ទាន់ហេតុការណ៍
អភិបាលខេត្ត​កែប​ជំរុញ​ដល់​ក្រុម​អាជីវករ​លក់ដូរ​តាម​មាត់​ឆ្នេរ​ទាំងអស់​ត្រូវ​ចូលរួម​រក្សា​សណ្តាប់ធ្នាប់​ឲ្យបាន​ល្អ​ដើម្បី​ជួយ​ទ្រទ្រង់​វិស័យ​ទេសចរណ៍​ ==> លោក​ឧត្តមសេនីយ៍ត្រី សាត គឹម​សាន ៖ «​មន្ត្រីនគរបាល​រូប​ណា​ដែល​មិន​បាន​ដោះស្រាយ​បញ្ហា​ជូន​ប្រជាពលរដ្ឋ​នៅ​មូលដ្ឋាន​បាន​ទាន់ពេលវេលា​ទេ​ត្រូវ​ទទួលខុសត្រូវ​ចំពោះមុខ​ថ្នាក់ដឹកនាំ​ស្នងការ​» ==> កងកម្លាំង​រក្សា​សន្តិភាព​កម្ពុជា ៧៣​នាក់ បាន​ធ្វើ​មាតុភូមិនិវត្តន៍​មក​ប្រទេស​ជាតិ​វិញ ក្រោយ​បញ្ចប់​បេសកកម្ម​នៅ​ស៊ូដង់​ខាងត្បូង​ ==> ឧត្តមសេនីយ៍ឯក រ័ត្ន ស្រ៊ាង ចូលរួម​ជាមួយ សប្បុរសជន​ ០២ ​ក្រុមចុះ​ចែក​អំណោយ​ជូន​ប្រជាពលរដ្ឋ ក្នុង​ខណ្ឌ​ដង្កោ​! ==> ​អភិបាល​រាជធានី​ភ្នំពេញ ដឹកនាំ​កម្លាំង​ដោយផ្ទាល់ ចុះ​លាង​សម្អាត​ភូមិដ្ឋាន​ប្រជាពលរដ្ឋ ក្នុង​បុរី​ត្រពាំង​ថ្លឹង ក្រោយ​រង​នូវ​ការ​ជន់​លិច ==> ​ឯកឧត្តម​ឃួង ស្រេង ថ្លែង​អំណរ​សប្បុរសជន ដែល​បាន​ឧបត្ថម្ភ​ថវិកា និង​គ្រឿង​បរិភោគ​សម្រាប់​ជួយ​ប្រជាពលរដ្ឋ​រងគ្រោះ​ដោយ​ទឹកជំនន់ នៅ​រាជធានី​ភ្នំពេញ ==> លោកជំទាវ ម៉ែន សំអន ស្នើ​ឱ្យ​មន្ទីរ ស្ថាបន័​ពាក់ព័ន្ធ ក្នុង​ខេត្ត​ស្វាយរៀង ត្រូវ​បន្ដ​សហការ​គ្នា​ឱ្យ​ល្អ ក្នុង​ការជួយ​ដល់​ប្រជាពលរដ្ឋ​ ==> នាយ​ឧត្តមសេនីយ៍ សែម សុវណ្ណនី អញ្ជើញ​ជា​អធិបតី​ក្នង​ពិធី​បើក​កិច្ចប្រជុំ​បូក​សរុប​លទ្ធផល​ការងារ​ឆ្នាំ​២០២០ និង​លើក​ទិសដៅ​ឆ្នាំ​២០២១ ==> នាយ​ឧត្តមសេនីយ៍ សៅ សុខា និង​ឧត្តមសេនីយ៍ឯក ហ៊ុន ម៉ា​ណែ​ត បង្ហាញ​មោទនភាព ដែល​កម្ពុជា​មាន​កន្លែង​ហ្វឹកហ្វឺន​កងទ័ព​ដ៏​ធំ​លើ​ផ្ទៃ​ដី​ជាង​៥,០០០​ហិច​តា ត្រៀម​ស៉ី​ហ្គេម​២០២៣ ==> ឧត្តមសេនីយ៍ឯក រ័ត្ន ស្រ៊ាង ចុះ​ពិនិត្យ​ស្ថានភាព​កាយ​ដី​បើកផ្លូវ​រំដោះ​ទឹកជំនន់​ក្នុង​សង្កាត់​ព្រែកកំពឹស​!

អភិបាល​ខេត្ត​កំពត​ក្រើនរំលឹក​ឲ្យ​អាជ្ញាធរ កងកម្លាំង​និង​ជំនាញ​ត្រូវ​ត្រៀម​មធ្យោបាយ​ជួយសង្គ្រោះ​ពលរដ្ឋ​ក្នុង​ហេតុការណ៍​ទឹកជំនន់​កើតឡើង​

អភិបាល​ខេត្ត​កំពត​ក្រើនរំលឹក​ឲ្យ​អាជ្ញាធរ កងកម្លាំង​និង​ជំនាញ​ត្រូវ​ត្រៀម​មធ្យោបាយ​ជួយសង្គ្រោះ​ពលរដ្ឋ​ក្នុង​ហេតុការណ៍​ទឹកជំនន់​កើតឡើង​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ខេត្ត​កំពត​)៖ បើទោះបី​ភ្លៀង​ធ្លាក់​អស់​រយៈពេល​ជាច្រើន​ថ្ងៃ បណ្ដា​ធ្វើឱ្យ​រាជធានី ខេត្ត​មួយចំនួន ទទួល​រងគ្រោះ​នូវ​ផលប៉ះពាល់ ដោយ​ជំនន់​ទឹកភ្លៀង​នេះ​ក្ដី ប៉ុន្តែ​ខេត្ត​កំពត​នៅ​មិនទាន់​មាន​បញ្ហា​កើតឡើង​ដោយ​ជំនន់​ទឹកភ្លៀង​ឡើយ​នៅ​ទូទាំង​ខេត្ត​។​

​ការលើកឡើង​បែប​នេះ​របស់​ឯកឧត្តម ជាវ តា​យ អភិបាល​ខេត្ត​កំពត នៅក្នុង​ឱកាស​ដឹកនាំ​កិច្ចប្រជុំ​គណៈបញ្ជាការ​ឯកភាព​រដ្ឋបាលខេត្ត លើក​ទី​៣០ កាលពី​ព្រឹក​ថ្ងៃទី​១៦ ខែតុលា​ឆ្នាំ​២០២០ ដែល​កិច្ចប្រជុំ​នេះ​មាន​ការចូលរួម​ពី​អាជ្ញាធរ​ក្រុង ស្រុក មន្ទីរ អង្គភាព​ជំនាញ និង​បណ្ដា​កងកម្លាំង​ឯកភាព​ក្នុង​ភូមិសាស្ត្រ​ខេត្ត​កំពត​។

​ឯកឧត្តម ជាវ តា​យ អភិបាលខេត្ត បាន​បញ្ជាក់​ឲ្យដឹងថា​នៅក្នុង​បណ្ដា​ភូមិសាស្ត្រ​ខេត្ត​កំពត មាន​ភ្លៀង​ធ្លាក់​នា​រយៈពេល​ប៉ុន្មាន​ថ្ងៃ​នេះ​ដូច​បណ្ដា​រាជធានី​ខេត្ត​ពិសេស​ខេត្ត​ជាប់​តំបន់​មាត់សមុទ្រ​ផងដែរ​។ ប៉ុន្តែ​តាម​ការសង្កេត​ជាក់ស្ដែង​និង​របាយការណ៍​របស់​អាជ្ញាធរ​មូលដ្ឋាន​ក្រុងស្រុក ជំនន់​ទឹកភ្លៀង​មិនបាន​ធ្វើ​ឱ្យ​មាន​ផល​ប៉ះពាល់​ឬ​រង​គ្រោះ​ដោយ​គ្រោះមហន្តរាយ​អ្វី​ឡើយ ។ នៅតាម​ដងព្រែក​កំពត និង​នៅ​ទំនប់​ទឹក​វា​រី​អគ្គិសនី​កំចាយ ក៏​ពុំ​បាន​ធ្វើឱ្យ​កើត​ការព្រួយបារម្ភ ឬ​មាន​ផលប៉ះពាល់​ធ្ងន់ធ្ងរ​ដល់​ផលដំណាំ​ស្រែចំការ ឬ​អាយុជីវិត​មនុស្ស​សត្វ​អ្វី​ឡើយ​ដែរ​។​

​ប៉ុន្តែ​បើ​ទោះ​បី​យ៉ាង​នេះ ឯកឧត្តម ជាវ តា​យ អភិបាលខេត្ត ក៏​បាន​បញ្ជាក់ថា នៅពេលនេះ រដ្ឋបាលខេត្ត បាន​ត្រៀមលក្ខណៈ​គ្រប់​មធ្យោបាយ និង​ស្បៀងអាហារ​សម្រាប់​ជួយសង្គ្រោះ​ដល់​ប្រជាពលរដ្ឋ ក្នុង​ហេតុការណ៍​កើតឡើង​ដោយ​គ្រោះ​ជំនាន់​ទឹកភ្លៀង​នេះហើយ​ផងដែរ​។ តែ​បញ្ហា​នេះ​ឯកឧត្តម​អភិបាលខេត្ត ក៏​បាន​ក្រើនរំលឹក​ផ្ដាំផ្ញើ​ដល់​គ្រប់​បណ្ដា​អាជ្ញាធរ​ក្រុង ស្រុក អង្គភាព​កងកម្លាំង​ប្រដាល់​វុ​ធ និង​មន្ទីរ អង្គភាព​ជំនាញ​ពាក់ព័ន្ធ​ក្នុង​ខេត្ត ត្រូវតែ​មាន​ការយកចិត្ត​ទុកដាក់​ប្រុងប្រយ័ត្ន ត្រៀម​លក្ខណៈ​គ្រប់​មធ្យោបាយ​ចូលរួម​សហការ​គ្នា ឲ្យបាន​សស្រាក់សស្រាំ​នៅ​ចំពោះមុខ​ហេតុការណ៍​កើតឡើង​ដោយ​ចៃដន្យ យើង​មិន​ត្រូវ​ធ្វេស​ប្រហែល​ឬ​មើលស្រាល​ចំពោះ​បញ្ហា​ទឹកជំនន់​នេះ​បានឡើយ ព្រោះ​គ្រោះធម្មជាតិ​គ្មាន​អ្នកណា​មើល​បានដឹង​មុន​ឡើយ​។

​ពិសេស​ជាង​នេះ អាជ្ញាធរ​ក្រុង​ស្រុក ត្រូវតែ​ប្រុងប្រយ័ត្ន​យកចិត្តទុកដាក់​ត្រៀម លក្ខណៈ​បង្ការ​គ្រប់​មធ្យោបាយ ទាំង​ទូក និង​ទូក​កាណូត​ម៉ាស៊ីន ឬ​ទីទួល​សុវត្ថិភាព ស្បៀងអាហារ ថ្នាំពេទ្យ​ដើម្បី​ទុក​ជួយ​សង្គ្រោះបន្ទាន់​ដល់​ប្រជាពលរដ្ឋ​នៅពេល​ជួប​ហេតុការណ៍ គ្រោះមហន្តរាយ​ដោយ​ចៃដន្យ​ដោយសារ​ជំនាន់​ទឹកភ្លៀង​នេះ​កើតឡើង គឺ​យើង​មិន​ត្រូវ​ទុក​ឱ្យ ប្រជាពលរដ្ឋ​ណា​ម្នាក់​រងគ្រោះ​ឬ​ស្លាប់​ដោយ​យើង​មិន​បាន​យកចិត្តទុកដាក់​ជួយ​ដល់​ប្រជាពលរដ្ឋ​បានឡើយ​៕ សេង ណា​រិទ្ធ​

Filed in: ព័ត៌មានជាតិ

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!