ទាន់ហេតុការណ៍
អភិបាលខេត្ត​កែប​ជំរុញ​ដល់​ក្រុម​អាជីវករ​លក់ដូរ​តាម​មាត់​ឆ្នេរ​ទាំងអស់​ត្រូវ​ចូលរួម​រក្សា​សណ្តាប់ធ្នាប់​ឲ្យបាន​ល្អ​ដើម្បី​ជួយ​ទ្រទ្រង់​វិស័យ​ទេសចរណ៍​ ==> លោក​ឧត្តមសេនីយ៍ត្រី សាត គឹម​សាន ៖ «​មន្ត្រីនគរបាល​រូប​ណា​ដែល​មិន​បាន​ដោះស្រាយ​បញ្ហា​ជូន​ប្រជាពលរដ្ឋ​នៅ​មូលដ្ឋាន​បាន​ទាន់ពេលវេលា​ទេ​ត្រូវ​ទទួលខុសត្រូវ​ចំពោះមុខ​ថ្នាក់ដឹកនាំ​ស្នងការ​» ==> កងកម្លាំង​រក្សា​សន្តិភាព​កម្ពុជា ៧៣​នាក់ បាន​ធ្វើ​មាតុភូមិនិវត្តន៍​មក​ប្រទេស​ជាតិ​វិញ ក្រោយ​បញ្ចប់​បេសកកម្ម​នៅ​ស៊ូដង់​ខាងត្បូង​ ==> ឧត្តមសេនីយ៍ឯក រ័ត្ន ស្រ៊ាង ចូលរួម​ជាមួយ សប្បុរសជន​ ០២ ​ក្រុមចុះ​ចែក​អំណោយ​ជូន​ប្រជាពលរដ្ឋ ក្នុង​ខណ្ឌ​ដង្កោ​! ==> ​អភិបាល​រាជធានី​ភ្នំពេញ ដឹកនាំ​កម្លាំង​ដោយផ្ទាល់ ចុះ​លាង​សម្អាត​ភូមិដ្ឋាន​ប្រជាពលរដ្ឋ ក្នុង​បុរី​ត្រពាំង​ថ្លឹង ក្រោយ​រង​នូវ​ការ​ជន់​លិច ==> ​ឯកឧត្តម​ឃួង ស្រេង ថ្លែង​អំណរ​សប្បុរសជន ដែល​បាន​ឧបត្ថម្ភ​ថវិកា និង​គ្រឿង​បរិភោគ​សម្រាប់​ជួយ​ប្រជាពលរដ្ឋ​រងគ្រោះ​ដោយ​ទឹកជំនន់ នៅ​រាជធានី​ភ្នំពេញ ==> លោកជំទាវ ម៉ែន សំអន ស្នើ​ឱ្យ​មន្ទីរ ស្ថាបន័​ពាក់ព័ន្ធ ក្នុង​ខេត្ត​ស្វាយរៀង ត្រូវ​បន្ដ​សហការ​គ្នា​ឱ្យ​ល្អ ក្នុង​ការជួយ​ដល់​ប្រជាពលរដ្ឋ​ ==> នាយ​ឧត្តមសេនីយ៍ សែម សុវណ្ណនី អញ្ជើញ​ជា​អធិបតី​ក្នង​ពិធី​បើក​កិច្ចប្រជុំ​បូក​សរុប​លទ្ធផល​ការងារ​ឆ្នាំ​២០២០ និង​លើក​ទិសដៅ​ឆ្នាំ​២០២១ ==> នាយ​ឧត្តមសេនីយ៍ សៅ សុខា និង​ឧត្តមសេនីយ៍ឯក ហ៊ុន ម៉ា​ណែ​ត បង្ហាញ​មោទនភាព ដែល​កម្ពុជា​មាន​កន្លែង​ហ្វឹកហ្វឺន​កងទ័ព​ដ៏​ធំ​លើ​ផ្ទៃ​ដី​ជាង​៥,០០០​ហិច​តា ត្រៀម​ស៉ី​ហ្គេម​២០២៣ ==> ឧត្តមសេនីយ៍ឯក រ័ត្ន ស្រ៊ាង ចុះ​ពិនិត្យ​ស្ថានភាព​កាយ​ដី​បើកផ្លូវ​រំដោះ​ទឹកជំនន់​ក្នុង​សង្កាត់​ព្រែកកំពឹស​!

លោក ជាវ តា​យ​ផ្ដល់ជូន​សម្ភារៈ​បរិក្ខារ ដល់​អនុសាខា​កាកបាទ​ក្រហម​ត្រៀម​បម្រើ​សកម្មភាព​មនុស្សធម៌​

លោក ជាវ តា​យ​ផ្ដល់ជូន​សម្ភារៈ​បរិក្ខារ ដល់​អនុសាខា​កាកបាទ​ក្រហម​ត្រៀម​បម្រើ​សកម្មភាព​មនុស្សធម៌​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ខេត្ត​កំពត​)៖ សម្ភារៈ​បរិក្ខារ រួមមាន អាវ​ពោង​ចំនួន​១៦០​អាវ ទឹកជែ​លលាង​សម្អាត​ដៃ​ចំនួន​៨០​កេស​ស្មើនឹង ២០០០​ដប ជា​អំណោយ​សប្បុរសធម៌​កាកបាទក្រហមកម្ពុជា ។

​នៅ​ថ្ងៃ​ទី​១៦​ខែតុលា​ឆ្នាំ​២០២០​ត្រូវបាន​លោក ជាវ តា​យ ប្រធាន​គណៈកម្មាធិការ​សាខា​កាកបាទក្រហម​ខេត្ត និង​ជា​អភិបាលខេត្ត បាន​ប្រគល់​ជូន​ដល់ អនុសាខា​កាកបាទ​ក្រហម​ក្រុង ស្រុក ដែល​មាន​អភិបាលក្រុង​ស្រុក​ទាំង​៨ ចូលរួម​ទទួល ដើម្បី​យក​ទៅ​ត្រៀម​បម្រើ​ក្នុង​ហេតុការណ៍​សកម្មភាព​ម​នុស្ស​ធម៌ ពិសេស​បម្រើ​ដល់​សកម្មភាព ជួយ​សង្គ្រោះ​ប្រជាពលរដ្ឋ​ក្នុង​គ្រោះ​ជំនន់​ទឹកភ្លៀង​កើតឡើង​ឬ​ដោយ​ប្រការ​ចាំបាច់​ផ្សេងៗ​រួម​នឹង​ការងារ​បង្ការ​ទប់ស្កាត់​ជំងឺ​កូវី​ដ​១៩​ផងដែរ ។​

​អំណោយ​ដែល​បាន​បែងចែក​ប្រគល់ជូន​ដល់ អនុសាខា​កាកបាទ​ក្រហម​ទាំង​៨​ក្រុង​ស្រុក​រួមមាន ក្នុង​មួយ​ក្រុង​ស្រុក​ទទួលបាន អាវ​ពោង​ចំនួន​២០​អាវ ទឹកជែ​លលាង​សម្អា​តដៃ ចំនួន​១០​កេស ថ្មើរ​នឹង​២៥០​ដប​។​

​មានប្រសាសន៍​នៅក្នុង​ឱកាស​នោះ លោក ជាវ តា​យ ប្រធាន​គណៈកម្មាធិការ​សាខា​កាកបាទក្រហមកម្ពុជា​ខេត្ត​កំពត និង​ជា​អភិបាលខេត្ត​បាន​កោតសរសើរ​ចំពោះ​ការយកចិត្តទុកដាក់រ​បស់​អនុសាខា​កាកបាទ​ក្រហម ក៏ដូចជា​អាជ្ញាធរ​ក្រុង​ស្រុក​ទាំងអស់ ដែល​កន្លងមក​តែងតែបាន អនុវត្ត​សកម្មភាព​ការងារ​មនុស្សធម៌​ជួយ​ដល់​ប្រជាពលរដ្ឋ​រងគ្រោះ​និង​ងាយ​រងគ្រោះ​ដោយ​មិន​ប្រកាន់​និន្នាការ ឬ​សាសនា​ឡើយ ស្រប​តាម​ប្រសាសន៍​ផ្ដាំផ្ញើ​ដ៏​ខ្ពង់ខ្ពស់ របស់​សម្ដេច​តេជោ​ហ៊ុន​សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​សម្ដេច​កិត្តិ​ព្រឹទ្ធ​បណ្ឌិត​ប៊ុនរ៉ានី​ហ៊ុន សែន​ប្រធាន​កាកបាទក្រហមកម្ពុជា បាន​ទាន់ពេលវេលា​ឆាប់រហ័ស និង​ចំ​គោលដៅ​យ៉ាង​មាន​ប្រសិទ្ធភាព​។​

​លោក ជាវ តា​យ ក៏​បាន​ក្រើនរំលឹក​ដល់ អាជ្ញាធរ​ក្រុង​ស្រុក ដោយ​បាន​បញ្ជាក់ថា បើ​ទោះបី​ក្នុង​ខេត្ត​កំពត​ពេលនេះ ស្ថានភាព​ទឹកភ្លៀង​មិន​បាន​ធ្វើឱ្យ​ប៉ះពាល់​ដល់​ជីវភាព​រស់នៅ និង​ផលដំណាំ សត្វពាហនៈ​របស់​ប្រជាពលរដ្ឋ​ធ្ងន់ធ្ងរ​យ៉ាងណា​ក៏ដោយ ក៏​សូមឱ្យ អាជ្ញាធរ​ក្រុង​ស្រុក​ទាំងអស់​ត្រូវ​បន្ត​ការយកចិត្តទុកដាក់​តា​មដា​ន​ស្ថានភាព​ទឹកភ្លៀង​នៅ​មូលដ្ឋាន​ឲ្យបាន​ជាប្រចាំ ។ ហើយ​បើ​មាន​សភាពការណ៍​កើតឡើង​នៅក្នុង​មូលដ្ឋាន សូម​អោយ​អាជ្ញាធរ ចុះ​ជួយ​អន្តរាគមន៍​ដល់​ប្រជាពលរដ្ឋ​ឲ្យបាន​ជា​ប្រញាប់ ឬ​ត្រូវ​រាយការណ៍​មក​ថ្នាក់លើ​ដើម្បី​រួម​គ្នា​ជា​កម្លាំង​សរុប​មធ្យោបាយ​សរុប និង​មាន​វិធានការ​សរុប​ក​ក្នុង​ការដោះស្រាយ​ឲ្យបាន​ជាបន្ទាន់ មិន​ត្រូវ​ទុក​ឲ្យ​បញ្ហា​កើតឡើង នៅក្នុង​មូលដ្ឋាន ដោយ​អាជ្ញា​ធរមាន​សមត្ថកិច្ច​មិន​បាន​ដោះស្រាយ​និង​ចាប់​វិធានការ​ជួយ​ដល់​ប្រជាពលរដ្ឋ​បាន​ទាន់ពេលវេលា​ឡើយ​។

​ជាមួយគ្នា​នោះ លោក​អភិបាលខេត្ត ក៏​បាន​ស្នើឱ្យ​អាជ្ញាធរ​ក៏ដូចជា​អនុសាខា​កាកបាទ​ក្រហម​គ្រប់​ក្រុង​ស្រុក​ទាំងអស់ ក្រោយពី​ទទួលបាន​នូវ​សម្ភារៈ​បរិក្ខា​នេះ ត្រូវ​យក​ទៅ​ប្រើប្រាស់​ក្នុង​សកម្មភាព​មនុស្សធម៌​ជួយ​ដល់​ប្រជាពលរដ្ឋ​ឱ្យបាន​ចំ​គោលដៅ​និង​មាន​ប្រសិទ្ធភាព​៕ សេង ណា​រិទ្ធ​

Filed in: ខេត្តកំពត

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!