ទាន់ហេតុការណ៍
កិច្ចប្រជុំ​គណៈបញ្ជាការ​ឯកភាព​រដ្ឋបាលខ​ណ្ឌ​ដូនពេញ ប្រចាំ​ខែ​វិច្ឆិកា ឆ្នាំ​២០២២ ==> ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ សមាជិក មាន​ជំងឺ​ក្រួស​ក្នុងប្រ​ម៉ាត់​ ==> សម្តេច​តេជោ ហ៊ុន សែន អញ្ជើញ​ជា​អធិបតី​បិទ​ការប្រកួត​កីឡា​ជាតិ​លើក​៣ និង​កីឡា​ជនពិការ​ជាតិ​លើក​ទី​១ ==> ​អភិបាល​ខេត្ត​កំពង់ធំ​អំពាវនាវ​ឱ្យ​អាជ្ញាធរ​រៀបចំ​មធ្យោបាយ​ដឹកជញ្ជូន និង​កន្លែង​ស្នាក់នៅ​ឱ្យបាន​សមរម្យ​ដល់​សិស្ស​ក្រីក្រ ==> ​រដ្ឋបាល​ខេត្ត​ព្រះវិហារ និង​ខេត្ត​អ៊ូ​ប៊ុន​រាជធានី ប្រទេស​ថៃ ប្តេជ្ញា​រឹតចំណង​សាមគ្គីភាព មិត្តភាព និង​ទំនាក់ទំនង​ល្អ ដើម្បី​ការអភិវឌ្ឍន៍​តាម​ព្រំដែន​នៃ​ខេត្ត​ទាំង​២ ==> ​លោក គួច ចំរើន ចុះ​ពិនិត្យ​ដំណើរការ​សាងសង់​គិលានុបដ្ឋាន និង​ផ្ទះបាយ​នៅ​ទីតាំង​តំបន់​ប្រតិបត្តិការ​សឹក​រង​ខេត្ត​ព្រះសីហនុ ==> អភិបាល​រាជធានី​ភ្នំពេញ​៖ ៨​ឆ្នាំ ទៅ​១០​ឆ្នាំ ប្លង់​គោល​រាជធានី​ភ្នំពេញ ត្រូវ​កែប្រែ​ឡើងវិញ ដើម្បី​ងាយស្រួល​ផ្តល់​ប្លង់​កម្មសិទ្ធិ​ដី​ជា​ប្រព័ន្ធ​ជូន​ពលរដ្ឋ​ឱ្យ​បាន​លឿន​, មន្ត្រី​ជំនាញ​ត្រូពិនិត្យ​ឱ្យបាន​ជាក់លាក់​លើ​ប្លង់គោល ==> លោក​អនុសេនីយ៍ឯក ប៊ុន ឆាយ​ដែន នាយ​ប៉ុស្តិ៍​នគរបាល​រដ្ឋបាលស​ង្កា​ត់​អូរជ្រៅ ដឹកនាំ នាយរង​ប៉ុស្តិ៍​និង​មន្ត្រី​ក្នុង​ប៉ុស្តិ៍​ចុះ​ធ្វើ​ការដើរ​ល្បាត ការពារ​រក្សា​សន្តិសុខ សណ្ដាប់ធ្នាប់​សាធារណៈ សុវត្ថិភាព ជូន​ប្រជាពលរដ្ឋ​ ==> លោក លឹម សៀង​ហេង អញ្ជើញ​ជា​អធិបតី​ក្នុង​ពិធី​សម្ភោ​ធ​ដាក់ឲ្យ​ប្រើប្រាស់​ជា​ផ្លូវការ​ផ្លូវ​បេតុង​អា​ម៉េ​មួយខ្សែ​ស្ថិតនៅ​សង្កាត់​បាវិត​ក្រុង​បាវិត​ ==> ថវិកា​មូលនិធិ​មហា​គ្រួសារ​កងរាជអាវុធហត្ថ ត្រូវបាន​ប្រគល់ជូន​គ្រួសារ​សព​សមាជិក​មន្ត្រី អាវុធហត្ថ​រាជធានី​ភ្នំពេញ​!

​សូម​ស្វាគមន៍​! ម្ចាស់​កាស៊ីណូ​ភូមិ​យើង ក្នុង​ឃុំ​កក់ ស្រុក​ពញាក្រែក បើក​ឲ្យ​ពលរដ្ឋ​ខ្មែរ​ចូល​លេង​ល្បែងស៊ីសង​យ៉ាង​សុខ​សប្បាយ ជា​ប្រភព​ចំណូល​របស់​មន្ដ្រី​ពុករលួយ​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

ត្បូងឃ្មុំ ៖ ប្រភព​ថ្មីៗ​ពី​ប្រជាពលរដ្ឋ​និង​មន្ដ្រី​តូចតាច ក្នុងភូមិ​អន្លង់​ជ្រៃ ឃុំ​កក់ ស្រុក​ពញាក្រែក បានឲ្យដឹងថា រហូតមកដល់​ពេលនេះ​ម្ចាស់​កាស៊ីណូ​ភូមិ​យើង នៅ​តែ​បើក​ឲ្យ​ពលរដ្ឋ​ខ្មែរ​ចូល​លេង​ល្បែងស៊ីសង​យ៉ាង​ពពាក់ពពូន​ដោយ​មិន​ខ្វល់​ពី​ការឆ្លង​រាលដាល​នៃ​ជំងឺ​កូវី​ដ​-១៩ ទាល់តែសោះ​។

​ចំណែក​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ​និង​លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ កំពុង​បណ្តោយ​ឲ្យ​ម្ចាស់​កាស៊ីណូ​ភូមិ​យើង ធ្វើ​អ្វីៗ​តាម​អំពើ​ចិត្ត​របស់​ខ្លួន​។​

​ដូច្នេះហើយ​ទើប​ប្រជាពលរដ្ឋ​ក្នុង​ឃុំ​កក់ ស្រុក​ពញាក្រែក ខេត្ត​ត្បូងឃ្មុំ អំពាវនាវ​ឲ្យ​ថ្នាក់ដឹកនាំ​ក្រសួង​មហាផ្ទៃ និង​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​ទប់ស្កាត់​ទង្វើ​មិន​ប្រក្រតី​របស់​ម្ចាស់​កាស៊ីណូ​ភូមិ​យើង ជាបន្ទាន់​។​

​សេចក្តីរាយការណ៍​ពី​អ្នក​ធ្លាប់​ចូលទៅ​ក្នុង​ទីតាំង​កាស៊ីណូ​ភូមិ​យើង បានឲ្យដឹងថា នៅ​ក្នុង​កាស៊ីណូ​នោះ​មាន​ល្បែង​បញ្ជល់មាន់​បៀ​អាប៉ោង និង​យូគី ក៏ដូចជា​ល្បែងស៊ីសង​ច្រើន​ប្រភេទ​ទៀត​ដំណើរការ​យ៉ាង​រលូន ហើយ​អ្នកលេង​ល្បែង​៩៥​ភាគរយ​ជា​ពលរដ្ឋ​ខ្មែរ​។ ប្រភព​បានឲ្យដឹង​ទៀតថា សម្រាប់​ការ​បញ្ជល់មាន់​១​គូៗ មាន​ដាក់​ដើម​ថា​ន់​រាប់ពាន់​ដុល្លារ​ដល់​រាប់ម៉ឺន​ដុល្លារ ហើយ​អាប៉ោង​និង​បៀ​យូគី​ក៏​ស៊ីសង​ក្នុង​ទ្រង់ទ្រាយ​ធំ​ដែរ​។​

​ម្ចាស់​កាស៊ីណូ​ភូមិ​យើង ត្រូវបាន​គេ​ដឹងថា​មាន​ខ្នងបង្អែក​រឹងមាំ​ទើប​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ និង​លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ មិន​ហ៊ាន​ប៉ះពាល់​ទាល់តែសោះ ហើយ​ប្រភព​ខ្លះ​សង្ស័យថា មន្ត្រី​ធំៗ​ក្នុង​ខេត្ត​ត្បូងឃ្មុំ សម្ងំ​ទទួល​ផលប្រយោជន៍​យ៉ាង​ត្រជាក់ចិត្ត​ពី​ម្ចាស់​កាស៊ីណូ​ភូមិ​យើង​។​

​ប្រជាពលរដ្ឋ​ក្នុង​ឃុំ​កក់ ស្រុក​ពញាក្រែក ខេត្ត​ត្បូងឃ្មុំ បានឲ្យដឹងថា ដោយសារ​ម្ចាស់​កាស៊ីណូ​ភូមិ​យើង បើក​ឲ្យ​ប្រជាពលរដ្ឋ​ខ្មែរ​ចូល​លេង​ល្បែង​យ៉ាង​ពពាក់ពពូន​ទើប​បច្ចុប្បន្ន​អំពើ​ចោរកម្ម​និង​បទល្មើស​ផ្សេងៗ​កើត​ឡើង​គួរ​ឲ្យ​ភ័យខ្លាច​នៅ​ស្រុក​ពញាក្រែក​។

​ដូច្នេះ​ថ្នាក់ដឹកនាំ​ក្រសួងមហាផ្ទៃ​និង​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ មិន​គួរ​មើលរំលង​ភាព​អសកម្ម​របស់លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ នោះទេ​។​

​ដោយហេតុ​ថា​មកដល់​ពេល​នេះ​ម្ចាស់​កាស៊ីណូ​ភូមិ​យើង នៅ​តែ​បើក​ឲ្យ​ពលរដ្ឋ​ខ្មែរ​ចូល​លេង​ល្បែងស៊ីសង​យ៉ាង​ពេញបន្ទុក ហើយ​មន្ត្រី​អាជ្ញ​ធរ​និង​សមត្ថកិច្ច​ខេត្ត​ត្បូងឃ្មុំ នាំគ្នា​សម្ងំ​ស្ងាត់ឈឹង យក​ធ្វើ​មាន ធ្វើបាន​៕

Filed in: ព័ត៌មាន ដែលគួរចាប់អារម្មណ៍, ព័ត៌មានជាតិ

Bookmark and Promote!

© 2022 ឆន្ទៈខ្មែរ | Chhantak Khmer News. All rights reserved. XHTML / CSS Valid.