ទាន់ហេតុការណ៍
​កិច្ចប្រជុំ​ពិនិត្យ និង​ពិភាក្សា​អំពី​ការធ្វើ​បច្ចុប្បន្នភាព​សន្តិសុខ​លម្ហ​សមុទ្រ​ផ្ទៀងផ្ទាត់​ចំនួន​កោះ ថ្ម​ប៉ប្រះ​ទឹក និង​ថ្មដុះ​ក្នុង​ភូមិសាស្ត្រ​ខេត្ត​កំពត​ ==> ពិធី​ប្រកាស​ផ្ទេរ​ភារកិច្ច តែងតាំង​មុខតំណែង និង​បំពាក់​ឋានន្តរស័ក្តិ ស្នងការ នៃ​ស្នងការដ្ឋាន​នគរបាល​ខេត្ត​កែប​ ==> កិច្ចប្រជុំ​គណៈ​អភិបាលខេត្ត​ប្រចាំ​ខែ​ឧសភា​ឆ្នាំ ២០២០ តាមរយៈ​ត​ភ្ជាប់​រូបភាព​និង​សំឡេង (video conference ) ==> ​សង្វៀន​ជល់​មាន់​មួយកន្លែង​ដែល​មាន​ភាគហ៊ុន​ចូលរួម​នោះ​មានឈ្មោះ លោក​វណ្ណ លោក​ខេមរា បើក​លេង​ជា​រៀង​រាល់ថ្ងៃ​នៅ​ផ្លូវ​វត្ត​គោក​ទ្រី​ក្រុង​នៅ​ខេត្ត​សៀមរាប​សមត្ថកិច្ច​មិន​ធ្វើ​ការចុះ បង្ក្រាប​ម្តងណា​ឡើយ !!! ==> ទីតាំង​រោង​សន្និធិ​គ្មាន​ច្បាប់​អនុញ្ញាត ១១​ទីតាំង ត្រូវបាន​កម្លាំង​អាវុធហត្ថ​ខេត្ត​កំពង់ធំ សហការ​បង្ក្រាប ! ==> ​ពិធី​ប្រកាស​ចូល​កាន់តំណែង​អភិបាល​អភិបាលរង នៃ​គណៈ​អភិបាលខេត្ត​កែប ក្រោម​ធិបតី​ភាព​សម្តេច​ក្រឡាហោម ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ ==> ប្រជាពលរដ្ឋ​ជួប​ការលំបាក ចំនួន​១២០​គ្រួសារ​ក្នុង​សង្កាត់​ទាំង​២ នៃ​ក្រុង​កែប ទទួលបាន​អំណោយ​ពី​សាខា​កាកបាទក្រហមកម្ពុជា​ខេត្ត​កែប​ ==> ​លោក ប៉ិល កុសល ដឹកនាំ​ក្រុម​ការងារ​ចម្រុះ ចុះ​វាស់វែង​កំណត់​ព្រំ​ដី​ទំនាស់ ក្នុង​ភូមិសាស្ត្រ​ឃុំ​បឹង​ទូក​ ==> ​ការទន្ទឹងរង់ចាំ​របស់​ប្រជាពលរដ្ឋ​ដែល​ចង់​បាន​ផ្លូវ​គ្រួស​ក្រហម​មួយ​ខ្សែ​ដែល​មាន​ប្រវែង​(៣៧៥០ ម៉ែត្រ​)​ពេលនេះ​បាន​ក្លាយជា​ការពិត​ហើយ​ ==> ​ក្រុមការងារ​នៃ​វេទិកា​សម្ព័ន្ធភាព​សង្គម​ស៊ីវិល​និង​រដ្ឋបាល​ខេត្ត​កំពត​ចុះ​ធ្វើ​យុទ្ធនាការ​បាញ់ថ្នាំ​សម្លាប់​មេរោគ​នៅ​ទីតាំង​សំខាន់ៗ ក្នុង​ក្រុង​កំពត​

​ឯកឧត្ដម​អភិបាលខេត្ត​ស្វាយរៀង​ជួប​សំណេះសំណាល និង​ផ្តល់​រង្វាន់​លើកទឹកចិត្ត​ជូន​សិស្សានុសិស្ស​ទាំង​៨​នាក់ ដែល​ទទួលបាន​និទ្ទេស​A

​ឯកឧត្ដម​អភិបាលខេត្ត​ស្វាយរៀង​ជួប​សំណេះសំណាល និង​ផ្តល់​រង្វាន់​លើកទឹកចិត្ត​ជូន​សិស្សានុសិស្ស​ទាំង​៨​នាក់ ដែល​ទទួលបាន​និទ្ទេស​A

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

ខេត្ត​ស្វាយរៀង ៖ នា​ព្រឹក​ថ្ងៃ​សុក្រ ទី​២០ ខែ​កញ្ញា ឆ្នាំ​២០១៩​នេះ នៅ​សាលប្រជុំ​សាលាខេត្ត ឯកឧត្ដម ម៉ែន វិបុល អភិបាល នៃ​គណៈ​ភិបាល​ខេត្ត​ស្វាយរៀង បាន​អញ្ជើញ​ជា​អធិបតី​ក្នុង​ពិធី​ជួប​សំណេះសំណាល​ជាមួយ​មាតាបិតា អាណាព្យាបាល និង​សិស្សានុសិស្ស​ដែល​ទទួលបាន​និទ្ទេស A ទាំង​៨​រូប ក្នុង​ការប្រលង​សញ្ញាបត្រ​មធ្យមសិក្សា​ទុតិយភូមិ សម័យ​ប្រលង ថ្ងៃ​១៩ ខែ​សីហា ឆ្នាំ​២០១៩ ។​

​មានប្រសាសន៍​សំណេះសំណាល​ក្នុង​ពិធី​នេះ ឯកឧត្ដម​អភិបាលខេត្ត បាន​សម្ដែង​នូវ​ការអបអរសាទរ​ជាមួយ​មាតាបិតា អាណាព្យាបាល និង​សិស្សានុសិស្ស​ទាំង​៨​រូប ដែល​បាន​ខិតខំ​ប្រឹងប្រែង​សិក្សា​រហូត​ទទួលបាន​និទ្ទេស A ដែល​ជា​និទ្ទេស​ល្អ​ប្រសើរ​បំផុត ក្នុង​ជីវិត​សិក្សា​នៅ​ថ្នាក់​មធ្យមសិក្សា លទ្ធផល​នេះ មិន​ត្រឹមតែ​ជា​មោទនភាព​សម្រាប់​ខ្លួនឯង​ផ្ទាល់ ក៏ដូចជា​មាតាបិតា​អាណាព្យាបាល លោកគ្រូ អ្នកគ្រូ និង​សាលា​ប៉ុណ្ណោះ​ទេ ប៉ុន្តែ​ជា​មោទនភាព និង​មុខមាត់​របស់​ខេត្ត​ស្វាយរៀង​យើង​ទាំងមូល​នៅក្នុង​បរិបទ​ដែល​ប្រទេសជាតិ​កំពុង ទទួល​ផល​ពី​សុខសន្តិភាព និង​ការអភិវឌ្ឍ​លើ​គ្រប់​វិស័យ ក្រោម​ការដឹកនាំ​របស់​សម្តេច​តេជោ ហ៊ុន សែន ជាពិសេស​វិស័យ​សិក្សាធិការ​អប់រំ ។​

​ជាមួយ​នេះ​ឯកឧត្ដម​អភិបាលខេត្ត ក៏​បាន​បញ្ជាក់​ជូន​ថា យុវជន​នា​ពេលបច្ចុប្បន្ន​នេះ ពិតជា​មាន​សំណាង​ណាស់ ដែល​មាន​ឳ​កាស​ពេញលេញ និង​សម្បូរបែប ទទួលបាន​នូវ​ការអប់រំ​សិក្សា​គ្រប់​ទីកន្លែង ព្រោះ​ថា​សាលារៀន​ត្រូវបាន​ពង្រាយ​ទៅ​កៀក​ជាប់ នឹង​របង​ផ្ទះ​តែម្ដង ផ្ទុយស្រឡះ​ពី​ជំនាន់​មុន ដែល​ពុំ​មាន​ឱកាស​ពេញលេញ​បែបនេះ​ទេ ណាមួយ​សាលារៀន​នៅ​ឆ្ងាយ​ពី​ផ្ទះ​ផង ណាមួយ​ត្រូវ​ជួយ​កិច្ចការ​ផ្ទះ​ផង ណាមួយ​ត្រូវ​គេច​ពី​គ្រាប់ផ្លោង​ផង ដោយសារ​កាល​នោះ​ប្រទេស​ជាតិ​គ្មាន​សន្តិសុខ​ពេញលេញ ដូច​សព្វថ្ងៃនេះ​ទេ ដូច្នេះ​តម្លៃ​នៃ​សន្តិភាព​ដែល​រាជរដ្ឋាភិបាល ជា​សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា សម្រេចបាន​ជូន​ជាតិ​មាតុភូមិ ពិតជា​មាន​សារៈសំខាន់​ណាស់ ដែល​ទាមទារ​ឲ្យ​យុវជន​ជំនាន់​ក្រោយ​ត្រូវ​រួមគ្នា​ការពារ និង​ថែរក្សា​ឲ្យបាន​គង់វង្ស ។​

​ទន្ទឹមនេះ ឯកឧត្ដម​អភិបាលខេត្ត ក៏​បាន​ផ្ដាំផ្ញើ​ដល់​សិស្សានុសិស្ស​ទាំងអស់ ត្រូវ​ចេះ​តស៊ូ​អំណត់​ព្យាយាម ដោយ​យកចិត្តទុកដាក់​រៀនសូត្រ​ឲ្យបាន​ពូកែ​ថែមទៀត ត្រូវ​ធ្វើ​អំពើ​ណា​ដែល​ល្អ និង​មាន​ផលប្រយោជន៍​ដល់​សង្គម ត្រូវ​ចៀស​ឲ្យ​ឆ្ងាយ​ពី​គ្រឿងញៀន និង​គ្រឿង​ស្រវឹង​គ្រប់​ប្រភេទ ចៀសវាង​ឲ្យបាន​នូវ​អំពើ​អបាយមុខ​ផ្សេងៗ  ត្រូវ​បន្ត​ប្រតិបត្តិ​ខ្លួន​ជា​កូន​ល្អ សិស្ស​និស្សិត​ល្អ និង​មិត្តភក្ដិ​ល្អ ត្រូវ​អភិវឌ្ឍន៍​ខ្លួន​ឲ្យក្លាយ​ជា​យុវជន​គំរូ ដែល​ប្រកបដោយ​គុណសម្បត្តិ​បួន​យ៉ាង គឺ​បញ្ញា សីលធម៌ សុជីវធម៌ និង​កាយសម្បទា​មាំមួន ដោយ​មិន​ត្រូវ​មាន​មោទភាព​ភ្លេចខ្លួន និង​មិន​ត្រូវ​ធ្វេសប្រហែស​ជាដាច់ខាត ត្រូវ​បន្ត​ខិតខំ​ដើម្បី​សម្រេច​នូវ​គោលដៅ និង​គោលបំណង​របស់​ខ្លួន​ទៅ​អនាគត​ដើម្បី​ខ្លួនឯង​និង​ប្រទេសជាតិ ព្រមទាំង​ត្រូវ​ចូលរួម​គោរព ច្បាប់​ចរាចរណ៍​ឲ្យបាន​ខ្ជាប់ខ្ជួន ដើម្បី​សុវត្ថិភាព​ខ្លួនឯង​ផង និង​អ្នក​ដទៃ​ផង ។​

​នៅ​ចុងបញ្ចប់ ដើម្បី​ជា​ការចូលរួម​អបអរសាទរ និង​លើកទឹកចិត្ត​ចំពោះ​ការខិតខំ​ប្រឹងប្រែង​របស់​សិស្សានុសិស្ស​ជ័យលា​ភី​និទ្ទេស A ទាំង​៨​រូប ឯកឧត្ដម​អភិបាលខេត្ត បាន​ផ្ដល់​រង្វាន់​លើកទឹកចិត្ត​សម្រាប់​សិស្សានុសិស្ស​ម្នាក់ៗ​ទទួលបាន ៖ ម៉ូតូ​ហុងដា​ឌ្រី​ម ស៊េរី​ឆ្នាំ​២០១៩ ចំនួន​០១​គ្រឿង កុំព្យូទ័រ​យួរដៃ ១​គ្រឿង ថវិកា​១០​ម៉ឺន​រៀល លោកគ្រូ​អ្នកគ្រូ​នាយក​សាលា និង​មន្ទីរអបរំ​ម្នាក់ៗ​ទទួលបាន ៥​ម៉ឺន​រៀល​ផងដែរ​៕
(​ដោយ គេហទំព័រ ឆន្ទៈ​ខ្មែរ​)
www.Chk-news.com
012826890/0888826890
WhatsApp=012826890

Filed in: ខេត្តស្វាយរៀង

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!