ទាន់ហេតុការណ៍
រដ្ឋមន្ត្រីក្រសួង​ការងារ ឯកឧត្តម ហេង ៖ក្រសួងសួរ​ស្វាគមន៍​រាល់​កិច្ច​សហប្រតិបត្តិការ​ជាមួយ​គ្រប់​ដៃគូ​ពាក់ព័ន្ធ ជា​ពិសេស​សហជីព ដើម្បី​ផ្លាស់​ប្តូរ​បទ​ពិសោធន៍ ចំណេះដឹង មតិយោបល់ និង​ស្វែងរក​ដំណោះស្រាយ​ទាន់​ពេលវេលា==>រថយន្តក្រុង​រាជធានី​ភ្នំពេញ City Bus ដំណើការដឹកជញ្ជូនអ្នកដំណើរពី​អាកាសយានដ្ឋាន​អន្តរជាតិ​តេ​ជោ==>លោក គួ​ច ចំរើន អភិបាល ខេត្តកណ្តាល ​ដឹកនាំ​កិច្ចប្រជុំ​សម្រួល​ចរាចរណ៍ សណ្ដាប់ធ្នាប់ និង​របៀបរៀបរយ ក្នុង​អាកាសយានដ្ឋាន​តេ​ជោ​==>រដ្ឋមន្រ្តីក្រសួងសុខាភិបាល៖ប្រធាន និងថ្នាក់ដឹកនាំអង្គភាព ជាគំរូបម្រើផលប្រយោជន៍ ជូនសហភាតរៈក្នុងវិជ្ជាជីវៈ==>អ្នកសង្កេតការណ៍អន្តរកាល (IOT) ដែលមានប្រទេសចំនួន៧ ដឹកនាំដោយអនុព័ន្ធយោធាម៉ាឡេស៊ី ប្រចាំកម្ពុជាដាក់ទីស្នាក់ការនៅ ក្រុងសិរីសោភ័ណ ខេត្តបន្ទាយមានជ័យ==>លោកស្រី ម៉ាលី សុជាតា អ្នកនាំពាក្យការពារជាតិ ៖ ថៃពង្រាយគ្រាប់បែក ចង្កោមលើភ្នំខ្មោច ជាការបំពានយ៉ាងធ្ងន់ធ្ងរ លើច្បាប់អន្តរជាតិ==>ឯកឧត្តមឧបនាយករដ្ឋមន្ត្រី ស៊ុន ចាន់ថុល៖ គម្រោងព្រែកជីកហ្វូណនតេជោ គឺ ដំណើរការទៅមុខជាធម្មតា មិនថយក្រោយឡើយ ទោះបីកម្ពុជាមានជម្លោះព្រំដែនជាមួយថៃ==>រដ្ឋបាលខេត្តព្រះវិហារ កំពុងជម្លៀសពលរដ្ឋ​ មកកន្លែងសុវត្ថិភាព==>ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន

​រដ្ឋបាល​ខេត្ត​កំពត​នឹង​ស្តារ​ព្រែក​កំពង់បាយ​ដើម្បី​កែលម្អ​សោភ័ណភាព និង បញ្ចៀស​ទឹកជំនន់​លិច​ក្រុង​កំពត​

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​កំពត​)៖ ដើម្បី​កែលម្អ​សោភ័ណភាព និង បញ្ចៀស​ទឹកជំនន់​លិច​ក្រុង​កំពត នា​រដូវវស្សា​ក្នុងឆ្នាំនេះ រដ្ឋបាល​ខេត្ត​កំពត​បា​ន​ចាត់វិធានការ​ពី​ចម្ងាយ ដោយ​បង្កើត​ជា គណៈកម្មការ​គ្រប់គ្រង និង​ស្តារ​ព្រែក​កំពង់បាយ ហើយ​បើ​តាម​ប្រសាសន៍​របស់ លោក​អភិបាល​ខេត្ត​កំពត​ថា គណៈកម្មការ​មួយ​នេះ​បាន​នឹង​កំពុង​ស្វែងរក​ក្រុមហ៊ុន​ឯកជន ដើម្បី​បូម​ខ្សាច់​ស្តារ​ព្រែក​កំពង់បាយ​ឲ្យបាន​លឿន​បំផុត​។ ចំណែក​ការរៀបចំ​លម្អ​សោភ័ណភាព​នឹង​ធ្វើ​ឲ្យ​ហើយ នៅ​មុន​ថ្ងៃ​បុណ្យ​ឆ្លង​ឆ្នាំ​សកល​ខាងមុខ​។

​ថ្លែង​កិច្ចប្រជុំ​ចង្អៀត​ស្ដីពី​ការរៀបចំ​កិច្ចការងារ​របស់​គណៈ​កម្ម​ការគ្រប់គ្រង និង​ស្ដារ​ព្រែក​កំពង់បាយ កាលពី​រសៀល​ថ្ងៃ​ទី​១៤ ខែកក្កដា ឆ្នាំ ២០២០ លោក ជាវ តា​យ អភិបាល​ខេត្ត​កំពត បាន​លើកឡើង​ថា បច្ចុប្បន្ន​តាម​បណ្ដោយ​ព្រែក​កំពង់បាយ កន្លែង​ខ្លះ​ទឹក​បាន​ហូរ​នាំ​យក​ខ្សាច់​មក​ចាក់គរ​ជា​គំនរ បណ្តាលឲ្យ​ចំណុច​នោះ​មាន​ទឹករាក់ ធ្វើឲ្យ​ទូក​ទេសចរណ៍ ក៏ដូចជា​ទូក​នេសាទ​មិន​អាច​ឆ្លងកាត់​បាន​, ចំណែក​កន្លែង​ខ្លះ​ទៀត គ្មាន​របៀបរៀបរយ​ល្អ​នៅឡើយ​ទេ កន្លែង​ខ្លះ​ធ្វើ​រោង​ចូល​ទៅក្នុង​ទឹក កន្លែង​ខ្លះ​ចាក់​ខ្សាច់​លយ​ចូលទៅក្នុង​ព្រែក​ជាដើម ខណៈ​ដែល​ទឹក​កខ្វក់​មួយចំនួន ក៏​ត្រូវ​បាន​បង្ហូរ​ចូលទៅ​ក្នុង​ព្រែក​កំពង់បាយ​ផងដែរ​។

​ដោយ​មើលឃើញ​អំពី​ចំណុច​អវិជ្ជមាន​ទាំងនេះ និង​ដើម្បី​បញ្ចៀស​បញ្ហា​ទឹក​ជំនន់​លិច​ក្រុង​នៅ​រដូវវស្សា​ផង ទើប​រដ្ឋបាល​ខេត្ត​កំពត បាន​បង្កើត​គណៈកម្មកា​រ​គ្រប់គ្រង និង​ស្តារ​ព្រែក​កំពង់បាយ​ឡើង ដើម្បី​ស្តារ​ព្រែក បញ្ចៀស​ទឹកជំនន់​ផង និង​រៀបចំ​កែលម្អ​សោភ័ណភាព​ព្រែក និង​ក្រុង​ឲ្យមាន​ភាពទាក់ទាញ​បន្ថែមទៀ​ត​។​

​លោក ជាវ តា​យ បានបញ្ជាក់​ថា បញ្ហា​នៅ​ចំពោះ​មុខ​ក្នុង​ពេល​នេះ​គឺ​ធ្វើ​យ៉ាងណា​បូម​ខ្សាច់​ចេញពី​ពោះ​ព្រែក​កំពង់បាយ ត្រង់​ចំណុច​ណា​ទឹក​បាន​ហូរ​នាំយក​ខ្សាច់​មក​ចាក់គរ​បណ្តាល​ឲ្យ​ទឹករាក់ ឬ​កន្លែង​ណា​ដែល​ពលរដ្ឋ​ចាក់​ខ្សាច់​ហូរ​ចូល​ទៅក្នុង​ព្រែក​។ តាមរយៈ​កិច្ចប្រជុំ​នា​រសៀល​នោះ គណ​:​កម្ម​ការគ្រប់គ្រង និង​ស្តារ​ព្រែក​កំពង់បាយ នឹង​ធ្វើ​ការពិភាក្សា​ជាមួយ មន្ទីរជំនាញ ពាក់ព័ន្ធ​ដែល​ជា​សមាជិក ដើម្បី​ស្វែងរក​ក្រុមហ៊ុន​ឯកជន​មក​បូម​ខ្សាច់​ចេញពី​ពោះ​ព្រែក​កំពង់បាយ​។

​ក្នុង​កិច្ចប្រជុំ​នោះ​ដែរ ក្រៅពី​មាន​គម្រោង​ស្ដារ​ព្រែក​កំពង់បាយ រដ្ឋបាល​ខេត្ត​ក៏​គ្រោង​នឹង​កែលំអ​សោភ័ណភាព​តាម​ដងព្រែក​ឲ្យបាន​កាន់តែ​ល្អប្រសើរ ប្រកបដោយ​អនាម័យ បរិស្ថាន ធានា​បាន​សុខមាលភាព​សាធារណៈ ពិសេស​សម្រាប់​ទាក់ទាញ​ភ្ញៀវទេសចរ​ជាតិ អន្តរជាតិ មក​ទស្សនា​កំសាន្ត​នៅ​ខេត្ត​កំពត​ឲ្យបាន​កាន់តែ​ច្រើន​ឡើង​ថែមទៀ​ត​។

​ចំពោះ​ការងារ​រៀបចំ​ខាងលើ នឹង​ត្រូវ​ធ្វើឲ្យ​បាន​រួចរាល់​នៅ​ដំណាច់​ចុងឆ្នាំ​២០២០ ខាងមុខនេះ ពិសេស​សម្រាប់​ត្រៀម​ការ​ប្រារព្ធ​ពិធី​បុណ្យ​ឆ្លង​ឆ្នាំ សកល​ដែល​នឹង​មកដល់​នាពេលខាងមុខ​៕
​សេង ណា​រិទ្ធ​

Filed in: ព័ត៌មានជាតិ