ទាន់ហេតុការណ៍
អាវុធហត្ថ​រាជធានី​ភ្នំពេញ ចែក​ម៉ាស៊ីនថតចម្លង ដែល​ទទួលបាន​ពី​សប្បុរសជន ជូន​ដល់​អង្គភាព​ចំណុះ​សម្រាប់​ប្រើប្រាស់​ជា​ប្រយោជន៍​ក្នុង​ការងារ​រដ្ឋបាល​!==>អតីត​សិស្ស​សាលា​បាក់​ទូក​ទសវត្សរ៍​ឆ្នាំ​១៩៨០​មួយក្រុម ចូលរួម​បុណ្យសព អតីត​អ្នកគ្រូ​ជីវវិទ្យា ជើងចាស់​០១​រូប​!==>អាវុធហត្ថ​រាជធានី​ភ្នំពេញ សម្តែង​នូវ​ការ​ថ្លែងអំណរគុណ​យ៉ាង​ជ្រាលជ្រៅ​ចំពោះ លោក លី ហុង និង ភរិយា ព្រមទាំង លោក សុ​ត សុខុន​ឌី​ឧត្តម និង ភរិយា !==>ពលរដ្ឋប្រុសស្រី១១នាក់មានអាការៈក្អួតចង្អោរ រាក រួសសង្ស័យពុលនំបញ្ចុកកំពុងសម្រាកព្យាបាលនៅឡើយ==>កម្លាំង​កងរាជអាវុធហត្ថ​រាជធានី​ភ្នំពេញ ចូលរួម ការពារ​សន្តិសុខ សុវត្ថិភាព ជូន​ប្រជាពលរដ្ឋ ក្នុង​ភូមិសាស្ត្រ​រាជធានី​ភ្នំពេញ ក្នុង​ឱកាស​ពិធី​បុណ្យចូលឆ្នាំ​ប្រពៃណី​ជាតិខ្មែរ ដោយ​ក្តី​មោទកភាព​!==>សកម្មភាព កម្លាំង​កងរាជអាវុធហត្ថ​រាជធានី​ភ្នំពេញ បាន​ចេញ​រថយន្ត និង​ម៉ូតូ​បម្រើ​ឲ្យ​ប្រតិបត្តិការ ធ្វើការ​ល្បាត​តាម​បណ្តា​គោលដៅ​ក្នុង​ភូមិសាស្ត្រ​រាជធានី​ភ្នំពេញ ដើម្បី​ការពារ​សន្តិសុខ សុវត្ថិភាព រក្សា​សណ្តាប់ធ្នាប់ ជូន​ដល់​បងប្អូន​ប្រជាពលរដ្ឋ ក៏ដូចជា​ភ្ញៀវ​ទេសចរណ៍​បរទេស​ចូលរួម​អបអរសាទរ ដើរលេង​កំសាន្ត ក្នុង​ថ្ងៃ​ទី​១ នៃ​ពិធី​បុណ្យចូលឆ្នាំ​ប្រពៃណី​ជាតិខ្មែរ==>​ឯកឧត្តម រ័ត្ន ស្រ៊ាង ផ្ញើ​សារលិខិត​គោរព​ជូន​ពរ សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ក្នុង​ឱកាស​បុណ្យចូលឆ្នាំ​ថ្មី ឆ្នាំ​រោង==>​ឯកឧត្តម រ័ត្ន ស្រ៊ាង ផ្ញើ​សារលិខិត​គោរព​ជូន​ពរ​សម្ដេច​ធិបតី ហ៊ុន ម៉ា​ណែ​ត និង​លោកជំទាវ​បណ្ឌិត ពេ​ជ ចន្ទ​មុន្នី ក្នុង​ឱកាស​បុណ្យចូលឆ្នាំ​ថ្មី ឆ្នាំ​រោង==>​ឯកឧត្តម រ័ត្ន ស្រ៊ាង ផ្ញើ​សារលិខិត​គោរព​ជូន​ពរ​សម្តេច ហេង សំរិន​, សម្តេច សាយ ឈុំ​, សម្តេច ស ខេង​, សម្តេច ទៀ បាញ់ និង​សម្ដេច ម៉ែន សំអន ក្នុង​ឱកាស​បុណ្យចូលឆ្នាំ​ថ្មី ឆ្នាំ​រោង==>ឯកឧត្តម រ័ត្ន ស្រ៊ាង សូម​ក្រាបបង្គំ​ទូលថ្វាយ​ព្រះ​ពរ ព្រះករុណា​ជា​អ​ម្ចាស់ជីវិតលើត្បូង និង​ព្រះវររាជ​មាតា​ជាតិខ្មែរ ក្នុង​ឱកាស​បុណ្យចូលឆ្នាំ​ថ្មី ឆ្នាំ​រោង​

ឯកឧត្តម ជាវ តា​យ អភិបាល​ខេត្ត​កំពត បាន​ដឹកនាំ​កិច្ចប្រជុំ​ផ្សព្វផ្សាយ​ស្តីពី​ការប្រើប្រាស់​កម្មវិធី​ព័ត៌មានវិទ្យា​សម្រាប់​ការគ្រប់គ្រង និង​ផ្តល់​សេវា​ក្នុង​អង្គភាព​ច្រកចេញចូល​តែ​មួយ​របស់​រដ្ឋបាល​ខេត្ត​កំពត​

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

ព្រឹក​.​ថ្ងៃ​អង្គារ ៥​កើត ខែ​អស្សុជ ឆ្នាំ​ជូត ទោ​ស័ក ព​.​ស ២៥៦៤ ត្រូវ​នឹង​ថ្ងៃទី ២២ ខែ​កញ្ញា ឆ្នាំ ២០២០ នៅ​សាលប្រជុំ​សាលាខេត្ត​កំពត ឯកឧត្តម ជាវ តា​យ អភិបាលខេត្ត បាន​ដឹកនាំ​កិច្ចប្រជុំ​ផ្សព្វផ្សាយ​ស្តីពី​ការប្រើប្រាស់​កម្មវិធី​ព័ត៌មានវិទ្យា​សម្រាប់​ការគ្រប់គ្រង និង​ផ្តល់​សេវា​ក្នុង​អង្គភាព​ច្រកចេញចូល​តែ​មួយ​របស់​រដ្ឋបាល​ខេត្ត​កំពត​។​

​នៅក្នុង​កិច្ចប្រជុំ​នេះ មាន​ការអញ្ជើញ​ចូលរួម​ពី អភិបាលរង​ខេត្ត លោក​ប្រធាន​នាយកដ្ឋាន​មុខងារ និង​ធនធាន​នៃ​អគ្គនាយកដ្ឋាន​រដ្ឋបាល​ក្រសួងមហាផ្ទៃ លោក​ស្នងការរង លោក​មេបញ្ជាការរង​ក​ង​កម្លាំង​ទាំងបី​ប្រភេទ លោក លោកស្រី​នាយក នាយករង​រដ្ឋបាល​សាលាខេត្ត ប្រធាន​មន្ទីរ អង្គភាព​ជំនាញ​ពាក់ព័ន្ធ អភិបាលក្រុង ស្រុក មេឃុំ ចៅសង្កាត់ និង​មន្ត្រី​ជំនាញ​ពាក់ព័ន្ធ​។​

​ថ្លែង​នៅក្នុង​ពិធី​នោះ ឯកឧត្តម ជាវ តា​យ មានប្រសាសន៍ថា​៖ កិច្ចប្រជុំ​ផ្សព្វផ្សាយ​នេះ នឹង​ធ្វើឲ្យ​យើងទាំងអស់គ្នា​យល់ដឹង​អំពី​ការប្រើប្រាស់​កម្មវិធី​ព័ត៌មានវិទ្យា​សម្រាប់​គ្រប់គ្រង និង​ការផ្តល់​សេវា​នៅ​អង្គភាព​ច្រកចេញចូល​តែ​មួយ ដោយ​ផ្តល់​អត្ថប្រយោជន៍ និង​ពន្លឿន​ការផ្តល់សេវា កាត់បន្ថយ​ពេលវេលា ងាយស្រួល​ក្នុង​ការគ្រប់គ្រង​ទិន្នន័យ​តាម​អន​ឡាញ ដែល​អាច​អនុញ្ញាត​ឲ្យ​រាជធានី ខេត្ត ធ្វើការ​កត់ត្រា​សេវា គ្រប់គ្រង​ចំណូល តាមដាន​ចរន្ត​ការ​ឯកសារ និង​ផ្តល់​ភាពងាយស្រួល​ដល់​ថ្នាក់ដឹកនាំ​ខេត្ត ក្នុង​ការពិនិត្យ​មើល​វឌ្ឍនភាព​នៃ​ការផ្តល់​សេវា ជាពិសេស​អ្នកស្នើសុំ​សេវា ក៏​អាច​តាមដាន​ពិនិត្យមើល​ចរន្ត​ការ​ឯកសារ​របស់ខ្លួន​បាន​ផង​ដែរ​។​

​ឯកឧត្តម បានធ្វើ​ក្រើនរំលឹក​ដល់​អង្គភាព​ច្រក​ចេញ​តែ​មួយ ត្រូវ​ពង្រឹង​របៀបរបប​បំពេញការងារ ប្រកប​ដោយ​ក្រមសីលធម៌​វិជ្ជាជីវៈ​របស់​មន្ត្រី​ធ្វើ​យ៉ាងណា​ផ្តល់​សេវា​ឲ្យបាន​ល្អ​ប្រសើ ជូន​ប្រជាពលរដ្ឋ​។ លើសពីនេះ មន្ត្រីរាជការ​ត្រូវ​ផ្លាស់ប្តូរ​អត្ត​ច​រឹត​ពី​មន្ត្រី មក​ជា​អ្នកបម្រើ​សេវា​ជូន​ប្រជាពលរដ្ឋ ប្រកប​ដោយ​ភាពស្មោះត្រង់ ដោយ​ផ្តោត​សំខាន់​ទៅ​លើ​គោលការណ៍​៥​ចំណុច​ដែល​ជា​គ្រឹះ ក្នុង​ការផ្តល់​សេវា គឺ សាមញ្ញ សីលធម៌​វិជ្ជាជីវៈ គណនេយ្យភាព ការជឿ​ទុកចិត្ត និង​តម្លាភាព​៕

Filed in: ព័ត៌មានជាតិ