ទាន់ហេតុការណ៍
​ពិធី​ប្រកាស​ចូល​កាន់​មុខ​តំណែង​អភិបាលរង នៃ​គណៈ​អភិបាលខេត្ត​កែប​ ==> បុរស​ម្នាក់​ត្រូវ​ក្រុមចោរ​បាញ់ប្រហារ​ត្រូវ​១​គ្រាប់​បណ្តាលឲ្យ​ស្លាប់​ប្លន់​យក​ម៉ូតូ​បាន​ដោយ​សុវត្ថិភាព ==> អាជ្ញាធរ​ខណ្ឌ​ដូនពេញ ប្រជុំ​ផ្សព្វផ្សាយ​ស្តីពី​គម្រោង​រៀបចំ​សណ្តាប់ធ្នាប់ និង​អភិវឌ្ឍន៍​ចិញ្ចើម​ផ្លូវ​សហព័ន្ធរុស្ស៊ី​ ==> ​លោក ឃួ​ង ស្រេង​៖ ការផ្តល់​សាច់ប្រាក់​ជូន​ពលរដ្ឋ​ក្រីក្រ​នៅ​ភ្នំពេញ ដំណើរការ​ដោយ​រលូន និង​មាន​តម្លាភាព​សម្រេច​បាន​ជាង​៩០​ភាគរយ ==> ​ក្រសួង​សង្គមកិច្ច​៖ គិត​មកដល់ពេលនេះ​ការបើក​ប្រាក់ឧបត្ថម្ភ​ជូន​ពលរដ្ឋ​ក្រីក្រ និង​ងាយ​រងគ្រោះ បាន​ចំនួន​២​លាន​នាក់ ស្មើនឹង​៥០​ម៉ឺន​គ្រួសារ ==> ​ប្រកាស​តែងតាំង​ប្រធាន​សាខាគយ និង​រដ្ឋាករ​ខេត្ត​កំពង់ធំ​, មន្ត្រីជាន់ខ្ពស់​ស្ថាប័នគយ ណែនាំ​ឲ្យ​ប្រធាន​ថ្មី ត្រូវ​យកចិត្តទុកដាក់​ត្រួតពិនិត្យ​ទំនិញ​ឆ្លងកាត់ និង​ទប់ស្កាត់​បទល្មើស​គេច​ពន្ធ​គ្រប់​ប្រភេទ ==> អភិបាល​រាជធានី​ភ្នំពេញ ប្រាប់​ពលរដ្ឋ​ជាង​១០០​គ្រួសារ សង់​លំនៅដ្ឋាន​រំលោភ​លើ​ប្រឡាយ​លូ​ប្រាំ ត្រូវ​រុះរើ​ចេញ​ដោយ​ខ្លួនឯង មុន​អាជ្ញាធរ​ចាត់វិធានការ ==> ​លោក ម៉ាត់ សេត នាំយក​អំណោយ​សប្បុរស​ជន ចែកជូន​ប្រជាពលរដ្ឋ​រងគ្រោះ​ដោយ​ខ្យល់​កន្ត្រាក់ នៅ​ភូមិ​ត្រពាំងរ​ពៅ ឃុំ​ព្រែក​ត្នោត ស្រុក​ទឹកឈូ ខេត្ត​កំពត​ ==> ​បណ្ណ​សមធម៌ គ្រឿងឧបភោគ​បរិភោគ និង​ថវិកា ជា​អំណោយ​របស់​រាជរដ្ឋាភិបាល ត្រូវបាន​ប្រគល់ជូន​ប្រជាពលរដ្ឋ​ក្រីក្រ​៤៣​គ្រួសារ ក្នុង​សង្កាត់​ផ្សារ​ថ្មី​ទី​២ ខណ្ឌដូនពេញ​ ==> ​ខណ្ឌដង្កោ រៀបចំ​វេទិកា​សាធារណៈ ជាមួយ​ប្រជាពលរដ្ឋ​ចំនួន​០៥​សង្កាត់​!

​អភិបាល​ខេត្ត​កំពត​ប្រាប់​ក្រុមហ៊ុន​ឲ្យ​ពន្លឿន​ការសាងសង់​ផ្លូវ​បេតុង​មួយ​នេះ​ឲ្យ​ឆាប់រហ័ស​បំផុត​

​អភិបាល​ខេត្ត​កំពត​ប្រាប់​ក្រុមហ៊ុន​ឲ្យ​ពន្លឿន​ការសាងសង់​ផ្លូវ​បេតុង​មួយ​នេះ​ឲ្យ​ឆាប់រហ័ស​បំផុត​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ខេត្ត​កំពត​)៖ ដោយ​មើលឃើញ​ថា ការសាងសង់​ផ្លូវជាតិ​លេខ​៣ ចាប់​ចំណុច​ពី​ផ្លូវ​រដ្ឋ​ភ្លើង​ក្រុង​កំពត មក​ដល់​ភ្លើងស្តុប​ផ្សារ​សាមគ្គី​ទី​រួម​ខេត្ត​កំពត មាន​ការយឺតយ៉ាវ បង្ក​ឲ្យមាន​ការកកស្ទះ​ពិបាក​ធ្វើ​ដំណើ​រ និង​ប៉ះពាល់​ដល់​ការប្រកប​មុខរប​ស់រ​ក​ស៊ី​ទទួលទាន​របស់​ពលរដ្ឋ​រស់នៅ​ជា​ប់ដ​ង​ផ្លូវ អភិបាលខេត្ត​បាន​ចុះ​ទៅ​ជំរុញ​ដល់​ក្រុមហ៊ុន​សូម​ពន្លឿន​ការសាងសង់​ឲ្យ​រួចរាល់​យ៉ាង​ឆាប់រហ័ស​បំផុត និង​ប្រកបដោយ​ស្តងដា​បច្ចេកទេស​ត្រឹមត្រូវ​។​

​មានប្រសាសន៍​នៅក្នុង​ដំណើរ​ចុះ​ត្រួតពិនិត្យ​ការដ្ឋាន​ស្ថាបនា​សាងសង់​ផ្លូវ​ជាតិ​លេខ​៣ (​ផ្លូវ​បេតុង​) ចាប់ពី​ចំណុច ផ្លូវ​រថភ្លើង​ក្នុង​ក្រុង​កំពត​មក​ដល់​ចំណុចស្តុ​បផ្សារ​សាមគ្គី​ទីរួមខេត្ត​កំពត នៅ​រសៀល​ថ្ងៃ​ទី​២៥ ខែមិថុនា ឆ្នាំ​២០២០ លោក ជាវ តា​យ អភិបាល​ខេត្ត​កំពត​បា​ន​លើកឡើងថា គម្រោង​ស្ថាបនា​ផ្លូវជាតិ​លេខ​៣​ចាប់ពី​ភ្លើងស្តុប​ផ្លូវបំបែក​ផ្សារ​សាមគ្គី​ទី​រួម​ខេត្តកំពត ទៅដល់​ផ្លូវ​រថភ្លើង គឺជា​គម្រោង​ផ្លូវ​បេតុង​សរសៃដែក មាន​ប្រវែង ១.១០០​ម៉ែត្រ ទទឹង ១២,៨​ម៉ែត្រ កម្រាស់ ២,៤​តឹក (០,២៤​ម៉ែត្រ​) ដាំ​ដើមឈើ​សងខាង​ផ្លូវ រៀបចំ​ខឿន​ការ៉ូឡា​អម​សងខាង​ផ្លូវ​ប្រវែង​២​ម៉ែត្រ​។
​ក្រោយ​ពី​ចាប់ផ្តើម​សាងសង់​អស់​រយៈពេល​មួយខែ ក្រុមហ៊ុន​ទទួល​ការសាងសង់ CRBC ហាក់​មិនសូវ​បាន​ប្រឹងប្រែង និង​រក​វិធីសាស្ត្រ​ដើម្បី​ពន្លឿន​ការសាងសង់​នោះ​ទេ ធ្វើឲ្យ​ផ្លូវ​សំខាន់ដ៏​មមាញឹ​ក​មួយ​នេះ មាន​ការកកស្ទះ​ចរាច​រណ៍ នៅ​ចំណុច​សាងសង់​ស្ទើរ​រាល់ថ្ងៃ ហើយ​ការប្រកបមុខរបរ រកស៊ី​ទទួលទាន​របស់​ពលរដ្ឋ​រស់នៅ​ជាប់ផ្លូវ​ទៀតសោតក៏​ពិបាក​ផងដែរ​។​

​ដោយសារ​តែ​ករណី​យឺតយ៉ាវ​នេះ​ហើយ​ទើប លោក ជាវ តា​យ បាន​ជំរុញ​ឲ្យ​ក្រុមហ៊ុន CRBC ពន្លឿន​ដល់​ដំណើរការសាងស​ង់​ឲ្យបាន​ឆាប់រហ័ស ដើម្បី​កុំឲ្យ​បង្ក​ផលប៉ះពាល់​ដល់​ការធ្វើ​ដំណើរ ឬ​ការងារ​រកស៊ី​របស់​ព​ល​រដ្ឋ ក៏ដូចជា​ការបាត់បង់​សោ​ភណ្ឌ​ភាព និង​ខូច​សណ្តាប់ធ្នាប់​នៅ​ដងផ្លូវ​ក្នុង​ក្រុង​យូរពេក​។

​ក្នុងឱកាស​នោះ​ដែរ លោក​អភិបាលខេត្ត​បាន​ស្នើរ​ដល់​ក្រុមហ៊ុន​ចំនួន ៣​ចំណុច ទី​១. សូម​ឈប់​ប្រើ​ស៊ីម៉ង់ត៍​ក្រឡុក​ដោយ​ដៃ ត្រូវ​ប្រើ​ស៊ីម៉ង់ត៍​ក្រឡុង​ដោយ​ម៉ាស៊ីន​ស្វាយ​ប្រវត្តិ ហើយ​ពេល​ថ្ងៃ​រៀបចំ​តម្លើង​សរសៃរ​ដែក ពេល​ល្ងាច​ចាក់​ប៉េតុង​រហូតដល់​យប់​, ២. ត្រូវ​កំណត់​ក្នុង​មួយ​ថ្ងៃ​សាងសង់​ឲ្យបាន​ប្រវែង​១០០​ម៉ែត្រ លើ​ទំហំ​មួយ​ចំហៀង​ផ្លូវ ឬ​សាងសង់​ឲ្យ​រួចរាល់​មួយ​ជំ​ហៀ​ង​ផ្លូវ ក្នុង​រយៈពេល​១០​ថ្ងៃ និង​ទី​៣. សូម​ជួយ​ដាក់​ប្រព័ន្ធ​លូបង្ហូរទឹក​ថ្មី​នៅ​តាម​បណ្តោយ​ផ្លូវ​បេតុង​សរសៃដែក​មួយ​ខ្សែ​នេះ​ផង​។

​លោក ជាវ តា​យ បាន​បញ្ជាក់បន្ថែម​ថា រយៈពេល​១០​ថ្ងៃក្រោយ នឹង​ចុះ​មក​ពិនិត្យ​មើល​លទ្ធផល នៃ​ការសាងសង់​ផ្លូវ​បេតុង​សរសៃដែក​នេះ​ម្តងទៀត ហើយ​សង្ឃឹម​ថា​ក្រុមហ៊ុន​អាច​ធ្វើបាន​តាម​ការស្នើរ​បស់​រដ្ឋបាលខេត្ត​៕ សេង ណា​រិទ្ធ​

Filed in: ខេត្តកំពត

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.