ដោយអនុវត្តតាមការណែនាំបញ្ជាផ្ទាល់ពីឯកឧត្ដមឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ និងមានការសម្របសម្រួលទៅលើនីតិវិធីពីឯកឧត្ដម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង នៅថ្ងៃទី០៦ ខែឧសភា ឆ្នាំ២០២២ វេលាម៉ោង១៦:១៣នាទី នៅចំណុចភូមិ វត្តតាមិម ឃុំវត្តតាមិម ស្រុកសង្កែ ខេត្តបាត់ដំបង លោកវរសេនីយ៍ឯក ឈឿង គឹមសុង នាយការរិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍បង្ការបង្ក្រាបចុះប្រតិបត្តិការបង្ក្រាបករណីហិង្សា ដោយចេតនា មានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ប្រើប្រាស់កាំបិតពូថៅកាប់និងគប់ម៉ូតូ) ចំនួន០១ករណី និងបានធ្វើការនាំខ្លួនជនសង្ស័យចំនួន ០៧ នាក់មកកាន់ស្នងការដ្ឋាន ដើម្បីធ្វើការសាកសួរ។
1️⃣ឈ្មោះ សុវណ្ណ តុលា ភេទប្រុសអាយុ២៧ឆ្នាំ មានទីលំនៅភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង ។
2️⃣ឈ្មោះ បឹង ណេ ភេទប្រុស អាយុ២១ឆ្នាំ មានទីលំនៅភូមិរំចេក ៤ សង្កាត់រតនៈ ក្រុងបាត់ដំបង ខេត្តបាត់ដំបង ។
3️⃣ឈ្មោះ អ៊ុន វាសនា ភេទប្រុស អាយុ២២ឆ្នាំ មានទីលំនៅភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង ។
4️⃣ឈ្មោះ គង់ លីហ៊ួរ ភេទប្រុស អាយុ២០ឆ្នាំ មានទីលំនៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង។
5️⃣ឈ្មោះ ភីផៃកុម្ភៈភេទប្រុសអាយុ ២៤ ឆ្នាំ មានទីលំនៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង។
6️⃣ឈ្មោះ វ៉ាង ស៊ីហុង ភេទប្រុសអាយុ១៩ឆ្នាំ មានទីលំនៅភូមិអូរតាគាំ ១ សង្កាត់ទួលតាឯក ក្រុងបាត់ដំបង ខេត្តបាត់ដំបង។
7️⃣ឈ្មោះ ប៊ូ វីន ភេទប្រុសអាយុ១៧ឆ្នាំ មានទីលំនៅភូមិភ្នំសំពៅ ឃុំភ្នំសំពៅ ស្រុកបាណន់ ខេត្តបាត់ដំបង ។
⚠️កាលពីថ្ងៃទី០៥ ខែឧសភា ឆ្នាំ២០២២ វេលាម៉ោង០៣:០៧នាទីទៀបភ្លឺ នៅចំណុចភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង ក្រុមជនសង្ស័យខាងលើ បានធ្វើសកម្មភាពប្រើប្រាស់កាំបិត និងពូថៅកាប់ទៅលើជនរងគ្រោះ និងម៉ូតូរបស់ជនរងគ្រោះ ឈ្មោះ យ៉ាន ហ្វាដេល ភេទប្រុសអាយុ១៥ឆ្នាំ មានទីលំនៅភូមិឡឥដ្ឋសង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង រួចក៏បានរត់គេចខ្លួនរហូតមកដល់ថ្ងៃខាងលើ ទើបសមត្ថកិច្ចយើងធ្វើការស្រាវជ្រាវនិងឃាត់ខ្លួនបាន។
?វត្ថុតាងដកហូតរួមមាន៖
-កាំបិតចំនួន ០២ ដើម
-ពូថៅចំនួន ០១
បច្ចុប្បន្ន ការិយាល័យជំនាញកំពុងធ្វើការកសាងសំណុំរឿងដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
