ទាន់ហេតុការណ៍
ឃាត់ខ្លួន​ក្រុម​អ្នកញៀន​ល្បែង​ចំនួន​០៩​នាក់ បញ្ជូន​ទៅកាន់​ស្នងការដ្ឋាន​នគរបាល​ខេត្ត​ ==> ​សម្តេច​តេជោ ហ៊ុន សែន អំពាវនាវ​ឱ្យ​ពលរដ្ឋ​ខ្មែរ​កុំ​ធ្វេសប្រហែស​ឱ្យសោះ ក្រោយ​មាន​ករណី​នាំចូល​ជំងឺ​កូវី​ដ​១៩ ពី​ប្រទេស​អារ៉ាប់​១៥​នាក់ ==> ​ឧត្តមសេនីយ៍ឯក ហ៊ុន ម៉ា​ណែ​ត​៖ ប្រទេសជាតិ​រឹងមាំ ផ្អែក​ទៅលើ​វិស័យ​ការពារ​ជាតិ​ខ្លាំង ហើយ​វិស័យ​ការពារ​ជាតិ​ខ្លាំង ដោយសារ​កងទ័ព​ខ្លាំង ==> ​ឧត្តមសេនីយ៍ឯក ស ថេត អះអាងថា មិន​ត្រូវ​ទុក​មន្ត្រី​ណា​ម្នាក់​នៅ​ឯកា​ពេល​មាន​ជំងឺ គ្រោះថ្នាក់​ចរាចរណ៍ ឬ​ជួប​បញ្ហា​ផ្សេងៗ​ឡើយ ==> ​អភិបាល​រាជធានី​ភ្នំពេញ ណែនាំ​ឲ្យ​មន្ត្រី​ថ្នាក់​មូលដ្ឋាន​ពិនិត្យ​ពិចារណា​ឲ្យបាន​ច្បាស់លាស់ មុន​នឹង​ចាត់ទុក​ថា​ពួកគាត់​ជា​ពលរដ្ឋ​ក្រីក្រ ==> សមត្ថកិច្ច​ខេត្ត​ស្វាយរៀង​បង្ក្រាប​ឧក្រិដ្ឋជន​ជួញដូរ​គ្រឿងញៀន​ជា​ជនជាតិ​វៀតណាម​និង​គ្រឿងញៀន​ចំនួន ១១kg​នៅ​ក្រុង​បាវិត​៖ ==> ​អាជ្ញាធរ​រាជធានី​ភ្នំពេញ នឹង​កែសម្រួល​ប្រព័ន្ធ​ចរាចរណ៍​នៅ​ស្តុប​ច្រមុះជ្រូ​កក្បាលថ្នល់ និង​ស្តុប​វត្ត​នាគវ័ន្ត​ ==> អភិបាលខណ្ឌ​ដូនពេញ​៖ «​ទីក្រុង​ស្អាត​ផ្តើមចេញ​ពី​យើង​ទាំងអស់គ្នា​» ==> ​លោក ពៅ ពិសិដ្ឋ អភិបាលរង​ខេត្ត តំណាង​ឯកឧត្តម ទៀ សីហា អភិបាល នៃ​គណ​:​អភិបាលខេត្ត​សៀមរាប អញ្ជើញ​ចូលរួម​ក្នុង​ពិធី​ចែក​ស្បៀង​តំណាង​សិស្ស​ទទួលបាន​អាហារូបករណ៍ សិស្ស​មក​ពី​គ្រួសារ​ក្រីក្រ និង​ក្រុម​សិស្ស​មាន​បណ្ណ​សមធម៌​ក្រីក្រ​ប្រភេទ ក្រ​១ ក្រ​២ និង​បណ្ណ​សមធម៌​ផ្សេងៗ​ទៀត ចំនួន ៤៤​នាក់​ ==> ដំណឹង​ល្អ​! ចាប់ពី​ថ្ងៃ​ទី​១៥ ខែ​កក្កដា​ខាង​មុខ ថៃ​អនុញ្ញាត​ឲ្យ​អាជីវករ​ខ្មែរ​ចូល​លក់ដូរ​ផ្សារ​រុងក្លឿ​ឡើងវិញ តែ​ត្រូវ​បំពេញ​តាម​លក្ខខណ្ឌ​មួយចំនួន​

តើ​ពិត​ទេ​លោក​ជា​សុ​មេធី​និង​ស្នងការ​នគរបាល​ខេត្ត​ព្រៃវែង​លោក​ព្រំ សន្ធរ​មិន​ហ៊ាន​បង្ក្រាប​ល្បែងស៊ីសង​?

តើ​ពិត​ទេ​លោក​ជា​សុ​មេធី​និង​ស្នងការ​នគរបាល​ខេត្ត​ព្រៃវែង​លោក​ព្រំ សន្ធរ​មិន​ហ៊ាន​បង្ក្រាប​ល្បែងស៊ីសង​?

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

​ព្រៃវែង ៖ ព័ត៌មាន​ក្តៅ​ផ្ដើមចេញ​ពី​ល្បែងស៊ីសង​ជា​ច្រើន​ប្រភេទ​ដែល​កំពុង​រីក​រាលដាល​យ៉ាង​ពេញបន្ទុក​គឺ​នាំឲ្យ​កើតមាន​បទល្មើស​ផ្សេងៗ​ជាច្រើន​ទៀត​ដូចជា​អំពើ​ចោរកម្ម អំពើហិង្សា​ក្នុង គ្រួសារ​និង​បទល្មើស​ជួញដូរ​ចែកចាយ និង​ប្រើប្រាស់​គ្រឿងញៀន​ដោយ​ខុសច្បាប់​ដែល​ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​នា​ពេលបច្ចុប្បន្ន​នេះ​ក្នុង​ខេត្ត​ព្រៃវែង​។​

​ការ​បង្រា្ក​ប​ល្បែងស៊ីសង​គឺជា​ចំណុច​មួយ​ដ៏​ក្ដៅ​គគក់​នៃ​គោលនយោបាយ​ភូមិ​-​ឃុំ​មាន​សុវត្ថិភាព​ទាំង​៩​ចំណុច​ដែល​មន្ត្រី​អាជ្ញាធរ​និង​សមត្ថកិច្ច​ក្នុង​តួនាទី​ជា​មន្ត្រី​នគរបាល​យុត្តិធម៌​ត្រូវ​យកចិត្តទុកដាក់​អនុវត្តន៍​ទប់ស្កាត់​និង​បង្ក្រាប​ប្រកបដោយ​ប្រសិទ្ធភាព​ខ្ពស់​។​បច្ចុប្បន្ន​នេះ​នៅ​តាម​បណ្ដា​ខេត្ត​នានា​មួយចំនួន​។​ពិសេស​ល្បែង​ជល់​មាន់​កំពុង​រាលដាល​កាន់តែ​ខ្លាំង​ឡើងៗ​នៅក្នុង​ខេត្ត​ព្រៃវែង​។​ប៉ុន្តែ​គេ​មិនឃើញ​មន្ត្រី​អាជ្ញាធរ​និង​សមត្ថកិច្ច​ចាត់វិធានការ​បង្ក្រាប​នោះ​ឡើយ​។​

​ជាក់ស្ដែង​សង្វៀន​ជល់​មាន់​ដ៏​ធំ​មួយ​កន្លែង​ដែល​បើក​លេង​ដុះ​ស្លែ​ទៅ​ហើយ​សមត្ថកិច្ច​មិន​ហ៊ាន​បង្ក្រាប​ហើយ​នៅ​ថ្ងៃ​ទី​០៦​ខែ​មីនា​ឆ្នាំ​២០២០​ទីតាំង​សង្វៀន​បញ្ជល់មាន់​ដ៏​ធំ​មួយ​កន្លែង​នៅ​ខាងក្រោយ​អាស្រម​លោកយាយ​ស្គរធំ ដែល​ស្ថិតនៅក្នុង​ភូមិ​កំពង់​ឫស្សី​ឃុំ​កំពង់​ឫស្សី​ស្រុក​ពោធិ៍​រៀង​ខេត្តព្រៃវែង​នៅក្នុង​នោះ​គេ​សង្កេតឃើញ​មាន​វង់ល្បែង​ដ៏​ធំ​នេះ​កំពុងបើក​លេង​យ៉ាង​គគ្រឹកគគ្រេង​ក្រោម​ការបើក​ដៃ​ពី​សំណាក់​អាជ្ញាធរ​និង​សមត្ថកិច្ច​ដែល​ពាក់ព័ន្ធ ។ ជាពិសេស​គឺ​ភាពមិន​អើពើ​ពី​សំណាក់​អភិបាលខេត្ត​ព្រៃវែង លោក ជា សុ​មេធី និង​ស្នងការ​នគរបាល​ខេត្ត​ព្រៃវែង លោក ព្រំ សន្ធរ ។​

​ប្រជាពលរដ្ឋ​រិះគន់​និង​លើកឡើង​ថា​សង្វៀន​ជល់​មាន់​នេះ ដែល​គេ​អះអាងថា បាន​រត់ការ​បង់លុយ​ឲ្យអស់​គ្រប់​សមត្ថកិច្ច​ក្នុង​ខេត្ត​ព្រៃវែង​ទើប​ទីតាំង​ល្បែងស៊ីសង​ខាងលើនេះ បើក​ឲ្យ​លេង​ភ្នាល់​ដាក់​លុយ​យ៉ាង​រលូន​ដែល​ភ្នាល់​គ្នា​ក្នុង​១​គូៗ​ចាប់ពី​១០០០​ដុល្លារ ទៅ​២០០០​ដុល្លារ ជាង​នេះ​ទៅទៀត​នោះ មាន​អ្នកខ្លះ​លេង​ចាញ់​លក់់​អស់​ឡាន​និង​របស់ របរ​គ្រឿងអលង្កា​ជាច្រើន​ទៀត​ដោយសារតែ​ការ​ភ្នាល់​ល្បែង​នៅ​ទីតាំង​មួយ​នេះ​។​ប្រការ​នេះ​នាំឲ្យ​ប្រជាពលរដ្ឋ​សម្ដែង​ការភ័យខ្លាច​កើតមាន បទល្មើស​ផ្សេងៗ គួរឲ្យ​ព្រួយបារម្ភ​ព្រោះ​មាន​ពលរដ្ឋ​ខ្លះ ចាញ់ល្បែង​លក់​អស់​ទ្រព្យសម្បត្តិ​ដីធ្លី​និង​ជំពាក់​បំណុល​ធនាគារ​ជុំ​ទិស​ទៀត​ផង​។ ដោយសារ​ការព្រួយបារម្ភ ពី​បញ្ហា​អសន្តិសុខ​សង្គម​ដែល​កើតចេញ​ពី​ល្បែងស៊ីសង ជាច្រើន​ប្រភេទ​ទើប​ប្រជាពលរដ្ឋ​អំពាវនាវ ស្នើសុំ​ឲ្យ​លោក ជា សុ​មេធី​និង​ស្នងការ​នគរបាល​ខេត្ត​ព្រៃវែង លោក ព្រំ សន្ធរ ទប់ស្កាត់​និង​ចាត់វិធានការ​បង្ក្រាប​ល្បែងស៊ីសង​ទាំងនេះ​ប្រកបដោយ​ប្រសិទ្ធភាព​៕

Filed in: ព័ត៌មាន ដែលគួរចាប់អារម្មណ៍, ព័ត៌មានសំខាន់

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.