ទាន់ហេតុការណ៍
​មេបញ្ជាការ​កងទ័ពជើងគោក​កម្ពុជា ជួប​នាយក​គោលនយោបាយ​អាស៊ី​ខាងត្បូង និង​អាស៊ី​អាគ្នេយ៍ នៃ​ក្រសួង​ការពារជាតិ​អាមេរិក​ ==> យុវជន​សេដ្ឋកិច្ច​រាជធានី​ភ្នំពេញ ថ្លែងអំណរគុណ​ចំពោះ​អភិបាល​រាជធានី​ភ្នំពេញ ដែល​តែងតែ​យកចិត្តទុកដាក់​ចំពោះ​អាជីវករ ពាណិជ្ជករ វិនិយោគិន និង​ពលរដ្ឋ ==> លោកឧត្តមសេនីយ៍ត្រី តេង ច័ន្ទណាត អញ្ជេីញចូលរួមកិច្ច​ប្រជុំផែនការ​ការពារ​ការបោះឆ្នោត​ជ្រេីសរេីស​ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ==> ​សម្ដេច​តេជោ ហ៊ុន សែន ទទួល​ជួប​ពិភាក្សា​ការងារ​ជាមួយ​នាយក​រដ្ឋមន្ត្រី​ឥណ្ឌា​តាម​ប្រព័ន្ធ​វីដេអូ​ ==> នាយ​ការរិយាល័យ​នគរបាល​ព្រហ្មទណ្ឌ​កម្រិត​ស្រាល​បាន​ដឹកនាំ​កម្លាំង​ក្រុម​អន្តរាគមន៍​បង្ការ​បង្ក្រាប​ចុះ ប្រតិបត្តិការ បង្ក្រាបករណីលួច​មាន​ស្ថាន​ទម្ងន់ទោស (កាត់តខ្សែភ្លើង យកម៉ូតូ) ==> ​លោក​ឧត្តមសេនីយ៍ត្រី បោ​ន ប៊ិន អញ្ជើញ ជា​អធិបតីភាព​ដ៏​ខ្ពង់ខ្ពស់ បិទ​វគ្គ ហ្វឹកហ្វឺន ការពារ​សន្តិសុខ រក្សា​សណ្តាប់ធ្នាប់ ប្រចាំ​ឆមាស​ទី​១! ==> ​អាវុធហត្ថ​រាជធានី​ភ្នំពេញ ចុះ​បង្ក្រាប​ជាក់ស្តែង ទីកន្លែង​លេង​ល្បែង​ភ្នាល់​ជល់​មាន់ ០២​ទីតាំង​បន្តបន្ទាប់​គ្នា​! ==> ​សម្តេច​អគ្គ​មហា​ពញា​ចក្រី ហេង សំរិន អញ្ជើញ​គោរព​វិញ្ញាណក្ខន្ធ​សព ឯកឧត្តម​សន្តិ​បណ្ឌិត ឌុល គឿន តំណាងរាស្ត្រ​មណ្ឌល​ខេត្ត​កណ្តាល​ ==> ​អភិបាលខេត្ត​កំពង់ចាម ៖ ធនធាន​មនុស្ស​មាន​សារៈសំខាន់​សម្រាប់​ប្រទេស​កំពុង​អភិវឌ្ឍ ដែល​អាស្រ័យ​លើ​កត្តា​សុខសន្តិភាព​ ==> ​សម្តេច​ក្រឡាហោម ស ខេង បាន​អញ្ជើញ​ជា​អធិបតី​ក្នុង​ពិធី​សំណេះសំណាល​ជាមួយ​និវត្តន៍​ជន​ស៊ីវិល​ចំនួន​១៦០៥​នាក់ និង​និវត្តន៍​ជន​អតីតយុទ្ធជន ចំនួន ១៤៤៧​នាក់ នៅ​ក្រុង​បាត់ដំបង​

​សម្តេច​តេជោ ហ៊ុន សែន ចែករំលែក​មោទនភាព​លើ​ទឹកដី​អាមេរិក ជូន​វិញ្ញាណក្ខន្ធ​សម្តេច​ឧត្តម​ទេ​ពញាណ ហ៊ុន ណេង

​សម្តេច​តេជោ ហ៊ុន សែន ចែករំលែក​មោទនភាព​លើ​ទឹកដី​អាមេរិក ជូន​វិញ្ញាណក្ខន្ធ​សម្តេច​ឧត្តម​ទេ​ពញាណ ហ៊ុន ណេង

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​វ៉ាស៊ីនតោន​, អាមេរិក​)៖ បើ​ទោះបី​កំពុង​មមាញឹក​នឹង​ការងារ​លើ​ទឹកដី​អាមេរិក តែ​អារម្មណ៍​នឹករលឹក និង​មនោសញ្ចេតនា​បងប្អូន​ដ៏​ជ្រាលជ្រៅ ធ្វើឱ្យ​សម្តេច​តេជោ ហ៊ុន សែន នាយករដ្ឋមន្ត្រី​កម្ពុជា នៅតែ​នឹករលឹក​ដល់​សម្តេច​ឧត្តម​ទេ​ពញាណ ហ៊ុន ណេង ដែល​ជា​បងប្រុស​ជាទីគោរព​ស្រឡាញ់​របស់​សម្តេច​។​

​នៅ​ព្រឹក​ថ្ងៃទី​១៣ ខែ​ឧសភា ម៉ោង​នៅ​កម្ពុជា ត្រូវ​នឹង​វេលា​អាធ្រា​ត្រ​ថ្ងៃទី​១២ ខែ​ឧសភា ម៉ោង​នៅ​វ៉ាស៊ីនតោន សម្តេច​តេជោ ហ៊ុន សែន បាន​ឆ្លៀត​បង្ហាញ​អារម្មណ៍​នឹកនា​ដល់​បងប្រុស និង​ចែករំលែក​នូវ​រឿងរ៉ាវ​ជា​មោទនភាព​សម្រាប់​ជាតិ និង​ប្រជាជន ជូន​ដល់​វិញ្ញាណក្ខន្ធ​របស់​បងប្រុស​ផងដែរ​។​

​ខាងក្រោម​គឺជា​ខ្លឹមសារ​ទាំងស្រុង​នៃ​សំណេរ​របស់​សម្តេច​តេជោ ហ៊ុន សែន​៖
​បងប្រុស​បន្ទាប់​ពី​បង​ចែក​ឋាន​ដោយ​មិន​បាន​លា​ឬ​ផ្តាំផ្ញើ​ប្រពន្ធ​កូន ចៅ និង​បងប្អូន​ញាតិមិត្ត​ក៏ដោយចុះ តែ​មរណភាព​របស់​បង​ត្រូវបាន​ព្រះមហាក្សត្រ និង​ព្រះ​មាតា​ជាតិ ព្រះ​ប្រទាន​ព្រះរាជសារ​រំលែក​ទុក្ខ​។ ព្រះមហាក្សត្រ​ជាទី​សក្ការៈ​បាន​ប្រោស​ប្រទាន​គោ​រម្យ​ងារ​ជូន​បង​ជា​សម្តេច​ថែម​ទៀត​ផង​។​

​ថ្នាក់ដឹកនាំ​គ្រប់​លំដាប់ថ្នាក់​ទាំង​ថ្នាក់ជាតិ និង​ថ្នាក់​ក្រោម​ជាតិ​ព្រមទាំង​កម្លាំង​ប្រដាប់អាវុធ​គ្រប់​ប្រភេទ និង​គ្រប់​ជាន់​ថ្នាក់​បាន​ផ្ញើ​សារ​រំលែក​ទុក្ខ និង​ចូលរួម​គោរព​វិញាណក្ខន្ធ ក៏ដូចជា​ចូលរួម​បុណ្យសព​បង​។ ព្រះ​ស​ង្ស និង​ប្រជាជន​ក៏​បង្ហាញ​សមាណចិត្ត​អាណិត​ស្រឡាញ់​បង​និង​ក្រុមគ្រួសារ​។​

​ពេល​ប្អូន​មក​កាន់​សហរដ្ឋអាមេរិក ដើម្បី​ចូលរួម​ប្រជុំ​អាស៊ាន​-​អាមេរិក ថ្នាក់​ដឹកនាំ​អាស៊ាន ចូលរួម​មរណទុក្ខ​ជាថ្មី​ម្តងទៀត បន្ទាប់​ពី​បញ្ជូន​សារលិខិត​រំ​លែ​ទុក្ខ​លើក​មុន​។​

​ពេល​ជំនួប​រវាង​ថ្នាក់​ដឹកនាំ​អាស៊ាន​ជាមួយ​ថ្នាក់ដឹកនាំ​ធុរកិច្ច​អាមេរិក អ្នកសម្របសម្រួល​កម្ម​វិធី​ឆ្លៀត​សំដែង​នូវ​មរណទុក្ខ​ក្នុង​អង្គប្រជុំ​ផ្លូវការ​។​

​ទៅ​លើសពី​នេះ​អ្វីដែល​ខ្ញុំ​ភ្ញាក់ផ្អើល និង​រំភើប​នោះ ប្រធានាធិបតី​សហ​អាមេរិក ចូ បៃ​ដិន (Joe Biden) តែម្តង​ដែល​និយាយ​មក​កាន់​ខ្ញុំ​ថា (​សូម​ចូលរួមរ​ណ​ទុក្ខ ចំពោះ​បងប្រុស​របស់​ឯកឧត្តម​)​។​

​នេះ​ជា​ពាក្ស​ដែល​គាត់​និយាយ​មុនគេ បន្ទាប់ពី​គាត់​អាន​សុន្ទរកថា ក្នុងនាម​ប្រធានាធិបតី​អាមេរិក ឯ​ខ្ញុំ​អាន​សុន្ទរកថា​ក្នុង​នាម​ជា​ប្រធាន​អាស៊ាន និង​ប្រធានាធិបតី​ឥណ្ឌូនេស៉ី អាន​សុន្ទរកថា ក្នុងនាម​ប្រទេស​សម្របសម្រួល​អាស៊ាន​-​អាមេរិក​។ គាត់​ជា​មនុស្ស​ពោ​ពេញ​ដោយ​មនោសញ្ចេតនា គួរ​គោរព​ដោយសារ​គាត់​ធ្លាប់​បាត់បង់​កូន​ប្រពន្ធ និង​បងប្អូន​ដែរ ដូចនេះ​គាត់​យល់​ពី​អារម្មណ៍​សោកសៅ​របស់ខ្ញុំ​នៅ​ពេល​នេះ ហើយ​ដែល​គាត់​បាន​និយាយ​រឿង​ទាំងនេះ​មកកាន់​ខ្ញុំ​។​

​ខាង​ភាគី​សហរដ្ឋអាមេរិក ដែល​បាន​បញ្ចេញ​យោបល់ សុទ្ធតែ​បាន​វាយតម្លៃ​ខ្ពស់​ចំពោះ​ការខិតខំ​របស់​ខ្ញុំ មក​សហរដ្ឋអាមេរិក ដើម្បី​រួមចំណែក​សម្រាប់​ការសម្រេច​បាន​លទ្ធផល នៃ​ការប្រជុំ​កំពូល​ពិសេស​អាស៊ាន​-​អាមេរិក​។​

​សូម​វិញាណក្ខន្ធ​បងប្រុស​ទៅឱ្យ​បាន​ស្ងប់​ចុះ​៕

Filed in: ព័ត៌មានជាតិ

Bookmark and Promote!

© 2022 ឆន្ទៈខ្មែរ | Chhantak Khmer News. All rights reserved. XHTML / CSS Valid.