ទាន់ហេតុការណ៍
​លោកជំទាវ​កិត្តិ​សង្គហ​បណ្ឌិត ម៉ែន សំអន អរគុណ​ដល់​ពលរដ្ឋ ខេត្ត​ស្វាយរៀង ដែល​បាន​ផ្តល់​យុត្តិធម៌ ជឿទុកចិត្ត និង​បាន​បោះឆ្នោត​ជូន​គណបក្ស​ប្រជាជន រហូត​ទទួលបាន​ជ័យជម្នះ ==> ​អគ្គនាយកដ្ឋាន​អន្ដោប្រវេសន៍ តម្លើង​ម៉ាស៉ីន​ស្កេន​កាំរស្មីអ៉ិច នៅ​ច្រក​ទ្វារ​ព្រំដែន​អន្តរជាតិ​ព្រៃ​វ​ល្លិ៍ ខេត្ត​ស្វាយរៀង ==> ​កម្លាំង​នគរបាល​ស្រុក​ប​វេល បង្ក្រាប​ល្បែងស៊ីសង​មួយ​កន្លែង​ឃាត់ខ្លួន​មនុស្ស​ចំនួន​០៩​នាក់​! ==> សារលិខិត​សម្តេច​តេជោ ហ៊ុន សែន ក្នុង​ឱកាស​ប្រារព្ធ​ទិវា​អន្តរជាតិ ប្រយុទ្ធប្រឆាំង​គ្រឿងញៀន ថ្ងៃទី​២៦ ខែមិថុនា ឆ្នាំ​២០២២ ==> អនុសាខា​កាកបាទ​ក្រហម ខណ្ឌមានជ័យ ផ្តល់​អង្ករ​ជូន​ដល់​សង្កាត់​ទាំង​៧ កម្លាំង​សណ្តាប់ធ្នាប់ រួម​ទាំង​បុគ្គលិក​អនាម័យ​ ==> សម្ដេច​ក្រឡាហោម ស ខេង បាន​អញ្ជើញ​ដឹកនាំ​កិច្ចប្រជុំ​លើក​ទី​៤ គណៈកម្មាធិការ​សម្របសម្រួល​ថ្នាក់​ជាតិ​ប្រឆាំង​ការសម្អាត​ប្រាក់​និង​ហិរញ្ញប្បទាន​ភេ​វរ​កម្ម និង​ហិរញ្ញ​វប្ប​ទាន​ដល់​ការរីក​សាយភាយ​អាវុធ​មហា​ប្រល័យ ហៅ​កាត់​ថា គ​.​ស​.​ហ​. ==> ​សាលាដំបូង​ខេត្តកំពង់ធំ សម្រេច​ឲ្យ​លោក ឌុ​ក សារ៉ុម នៅ​ក្រៅ​ឃុំ​បណ្ដោះអាសន្ន​ ==> សាខា​កាកបាទក្រហម កម្ពុជា ខេត្ត ប៉ៃលិន នាំយក​អំណោយ​សង្គ្រោះបន្ទាន់​របស់​សម្តេច​តេជោ ហ៊ុន សែន និង​សម្តេច កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ជូន​ប្រជាពលរដ្ឋ ចំនួន​២៨​គ្រួសារ ដែល​រងគ្រោះ​ដោយសារ​ខ្យល់​កន្ត្រាក់ ==> ជនជាតិ​វៀតណាម​ប្រុស​ស្រី​ឆ្លងដែន​តាម​ច្រករបៀង ក្បែ​ច្រក​តំបន់​ស្វាយ​អា​ង៉ោង ដូច​គេ​ហែ​កឋិន​មក​លក់ដូរ​និង​លេង​ល្បែងស៊ីសង សមត្ថកិច្ច​គ្មាន​ចំណាត់ការ​ ==> កម្លាំងអាវុធហត្ថរាជធានីភ្នំពេញ បានចូលរួមការពារសន្តិសុខ រក្សាសណ្ដាប់ធ្នាប់ ក្នុងកិច្ចប្រជុំរដ្ឋមន្ត្រីការពារជាតិអាស៊ានលើកទី១៦ យ៉ាងស្វាប់ហាប់ ប្រកបដោយវិន័យសណ្តាប់ធ្នាប់

​ឯកឧត្តម​ជាវ តា​យ​ទទួល​អំណោយ​សប្បុរសធម៌​ពី​ប្រតិភូ​អង្គការ​សមាគម​ដើម្បី​ជួយ​ប្រជាពលរដ្ឋ​រងគ្រោះ​នៅក្នុង​ខេត្ត​កំពត​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ខេត្ត​កំពត​)៖ នៅ​ព្រឹក​ថ្ងៃ​ច័ន្ទ ទី​០៩ ខែវិច្ឆិកា ឆ្នាំ​២០២០ ឯកឧត្តម ជាវ តា​យ អភិបាល​នៃ​គណៈ​អភិបាលខេត្ត​កំពត ព្រមទាំង​អភិបាលរង​ខេត្ត ថ្នាក់ដឹកនាំ មន្ទីរ​និង​អង្គភាព​ចំណុះ​សាលាខេត្ត បាន​ជួប​និង​ទទួល​អំណោយ​សប្បុរសធម៌​ពី​ប្រតិភូ​នៃ​អង្គការ​សមាគម មួយចំនួន​សម្រាប់​យក​ទៅ​ជួយ​ដល់​ប្រជាពលរដ្ឋ​រងគ្រោះ​នៅក្នុង​ខេត្ត​កំពត​។​

​ឯកឧត្តម ម៉ាត់ សេត អ្នកតំណាងរាស្ត្រ​មណ្ឌល​កំពត និង​ជា​ប្រធាន​ប្រតិភូ​នៃ​សប្បុរសជន​ដែល​ជា​ម្ចាស់​អំណោយ​នា​ឱកាស​នោះ បាន​បញ្ជាក់​ឲ្យដឹងថា អំណោយ​ដែល​បាន​នាំយក​មក​ប្រគល់ជូន​ដល់​រដ្ឋបាល​ខេត្ត​កំពត​នាពេលនេះ គឺ​មាន​អង្ករ ២៦០០​គី​ឡូ និង​មី​ចំនួន​៥១​កេស ដែល​អំណោយ​ទាំងនេះ​បាន​មក​ពី ការរួមវិភាគទានរ​បស់ ថ្នាក់ដឹកនាំ និង​អង្គការ​សមាគម​ចំនួន​១១ បច្ចុប្បន្ន​បាននិងកំពុង​បម្រើ​សកម្មភាព​មនុស្សធម៌​នៅ​កម្ពុជា​និង​ពិសេស​ក្នុង​ខេត្ត​កំពត​។​

​ឯកឧត្តម ជាវ តា​យ អភិបាលខេត្ត និង​ជា​ប្រធាន​គណៈកម្មាធិការ​សាខា​កាកបាទក្រហម​ខេត្ត បាន​ថ្លែងអំណរគុណ​ចំពោះ​អង្គការ​សមាគម និង​សប្បុរសជន​ទាំងអស់ ដោយ​បាន​ចាត់ទុក​អំណោយ ទាំងអស់នេះ គឺជា​កាយវិការ​វប្បធម៌​ចែករំលែក​ដ៏​ប្រពៃ ក្នុង​ការរួមវិភាគទាន ចូលរួមចំណែក​ជួយ​សម្រួល​ការលំបាក ដើម្បី​ដោះស្រាយ​ជាមួយ​រដ្ឋបាល​ខេត្ត​កំពត ក៏ដូចជា​រាជរដ្ឋាភិបាល ជួយសង្គ្រោះ​ដល់​ប្រជាពលរដ្ឋ​ដែល​រងគ្រោះ​និង​ងាយ​រងគ្រោះ​ដោយ​គ្រោះធម្មជាតិ​ឬ​ឧប្បត្តិហេតុ​ផ្សេងៗ​។​

​ឯកឧត្តម ជាវ តា​យ អភិបាលខេត្ត​ក៏​បាន​បញ្ជាក់​ផង​ដែរ​ថា ជានិច្ចកាល រដ្ឋបាលខេត្ត ព្រមទាំង​សាខា​កាកបាទ​ក្រហម​ខេត្ត​កំពត​រមែង តែងតែបាន​យកចិត្តទុកដាក់​ខ្ពស់ តាម​ប្រសាសន៍​ណែនាំ ផ្ដាំផ្ញើ​ដ៏​ខ្ពង់ខ្ពស់​ពី​សំណាក់ សម្ដេច​តេជោ​ហ៊ុន សែន​នាយករដ្ឋមន្ត្រី និង​សម្ដេច​កិត្តិ​ព្រឹទ្ធ​បណ្ឌិត​ប៊ុនរ៉ានី​ហ៊ុន​សែន ប្រធាន​កាកបាទក្រហមកម្ពុជា ក្នុង​ការជួយ​សង្គ្រោះ​ប្រជាពលរដ្ឋ ដែល​រងគ្រោះ​ដោយ​គ្រោះធម្មជាតិ​ក្ដី ឬ​ឧបទ្ទវហេតុ​ផ្សេងៗ​ក្ដី ដោយ​មិន​ប្រកាន់​និន្នាការ​រើសអើង​អ្វី​ឡើយ​។​ហើយ​ជា​សំខាន់​នោះ​គឺ​ការដោះស្រាយ​ឲ្យបាន​ទាន់​ពេលវេលា​ឆាប់រហ័ស មិន​ត្រូវ​ទុកឲ្យ​ប្រជាពលរដ្ឋ​ណា​ម្នាក់ រង​ការលំបាក​ខ្វះខាត និង​ស្លាប់​ដោយ​អត់​ស្បៀងអាហារ និង​ដោយ​គ្មាន​អាជ្ញា​ធរមាន​សមត្ថកិច្ច​ដឹងឮ​និង​ការដោះស្រាយ​បាន​ឡើយ​។​

​ឯកឧត្តម​អភិបាលខេត្ត ក៏​បាន​បញ្ជាក់ថា អំណោយ​ទាំងនេះ ឯកឧត្តម​នឹង​ខិតខំ​យកចិត្តទុកដាក់ ដើម្បី​យក​ទៅ​ប្រគល់ជូន​សាខា​កាកបាទក្រហមកម្ពុជា​ខេត្ត​ដែល​ជា​អាជ្ញាធរ​សាធារណៈ សម្រាប់​យក​ទៅ ចែកជូន​ដល់​ដៃ​ប្រជាពលរដ្ឋ​រងគ្រោះ​និង​ងាយ​រងគ្រោះ​ពិតប្រាកដ ឱ្យបាន​ចំ​គោលដៅ​និង​មាន​ប្រសិទ្ធភាព​ក្នុង​ខេត្ត​បន្តទៀត​៕ សេង ណា​រិទ្ធ​

Filed in: ខេត្តកំពត

Bookmark and Promote!

© 2022 ឆន្ទៈខ្មែរ | Chhantak Khmer News. All rights reserved. XHTML / CSS Valid.