ទាន់ហេតុការណ៍
រដ្ឋមន្ត្រីក្រសួង​ការងារ ឯកឧត្តម ហេង ៖ក្រសួងសួរ​ស្វាគមន៍​រាល់​កិច្ច​សហប្រតិបត្តិការ​ជាមួយ​គ្រប់​ដៃគូ​ពាក់ព័ន្ធ ជា​ពិសេស​សហជីព ដើម្បី​ផ្លាស់​ប្តូរ​បទ​ពិសោធន៍ ចំណេះដឹង មតិយោបល់ និង​ស្វែងរក​ដំណោះស្រាយ​ទាន់​ពេលវេលា==>រថយន្តក្រុង​រាជធានី​ភ្នំពេញ City Bus ដំណើការដឹកជញ្ជូនអ្នកដំណើរពី​អាកាសយានដ្ឋាន​អន្តរជាតិ​តេ​ជោ==>លោក គួ​ច ចំរើន អភិបាល ខេត្តកណ្តាល ​ដឹកនាំ​កិច្ចប្រជុំ​សម្រួល​ចរាចរណ៍ សណ្ដាប់ធ្នាប់ និង​របៀបរៀបរយ ក្នុង​អាកាសយានដ្ឋាន​តេ​ជោ​==>រដ្ឋមន្រ្តីក្រសួងសុខាភិបាល៖ប្រធាន និងថ្នាក់ដឹកនាំអង្គភាព ជាគំរូបម្រើផលប្រយោជន៍ ជូនសហភាតរៈក្នុងវិជ្ជាជីវៈ==>អ្នកសង្កេតការណ៍អន្តរកាល (IOT) ដែលមានប្រទេសចំនួន៧ ដឹកនាំដោយអនុព័ន្ធយោធាម៉ាឡេស៊ី ប្រចាំកម្ពុជាដាក់ទីស្នាក់ការនៅ ក្រុងសិរីសោភ័ណ ខេត្តបន្ទាយមានជ័យ==>លោកស្រី ម៉ាលី សុជាតា អ្នកនាំពាក្យការពារជាតិ ៖ ថៃពង្រាយគ្រាប់បែក ចង្កោមលើភ្នំខ្មោច ជាការបំពានយ៉ាងធ្ងន់ធ្ងរ លើច្បាប់អន្តរជាតិ==>ឯកឧត្តមឧបនាយករដ្ឋមន្ត្រី ស៊ុន ចាន់ថុល៖ គម្រោងព្រែកជីកហ្វូណនតេជោ គឺ ដំណើរការទៅមុខជាធម្មតា មិនថយក្រោយឡើយ ទោះបីកម្ពុជាមានជម្លោះព្រំដែនជាមួយថៃ==>រដ្ឋបាលខេត្តព្រះវិហារ កំពុងជម្លៀសពលរដ្ឋ​ មកកន្លែងសុវត្ថិភាព==>ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន

លោក ជាវ តា​យ អភិបាល នៃ​គណៈ​អភិបាល​ខេត្ត​កំពត ទទួល​ជួប​ប្រតិភូ​សភា​ពាណិជ្ជកម្ម​ខេត្ត​កំពត​-​កែប​

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​កំពត​)៖ នៅ​ព្រឹក ថ្ងៃ​អង្គារ ទី​០៩ ខែមិថុនា ឆ្នាំ​២០២០ នេះ លោក ជាវ តា​យ អភិបាល នៃ​គណៈ​អភិបាល​ខេត្ត​កំពត បានអនុញ្ញាត​ឲ្យ​ប្រតិភូ​សភា​ពាណិជ្ជកម្ម​ខេត្ត​កំពត​-​កែប ដែល​ដឹកនាំ​ដោយ លោក​ឧកញ៉ា ហាក់ សុ​វណ្ណា ជួប​សំដែង​ការគួរសម ពិភាក្សា​ការងារ និង​រាយការណ៍​អំពី​វឌ្ឍនភាព​ការងារ​របស់​សភា​ពាណិជ្ជកម្ម​កំពត​-​កែប​។​

​នៅក្នុង​ជំនួប​ដ៏​មាន​អត្ថន័យ​នេះ ក្នុងនាម រដ្ឋបាល​ខេត្ត​កំពត លោក ជាវ តា​យ អភិបាលខេត្ត បាន​សម្ដែង​ការស្វាគមន៍​ចំពោះ ប្រតិភូ​សភា​ពាណិជ្ជកម្ម​ខេត្ត​កំពត​-​កែប ជួបពិភាក្សា​ការងារ​នាពេលនេះ​។​ក្នុង​កិច្ច​ជំនួប​នេះ លោក​អភិបាលខេត្ត បាន​មានប្រសាសន៍ថា សភាពាណិជ្ជកម្ម​ខេត្ត​កំពត​-​កែប កន្លងមក​បាន​រួមចំណែក​យ៉ាងសំខាន់​ក្នុង​ការអភិវឌ្ឍន៍​ប្រទេស​យើង​ឲ្យ​រីកចម្រើន ពិសេស​ខេត្ត​កំពត ហើយ​ពេល​បច្ចុប្បន្ន​នេះ កំណើន​ភ្ញៀវ​ទេសចរ​ក្នុង​ខេត្ត​បាន​កើនឡើង ពិសេស​តំបន់​អេកូ​ទេសចរណ៍ ដែល​ទាក់ទាញ​ភ្ញៀវទេសចរ​យ៉ាងច្រើន ក្នុង​នោះ​ប្រមាណ​ភ្ញៀវទេសចរ ៥២% បាន​ទៅលេង​នៅ​តំបន់​ទឹកឈូ​។​

​ជាមួយគ្នា​នេះ​ផង​ដែរ លោក​អភិបាលខេត្ត ក៏​បាន​ស្នើ​ទៅ​សភាពាណិជ្ជកម្ម​ខេត្ត​កំពត​-​កែប ជម្រុញ​ដល់​ការសាងសង់​ផ្សារ​នៅ​តាម​ច្រកទ្វារ​ព្រំដែន ស្របតាម​អនុសាសន៍ សម្តេច​តេជោ នាយករដ្ឋមន្ត្រី ដើម្បី​ចរាចរ​ទំនិញ​បាន​ឆាប់រហ័ស និង​ស្រប​ច្បាប់​។​

​ក្នុងឱកាស​នោះ លោក​ឧកញ៉ា ហាក់ សុ​វណ្ណា ប្រធានសភា​ពាណិជ្ជកម្ម​ខេត្ត​កំពត​-​កែប បាន​ជម្រាបជូន​អំពី តួនាទី​របស់​សភា​ពាណិជ្ជកម្ម​ខេត្ត មាន​តួនាទី ៖
១.​សម្របសម្រួល​ជាមួយ វិស័យ​សាធារណៈ និង​វិស័យ​ឯកជន សំដៅ​ធ្វើ​យ៉ាងណា​ឲ្យ​វិស័យ​ទាំង​២​នេះ​មាន​សុខដុម​នីយកម្ម​ជាមួយគ្នា ។​
២. កៀរគរ​វិនិយោគិន​ទាំង​ក្នុងស្រុក និង​ក្រៅ​ស្រុក មក​វិនិយោគ​ទុក​ក្នុង​ខេត្ត​យើង​។ លោក​ឧកញ៉ា បាន​បន្តថា កន្លងមក មាន​វិនិយោគគិន​ជាច្រើន​បាន​ចាប់អារម្ម​ណ៍​ខេត្ត​កំពត​ខ្លាំង ដោយឡែក​ក្នុង​ខេត្ត​យើង​មិនទាន់​មាន​ផែនទី កំណត់​សម្រាប់​អនុវត្ត តំបន់កសិកម្ម​តំបន់​ណា តំបន់​កសិឧស្សាហកម្ម​តំបន់​ណា តំបន់​អេកូ​ទេសចរណ៍​តំបន់​ណា ដូចនេះ សភាពាណិជ្ជកម្ម​ខេត្ត ស្នើ​សុំ​ធ្វើការ​នេះ​ជាមួយ​រដ្ឋបាល​ខេត្ត និង​មន្ទីរ​ជំនាញ ដើម្បី​ងាយស្រួល​នា​ពេល​ក្រោយ បង្ហាញ​ដល់​វិនិយោគគិន ។​លោក​ឧកញ៉ា ហាក់ សុ​វណ្ណា ក៏​បាន​បន្តថា ក្នុងនាម​សភាពាណិជ្ជកម្ម​ខេត្ត លោក​នឹង​រៀបចំ​ផ្សារ​សម្រាប់​ដោះដូរ​ទំនិញ​នៅ​តាម​ច្រកទ្វារ​ព្រំដែន​ឲ្យបាន​ឆាប់រហ័ស​។​

​នៅ​ចុងបញ្ចប់​នៃ​កិច្ច​ជំនួប​ពិភាក្សា លោក​ឧកញ៉ា ហាក់ សុ​វណ្ណា ប្រធានសភា​ពាណិជ្ជកម្ម​ខេត្ត​កំពត​-​កែប បាន​ឧបត្ថម្ភ​ថវិកា ៧៥០​ដុល្លារ ជូន​ដល់​រដ្ឋបាល​ខេត្ត សម្រាប់​វិធានការ​ការទប់ស្កាត់​នឹង​ជំងឺ​កូវី​ដ​១៩ ក្នុង​ខេត្ត​កំពត​ផងដែរ​៕ សេង ណា​រិទ្ធ​

Filed in: ព័ត៌មានជាតិ