ជលផល​ឃាត់ខ្លួន​ជនជាតិ​វៀតណាម​៣​នាក់​រួម​និង​វត្ថុតាង​ជន​រុញ​ប្រើប្រាស់​កម្លាំង​ម៉ាស៊ីន​កសាង​សំណុំរឿង​បញ្ជូន​ទៅ​សាលាដំបូង​ខេត្ត​កំពង់ឆ្នាំង​នៅ​រសៀល​ថ្ងៃនេះ​

កំពង់ឆ្នាំង ៖ ឧបករណ៍​នេសាទ​ប្រភេទ​ជន​រុញ​ដោយ​ប្រុំប្រាស់​កម្លាំង​ម៉ាស៊ីន ចំនួន​០១​គ្រឿង រួម​និង​បុរស​ជនជាតិ​វៀតណាម​ចំនួន​០៣​នាក់ ត្រូវបាន​កម្លាំង​សមត្ថកិច្ច​ចម្រុះ មាន​សង្កាត់​រដ្ឋបាល​ជ​ល​ផល​រលាប្អៀរ សង្កាត់​រដ្ឋបាល​ជលផល​ជល​គិរី សហការ​កម្លាំងយោធា និង​សហគមន៍​នេសាទ​ដឹកនាំ​ដោយ​លោក យី​ម ឡុង នាយ​ផ្នែក​រដ្ឋបាល​ជល​ផល​កំពង់ប្រាសាទ បានធ្វើការ​ឃាត់​និង​ចាប់ខ្លួន កាលពី​វេលា​ម៉ោង​២១​យប់​ថ្ងៃ​ទី​១១ ខែ​មករា ឆ្នាំ​២០១៦ នៅ​ចំណុច​ក្នុង​ដែន​អភិរក្ស​ជលផល​ព្រែកស្តី​ដកគង ស្ថិត​ក្នុង​កន្លែង​អភិរក្ស​ជលផល​ទី​៧ អតីត​ឡូ​តិ៍លេខ​១០ ភូមិ​ជើង​គ្រួស ឃុំ​ស្វាយ​រំ​ពារ ស្រុក​កំពង់លែង ខេត្ត​កំពង់ឆ្នាំង​។

​បុរស​ជនជាតិ​វៀតណាម ដែល​ត្រូវ​ឃាត់ខ្លួន​ទី​១-​ឈ្មោះ ង្វៀង យ៉ាំង​ទឹង ភេទ​ប្រុស អាយុ​៣១​ឆ្នាំ ទី​២-​ឈ្មោះ ប៊ូ យ៉ាំង​តេវ ភេទ​ប្រុស អាយុ​២០​ឆ្នាំ ទាំងពី​នាក់​ជា​ជនជាតិ​វៀតណាម រស់នៅ​ភូមិ​ចុង​កោះ សង្កាត់​ផ្សារឆ្នាំង ក្រុង​-​ខេត្ត​កំពង់ឆ្នាំង និង​ទី​៣-​ឈ្មោះ សេង ហុង ភេទ​ប្រុស អាយុ​៥៤​ឆ្នាំ ជនជាតិ​វៀតណាម បច្ចុប្បន្ន​រស់នៅ ភូមិ​ស្រែព្រីង សង្កាត់​កំពង់ឆ្នាំង ក្រុង​-​ខេត្ត​កំពង់ឆ្នាំង ។

​លោក លី ឡា នាយរង​ខណ្ឌ​រដ្ឋបាល​ជលផល​ខេត្ត​កំពង់ឆ្នាំង បានអោយដឹងថា​អ្នក​ទាំង​បី​នាក់​បាន​ប្រព្រឹត្ត​បទល្មើស​ជលផល​នៅក្នុង​ដែន​អភិរក្ស​ផ្អែក​លើ​បទដ្ឋាន​ច្បាប់ មាត្រា​១០១ ចំណុច​៩ នៃ​ច្បាប់​ស្តីពី​ជលផល​បាន​ចោទប្រកាន់​ឈ្មោះ​ទាំងបី​ខាងលើ​ទៅ​កាន់​សាលាដំបូង​ខេត្តកំពង់ឆ្នាំង​នៅ​រសៀល​ថ្ងៃ​ទី​១២ ខែ​មករា នេះ​ដាក់​ពន្ធ​ធនាគារ​រយៈពេល​១​ឆ្នាំ រឹបអូស​ជា​សម្បត្តិ​រដ្ឋ​នូវ​វត្ថុតាង​ទាំងអស់​ដែល​មានចែង​ក្នុង​កំណត់ហេតុ​បទល្មើស​ជាក់ស្តែង ៕

 

2016_01_12ch1 (1) 2016_01_12ch1 (2)

Filed in: ខេត្តកំពង់ឆ្នាំង

Recent Posts

Bookmark and Promote!

© 7658 ឆន្ទៈខ្មែរ | Chhantak Khmer News. All rights reserved. XHTML / CSS Valid.