ទាន់ហេតុការណ៍
រដ្ឋមន្ត្រីក្រសួង​ការងារ ឯកឧត្តម ហេង ៖ក្រសួងសួរ​ស្វាគមន៍​រាល់​កិច្ច​សហប្រតិបត្តិការ​ជាមួយ​គ្រប់​ដៃគូ​ពាក់ព័ន្ធ ជា​ពិសេស​សហជីព ដើម្បី​ផ្លាស់​ប្តូរ​បទ​ពិសោធន៍ ចំណេះដឹង មតិយោបល់ និង​ស្វែងរក​ដំណោះស្រាយ​ទាន់​ពេលវេលា==>រថយន្តក្រុង​រាជធានី​ភ្នំពេញ City Bus ដំណើការដឹកជញ្ជូនអ្នកដំណើរពី​អាកាសយានដ្ឋាន​អន្តរជាតិ​តេ​ជោ==>លោក គួ​ច ចំរើន អភិបាល ខេត្តកណ្តាល ​ដឹកនាំ​កិច្ចប្រជុំ​សម្រួល​ចរាចរណ៍ សណ្ដាប់ធ្នាប់ និង​របៀបរៀបរយ ក្នុង​អាកាសយានដ្ឋាន​តេ​ជោ​==>រដ្ឋមន្រ្តីក្រសួងសុខាភិបាល៖ប្រធាន និងថ្នាក់ដឹកនាំអង្គភាព ជាគំរូបម្រើផលប្រយោជន៍ ជូនសហភាតរៈក្នុងវិជ្ជាជីវៈ==>អ្នកសង្កេតការណ៍អន្តរកាល (IOT) ដែលមានប្រទេសចំនួន៧ ដឹកនាំដោយអនុព័ន្ធយោធាម៉ាឡេស៊ី ប្រចាំកម្ពុជាដាក់ទីស្នាក់ការនៅ ក្រុងសិរីសោភ័ណ ខេត្តបន្ទាយមានជ័យ==>លោកស្រី ម៉ាលី សុជាតា អ្នកនាំពាក្យការពារជាតិ ៖ ថៃពង្រាយគ្រាប់បែក ចង្កោមលើភ្នំខ្មោច ជាការបំពានយ៉ាងធ្ងន់ធ្ងរ លើច្បាប់អន្តរជាតិ==>ឯកឧត្តមឧបនាយករដ្ឋមន្ត្រី ស៊ុន ចាន់ថុល៖ គម្រោងព្រែកជីកហ្វូណនតេជោ គឺ ដំណើរការទៅមុខជាធម្មតា មិនថយក្រោយឡើយ ទោះបីកម្ពុជាមានជម្លោះព្រំដែនជាមួយថៃ==>រដ្ឋបាលខេត្តព្រះវិហារ កំពុងជម្លៀសពលរដ្ឋ​ មកកន្លែងសុវត្ថិភាព==>ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន

ឯកឧត្តម​សន្តិ​បណ្ឌិត នេ​ត សាវឿន អះអាងថា ភាពរឹងមាំ និង​ភាពខ្លាំង​របស់​គណបក្ស​ប្រជាជន​កម្ពុជា គ្មាន​អ្នកណា​ជំនួស​បាន​ឡើយ​

ឯកឧត្តម​សន្តិ​បណ្ឌិត នេ​ត សាវឿន អះអាងថា ភាពរឹងមាំ និង​ភាពខ្លាំង​របស់​គណបក្ស​ប្រជាជន​កម្ពុជា គ្មាន​អ្នកណា​ជំនួស​បាន​ឡើយ​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

​ព្រៃវែង​៖ ឯកឧត្តម​សន្តិ​បណ្ឌិត នេ​ត សាវឿន សមាជិក​គណៈ​អចិន្ត្រៃយ៍ គណៈកម្មាធិការ​កណ្តាល​គណបក្ស​ប្រជាជន​កម្ពុជា អនុប្រធាន​ទី​១ ក្រុមការងារ​គណបក្ស​ចុះ​មូលដ្ឋាន​ខេត្ត​ព្រៃវែង និង​ជា​ប្រធាន​ក្រុមការងារ​គណបក្ស​ចុះ​មូលដ្ឋាន ស្រុក​ស្វាយ​អន្ទរ និង​ស្រុក​កញ្ជ្រៀច នៅ​ព្រឹក​ថ្ងៃទី​១៨ ខែមិថុនា ឆ្នាំ​២០២២​នេះ បាន​អះអាង​ថា ភាពរឹងមាំ និង​ភាពខ្លាំង​របស់​គណបក្ស​ប្រជាជន​កម្ពុជា តាំងពីដើម មកទល់​ម៉ោង​នេះ និង​ទៅ​ថ្ងៃ​អនាគត គ្មាន​គណបក្ស​ណា​អាច​មក​ជំនួស​បាន​ឡើយ​។​

​ក្នុងឱកាស​ជួបជុំ​ជាមួយ​សមាជិក សមាជិកា​គណបក្ស​ប្រជាជន​កម្ពុជា ដើម្បី​អបអរសាទរ​ជ័យជម្នះ​ក្នុង​ការបោះឆ្នោត​ក្រុមប្រឹក្សា​ឃុំ​សង្កាត់ នៅ​ស្រុក​កញ្ជ្រៀច និង​ស្រុក​ស្វាយ​អន្ទរ តំណាង​សម្តេច​ក្រឡាហោម ស ខេង អនុប្រធាន​គណបក្ស​ប្រជាជន​កម្ពុជា និង​ជា​ប្រធាន​ក្រុមការងារ​គណបក្ស​ចុះ​មូលដ្ឋាន​ខេត្ត​ព្រៃវែង ឯកឧត្តម​សន្តិ​បណ្ឌិត នេ​ត សាវឿន បានបញ្ជាក់​ថា ជោគជ័យ​របស់​គណបក្ស​ប្រជាជន​កម្ពុជា គឺ​តំណាង​ឲ្យ​សន្ដិភាព ស្ថេរភាព​សង្គម ការអភិវឌ្ឍ​សេដ្ឋកិច្ច និង​ជីវភាព​របស់​ប្រជាជន​យ៉ង​ពិតប្រាកដ​។​

​សម្រាប់​មូលដ្ឋាន​ស្រុក​កញ្ជ្រៀច និង​ស្រុក​ស្វាយ​អន្ទរ ឯកឧត្តម​សន្តិ​បណ្ឌិត នេ​ត សាវឿន បានឲ្យដឹងថា ការបោះឆ្នោត​បាន​សម្រេច​នូវ​ជោគជ័យ​ធំៗ ចំនួន​៣​ចំណុច​រួមមាន​៖

*​ទី​១៖ ឃុំ​ទាំ​អស់​នៅ​ស្រុក​កញ្ជ្រៀច និង​ស្រុក​ស្វាយ​អន្ទរ មេឃុំ​បាន​មក​លើ​គណបក្ស​ប្រជាជន​កម្ពុជា​ទាំងអស់​
*​ទី​២៖ បាន​តម្លើង​អាសនៈ​នៅ​ស្រុក​ស្វាយ​អន្ទរ ចំនួន​១៩​បន្ថែម និង​នៅ​ស្រុក​កញ្ជ្រៀច តម្លើង​បាន​ចំនួន​១៤​បន្ថែមទៀត​
*​ទី​៣៖ ដំណើរការ​បោះឆ្នោត​អនុវត្ត​លទ្ធិប្រជាធិបតេយ្យ​នៅ​ថ្នាក់ជាតិ និង​ថ្នាក់​ក្រោម​ជាតិ បានល្អ​ជាទីបំផុត ក្នុងចំណោម​ប្រទេស​ប្រជាធិបតេយ្យ​នៅ​លើ​ពិភពលោក​។​

​ឯកឧត្តម​សន្តិ​បណ្ឌិត បាន​បន្ដទៀតថា ជោគជ័យ​៣​ធំៗ​នេះ គឺ​បាន​ឆ្លុះបញ្ចាំង​ឲ្យឃើញ​នូវ​បញ្ហា​ចំនួន​៣ មានដូចជា​៖

*​ទី​១៖ ភាពរឹងមាំ និង​ភាពខ្លាំង​របស់​គណបក្ស​ប្រជាជន​កម្ពុជា ដែល​តាំងពីដើម មកទល់​ម៉ោង​នេះ និង​ទៅ​អនាគត​គ្មាន​អ្នកណា​អាច​ជំនួស​បាន​ទេ​។ ភាពរឹងមាំ និង​ភាពខ្លាំង​របស់​គណបក្ស​ប្រជាជន​កម្ពុជា គឺ​ធានា​ស្ថេរភាព សុវត្ថិភាព សន្ដិសុខ​សង្គម និង​ធានា​អភិវឌ្ឍន៍​សេដ្ឋកិច្ច​សង្គម ជីវភាព​ប្រជាពលរដ្ឋ​
*​ទី​២៖ គោល​នយោបាយ​យ៉ាង​ត្រឹមត្រូវ​បំផុត ក្រោម​ការដឹកនាំ​ប្រកបដោយ​គតិបណ្ឌិត​របស់​សម្ដេច​តេ​ជោ ហ៊ុន សែន​
*​ទី​៣៖ សាមគ្គីភាព​រឹងមាំ​របស់​គណបក្ស​ប្រជាជ​ន​កម្ពុជា ដែល​សាមគ្គីភាព​មិនមែន​តែ​នៅក្នុង​បក្ស ពោល​សាមគ្គីភាព​ដល់​សង្គមជាតិ​ទាំងមូល​។​

​ឯកឧត្តម​សន្តិ​បណ្ឌិត នេ​ត សាវឿន បាន​ថ្លែងអំណរគុណ​ដល់​សម្ដេច​តេជោ ហ៊ុន សែន ដែល​ជា​និច្ច​ជា​កាល​តែងតែ​ដឹកនាំ​ប្រកបដោយ​គតិបណ្ឌិត ធ្វើឲ្យ​គណបក្ស​ប្រជាជន​កម្ពុជា ឈានឡើង និង​ដំណើរការ​អនុវត្ត​ទិសដៅ​របស់​រាជរដ្ឋាភិបាល​បាន​ជោគជ័យ ដែល​ធ្វើឲ្យ​ប្រជាជន​មាន​ក្ដីសង្ឃឹម និង​ជីវភាព​មាន​ការកើនឡើង​ជា​លំដាប់​។ ឯកឧត្តម​ក៏បាន​ថ្លែងអំណរគុណ​ដល់​សម្ដេច​ក្រឡា​ហោម ស ខេង ដែល​ដឹកនាំ​ត្រួតពិនិត្យ​បាន​ម្មត់​ចត់​ដល់​សមាជិក សមាជិក​គណបក្ស​ប្រជាជន​កម្ពុជា នៅ​ស្រុក​កញ្ជ្រៀច និង​ស្រុក​ស្វាយ​អន្ទរ ក៏​ដូចជា​ខេត្ត​ព្រៃវែង​ទាំងមូល ហើយ​សមាជិក​ទាំងអស់​បាន​អនុវត្ត​តាម​ទិសដៅ​បាន​ជោគជ័យ​។​

​ឯកឧត្តម​សន្តិ​បណ្ឌិត ក៏​មិន​ភ្លេច​ថ្លែងអំណរគុណ​ដល់​ក្រុមការងារ​គណបក្ស​ប្រជាជន​កម្ពុជា ក្រុមការងារ​ថ្នាក់ជាតិ ដែល​ជួយ​ស្រុក​ទាំង​ពីរ ប្រធាន​ក្រុមការងារ​ឃុំ​ទាំងអស់ និង​កោតសរសើរ​ចំពោះ​អ្វី​ដែល​សម្រេចបាន ព្រមទាំង​ជំរុញ​ឲ្យខិត​ខំ​ប្រឹងប្រែ​ង​បន្ដទៀត​។ ឯកឧត្តម​ក៏បាន​អរគុណ​ដល់​ប្រជាពលរដ្ឋ​ទាំងអស់​នៅក្នុង​ស្រុក​កញ្ជ្រៀច និង​ស្រុក​ស្វាយ​អន្ទរ ដែល​បន្ដ​គាំទ្រ​ទុកចិត្ត និង​បោះឆ្នោត​ជូន​គណបក្ស​ប្រជាជន​កម្ពុជា​។​

​បន្ទាប់​ពី​បញ្ចប់​កិច្ចប្រជុំ​ខាងលើ ឯកឧត្តម​សន្តិ​បណ្ឌិត នេ​ត សាវឿន ក៏​បាន​រៀបចំ​ពិធី​ពិសា​អាហារ​សាមគ្គី ដល់​សមាជិក សមាជិកា​ទាំងពីរ​ស្រុក នៅ​គេហដ្ឋាន ស្ថិត​នៅ​ក្រុង​ព្រៃវែង​ផងដែរ​៕​

Filed in: ព័ត៌មានជាតិ