ទាន់ហេតុការណ៍
​ពិធី​ប្រកាស​ចូល​កាន់​មុខ​តំណែង​អភិបាលរង នៃ​គណៈ​អភិបាលខេត្ត​កែប​ ==> បុរស​ម្នាក់​ត្រូវ​ក្រុមចោរ​បាញ់ប្រហារ​ត្រូវ​១​គ្រាប់​បណ្តាលឲ្យ​ស្លាប់​ប្លន់​យក​ម៉ូតូ​បាន​ដោយ​សុវត្ថិភាព ==> អាជ្ញាធរ​ខណ្ឌ​ដូនពេញ ប្រជុំ​ផ្សព្វផ្សាយ​ស្តីពី​គម្រោង​រៀបចំ​សណ្តាប់ធ្នាប់ និង​អភិវឌ្ឍន៍​ចិញ្ចើម​ផ្លូវ​សហព័ន្ធរុស្ស៊ី​ ==> ​លោក ឃួ​ង ស្រេង​៖ ការផ្តល់​សាច់ប្រាក់​ជូន​ពលរដ្ឋ​ក្រីក្រ​នៅ​ភ្នំពេញ ដំណើរការ​ដោយ​រលូន និង​មាន​តម្លាភាព​សម្រេច​បាន​ជាង​៩០​ភាគរយ ==> ​ក្រសួង​សង្គមកិច្ច​៖ គិត​មកដល់ពេលនេះ​ការបើក​ប្រាក់ឧបត្ថម្ភ​ជូន​ពលរដ្ឋ​ក្រីក្រ និង​ងាយ​រងគ្រោះ បាន​ចំនួន​២​លាន​នាក់ ស្មើនឹង​៥០​ម៉ឺន​គ្រួសារ ==> ​ប្រកាស​តែងតាំង​ប្រធាន​សាខាគយ និង​រដ្ឋាករ​ខេត្ត​កំពង់ធំ​, មន្ត្រីជាន់ខ្ពស់​ស្ថាប័នគយ ណែនាំ​ឲ្យ​ប្រធាន​ថ្មី ត្រូវ​យកចិត្តទុកដាក់​ត្រួតពិនិត្យ​ទំនិញ​ឆ្លងកាត់ និង​ទប់ស្កាត់​បទល្មើស​គេច​ពន្ធ​គ្រប់​ប្រភេទ ==> អភិបាល​រាជធានី​ភ្នំពេញ ប្រាប់​ពលរដ្ឋ​ជាង​១០០​គ្រួសារ សង់​លំនៅដ្ឋាន​រំលោភ​លើ​ប្រឡាយ​លូ​ប្រាំ ត្រូវ​រុះរើ​ចេញ​ដោយ​ខ្លួនឯង មុន​អាជ្ញាធរ​ចាត់វិធានការ ==> ​លោក ម៉ាត់ សេត នាំយក​អំណោយ​សប្បុរស​ជន ចែកជូន​ប្រជាពលរដ្ឋ​រងគ្រោះ​ដោយ​ខ្យល់​កន្ត្រាក់ នៅ​ភូមិ​ត្រពាំងរ​ពៅ ឃុំ​ព្រែក​ត្នោត ស្រុក​ទឹកឈូ ខេត្ត​កំពត​ ==> ​បណ្ណ​សមធម៌ គ្រឿងឧបភោគ​បរិភោគ និង​ថវិកា ជា​អំណោយ​របស់​រាជរដ្ឋាភិបាល ត្រូវបាន​ប្រគល់ជូន​ប្រជាពលរដ្ឋ​ក្រីក្រ​៤៣​គ្រួសារ ក្នុង​សង្កាត់​ផ្សារ​ថ្មី​ទី​២ ខណ្ឌដូនពេញ​ ==> ​ខណ្ឌដង្កោ រៀបចំ​វេទិកា​សាធារណៈ ជាមួយ​ប្រជាពលរដ្ឋ​ចំនួន​០៥​សង្កាត់​!

លោក កែវ វ៉ា​ន្នី ប្រធាន​សាខាគយ​ខេត្តតាកែវ ប្រើ​អំណាច​ប្រព្រឹត្ត​អំពើ​ពុករលួយ​ដោយ​គ្មាន​ញញើត​ច្បាប់ មិនគួរ​បើ​អង្គភាព​ប្រឆាំង​អំពើពុករលួយ​មើលរំលង​នោះទេ !

លោក កែវ វ៉ា​ន្នី ប្រធាន​សាខាគយ​ខេត្តតាកែវ ប្រើ​អំណាច​ប្រព្រឹត្ត​អំពើ​ពុករលួយ​ដោយ​គ្មាន​ញញើត​ច្បាប់ មិនគួរ​បើ​អង្គភាព​ប្រឆាំង​អំពើពុករលួយ​មើលរំលង​នោះទេ !

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

​ថ្មីៗ​បើទោះជា​លោក អូន ព័ន្ធមុនីរ័ត្ន រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ក៏ដូចជា​លោក គុណ ញឹម អគ្គនាយក​គយ បាន​ដាក់ចេញ​នូវ​វិធានកា​រឹតបន្តឹង​លើ​ការប្រមូល​ពន្ធ​អោយបាន​មួយរយ​ភាគរយ​នោះ ក៏ប៉ុន្តែ បុគ្គល កែវ វ​ន្នី ដែល​ជា​ប្រធាន​សាខាគយ និង​រដ្ឋ​ករ​ខេត្តតាកែវ​នោះ នូវតែ​ពើងទ្រូង​ប្រព្រឹត្ត​អំពើ​ពុករលួយ​យ៉ាង​ព្រហើន​បំផុត​ដោយ​គ្មាន​ញញើត​ខ្លាច​ច្បាប់​ប្រឆាំង​អំពើពុករលួយ​សូម្បី​បន្តិច​ណា​សោះ ។​

​ពាក់ព័ន្ធ​និង​បញ្ហា​ព្រងើយកន្តើយ​នេះ ត្រូវបាន​មជ្ឈដ្ឋាន​នានា​រិះគន់ថា​ជា​អ្នក​ឃុបឃិត​បើកដៃ​ឲ្យ​លោក កែវ វ៉ា​ន្នី ប្រធាន​សាខាគយ​ខេត្តតាកែវ ប្រើ​អំណាច​ប្រព្រឹត្ត​អំពើ​ពុករលួយ​ស្រេច​តែ​អំពើ​ចិត្ត​។​

​ជាក់ស្ដែង​អំពើពុករលួយ​របស់​លោក កែវ វ៉ា​ន្នី និង​បក្ខពួក​ត្រូវបាន​មន្ត្រី​គយ​ក្នុង​ខេត្តតាកែវ មួយចំនួន​លាតត្រដាង​ជា​បន្តបន្ទាប់ ហើយ​បណ្ដាញ​ព័ត៌មាន​នានា​ក៏​បាន​ចុះផ្សាយ​ជា​បន្តបន្ទាប់​ដែរ ក៏​ប៉ុន្តែ​ទាំង​លោក អូន ព័ន្ធមុនីរ័ត្ន ដែល​ជា​រដ្ឋមន្ត្រី​ក្រសួង​ហិរញ្ញវត្ថុ និង​លោក គុណ ញឹម ដែល​ជា​មេ​គយ​ធំ​មិន​ចាត់វិធានការ​ទប់ស្កាត់​នោះទេ​។​

​ដោយសារ​តែ​បញ្ហា​នោះ​ហើយ​ទើប​មាន​ការអំពាវនាវ​ឲ្យ​លោក ឱម​
​យ៉ិនទៀង ប្រធាន​អង្គភាព​ប្រឆាំង​អំពើពុករលួយ បើក​ការស៊ើបអង្កេត​ជាបន្ទាន់ ទៅលើ​រឿងអាស្រូវ​ពុករលួយ​របស់លោក កែវ វ៉ា​ន្នី មេ​គយ​ខេត្តតាកែវ ឲ្យបាន​ស៊ីជម្រៅ​។​

​ប្រភព​ពី​មន្ត្រី​គយ​និង​ភ្នាក់ងារ​គយ​មួយចំនួន​នៅក្នុង​ខេត្តតាកែវ បានឲ្យដឹងថា ដោយសារ​អាង​មាន​ខ្នងបង្អែក​យ៉ាងរឹងមាំ​នៅក្នុង​អគ្គនាយកដ្ឋាន​គយ​និង​រដ្ឋាករ ទើប​លោក កែវ វ៉ា​ន្នី ហ៊ាន​ឃុបឃិត​បើកដៃ​ឲ្យ​ឈ្មួញ​នាំ​ចូល​ទំនិញ​គេច​ពន្ធ និង​ទំនិញ​បង់ពន្ធ​មិន​គ្រប់​តាម​ច្រក​ព្រំដែន​ជាច្រើន​កន្លែង​តាម​តំបន់​ព្រំដែន​ខ្មែរ​-​យួន នៅ​ខេត្ត​តាកែវ​។​

​ប្រភព​បានឲ្យដឹង​ទៀតថា ទំនិញ​ដែល​ឈ្មួញ​នាំ​ចូល​តាម​ច្រកទ្វារ​អន្តរជាតិ​ភ្នំ​ដិន តាម​ច្រក​បាក់ដៃ តាម​ច្រក​កំពង់​ក្រសាំង ជាដើម​គឺ​ឈ្មួញ​បង់ពន្ធ​ប្រមាណ​២៥​ទៅ​៣០​ភាគរយ​ប៉ុណ្ណោះ ក្រៅពីនេះ​គឺ​មាន​ការឃុបឃិត​ជាមួយ​លោក កែវ វ៉ា​ន្នី ព្រមទាំង​បក្ខពួក​ដែល​ជា​ហេតុ​ធ្វើ​ឲ្យ​រដ្ឋ​ត្រូវ​ខាតបង់​ចំណូល​ពន្ធ​យ៉ាងច្រើន​សន្ធឹកសន្ធាប់​ក្នុង​មួយខែៗ​។​

​ទន្ទឹមនឹងនេះ​យ​លោក កែវ វ៉ា​ន្នី បាន​គាបសង្កត់​យ៉ាងខ្លាំង​ទៅលើ​មន្ត្រី​គយ​ក្រោម​ឱវាទ​មិន​ឲ្យ​តវ៉ា​ដោយ​យក​លេស​ថា ខ្លួន​ប្រមូល​លុយ​យក​ទៅ​ជួយ​ដល់​គណបក្ស​។ ហើយ​យក​លេស ក្រោមលេស​នេះហើយ​ទើប​លោក កែវ វ៉ា​ន្នី ប្រធាន​សាខាគយ​ខេត្តតាកែវ បន្ត​ប្រើ​អំណាច​និង​តួនាទី​ប្រព្រឹត្ត​អំពើពុករលួយ​កាន់តែ​ខ្លាំង​ឡើងៗ​ដោយ​គ្មាន​ញញើត​អ្វី​ទាំងអស់​។​

​តាម​ប្រភព​ពី​ឈ្មួញ​និង​អាជីវករ​ដឹកជញ្ជូន​ទំនិញ​ពី​ព្រំដែន​ខ្មែរ​-​យួន ឆ្លងកាត់​ផ្លូវ​ជាតិ​លេខ​២ ក្នុង​ខេត្ត​តាកែវ បានឲ្យដឹង​ថា​លោក កែវ វ៉ា​ន្នី បាន​បើកដៃ​ឲ្យ​មេគយ​ចល័ត​ខេត្តតាកែ​វ បង្កើត​កុងត្រូលជជុះ​២​កន្លែង​ជំរិត​យកលុយ​លើ​តុ​ក្រោម​តុ​ពី​ពួកគាត់​តាមរបៀប​ពុករលួយ​យ៉ាង​គឃ្លើន​។​

​ក្រុម​ឈ្មួញ​និង​អាជីវករ​បានឲ្យដឹង​ទៀត​ថា ៖ បើ​ទោះ​បី​ពួក​គាត់​នាំចូល​ទំនិញ​បង់ពន្ធ​គយ​ត្រឹមត្រូវ​នៅ​ច្រក​ព្រំដែន​រួចហើយ​ក៏​ដោយ ក៏​លោក លាង ម៉ុង មេ​គយ​ចល័ត​ខេត្តតាកែវ ប្រើ​អំណាច​ជំរិត​យក​លុយ​ពី​ពួក​គាត់​តាម​អំពើ​ចិត្ត​ដែរ ព្រោះ​មាន​ការឃុបឃិត​បើកដៃ​ពី​សំណាក់​លោក កែវ វ៉ា​ន្នី មេ​គយ​ខេត្តតាកែវ ដែល​ល្បីល្បាញ​ខាង​ពុករលួយ​។​

​ផ្ទុយ​ទៅ​វិញ​ទាំង​លោក កែវ វ៉ា​ន្នី និង​លោក លាង ម៉ុង បាន​ឃុបឃិត​គ្នា​ឲ្យ​ឈ្មួញ​នាំ​ចូល​ទំនិញ​គេច​ពន្ធ ទំនិញ​បង់ពន្ធ​មិន​គ្រប់​ដឹកជញ្ជូន​ឆ្លងកាត់​ផ្លូវជាតិ​លេខ​២​ចូល​មក​រាជធានី​ភ្នំពេញ យ៉ាង​ពេញបន្ទុក​តែម្តង​។​

​ជាងនេះទៅទៀត ក៏​មាន​ការលើកឡើង​ស្នើសុំ លោកនាយក​រដ្ឋមន្ត្រី ហ៊ុន សែន មិន​គួរ​មើលរំលង​បញ្ហា​នេះ​ទេ​ព្រោះថា មួយរយៈ​កន្លងទៅនេះ​លោក កែវ វ៉ា​ន្នី ប្រធាន​សាខាគយ​ខេត្តតាកែវ និង​លោក លាង ម៉ុង ដែល​ជា​មេ​គយ​ចល័ត​ខេត្ត​តាកែវ​បាន​ព្រងើយកន្ដើយ ឃុបឃិត​គ្នា​ប្រព្រឹត្ត​អំពើ​ពុករលួយ​កាន់តែ​ខ្លាំង​ឡើងៗ ។​

​ជុំវិញ​បញ្ហា​នេះដែរ គួរតែ​លោក អូន ព័ន្ធមុនីរ័ត្ន រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ក៏ដូចជា​លោក គុណ ញឹម អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ​កម្ពុជា មិន​គួរ​នឹង​ព្រងើយកន្ដើយ​សម្ងំស្ងៀម​ធ្វើជា​មិនដឹង​មិន​ឮ​លើ​ការប្រមូល​ពន្ធ​ចូល​រដ្ឋ​នោះទេ ព្រោះថា​ការព្រងើយកន្តើយ​នេះ​អាច​ធ្វើអោយ​ជ្រុះ​បាត់បង់​ច​ណូ​លព​ន្ធ​យ៉ាងច្រើន​សន្ធឹកសន្ធាប់​ក្នុង​មួយ​ឆ្នាំៗ​រាប់សឹប​ម៉ឺន​ដុល្លារ​ក្រោម​ការគ្រប់គ្រងរ​ប​ស់បុ​គ្គល កែវ វ​ន្នី ដែល​ជា​ប្រធា​សាខាគយ និង​រដ្ឋ​ករគ​យ ខេត្តតាកែវ នោះ​៕
(​ដោយ គេហទំព័រ ឆន្ទះ​ខ្មែរ​)
www.Chk-news.com
012826890/0888826890
WhatsApp=012826890

Filed in: ព័ត៌មាន ដែលគួរចាប់អារម្មណ៍, ព័ត៌មានសំខាន់

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.