ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

​សមាជិក​ថ្មី​ត្រូវ​លើកកម្ពស់​មនសិការ​ស្នេហា​ជាតិ មាន​វិន័យ សាមគ្គី ឯកភាព​ផ្ទៃក្នុង​បក្ស ប្រកាន់​ជំហរ​ភាពស្មោះត្រង់​បក្ស សមូហភាព​ដឹកនាំ​ម្នាក់ៗ​ទទួលខុសត្រូវ​

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​កំពត​)៖ ប្រធាន​គណៈកម្មាធិការ​គណបក្ស​ប្រជាជន​កម្ពុជា​ខេត្ដ​កំពត រីករាយ និង​សូម​ស្វាគមន៍​ចំពោះ​សមាជិក​ថ្មី​ចំនួន​ជិត​១.០០០ នាក់ ដែល​បាន​ស្ម័គ្រ​ចូលរួម​ក្នុង​ជីវភាព​នយោបាយ​របស់​បក្ស និង​បាន​ស្នើសុំ​ឲ្យ​សមាជិក​ថ្មី​ទាំងអស់ ត្រូវ​លើកកម្ពស់​មនសិការ​ស្នេហា​ជាតិ មាន​វិន័យ សាមគ្គី ឯកភាព​ផ្ទៃក្នុង​បក្ស ប្រកាន់​ជំហរ​ភាពស្មោះត្រង់​បក្ស ដោយ​សមូហភាព​ដឹកនាំ​ម្នាក់ៗ​ទទួលខុសត្រូវ​ដើម្បី​រួម​ដំណើរ​ជាមួយ​រាជរដ្ឋាភិបាល​អភិវឌ្ឍ​ន៍​មូលដ្ឋាន និង​សង្គមជាតិ​។

​ថ្លែង​ក្នុង​ពិធី​បញ្ចូល​សមាជិក​ថ្មី​ក្នុង​ជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុង​ស្រុក​កំពង់ត្រាច ខេត្ត​កំពត មាន​ចំនួន​៩៨៥​នាក់ កាលពី​ព្រឹក​ថ្ងៃទី​១៨ ខែកក្កដា ឆ្នាំ ២០២០ លោក ជាវ តា​យ ប្រធាន​គណៈកម្មាធិការ​គណបក្ស​ប្រជាជន​កម្ពុជា​ខេត្ដ​កំពត​បាន​លើកឡើង​ថា មានតែ​គណបក្ស​ប្រជាជន​កម្ពុជា​មួយ​តែ​ប៉ុណ្ណោះ ដែល​មាន​កម្លាំង​ស្នូល ជា​បង្អែក​ដ៏​រឹងមាំ​របស់​ប្រជាជន ដោយ​បាន​រួមសុខ​រួមទុក្ខ​ជាមួយ​ប្រជាជន​គ្រប់​កាលៈទេសៈ ដោយ​គណបក្ស​ប្រជាជន​កម្ពុជា បាន​ឆ្លងកាត់​នូវ​បទពិសោធន៍​ជាច្រើន នឹង​បណ្ដា​សមិទ្ធផល​ដ៏​វិសេសវិសាល ក្នុង​រយៈពេល ៤០​ឆ្នាំ​កន្លងទៅនេះ ដោយ​ផ្ដើមចេញពី​ជ័យជម្នះ ៧​មករា ឆ្នាំ​១៩៧៩ ប្រទេសជាតិ​យើង​បាន​អភិវឌ្ឍន៍​សេដ្ឋកិច្ចសង្គម ធ្វើឲ្យ​មាន​ការរីកចម្រើ​ន ប្រកបដោយ​ចីរភាព បរិយាប័​ន សមធម៌ ដោយ​សម្រេចបាន​នូវ​ការផ្លាស់ប្ដូរ​សង្គម​យ៉ាង​ធំធេង​ពុំ​អាច​នឹកស្មាន​ដល់​។

​កម្ពុជា​បាន​ប្រែក្លាយ​ពី​វាលពិឃាដ​នៃ​របប​ប្រល័យ​ពូជសាសន៍ ប៉ុលពត ពី​សមរភូមិ​នៃ​សង្គ្រាម​ដ៏​រ៉ាំរ៉ៃ ពី​គំនរ​ផេះផង់ ទៅ​ជា​ទឹកដី​ដែល​មាន​សន្តិភាព ឯកភាព ស្ថេរភាព សេរីភាព ប្រជាធិបតេយ្យ នីតិរដ្ឋ និង​អភិវឌ្ឍន៍​លើ​គ្រប់​វិស័យ ធ្វើឲ្យ​ប្រជាជន​គ្រប់រូ​បបាន​រស់នៅ​ប្រកប​ដោយ​ក្ដី​សង្ឃឹម​យ៉ាង​សុខដុមរមនា​ក្រោម​ដំបូល នៃ​រដ្ឋធម្មនុញ្ញ​តែ​មួយ នឹង​ម្លប់​ដ៏​ត្រជាក់​នៃ​អង្គ​ព្រះមហាក្សត្រ​ជា​ទីសក្ការៈ​ដ៏​ខ្ពង់ខ្ពស់​បំផុត ។ ពិសេស​ក្នុង​ដំណាក់កាល​ថ្មី​នៃ​ប្រទេសជាតិ ជួប​វិបត្តិ​ជា​សកល​នៃ​ជំងឺឆ្លង កូវី​ដ​១៩ រាជរដ្ឋាភិបាល​ក្រោម​ការដឹកនាំ​របស់​គណ​បក្ស​ប្រជាជន​ដែលមាន​សម្ដេច​តេជោ​ហ៊ុន​សែន​ជា​ប្រមុខ បានធ្វើ​ចំណាត់ការ​ដោះស្រាយ​ប្រកបដោយ​ប្រសិទ្ធភាព ពុំ​មាន​ប្រជាពលរដ្ឋ​ណា​ម្នាក់ ស្លាប់​ដោយ​ជំងឺ​ដ៏​កាច​សាហាវ​នេះឡើយ​។​

​ដូច្នេះ​ដើម្បី​ជា​ការឆ្លើយតប ចំពោះ​គុណ​បំណាច់​របស់​សម្ដេច​តេជោ ហ៊ុន សែន ដែល​បាន​នាំមក​នូវ​សន្តិភាព ស្ថេរភាព និង​សមទ្ធិ​ផល ដោយ​ការលះបង់​អាយុជីវិត សាច់​ស្រស់ ឈាម​ស្រស់​ធ្វើ​ជា​ដើមទុន លោក ជាវ តា​យ បាន​ស្នើសុំ​ដល់​សមាជិក​សមាជិកា ពិសេស​សមាជិក​ដែល​ទើបតែ​បញ្ចូល​ថ្មី​នេះ​ត្រូវតែ​មាន​ភាពស្មោះត្រង់ និង​ខិតខំ​ប្រតិបត្តិ រក្សា​ទំនាក់ទំនង​ល្អ ជាមួយ​ប្រជាជន នឹង​ខិតខំ​ថែរក្សា​សាមគ្គី ឯកភាព​ផ្ទៃក្នុង លើកកម្ពស់​សមត្ថភាព និង​គុណធម៌ ដើម្បី​សម្រេច​ភារកិច្ច​ជូន​ជាតិ មាតុភូមិ​៕ សេង ណា​រិទ្ធ​

Filed in: ព័ត៌មានជាតិ