៃ​ទី​២១ ខែមិថុនា ឆ្នាំ​២០១២ របស់​សាលាដំបូង​ខេត្ត​កំពង់ធំ ពីបទ «​ប្លន់​»​។​អយ្យការ​អម​សាលាដំបូង​ខេត្តកំពង់ធំ សូម​ធ្វើការ​ជម្រាប​ជូន​សាធារណជន​នូវ​នីតិវិធី​ក្នុង​ការអនុវត្ត​ផ្លូវច្បាប់​ពាក់ព័ន្ធ​លើ ឈ្មោះ ញឹម សារ៉ុម ហៅ ឌុ​ក សារ៉ុម ហៅ ឌុប រ៉ុម ភេទ​ប្រុស អាយុ​៥២​ឆ្នាំ ដូចខាងក្រោម​៖
១៖ ឈោះ្ម ញឹម សារ៉ុម ហៅ ឌុ​ក សារ៉ុម ហៅ ឌុប រ៉ុម ភេទ​ប្រុស អាយុ​៥២​ឆ្នាំ ត្រូវបាន​ចោទប្រកាន់​ពីបទ «​ប្លន់​» និង ផ្តន្ទាទោស​តាម​រយៈ​សាលក្រម​កំបាំងមុខ លេខ ០៧ «​ង​» ចុះ​ថ្ងៃ​ទី​២១ ខែកក្កដា ឆ្នាំ​២០១៤ របស់​សាលាដំបូង​ខេត្ត​កំពង់ធំ ដោយ​ដាក់​ពន្ធនាគារ​កំណត់ ០៥ (​ប្រាំ​) ឆ្នាំ ពីបទ «​ប្លន់​» និង​បាន​សម្រេច​ចេញ​ដីកា​បង្គាប់​ឲ្យ​ចាប់ខ្លួន​លើ ឈ្មោះ ញឹម សារ៉ុម ហៅ ឌុ​ក សារ៉ុម ហៅ ឌុប រ៉ុម ភេទ​ប្រុស អាយុ​៥២​ឆ្នាំ ខណៈ​ដែល​ឈ្មោះ ញឹម សារ៉ុម ហៅ ឌុ​ក សារ៉ុម ហៅ ឌុប រ៉ុម ភេទ​ប្រុស អាយុ​៥២​ឆ្នាំ អវត្តមាន​នៅ​គ្រប់​ដំណាក់កាល​នៃ​កិច្ច​នីតិវិធី​របស់​តុលាការ​នា​ពេល​មក​។​
២៖ ថ្ងៃទី​២១ ខែមិថុនា ឆ្នាំ​២០២២ កម្លាំង​នៃ​ស្នងការដ្ឋាន​នគរបាល​ខេត្ត​កំពង់ធំ​បាន​អនុវត្ត​ដីកា​បង្គាប់​ឲ្យ​ចាប់ខ្លួន​លេខ ១៣៣ ដ​.​ច​/២០១២ ចុះ​ថ្ងៃ​ទី​២១ ខែមិថុនា ឆ្នាំ​២០១២ របស់​សាលាដំបូង​ខេត្ត​កំពង់ធំ លើ​ឈ្មោះ ញឹម សារ៉ុម ហៅ ឌុ​ក សារ៉ុម ហៅ ឌុប រ៉ុម ភេទ​ប្រុស អាយុ​៥២​ឆ្នាំ និង ត្រូវបាន​យក​មក​បង្ហាញខ្លួន​នៅ​ចំពោះមុខ​តំណាង​អយ្យការ​អម​សាលាដំបូង​ខេត្ត​កំពង់ធំ ដើម្បី​ធ្វើការ​ជូនដំណឹង​អំពី​សាលក្រម​កំបាំងមុខ លេខ ០៧ «​ង​» ចុះ​ថ្ងៃ​ទី​២១ ខែកក្កដា ឆ្នាំ​២០១៤ របស់​សាលាដំបូង​ខេត្ត​កំពង់ធំ ស្រប​តាម​នីតិវិធី​ច្បាប់​។​
៣៖ នៅ​ចំពោះមុខ​តំណាង​អយ្យការ​អម​សាលាដំបូង​ខេត្ត​កំពង់ធំ ឈ្មោះ ញឹម សារ៉ុម ហៅ ឌុ​ក សារ៉ុម ហៅ ឌុប រ៉ុម ភេទ​ប្រុស អាយុ​៥២​ឆ្នាំ បាន​ធ្វើ​ការសុំ​ប្តឹង​ទាស់​នឹង​សាលក្រម​កំបាំងមុខ លេខ ០៧ «​ង​» ចុះ​ថ្ងៃ​ទី​២១ ខែកក្កដា ឆ្នាំ​២០១៤ របស់​សាលាដំបូង​ខេត្ត​កំពង់ធំ និង ស្នើសុំ​នៅក្រៅ​ឃុំ​ជា​បណ្ដោះអាសន្ន​។​
៤៖ ថ្ងៃទី​២២ ខែមិថុនា ឆ្នាំ​២០២២ សាលាដំបូង​ខេត្តកំពង់ធំ បាន​បើក​សវនាការ​ជា​សាធារណៈ​ដើម្បី​ជំនុំជម្រះ មុន​អង្គសេចក្តី​លើ​ការស្នើសុំ​នៅ​ក្រៅ​ឃុំ​ជា​បណ្ដោះអាសន្ន​របស់ ឈ្មោះ ញឹម សារ៉ុម ហៅ ឌុ​ក សារ៉ុម ហៅ ឌុប រ៉ុម ភេទ​ប្រុស អាយុ​៥២​ឆ្នាំ ហើយ​សាលាដំបូង​ខេត្ត​កំពង់ធំ បានសម្រេច​ឲ្យឈ្មោះ ញឹម សារ៉ុម ហៅ ឌុប សារ៉ុម ហៅ ឌុប រ៉ុម នៅ​ក្រៅ​ឃុំ​ជា​បណ្ដោះអាសន្ន​៕

Filed in: ព័ត៌មានជាតិ

Bookmark and Promote!

© 2022 ឆន្ទៈខ្មែរ | Chhantak Khmer News. All rights reserved. XHTML / CSS Valid.