ភ្នំពេញ ៖ អគារដ៏ថ្មីស្រឡាង នៃអធិការដ្ឋាននគរបាលខណ្ឌដូនពេញ ដែលមានកម្ពស់ ០៤ ជាន់ ទំហំ១៣.៤ ម៉ែត្រគុណ ២០ ម៉ែត្រ បានបញ្ចប់ជាស្ថាពរហើយ កាលពីពេលថ្មីៗនេះ ។
នៅព្រឹកថ្ងៃទី២៥ ខែមិថុនា ឆ្នាំ២០២០ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញចុះត្រួតពិនិត្យ អគារថ្មីនៃអធិការដ្ឋាននគរបាលខណ្ឌដូនពេញ ដែលទើបនឹងបញ្ចប់ការសាងសង់។
បញ្ជាក់ថាអគារថ្មីនេះបានចាប់ផ្តើមកសាងនៅដើមខែឧសភា ឆ្នាំ២០១៩ ស្ថិតនៅផ្លូវលេខ២០០ ភូមិ១ ខណ្ឌដូនពេញ រាជធានីភ្នំពេញ។ អគារអធិការដ្ឋាននគរបាលខណ្ឌដូនពេញថ្មីនេះ ក្រោមកិច្ចផ្តួចផ្តើម និងឧបត្ថម្ភពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ៕
