ទាន់ហេតុការណ៍
ឯកឧត្តម ហ៊ុន សុខា នៅតែ​បន្ត​ចុះ​ជួយ​តាម​បណ្តា​ស្រុក​ដ៏​ទៃ​ទៀត​ឱ្យបាន​គ្រប់​ចំនួន​ដូចៗ​គ្នា​.. ==> ​កិច្ចប្រជុំ​ណែនាំ ស្តីពី​ការពង្រឹង​របៀបរបប​ការងារ​ដឹកនាំ​របស់​ស្នងការដ្ឋាន​នគរបាល​ខេត្ត​កំពង់ធំ​ ==> ​កិច្ចប្រជុំ​ផ្សព្វផ្សាយ ស្តីពី​ការដាក់​ឲ្យ​អនុវត្តប​ទប​ញ្ជា​ផ្ទៃក្នុង ដល់​មន្ត្រីរាជការ​ស៊ីវិល និង​មន្ត្រី​ជាប់​កិច្ចសន្យា រដ្ឋបាល​ខណ្ឌដូនពេញ​ ==> ​អភិបាល​ក្រុង​ស្រុក​ត្រូវ​បង្កើន​សកម្មភាព​ដោះស្រាយ​បញ្ហា និង​ទប់ស្កាត់​កូវី​ដ​១៩​នៅតាម​មូលដ្ឋាន​ ==> ឯកឧត្តម វេង សាខុន បាន​ចូលរួម​ជា​អធិបតី ក្នុង​វេទិកា​យុវជន​ជើងឯក​អាហារូបត្ថម្ភ​នៅ​ទីស្ដីការ​គណ​:​រដ្ឋមន្ដ្រី​ ==> ​ពិធី​សម្ភោ​ធ​អាគារ និង​សមិទ្ធផល​នានា​របស់ ស្នងការដ្ធាន​នគរបា​ល​ខេត្ត​ត្បូង​ឃ្មុំ ក្រោម​អធិបតីភាព​ដ៍​ខ្ពង់ខ្ពស់ សម្ដេច​ក្រឡាហោម ស ខេង​ ==> បើក​កិច្ចប្រជុំ​ស្ដីពី​ការរៀបចំ​អនុវត្ត​យន្តការ​ច្រកចេញចូល​តែ​មួយ ចំពោះ​ការផ្ដល់​សេវា​ផ្នែក​អត្តសញ្ញាណ​កម្ម​នៅ​ថ្នាក់​សង្កាត់ ក្នុង​រាជធានី​ភ្នំពេញ ក្រោម​អធិបតីភាព ឯកឧត្តម ឃួ​ង ស្រេង​ ==> ​ឯកឧត្តម វេង សាខុន សូម​ចូលរួម​អបអរសាទរ ចំពោះ​អាគារ​ថ្មី​មួយទៀត ដែល​នឹង​លេចចេញ​ជា​រូបរាង​នា​ឆ្នាំក្រោយ​ ==> ​ចុះ​ប្រតិបត្តិការ​បង្ក្រាប​ករណី​ចាប់​ជម្រិត​យកប្រាក់​លើ​ជនជាតិ​ចិន​ដូចគ្នា នៅ​ចំណុច​សណ្ឋាគារ កណ្តាល​សួនច្បារ ស្ថិតក្នុង​សង្កាត់​ចតុមុខ ខណ្ឌដូនពេញ​ ==> ជនជាតិ​ចិន​ជិត​៣០​នាក់​ត្រូវបាន​អាវុធហត្ថ​ភ្នំពេញ​ចុះបង្ក្រាប​

​អាជ្ញាធរ​រាជធានី​ភ្នំពេញ នឹង​កែសម្រួល​ប្រព័ន្ធ​ចរាចរណ៍​នៅ​ស្តុប​ច្រមុះជ្រូ​កក្បាលថ្នល់ និង​ស្តុប​វត្ត​នាគវ័ន្ត​

​អាជ្ញាធរ​រាជធានី​ភ្នំពេញ នឹង​កែសម្រួល​ប្រព័ន្ធ​ចរាចរណ៍​នៅ​ស្តុប​ច្រមុះជ្រូ​កក្បាលថ្នល់ និង​ស្តុប​វត្ត​នាគវ័ន្ត​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ភ្នំពេញ​) ៖ រដ្ឋបាល​រាជធានី​ភ្នំពេញ នឹង​រៀបចំ​កែសម្រួល​ប្រព័ន្ធ​ចរាចរណ៍​នៅ​ស្តុប​ចំនួន​ពីរ គឺ​ស្តុប​ច្រមុះជ្រូ​កក្បាលថ្នល់ និង​ស្តុប​វត្ត​នាគវ័ន្ត ដើម្បី​ឲ្យ​ចរាចរណ៍​មាន​ភាពល្អ​ប្រសើរ​ជាង​មុន ខណៈ​ដែល​ស្តុប​ទាំង​២​នេះ តែងតែ​កកស្ទះ​ចរាច​រណ៍​រាល់​ថ្ងៃ​នោះ​។​
​ការបញ្ជាក់​ពី​ការប្ដូរ​ប្រព័ន្ធ​ចរាចរណ៍​នៅ​ស្តុប​ទាំងពីរ​នេះ បាន​ធ្វើឡើង​នា​ល្ងាច​ថ្ងៃ​ទី​១០ ខែកក្កដា ឆ្នាំ​២០២០ ក្នុង​កិច្ចប្រជុំ​មួយ​ជាមួយ​មន្ត្រី​ជំនាញ និង​នគរបាល​ស្នងការ​នគរបាល​រាជធានី​ភ្នំពេញ ក្រោម​វត្តមាន​លោក ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​។​
​លោក សាំ ពិសិដ្ឋ ប្រធាន​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ បានបញ្ជាក់​ថា ប្រព័ន្ធ​ចរាចរណ៍​នៅ​ច្រមុះជ្រូក​ក្បាលថ្នល់ មាន​ការកកស្ទះ​ចរាច​រណ៍​រាល់ថ្ងៃ​។ ដោយ​មើលឃើញ​ពី​បញ្ហា​ខាងលើនេះ រដ្ឋបាល​រាជធានី​ភ្នំពេញ ក្រោម​ការដឹកនាំ​របស់​លោក ឃួ​ង ស្រេង បាន​សុំ​គោលការណ៍​ទៅ​រាជរដ្ឋាភិបាល ដើម្បី​សូម​យក​ស្ថានីយ​ប្រេង​សូ​គី​មិច ចេញពី​ច្រមុះជ្រូក​ក្បាលថ្នល់ ដោយ​ប្តូរ​ទៅកាន់​ទីតាំង​ផ្សេង ដើម្បី​សម្រួល​ប្រព័ន្ធ​ចរាចរណ៍​នៅ​តំបន់​នេះ ឱ្យ​កាន់តែ​ប្រសើរ​ឡើង​ជាង​មុន​។​
​លោក សាំ ពិសិដ្ឋ បាន​បញ្ជាក់ទៀតថា ពាក់ព័ន្ធ​នឹង​ការកែ​ប្រពន្ធ​លំហូរ​ចរាចរណ៍​នៅ​ស្តុប​ច្រមុះជ្រូ​កក្បាលថ្នល់​នេះ រដ្ឋបាល​រាជធានី​ភ្នំពេញ គ្រោង​នឹង​ពង្រីក​ផ្លូវ​ព្រះមន្នីវង្ស​ឲ្យបាន​បី​គន្លង និង​ផ្លូវ​លេខ​២៧១ បី​គន្លង ជាមួយនឹង​ការ​យក​កា​រ៉ាស់​សាំង​សូ​គីមិច នៅ​ច្រមុះជ្រូក​នេះ​ចេញ​ផងដែរ ។​
​ដោយឡែក​នៅ​ស្តុប​វត្ត​នាគវ័ន្ត​វិញ ក៏​មាន​ការកែសំរួល​ប្រព័ន្ធ​ចរាចរណ៍​ផងដែរ ដោយ​នឹង​ធ្វើ​ការបើកផ្លូវ​២២១ ក្នុង​សង្កាត់​ផ្សារ​ដេប៉ូ​ទី​៣ ខណ្ឌ​ទួលគោក ដែល​បច្ចុប្បន្ន​នេះ​បិទ​មិនឲ្យ​ធ្វើ​ចរាចរណ៍​ឡើង​មក​លើ​ផ្លូវ​សហព័ន្ធរុស្ស៊ី និង​កាត់​ផ្លូវ​ហ​ព័ន្ធ​រុស្ស៊ី ចូល​ទៅ​វត្ត​នាគវ័ន្ត​ឲ្យ​ដំណើរការ​ចរាចរណ៍ តែ​មិន​អនុញ្ញាតិឲ្យ​បត់​ឆ្វេង បត់​ស្ដាំ​ចុះ​ពី​ផ្លូវ​សហព័ន្ធរុស្ស៊ី​ទៅ​លើ​កំណាត់​ផ្លូវ​លេខ​២២១​នេះឡើយ​។​
​អភិបាល​នៃ​គណៈ​អភិបាល​រាជធានី​ភ្នំពេញ លោក ឃួ​ង ស្រេង ក្នុង​កិច្ចប្រជុំ​នោះ​បាន​ឯកភាព ទៅ​នឹង​ការកែសម្រួល​ប្រព័ន្ធ​ចរាចរណ៍ នៅ​ស្តុប​ទាំងពីរ​ខាងលើ​។ ប៉ុន្តែ​ទោះបីជា​យ៉ាងណាក្តី លោក​បាន​ធ្វើ​ការណែនាំ​ឲ្យ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ ពិសេស​លោក សាំ ពិសិដ្ឋ មុន​នៃ​ការបើក​ឲ្យធ្វើ​ចរាចរ​ណ៍​នៅ​ស្តុប​ទាំង​២​នេះ ត្រូវតែ​ធ្វើ​បទ​បង្ហាញ​តាម​ប្រព័ន្ធ​ផ្សព្វផ្សាយ​ឲ្យ​ទូលំទូលាយ ដើម្បីឲ្យ​ប្រជាពលរដ្ឋ​ប្រជាពលរដ្ឋ បាន​យល់ដឹង​អំពី​ការកែសម្រួល​ប្រព័ន្ធ​ចរាចរណ៍​នៃ​ស្តុប​ទាំងពីរ​ខាងលើ​នេះ​។​
​ដោយឡែក​ការបើក​ការដ្ឋាន​ស្ថាបនា​ប្រឡាយ​លូ ដូចជា​បើក​ការដ្ឋាន​ស្ថាបនា​ផ្លូវ ក្នុងនាម​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ គួរ​ត្រូវ​តែ​ធ្វើ​បទ​បង្ហាញ​តាម​ប្រព័ន្ធ​ផ្សព្វផ្សាយ ដើម្បីឲ្យ​ប្រជាពលរដ្ឋ​បាន​យល់​ដឹង​ផង​ដែរ​៕

Filed in: ព័ត៌មានជាតិ

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.