ទាន់ហេតុការណ៍
​កិច្ចប្រជុំ​ពិនិត្យ និង​ពិភាក្សា​អំពី​ការធ្វើ​បច្ចុប្បន្នភាព​សន្តិសុខ​លម្ហ​សមុទ្រ​ផ្ទៀងផ្ទាត់​ចំនួន​កោះ ថ្ម​ប៉ប្រះ​ទឹក និង​ថ្មដុះ​ក្នុង​ភូមិសាស្ត្រ​ខេត្ត​កំពត​ ==> ពិធី​ប្រកាស​ផ្ទេរ​ភារកិច្ច តែងតាំង​មុខតំណែង និង​បំពាក់​ឋានន្តរស័ក្តិ ស្នងការ នៃ​ស្នងការដ្ឋាន​នគរបាល​ខេត្ត​កែប​ ==> កិច្ចប្រជុំ​គណៈ​អភិបាលខេត្ត​ប្រចាំ​ខែ​ឧសភា​ឆ្នាំ ២០២០ តាមរយៈ​ត​ភ្ជាប់​រូបភាព​និង​សំឡេង (video conference ) ==> ​សង្វៀន​ជល់​មាន់​មួយកន្លែង​ដែល​មាន​ភាគហ៊ុន​ចូលរួម​នោះ​មានឈ្មោះ លោក​វណ្ណ លោក​ខេមរា បើក​លេង​ជា​រៀង​រាល់ថ្ងៃ​នៅ​ផ្លូវ​វត្ត​គោក​ទ្រី​ក្រុង​នៅ​ខេត្ត​សៀមរាប​សមត្ថកិច្ច​មិន​ធ្វើ​ការចុះ បង្ក្រាប​ម្តងណា​ឡើយ !!! ==> ទីតាំង​រោង​សន្និធិ​គ្មាន​ច្បាប់​អនុញ្ញាត ១១​ទីតាំង ត្រូវបាន​កម្លាំង​អាវុធហត្ថ​ខេត្ត​កំពង់ធំ សហការ​បង្ក្រាប ! ==> ​ពិធី​ប្រកាស​ចូល​កាន់តំណែង​អភិបាល​អភិបាលរង នៃ​គណៈ​អភិបាលខេត្ត​កែប ក្រោម​ធិបតី​ភាព​សម្តេច​ក្រឡាហោម ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ ==> ប្រជាពលរដ្ឋ​ជួប​ការលំបាក ចំនួន​១២០​គ្រួសារ​ក្នុង​សង្កាត់​ទាំង​២ នៃ​ក្រុង​កែប ទទួលបាន​អំណោយ​ពី​សាខា​កាកបាទក្រហមកម្ពុជា​ខេត្ត​កែប​ ==> ​លោក ប៉ិល កុសល ដឹកនាំ​ក្រុម​ការងារ​ចម្រុះ ចុះ​វាស់វែង​កំណត់​ព្រំ​ដី​ទំនាស់ ក្នុង​ភូមិសាស្ត្រ​ឃុំ​បឹង​ទូក​ ==> ​ការទន្ទឹងរង់ចាំ​របស់​ប្រជាពលរដ្ឋ​ដែល​ចង់​បាន​ផ្លូវ​គ្រួស​ក្រហម​មួយ​ខ្សែ​ដែល​មាន​ប្រវែង​(៣៧៥០ ម៉ែត្រ​)​ពេលនេះ​បាន​ក្លាយជា​ការពិត​ហើយ​ ==> ​ក្រុមការងារ​នៃ​វេទិកា​សម្ព័ន្ធភាព​សង្គម​ស៊ីវិល​និង​រដ្ឋបាល​ខេត្ត​កំពត​ចុះ​ធ្វើ​យុទ្ធនាការ​បាញ់ថ្នាំ​សម្លាប់​មេរោគ​នៅ​ទីតាំង​សំខាន់ៗ ក្នុង​ក្រុង​កំពត​

អ្នកវិនិយោគ​ជប៉ុន​ជឿជាក់​លើ​ស្ថានភាព​នយោបាយ​សេដ្ឋកិច្ច​នៅ​កម្ពុជា

អ្នកវិនិយោគ​ជប៉ុន​ជឿជាក់​លើ​ស្ថានភាព​នយោបាយ​សេដ្ឋកិច្ច​នៅ​កម្ពុជា

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

ភ្នំពេញ ៖ អ្នកវិនិយោគ​ជប៉ុន​បាន​បង្ហាញ​នូវ​ការជឿជាក់​លើ​ស្ថានភាព​ន​យោ បាយ​និង​សេដ្ឋកិច្ច​នៅ​កម្ពុជា​ដែល​បង្ក​លក្ខណៈ​អំណោយផល​ដល់​ការ​រកស៊ី​របស់​វិនិយោគិន​បរទេស សំខាន់​វិនិយោគគិន​មកពី​ប្រទេស​ជប៉ុន ។​

​លោក អា​ឡិច យ៉ា​ស៊ូ​ម៉ូតូ សហ​ស្ថាបនិក​ក្រុមហ៊ុន​អា​រ៉ា​ខា​រ៉ា បាន​ថ្លែង​ប្រាប់​អ្នក​សារព័ត៌ មាន​នៅក្នុង​ស​ន្និសិទ​កាសែត​កាលពី​ថ្ងៃ​ទី​០៩ ខែតុលា ឆ្នាំ​២០១៩ កន្លងទៅនេះ ដោយ​បញ្ជាក់ ថា កម្ពុជា​ជា​ប្រទេស​ដែល​មាន​សក្តានុពល​និង​អំណោយផល​សម្រាប់​ការបណ្តាក់ទុន​រកស៊ី សំខាន់​ការរកស៊ី​លើ​វិស័យ​អ​ចន​ទ្រព្យ ។​

​លោក​ថ្លែង​អះអាងថា កម្ពុជា​ជា​ប្រទេស​ដែល​ក្រុម​អ្នក​វិនិយោគ​ជប៉ុន​មើលឃើញថា មាន​ស្ថេរភាព​ខាង​នយោបាយ​និង​សន្តិសុខ​រឹងមាំ រួម​ទាំង​កំណើនសេដ្ឋកិច្ច​គួរឲ្យកត់សម្គាល់ ។ ទន្ទឹម​នោះ​គោល នយោបាយ​វិនិយោគ​និង​ច្បាប់ស្តី​ការវិនិយោគបា​ន​បង្ក​ភាព​អនុគ្រោះ​ច្រើន ដល់​ជនបរទេស​ឬ ក្រុមហ៊ុន​បរទេស​ដែល​មក​បណ្តាក់ទុន​រក​ស៊ី​លើ​គ្រប់​ផ្នែក​ក្នុងប្រទេស អាស៊ាន​មួយ​នេះ ។​

​លោក អេ​ឡិច យ៉ា​ស៊ូ​ម៉ូតូ បាន​ប្រៀបធៀប​ថា បណ្តា​ប្រទស​មួយចំនួន​នា​ពេលបច្ចុប្បន្ន នេះ​កំពុង​កើត​ចលាចល ឬ​ផ្ទុះ​បាតុកម្ម​បង្ក​អសន្តិសុខ​សព្វបែបយ៉ាង ហើយ​ជះ​ឥទ្ធិ​លអ​វិជ្ជមាន ដល់​ការវិនិយោគ​ករណី​ដូច​ហុងកុង​ជាដើម ។​

​លោក អា​ឡិច យ៉ា​ស៊ូ​ម៉ូតូ បានឲ្យដឹង​ទៀតថា មុន​នឹង​លោក​ចាប់ផ្ដើម​វិនិយោគទុន លើ​ទឹកដី​កម្ពុជា លោក​បាន​សិក្សា​ស្រាវជ្រាវ​អំពី​គោលនយោបាយ និង​ជំហរ​របស់​រាជ​រដ្ឋា ភិបាល​បាន​ច្បាស់លាស់ ដែល​បង្កើតឲ្យមាន​ទំនុកចិត្ត​លើ​សេដ្ឋកិច្ច​កម្ពុជា និង​គោល នយោបាយ​រឹងមាំ ធានា​ដល់​ការ​វិនិយោគិន​បរទេស ហើយ​អ្វី​ទាំងអស់នេះ​គឺជា​កត្តា​សំខាន់ បំផុត​សម្រាប់​ការវិនិយោគ ។​

​ទន្ទឹម​នឹង​ការបង្ហាញ​ភាព​ជឿជាក់​លើ​សេដ្ឋកិច្ច​កម្ពុជា និង​នយោបាយ ជនជាតិ​ជប៉ុន ដែល​មាន​ភាគហ៊ុន​ធំ លើ​គម្រោង​លំនៅឋាន​អា​រ៉ា​ខា​រ៉ា ដោយ​បាន​បោះទុន​ប្រហែលជា ៧០​លាន​ដុល្លារ ដើម្បី​សាងសង់​លំនៅឋាន​បែប​ប្រណិត បាន​បញ្ចេញ​ទស្សន​ដែរ​ថា បច្ចុប្បន្ន នេះ​យុវវ័យ​បាន​ផ្លាស់ប្ដូរ​ទម្លាប់​នៃ​ការរស់នៅ​ក្នុង​ផ្ទះ​ជាប់​ដី ងាក​មក​រស់នៅ​ក្នុង​ខុន​ដូ​បែប ស៊ីវិល័យ​។​

​លោក​បញ្ជាក់ថា ភាពងាយស្រួល គឺជា​ចំណុច​ទាំងអស់​ដែល​ប្រជាពលរដ្ឋ​ទាមទារ ចង់បាន បច្ចុប្បន្ន​ទៅ​អនាគត ព្រោះថា បើ​ចង់បាន​ផ្ទះ​នៅ​ក្នុង​ក្រុង​គឺ​ថ្លៃ ហើយ​បើ​ចង់ បាន​តម្លៃ ធូរ​ថ្លៃ គឺមាន​តែ​ខុន​ដូ ដែល​បង្កើត​ភាពងាយស្រួល កន្លែង​រស់នៅ​ក្បែរ​កន្លែង​ធ្វើការ​។​

​លោក អា​ឡិច យ៉ា​ស៊ូ​ម៉ូតូ បាន​បន្ថែមទៀតថា និន្នាការ​ខាង​លើ​នេះ មិនមែន​មាន​តែ នៅ​កម្ពុជា​នោះទេ គឺ​នៅ​ប្រទេស​អូស្ត្រាលី​ក៏​មាន​ច្រើន​ដែរ ដែល​ពួកគេ​បាន​លក់​ផ្ទះ​នៅ​ជាយ ក្រុង​មក​ទិញ​ខុន​ដូរ ក្នុង​ក្រុង​ក្បែរ​កន្លែង​ធ្វើការ ដើម្បី​បង្កើត​ភាពងាយស្រួល​។​

​លោក អៀង សុធា​រ៉ា ដែល​ជា​សហ​ស្ថាបនិក​ក្រុមហ៊ុន​អា​រ៉ា​ខា​វ៉ា​ដែរនោះ​ក៏​បាន​លើក ឡើង​ដែរ​ថា តាម​ការសិក្សា និង​អង្កេត យុវជន​ធ្វើការ​នៅ​ទីក្រុង និង​មក​រៀន​នៅ​ទីក្រុង ឬ​ទើប រៀបការ​នៅ​ក្នុង​ទីក្រុង​ដែល​មាន​មុខរបរ និង​កន្លែងធ្វើការ​ក្នុង​ក្រុង ពួកគេ​រមែង​ចង់​បាន​កន្លែង រស់នៅ​ក្បែរ​កន្លែង​រក​ស៊ី និង​ធ្វើការ ឬ​កន្លែង​រៀន​ដើម្បី​កាត់បន្ថយ​ការចំណាយ​នៃ​ការធ្វើ​ដំណើរ ពេលវេលា និង​គ្រោះថ្នាក់​ផ្សេងៗ​ជាដើម​។​

​ឈរ​លើ​ទស្សនវិស័យ​ខាងលើនេះ លំនៅឋាន​អា​រ៉ា​ខា​វ៉ា ដោយ​បាន​សហការ​រវាង អ្នកវិនិយោគ​ខ្មែរ និង​ជប៉ុន បង្កើត​អាគារ​ខុន​ដូរ លើ​ផ្ទៃដី ១.៣​ហិច​តា មាន​ចំនួន​១០​អាគារ និង​មាន​កម្ពស់​២១​ជាន់ ស្ថិតនៅ​កណ្ដាល​ទីក្រុង ស្ថិតនៅ​ភូមិ​ផ្សារ​ទឹកថ្លា សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ដែល​មាន​ទីតាំង នៅ​ខាងក្រោយ​មន្ទីរពេទ្យ​រ៉ូយ៉ាល់​ភ្នំពេញ​។ ចំពោះ​តម្លៃ​គឺ​មាន​ចាប់ពី ២៨,០០០ ដុល្លារ​ឡើង​ទៅ ដែល​ពលរដ្ឋ​មាន​ចំណូល​ពី ៦០០​ដុល្លារ ឡើងទៅ អាច​ទិញ​មួយ​ជា​ប្រភេទ​ស្ទូឌីយោ ឬ​ផ្ទះ​មាន​ពីរ​បន្ទប់​៕

Filed in: ព័ត៌មានជាតិ

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!