ប៉ៃលិន ៖ លោកជំទាវ បានស្រីមុំ អភិបាលខេត្តប៉ៃលិន រួមជាមួយលោកសេង គឹមឡាក់ ព្រះរាជអាជ្ញាអមសាលាដំបូងខេត្តប៉ៃលិននិងក្រុមការងារ នារសៀលថ្ងៃទី២១ ខែមិថុនា ឆ្នាំ២០២២ បានផ្តល់ម៉ូតូអគ្គីសនីមួយគ្រឿងតំលៃជិត៨០០ដុល្លា ជូនដល់លោក ប្រុស ទូចវណ្ណា រស់នៅឃុំស្ទឹងកាច់ ស្រុកសាលាក្រៅ ដែលជាជនពិការ ដើម្បីជួយសម្រួលទុក្ខលំបាកក្នុងការធ្វើដំណើរចល័ត ប្រកបមុខរបរចិញ្ចឹមជីវិតប្រចាំថ្ងៃ ។
ជាមួយគ្នា លោក ទូច វណ្ណា បានរីករាយសប្បាយចិត្ត និងបានថ្លែងអំណរគុណយ៉ាងជ្រាលជ្រៅ ដល់លោកជំទាវអភិបាលខេត្តប៉ៃលិន និងក្រុមការងារដែលបានផ្តល់ម៉ូតូអគ្គីសនីនេះ។ លោក ទូច វណ្ណា ជាបុរសពិការជើងម្នាក់ក្រីក្រ ជិះរទេះប្រើដៃធាកើ ដើររើសអេតចាយតាមថ្នល់មើលទៅគួរឲ្យអាណិត ។
លោកក៏សូមបួងសួងដល់វត្ថុសាកសិទ្ធក្នុងលោកពិសេសលោកយាយយ៉ាត សូមជួយថែរក្សាលោកជំទាវ និងក្រុមគ្រួសារមានសុខភាពល្អអាយុយឺនយូរ ជោគជ័យគ្រប់ភារកិច្ច ៕
