ទាន់ហេតុការណ៍
ឯកឧត្តម ហ៊ុន សុខា នៅតែ​បន្ត​ចុះ​ជួយ​តាម​បណ្តា​ស្រុក​ដ៏​ទៃ​ទៀត​ឱ្យបាន​គ្រប់​ចំនួន​ដូចៗ​គ្នា​.. ==> ​កិច្ចប្រជុំ​ណែនាំ ស្តីពី​ការពង្រឹង​របៀបរបប​ការងារ​ដឹកនាំ​របស់​ស្នងការដ្ឋាន​នគរបាល​ខេត្ត​កំពង់ធំ​ ==> ​កិច្ចប្រជុំ​ផ្សព្វផ្សាយ ស្តីពី​ការដាក់​ឲ្យ​អនុវត្តប​ទប​ញ្ជា​ផ្ទៃក្នុង ដល់​មន្ត្រីរាជការ​ស៊ីវិល និង​មន្ត្រី​ជាប់​កិច្ចសន្យា រដ្ឋបាល​ខណ្ឌដូនពេញ​ ==> ​អភិបាល​ក្រុង​ស្រុក​ត្រូវ​បង្កើន​សកម្មភាព​ដោះស្រាយ​បញ្ហា និង​ទប់ស្កាត់​កូវី​ដ​១៩​នៅតាម​មូលដ្ឋាន​ ==> ឯកឧត្តម វេង សាខុន បាន​ចូលរួម​ជា​អធិបតី ក្នុង​វេទិកា​យុវជន​ជើងឯក​អាហារូបត្ថម្ភ​នៅ​ទីស្ដីការ​គណ​:​រដ្ឋមន្ដ្រី​ ==> ​ពិធី​សម្ភោ​ធ​អាគារ និង​សមិទ្ធផល​នានា​របស់ ស្នងការដ្ធាន​នគរបា​ល​ខេត្ត​ត្បូង​ឃ្មុំ ក្រោម​អធិបតីភាព​ដ៍​ខ្ពង់ខ្ពស់ សម្ដេច​ក្រឡាហោម ស ខេង​ ==> បើក​កិច្ចប្រជុំ​ស្ដីពី​ការរៀបចំ​អនុវត្ត​យន្តការ​ច្រកចេញចូល​តែ​មួយ ចំពោះ​ការផ្ដល់​សេវា​ផ្នែក​អត្តសញ្ញាណ​កម្ម​នៅ​ថ្នាក់​សង្កាត់ ក្នុង​រាជធានី​ភ្នំពេញ ក្រោម​អធិបតីភាព ឯកឧត្តម ឃួ​ង ស្រេង​ ==> ​ឯកឧត្តម វេង សាខុន សូម​ចូលរួម​អបអរសាទរ ចំពោះ​អាគារ​ថ្មី​មួយទៀត ដែល​នឹង​លេចចេញ​ជា​រូបរាង​នា​ឆ្នាំក្រោយ​ ==> ​ចុះ​ប្រតិបត្តិការ​បង្ក្រាប​ករណី​ចាប់​ជម្រិត​យកប្រាក់​លើ​ជនជាតិ​ចិន​ដូចគ្នា នៅ​ចំណុច​សណ្ឋាគារ កណ្តាល​សួនច្បារ ស្ថិតក្នុង​សង្កាត់​ចតុមុខ ខណ្ឌដូនពេញ​ ==> ជនជាតិ​ចិន​ជិត​៣០​នាក់​ត្រូវបាន​អាវុធហត្ថ​ភ្នំពេញ​ចុះបង្ក្រាប​

​អភិបាល​ខេត្ត​កំពត​ក្រើនរំឭក​និង​ជំរុញ​មន្ត្រី​ឲ្យ​សហការ​គ្នា​បំពេញ​ភារកិច្ច​ប្រកបដោយ​ការទទួលខុសត្រូវ​ខ្ពស់​

​អភិបាល​ខេត្ត​កំពត​ក្រើនរំឭក​និង​ជំរុញ​មន្ត្រី​ឲ្យ​សហការ​គ្នា​បំពេញ​ភារកិច្ច​ប្រកបដោយ​ការទទួលខុសត្រូវ​ខ្ពស់​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ខេត្ត​កំពត​)៖ អភិបាល​ខេត្ត​កំពត​បា​ន​ក្រើនរំឭក​ជំរុញ​ដល់​មន្ត្រី​មន្ទីរ​ជំនាញ និង​អាជ្ញាធរ ឲ្យ​សហការគ្នា​បំពេញ​ភារកិច្ច​តាម​តួនាទី​រៀងៗ​ខ្លួន​ប្រកបដោយ​ការទទួលខុសត្រូវ​ខ្ពស់ កន្លែង​ណា​មាន​បញ្ហា ត្រូវ​នាំគ្នា​ចុះ​ទៅ​ដោះស្រាយ​ដល់​កន្លែង​នោះ កុំ​មើលបំណាំ​គ្នា នោះ​ទើប​ខេត្ត​អាច​មាន​ការអភិវឌ្ឍន៍​រីកចម្រើន​ទៅ​មុខ​ឆាប់រហ័ស​។

​ថ្លែង​នៅក្នុង​កិច្ចប្រជុំ​គណៈបញ្ជាការ​ឯកភាព​រដ្ឋបាល​ខេត្ត​កំពត​ដែ​លមាន​ការចូលរួម​ពី​អាជ្ញាធរ​ក្រុង ស្រុក មន្ទីរ​ជំនាញ​និង​អង្គភាព​កងកម្លាំងប្រដាប់អាវុធ​ក្នុង​ខេត្ត នៅ​ព្រឹក​ថ្ងៃទី​២០ ខែកក្កដា ឆ្នាំ ២០២០ លោក ជាវ តា​យ អភិបាល​ខេត្ត​កំពត បាន​លើកឡើង​ថា ពីមួយថ្ងៃ​ទៅមួយថ្ងៃ បញ្ហា​តែងតែ​កើតមាន​ជា​បន្តបន្ទាប់​នៅតាម​មូលដ្ឋាន​នៃ​ស្រុក ក្រុង នី​មួយៗ​ខណៈ​ដែល​បញ្ហា​ចាស់​មួយចំនួន​ដោះស្រាយ​មិនទាន់​ចប់​រួចរាល់​នៅ​ឡើយ​។ ហើយ​បញ្ហា​ទាំង​នេះ​ទៀត​មន្ត្រី​មួយចំនួន​តូច ហាក់​មិនសូវ​អើ​រពើ​ក្នុង​កិច្ចខិតខំ​ដោះស្រាយ​បញ្ហា​ដែល​ទា​ក់ទង់​នឹង​ជំនាញ ឬ បញ្ហា​ក្នុង​ដែន​សមត្ថកិច្ច​របស់​ខ្លួន​នោះទេ ដែល​ធ្វើឲ្យ​ប្រជាពលរដ្ឋ​នៅក្នុងមូល​ដ្ឋា​ន មិនសូវ​ពេញចិត្ត និង​គ្មាន​ទំនុកចិត្ត​លើ​ចំណាត់ការ​របស់​មន្ត្រី​រាជរដ្ឋាភិបាល​។

​លោក​បាន​បញ្ជាក់ទៀតថា ដើម្បី​បំពេញ ឬ​ដោះស្រាយ​ការងារ​មួយ​ឲ្យបាន​ជោគជ័យ មន្ត្រី​ជំនាញ និង​ពាក់ព័ន្ធ ត្រូវ​រួម​សហការ​ជាមួយ​អាជ្ញាធរ អនុវត្ត​តួនាទី​តាម​ជំនាញ និង​សមត្ថកិច្ច​រៀងៗ​ខ្លួន ប្រកបដោយ​ការទទួលខុសត្រូវ​ខ្ពស់ ដោយ​តម្លាភាព កន្លែង​ណា​មាន​បញ្ហា ត្រូវ​នាំគ្នា​ចុះ​ទៅ​ដោះ​ដល់​កន្លែង​នោះ មិន​អាច​នៅ​រងចាំ ហើយ​មើលបំណាំ​គ្នា​នោះ​ទេ​។​

​លោក​អភិបាលខេត្ត បាន​សង្កត់ធ្ងន់​ដែរ​ថា រដ្ឋបាល​ខេត្ត​ក៏​តំណាង​របស់​រាជរដ្ឋាភិបាល ហើយ​រដ្ឋបាល​ក្រុង ស្រុក ក៏​ជា​តំណាងឲ្យ​រាជរដ្ឋាភិបាល​ដូច​គ្នា ខុស​គ្នា​ត្រង់​តែ ការតែងតាំង​ដោយ​ព្រះរាជក្រិត្យ និង​អនុក្រិត្យ​ប៉ុណ្ណោះ ដូច្នេះ​រដ្ឋបាល​ក្រុង​ស្រុក​ត្រូវ​បង្កើន​ស្មារតី​ទទួលខុសត្រូវ​រាល់​ការងារ​នៅក្នុង​មូលដ្ឋាន​របស់​ខ្លួន ហើយ​ក្នុង​ករណី​ព្យាយាម​ដោះស្រាយ ហើយ​គ្មាន​លទ្ធផល ត្រូវ​រាយការណ៍​មក​រដ្ឋបាលខេត្ត ដើម្បី​ជួយ​ដោះស្រាយ​បន្ត​។ ចំណែក​មន្ត្រី​មន្ទីរ​ជំនាញ​ក៏​ដូចគ្នា​ដែរ នៅពេល​មាន​បញ្ហា​អ្វី​មួយ​ទាក់ទង​នឹង​ជំនាញ​របស់​ខ្លួន ត្រូវ​ចុះ​ទៅ​ដោះស្រាយ ហើយ​ធ្វើ​របាយការណ៍​បញ្ជាក់​ជូន​ទៅ​ស្រុក​មួយ​ច្បាប់ និង​រដ្ឋបាល​ខេត្ត​មួយ​ច្បាប់ តាមរយៈ​ប្រពន្ធ Telegram ឬ Whatsapp ដែល​អង្គភាព​ធ្លាប់​ប្រើប្រាស់​។​

​លោក​អភិបាលខេត្ត​ក៏​បាន​ក្រើនរំលឹក​ដល់​អង្គប្រជុំ​ដោយ​លើក​បញ្ជាក់​ថា ដើម្បី​ឆ្លើយតប​តាម​ការណែនាំ​របស់​សម្ដេច​ក្រឡាហោម​ស ខេង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួង​មហាផ្ទៃ ដែល​តែងតែបាន​ក្រើនរំលឹក​ណែនាំ ជំរុញ ដល់​ថ្នាក់​រដ្ឋបាល​ខេត្ត ក្រុង ស្រុក ឲ្យមាន​ការយកចិត្តទុកដាក់​ខិតខំ​បំពេញ​តួនាទី​ភារកិច្ច​របស់​ខ្លួន​ឲ្យបាន​សកម្ម​បំផុត​ពិសេ​សត្រូ​វ​ខិតខំ​ដោះស្រាយ​បញ្ហា​ប្រឈម​នៅក្នុង​មូលដ្ឋាន​របស់​ខ្លួន​ឲ្យទទួល​បាន​លទ្ធផល​ជោគជ័យ​។ ដូច្នេះ​សូម​ស្នើ​ដល់​មន្ត្រី​ទាំងអស់​ត្រូវ​មាន​ឆន្ទៈ មនសិការ យន្តការ​ដោះស្រាយ​រាល់​បញ្ហា​កង្វល់ ការលំបាក​ខ្វះខាត​សំណូមពរ និង​បញ្ហា​ប្រឈម​ផ្សេងៗ ដោយ​ផ្អែក​លើ​មូលដ្ឋាន​ច្បាប់ ពិសេស “​រួម​គ្នា​គិត រួមគ្នា​ធ្វើ រួម​គ្នា​ទទួលខុសត្រូវ​”៕ សេង ណា​រិទ្ធ​

Filed in: ខេត្តកំពត

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.