ទាន់ហេតុការណ៍
រដ្ឋមន្ត្រីក្រសួង​ការងារ ឯកឧត្តម ហេង ៖ក្រសួងសួរ​ស្វាគមន៍​រាល់​កិច្ច​សហប្រតិបត្តិការ​ជាមួយ​គ្រប់​ដៃគូ​ពាក់ព័ន្ធ ជា​ពិសេស​សហជីព ដើម្បី​ផ្លាស់​ប្តូរ​បទ​ពិសោធន៍ ចំណេះដឹង មតិយោបល់ និង​ស្វែងរក​ដំណោះស្រាយ​ទាន់​ពេលវេលា==>រថយន្តក្រុង​រាជធានី​ភ្នំពេញ City Bus ដំណើការដឹកជញ្ជូនអ្នកដំណើរពី​អាកាសយានដ្ឋាន​អន្តរជាតិ​តេ​ជោ==>លោក គួ​ច ចំរើន អភិបាល ខេត្តកណ្តាល ​ដឹកនាំ​កិច្ចប្រជុំ​សម្រួល​ចរាចរណ៍ សណ្ដាប់ធ្នាប់ និង​របៀបរៀបរយ ក្នុង​អាកាសយានដ្ឋាន​តេ​ជោ​==>រដ្ឋមន្រ្តីក្រសួងសុខាភិបាល៖ប្រធាន និងថ្នាក់ដឹកនាំអង្គភាព ជាគំរូបម្រើផលប្រយោជន៍ ជូនសហភាតរៈក្នុងវិជ្ជាជីវៈ==>អ្នកសង្កេតការណ៍អន្តរកាល (IOT) ដែលមានប្រទេសចំនួន៧ ដឹកនាំដោយអនុព័ន្ធយោធាម៉ាឡេស៊ី ប្រចាំកម្ពុជាដាក់ទីស្នាក់ការនៅ ក្រុងសិរីសោភ័ណ ខេត្តបន្ទាយមានជ័យ==>លោកស្រី ម៉ាលី សុជាតា អ្នកនាំពាក្យការពារជាតិ ៖ ថៃពង្រាយគ្រាប់បែក ចង្កោមលើភ្នំខ្មោច ជាការបំពានយ៉ាងធ្ងន់ធ្ងរ លើច្បាប់អន្តរជាតិ==>ឯកឧត្តមឧបនាយករដ្ឋមន្ត្រី ស៊ុន ចាន់ថុល៖ គម្រោងព្រែកជីកហ្វូណនតេជោ គឺ ដំណើរការទៅមុខជាធម្មតា មិនថយក្រោយឡើយ ទោះបីកម្ពុជាមានជម្លោះព្រំដែនជាមួយថៃ==>រដ្ឋបាលខេត្តព្រះវិហារ កំពុងជម្លៀសពលរដ្ឋ​ មកកន្លែងសុវត្ថិភាព==>ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន

​លោក ហ៊ុន ម៉ា​នី អរគុណ​ប្រជា​ការពារ​ដែល​ខិតខំ​ចូល​រួមរក្សា និង​ការពារ​សណ្ដាប់ធ្នាប់ ជាមួយ​កម្លាំង​សមត្ថកិច្ច​ដោយ​មិន​ខ្លាច​នឿយហត់

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​)៖ លោក ហ៊ុន ម៉ា​នី ថ្លែងអំណរគុណ​ដល់​ប្រជា​ការពារ​ទាំង​អស់​ក្នុង​រាជធានី​ភ្នំពេញ ដែល​បាន​ចូលរួម​ដោយ​ស្ម័គ្រចិត្ត​យ៉ាង​សស្រាក់សស្រាំ ជាមួយ​កងកម្លាំង​មាន​សមត្ថកិច្ច ក្នុង​ការការពារ រក្សា​សន្ដិសុខ សណ្ដាប់ធ្នាប់​សាធារណៈ ដោយ​មិន​ខ្លាច​នឿយហត់​។​
​ការ​ថ្លែង​បែបនេះ របស់លោក ហ៊ុន ម៉ា​នី បាន​ធ្វើឡើង​នៅ​ព្រឹក​ថ្ងៃ​ទី​២៧ ខែមិថុនា ឆ្នាំ​២០២០​នេះ ក្នុងឱកាស​អញ្ជើញ​សំណេះសំណាល់ និង​ប្រគល់​អំណោយ​ជូន​ប្រជា​ការពារ ខណ្ឌ​ទាំង​១៤ នៅ​សាលា​រាជធានី​ភ្នំពេញ​។​

​លោក ហ៊ុន ម៉ា​នី បាន​ថ្លែង​យ៉ាង​ដូច្នេះ​ថា «​សូម​ថ្លែងអំណរគុណ ចំពោះ​បងប្អូន​ប្រជា​ការពារ​ដែល​បាន​ខិតខំ​ប្រឹងប្រែង​បំពេញ​ការងារ​ដោយ​មិន​ថា ក្តៅ ឬ​មាន​ភ្លៀង​ឡើយ សំដៅ​ធ្វើ​យ៉ាងណា​រក្សា​ឲ្យបាន​នូវ​សន្តិសុខ សុវត្ថិភាព ជូន​ប្រជាពលរដ្ឋ​នៅក្នុង​មូលដ្ឋាន ហើយ​នៅពេល​មាន​បញ្ហា​អ្វីមួយ​កើតឡើង បងប្អូន​ប្រជា​ការពារ ជា​កម្លាំង​ជួរមុខ ក្នុង​ការទប់ស្កាត់​នៅ​ព្រឹត្តិការណ៍​ទាំងនោះ​»​។​

​ជាមួយគ្នានេះ លោក ឃួ​ង ស្រេង អភិបាល​រាជធានី​ភ្នំពេញ ក៏​បាន​អះអាង​ដែរ​ថា ប្រជា​ការពារ​បាន​ដើរតួនាទី​យ៉ាង​សំខាន់ ក្នុង​កិច្ចការពារ​សន្តិសុខ សុវត្ថិភាព ជូន​ប្រជាពលរដ្ឋ​នៅ​មូលដ្ឋាន ដោយ​បាន​សហការ​យ៉ាង​ល្អ​ជាមួយ​កងកម្លាំង​ប្រដាប់អាវុធ​ទាំង​ពីរ​ប្រភេទ ហើយ​ប្រជា​ការពារ ជា​កម្លាំង​ស្នូល​ដែល​ពី​ដើមឡើយ ពោល​គឺ​ក្រោយ​ឆ្នាំ​១៩៧៩ ប្រជា​ការពារ​ភូមិ គឺ​ជា​កម្លាំង​ស្ម័គ្រចិត្ត​ដែល​មិន​យកប្រាក់​ខែ​នោះ​ទេ​។​

​បើ​តាម​លោក ឃួ​ង ស្រេង រហូតមកដល់​បច្ចុប្បន្ន​នេះ ដោយ​ការយកចិត្តទុកដាក់​ពី​សំណាក់​រាជរដ្ឋាភិបាល ពិសេស​សម្ដេច​តេជោ ហ៊ុន សែន នាយករដ្ឋមន្ដ្រី​នៃ​កម្ពុជា កម្លាំង​ប្រជា​ការពារ​ត្រូវបាន​បញ្ចូល​ជា​បុគ្គលិក​ជាប់កិច្ចសន្យា ដែល​មាន​ប្រាក់បៀវត្ស​ចំនួន​៦៥​ម៉ឺន​រៀល ហើយ​ពិធី​នេះ​ទៀតសោត គឺជា​ការគិតគូរ​ពី​ជីវភាព​រស់នៅ​របស់​បង​ប្អូន ពី​សំណាក់​រាជរដ្ឋាភិបាល​។​

​គួរបញ្ជាក់​ថា អំណោយ​ដែល​បាន​ចែក​ជូន​បងប្អូន​ប្រជា​ការពារ​នាពេលនេះ ក្នុង​ម្នាក់ៗ​ទទួលបាន​អង្ករ​១​បាវ ស្មើនឹង​១០​គីឡូក្រាម​, អា​កុល​៣​ដប​តូច ចំណុះ​១០០​មី​ល្លី​លីត្រ​, ម៉ាស​ចំនួន​២០​ម៉ាក​, សាប៊ូដុំ​ចំនួន​៣​ដុំ​, ត្រីខ​ចំនួន​២​កំប៉ុង ភេសជ្ជ​ផ្អែម​ចំនួន​១២​កំប៉ុង និង​ដប​ថង់​បរិស្ថាន​សម្រាប់​វេច​ខ្ចប់​១, ភេសជ្ជ​បា​កាស​ចំនួន​៣​កំប៉ុង​, ទឹកបរិសុទ្ធ​ចំនួន​៧​ដប និង​ថវិកា​ចំនួន​៥​ម៉ឺន​រៀល​៕

Filed in: ព័ត៌មានជាតិ