ខេត្តបន្ទាយមានជ័យ ៖ ថ្ងៃសុក្រត្រូវនឹងថ្ងៃទី ១៦ ខែតុលា ឆ្នាំ ២០២០នៅស្នងការដ្ឌាននគរបាលខេត្តបន្ទាយមានជ័យ បានរៀបចំកម្មវិធី ក្រោមអធិបតីភាព លោកឧត្តមសេនីយ៍ត្រី( សិទ្ឋិ ឡោះ )ស្នងការនគរបាលខេត្តបន្ទាយមានជ័យ បានជួបសួរសុខទុក្ខ សំណេះសំណាល និងបើកប្រាក់គោលនយោបាយជូនមន្ត្រីនគរបាលចូលនិវត្តន៍ និងគ្រួសារមន្ត្រីនគរបាលមរណៈសរុបចំនួន ៨៨នាក់ សរុបទឹកប្រាក់ អស់ ៧៩៣,៩២៦,០៤០ រៀល នៅសាលប្រជុំស្នងការដ្ឋាននគរបាលខេត្ត ។
មានប្រសាសន៍ នៅក្នុងកម្មវិធីនោះផងដែល លោកឧត្តមសេនីយ៍ត្រី (សិទ្ធិ ឡោះ) ស្នងការនគរបាលខេត្តបានសំដែងនូវការគោរពរាប់អាន ស្រឡាញ់ ពីក្នុងចិត្តរបស់លោកផ្ទាល់ ក៏ដូចជាការផ្ដាំផ្ញើរ សួរសុខទុក្ខពីឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ជូនដល់មន្ត្រីនគរបាល និងគ្រួសារមរណះ ទាំងអស់ ។
លោកបានបន្តទៀតថា ការបើកប្រាក់គោលនយោបាយនេះ គឺជាការយកចិត្តទុកដាក់ពីថ្នាក់ដឹកនាំ នៃក្រសួងមហាផ្ទៃ ដែលមានសម្ដេចក្រឡាហោម ស ខេង ជាប្រមុខនិង ថ្នាក់ដឹកនាំ អគ្គស្នងការនគរបាលជាតិ ជូនបងប្អូនមន្ត្រីនគរបាលដែលចូលនិវត្តន៍ និងគ្រួសារមន្ត្រីនគរបាលដែល មរណភាព ។
នៅចុងបញ្ចប់នៃកម្មវិធី លោកឧត្តមសេនីយ៍ត្រី ស្នងការនគរបាល ខេត្ត បានជូនពរ ដល់មន្ត្រីនគរបាល ដែលចូលនិវត្តន៍ និងក្រុមគ្រួសារ មន្ត្រីនគរបាល មរណះ ទាំង៨៨ នាក់សូមជួបតែ សុខភាពល្អបរិបូរណ៍ កម្លាំងមាំមួន និង សមប្រកបទៅដោយនូវ ពុទ្ធពរទាំងបួនប្រការ គឺ អាយុវណ្ណៈ សុខៈ ពលៈ កុំបីឃ្លៀងឃ្លាត ឡើយ កម្មវិធីបានបញ្ចប់ទៅ ប្រកបដោយភាពស្និទ្ធស្នាល និងរីករាយយ៉ាងក្រៃលែង គឺជាគ្រួសារតែមួយ( អរគុណសន្តិភាព)៕
