ទាន់ហេតុការណ៍
រដ្ឋមន្ត្រីក្រសួង​ការងារ ឯកឧត្តម ហេង ៖ក្រសួងសួរ​ស្វាគមន៍​រាល់​កិច្ច​សហប្រតិបត្តិការ​ជាមួយ​គ្រប់​ដៃគូ​ពាក់ព័ន្ធ ជា​ពិសេស​សហជីព ដើម្បី​ផ្លាស់​ប្តូរ​បទ​ពិសោធន៍ ចំណេះដឹង មតិយោបល់ និង​ស្វែងរក​ដំណោះស្រាយ​ទាន់​ពេលវេលា==>រថយន្តក្រុង​រាជធានី​ភ្នំពេញ City Bus ដំណើការដឹកជញ្ជូនអ្នកដំណើរពី​អាកាសយានដ្ឋាន​អន្តរជាតិ​តេ​ជោ==>លោក គួ​ច ចំរើន អភិបាល ខេត្តកណ្តាល ​ដឹកនាំ​កិច្ចប្រជុំ​សម្រួល​ចរាចរណ៍ សណ្ដាប់ធ្នាប់ និង​របៀបរៀបរយ ក្នុង​អាកាសយានដ្ឋាន​តេ​ជោ​==>រដ្ឋមន្រ្តីក្រសួងសុខាភិបាល៖ប្រធាន និងថ្នាក់ដឹកនាំអង្គភាព ជាគំរូបម្រើផលប្រយោជន៍ ជូនសហភាតរៈក្នុងវិជ្ជាជីវៈ==>អ្នកសង្កេតការណ៍អន្តរកាល (IOT) ដែលមានប្រទេសចំនួន៧ ដឹកនាំដោយអនុព័ន្ធយោធាម៉ាឡេស៊ី ប្រចាំកម្ពុជាដាក់ទីស្នាក់ការនៅ ក្រុងសិរីសោភ័ណ ខេត្តបន្ទាយមានជ័យ==>លោកស្រី ម៉ាលី សុជាតា អ្នកនាំពាក្យការពារជាតិ ៖ ថៃពង្រាយគ្រាប់បែក ចង្កោមលើភ្នំខ្មោច ជាការបំពានយ៉ាងធ្ងន់ធ្ងរ លើច្បាប់អន្តរជាតិ==>ឯកឧត្តមឧបនាយករដ្ឋមន្ត្រី ស៊ុន ចាន់ថុល៖ គម្រោងព្រែកជីកហ្វូណនតេជោ គឺ ដំណើរការទៅមុខជាធម្មតា មិនថយក្រោយឡើយ ទោះបីកម្ពុជាមានជម្លោះព្រំដែនជាមួយថៃ==>រដ្ឋបាលខេត្តព្រះវិហារ កំពុងជម្លៀសពលរដ្ឋ​ មកកន្លែងសុវត្ថិភាព==>ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន

​ក្រសួង​អប់រំ​បង្កើន​សមត្ថភាព​គ្រូបង្រៀន​បឋម​សិក្សា​ដើម្បី​លើកកម្ពស់​ការអប់រំ​កុមារ​នៅ​កម្ពុជា

​ក្រសួង​អប់រំ​បង្កើន​សមត្ថភាព​គ្រូបង្រៀន​បឋម​សិក្សា​ដើម្បី​លើកកម្ពស់​ការអប់រំ​កុមារ​នៅ​កម្ពុជា
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​កំពត​)៖ ការបង្កើន​សមត្ថភាព​គ្រូបង្រៀន​បឋម​សិក្សា​នៅ​កម្ពុជា គឺជា​មធ្យោបាយ​ដ៏​មាន​ប្រសិទ្ធភាព​បំផុត​ក្នុង​ការលើកកម្ពស់​ការ​អប់រំ​របស់​កុមារ និង​ផ្តល់​ឱ្យ​ពួកគេ​មាន​មូលដ្ឋាន​គ្រឹះ​ដ៏​រឹងមាំ​សម្រាប់​ការរៀនសូត្រ និង​ការអភិវឌ្ឍ​នាពេល​អនាគត​។​

​នេះ​ជា​ការលើកឡើង​របស់​ឯក​ឧត្ដម​បណ្ឌិត​សភា​ចារ្យ ហង់​ជួន ណារ៉ុន រដ្ឋមន្ត្រី​ក្រសួង​អប់រំ យុវជន និង​កីឡា​ក្នុង​ពិធី​សម្ពោធ​ដាក់ឲ្យ​ប្រើប្រាស់​ជា​ផ្លូវការ និង​ការប្រគល់​-​ទទួល​ហេដ្ឋារចនាសម្ព័ន្ធ​អប់រំ​នៅ​តាម​សាលា​គរុកោសល្យ និង​វិក្រឹតការ​ខេត្ត​គោលដៅ​ទាំង​១១​ទីតាំង ជូន​ដល់​គណៈ​គ្រប់គ្រង​សាលា​នៅ​សាលា​គរុកោសល្យ និង​វិក្រឹតការ​ខេត្តកំពត​នា​ព្រឹក​ថ្ងៃ​ទី ២៤ ខែវិច្ឆិការ ឆ្នាំ​២០២១​។

​ឯកឧត្តម​រដ្ឋមន្ត្រី បាន​បន្តថា អគារសិក្សា​ថ្មីៗ​ទាំងនេះ ត្រូវបាន​ប្រសូត្រ​ចេញពី​ការសហការ​គ្នា​រវាង​ក្រសួង​អប់រំ យុវជន និង​កីឡា ជាមួយ​អង្គការ​យូណេស្កូ ដែល​អនុវត្ត​លើ​គម្រោង​ពង្រឹង​កម្មវិធី​អប់រំ​គ្រូបង្រៀន​នៅ​កម្ពុជា (STEPCam) លើ​ការងារ​កែលម្អ​ហេដ្ឋារចនាសម្ព័ន្ធ​អប់រំ​នៅ​តាម​សាលា​គរុកោសល្យ​ខេត្ត​ទាំង​១១​ទីតាំង (PTTCs) ដោយ​យល់ឃើញថា ការបង្កើន​សមត្ថភាព​គ្រូបង្រៀន​បឋម​សិក្សា​នៅ​កម្ពុជា គឺជា​មធ្យោបាយ​ដ៏​មាន​ប្រសិទ្ធភាព​បំផុត​ក្នុង​ការលើកកម្ពស់​ការ​អប់រំ​របស់​កុមារ និង​ផ្តល់​ឱ្យ​ពួកគេ​នូវ​មូលដ្ឋាន​គ្រឹះ​ដ៏​រឹងមាំ​សម្រាប់​ការរៀនសូត្រ និង​ការអភិវឌ្ឍ​នាពេល​អនាគត​។

​ដើម្បី​ចូលរួម​កសាង​សមត្ថភាព​គ្រូបង្រៀន​បឋម​សិក្សា​និង​បុគ្គលិក​អប់រំ ឲ្យ​កាន់តែ​មាន​សមត្ថភាព​ប្រសើ​រ​ឡើង​នោះ អង្គការ​យូណេស្កូ បានប្រគល់ កុំព្យូទ័រ​បន្ទះ (Tablets) ចំនួន ១៧៦ គ្រឿង ដល់​នាយកដ្ឋាន​បឋមសិក្សា របស់​ក្រសួង​អប់រំ យុវជន និង​កីឡា សម្រាប់​ជូន​គ្រូ​ឧទ្ទេស និង​អ្នកសម្របសម្រួល​កម្មវិធី​អំ​ណាន និង​គណិតវិទ្យា​ថ្នាក់ដំបូង ដើម្បី​ជួយ​សម្រួល​ដល់​ការអភិវឌ្ឍ​លើ​ជំនាញ​ឌីជីថល​បន្ថែមទៀត​។​

​ឯ​ឧត្តម​រដ្ឋមន្ត្រី​បាន​មានប្រសាសន៍វា​យត​ម្លៃ​ខ្ពស់​ក្នុង​ការខិតខំ​ប្រឹងប្រែង​របស់​លោកគ្រូ អ្នកគ្រូ ក្នុង​ការខិតខំ​ប្រឹងប្រែង​កន្លងមកនេះ​។ ជាពិសេស​ឯកឧត្តម​រដ្ឋមន្ត្រីស​ង្ឃឹ​ម​ថា​ការបង្កើត​បន្ទប់​កុំព្យូទ័រ នឹង​ជួយ​បង្កើត​ការគាំទ្រ​បន្ថែម​ដល់​គ្រូ​ឧទ្ទេស និង​គរុ​សិស្ស​ទទួលបាន​ការបណ្ដុះ​បណ្ដាល​បន្ថែម ដើម្បី​អភិវឌ្ឍន៍​វិស័យ​អប់រំ​ឱ្យ​កាន់តែ​ប្រសើរឡើង​។ ទន្ទឹមនឹងនេះ​ឯកឧត្តម​រដ្ឋមន្ត្រី​ក៏​បាន​ថ្លែងអំណរគុណ​ដល់​លោក Sarlar Umar Alam ដែល​តែងតែ​ជួយ​ឧបត្ថម​គាំទ្រ​ដល់​វិស័យ​អប់រំ ក៏​ដូច​ជា​រដ្ឋាភិបាល​កម្ពុជា​ផង​ដែរ​៕ សេង ណា​រិទ្ធ​

Filed in: ព័ត៌មានជាតិ