ទាន់ហេតុការណ៍
បើក​ការដ្ឋាន​ស្ថាបនា​ផ្លូវ​ក្រុង​ចំនួន ៣៤​ខ្សែ នៃ​ព្រឹត្តិការណ៍​ជា​ប្រវត្តិសាស្ត្រ សម្រាប់​ទឹក​ដី​ខេត្ត​ព្រះសីហនុ​ ==> ​លោក​អភិបាល​ខណ្ឌ​ដូនពេញ និង​ភរិយា អញ្ជើញ​ជួប​សំណេះសំណាល​ជាមួយ​នឹង​កម្លាំង​ប្រជា​ការពារ​ ==> អាវុធហត្ថ​ខេត្ត​កំពត​ចុះបង្ក្រាប​សង្វៀនមាន់​ក្នុង​កាស៊ីណូ​មួយ​កន្លែង​នៅ​ឃុំ​ព្រែក​ក្រើស សង្ស័យ​គ្មាន​ច្បាប់ទម្លាប់​ ==> លោក ហ៊ុយ វណ្ណៈ ៖ សម្តេច​តេជោ ហ៊ុន សែន បាន​យក​ជ័យជម្នះ​៣​យ៉ាង​បន្ថែមទៀត ជូន​ប្រជាជន​កម្ពុជា​ ==> ​វេទិកា​ផ្សព្វផ្សាយ និង​ពិគ្រោះ​យោបល់ របស់​ក្រុមប្រឹក្សា​ក្រុងកែប ឆ្នាំ​ទី​១ អាណត្តិ​ទី​៣ ==> ​សិក្ខាសាលា​ចែករំលែក​បទពិសោធន៍​ស្តី​ពី​ការស្រាវជ្រាវ និង​អភិវឌ្ឍ​(R&D)​ផ្នែក​វិទ្យាសាស្ត្រ និង​បច្ចេកវិទ្យា​ ==> ​រដ្ឋបាល​ខេត្ត​កំពត រៀបចំ​កិច្ចប្រជុំ​គណៈកម្មការ​រៀបចំ​ពិធីបុណ្យ​សមុទ្រ​លើក​ទី​៨ ជុំ​ទី​២ ==> ថវិកា​ចំនួន ២០​ម៉ឺន​រៀល និង​អង្ករ​០១​បាវ រួម​ទាំង​មី​ចំនួន​០១​កេស (​ក្នុង​១​នាក់​) ត្រូវបាន លោក អភិបាលខណ្ឌ​ដូនពេញ ឧបត្ថម្ភ​ជូន​ចំណុះ​ទូកង​”​ដូនពេញ​សែន​ជ័យ​” ==> ​សកម្មជន ២​នាក់ របស់​អតីត​គណបក្ស​សង្គ្រោះ​ជាតិ​នៅ​ខេត្ត​កំពត ដែល​ចាញ់បោក សម រង្ស៉ី ត្រូវ​ដោះ​លែងឲ្យ​នៅ​ក្រៅ​ឃុំ ក្រោយ​ការអំពាវនាវ​របស់​ស​ម្ដេច​តេជោ ហ៊ុន សែន​ ==> ពិធី​សម្ពោធ​រោងចក្រ​ស៊ីម៉ងត៍ ថៃ ប៊ុន​រ៉ុង ដើម្បី​ដំណើរការ​ផលិត​ជា​ផ្លូវការ​

រសៀល​ថ្ងៃ​នេះ ទេសរដ្ឋមន្ត្រី ស៊ុន ចាន់ថុល នឹង​ចុះ​ទៅ​ដោះស្រាយ​បញ្ហា​សាឡង់​ជាប់គឿង​នឹង​សសរស្ពាន​ព្រែក​តា​មាក់​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

​កណ្ដាល​៖ បន្ទាប់ពី​មាន​ការវែកញែក​គ្នា មិន​ទាន់​ត្រូវ​គ្នា​ជុំវិញ​មតិ​ដោះស្រាយ ចំពោះ​ការរំដោះ​សា​ឡង់​ដឹក​ខ្សាច់​ដែល​ជាប់​គឿង​នឹង​សសរស្ពាន​ព្រែក​តា​មាក់​មក​នោះ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន នឹង​មក​ដោះស្រាយ​បញ្ហា​នេះ​ដោយ​ផ្ទាល់​នា​រសៀល​ថ្ងៃ​ទី​៩ ខែ​កញ្ញា ឆ្នាំ​២០១៩​នេះ​។ នេះ​បើ​តាម​ការ​ឲ្យដឹង​ពី​មន្ត្រី​សាលាខេត្ត​កណ្ដាល បាន​បញ្ជាក់​ប្រាប់​មក​សារព័ត៍មាន​យើង នា​ព្រឹក​មិញ​នេះ​។​

​គួរ​ជម្រាប​ថា សមាសភាព​មន្ត្រី​ដែល​ចូលរួម​ជជែក​វែកញែក​រក​ដំណោះស្រាយ​នា​ព្រឹក​មិញ​នេះ​រួមមាន​៖ មន្ត្រី​ជំនាញ​មកពី​ក្រសួង​សាធារណការ និង​ដឹកជញ្ជូន ដឹកនាំ​ដោយ​លោក លីម ស៊ីដេនី​ន រដ្ឋលេខាធិការ​ក្រសួង រីឯ​មន្ត្រី​សាលាខេត្ត​កណ្ដាល​វិញ​ដឹកនាំ​ដោយ​លោក គង់ សោភ័ណ អភិបាលរង​ខេត្ត​កណ្ដាល ព្រមទាំង​ក្រុម​អ្នកជំនាញ​ស្ថាបនា​ស្ពាន​ព្រែក​តា​មាក់ គឺ​ក្រុមហ៊ុន​សៀង​ហៃ​ផងដែរ​។​

​ការជជែក​ផ្ទុយ​គំនិត​គ្នា​ព្រឹក​មិញ​នេះ ដោយ​ខាង​ក្រសួង​សាធារណការ និង​ដឹកជញ្ជូន ចង់ឲ្យ​មាន​ការ​បូម​ខ្សាច់​ចេញ​ឲ្យ​អស់​ពី​សា​ឡង់​បូម​ខ្សាច់​នោះ ប៉ុន្តែ​ខាង​សាលាខេត្ត​កណ្ដាល​វិញ បាន​ឲ្យយោបល់​ផ្សេងៗ​ពី​បញ្ហា​លំបាក​។ បើសិនជា​បូម​ខ្សាច់​ចេញ​បែបនេះ លោក គង់ សោភ័ណ ចង់​ឲ្យ​សាឡង់​ធំៗ ទាញ​យក​សា​ឡង់​ដែល​ជាប់​គឿង​នោះ​ចេញ​តែម្ដង​។ ប៉ុន្តែ​មតិ​ទាំង​២​នេះ ហាក់​ពុំ​ទាន់​ត្រូវ​គ្នា ក៏​ទេសរដ្ឋមន្ត្រី ស៊ុន ចាន់ថុល នឹង​មក​ដោះស្រាយ​ដោយ​ផ្ទាល់​នា​រសៀល​ថ្ងៃ​នេះ​វិញ​។​

​សូមបញ្ជាក់​ថា កាលពី​រសៀល​ម្សិលមិញ សាឡង់​ដឹក​ខ្សាច់​មួយគ្រឿង បាន​បើក និង​ទៅ​ជាប់គាំង​ជាមួយ​សសរស្ពាន​ព្រែក​តា​មាក់ (​សសរ​ទី​៣) បណ្តាលឲ្យ​គៀប​ជាប់​នៅ​នឹង​សសរស្ពាន​តែម្តង​។ ភ្លាមៗ​ក្រោយ​ទទួលបាន​ព័ត៌មាន អភិបាលខេត្ត​កណ្តាល​លោក ម៉ៅ ភិរុណ បាន​ចុះ​ទៅ​ជួយ​អន្តរាគមន៍ ដើម្បី​រក​មធ្យោបាយ​ទាញ​ក្បាល​សា​ឡង់​ដឹក​ខ្សាច់​នេះ​ចេញពី​សសរស្ពាន​។​

​បើ​តាម​លោក​ឧត្តមសេនីយ៍​ស្នងការ អ៊ាវ ចំរើន ចំពោះ​ហេតុការណ៍​នេះ លោក​អភិបាលខេត្ត បាន​បញ្ជា​ឲ្យ​ផ្អាក​សា​ឡង់​ដឹក​ខ្សាច់​ផ្សេង​ទៀត​ឆ្លងកាត់​ក្រោម​ស្ពាន​ជា​បណ្តោះអាសន្ន រង់ចាំ​ការ​ទាញ​សាឡង់​ដែល បុក​នេះ​ចេញ​សិន ចៀសវាង​គ្រោះថ្នាក់​ជា​យថាហេតុ​បន្តទៀត​។​

​ស្ពាន​ព្រែក​តា​មាក់​មាន​ប្រវែង សរុប​១០៦០​ម៉ែត្រ និង​ទទឹង​ប្រវែង ១៣.៥ ម៉ែត្រ ជាមួយនឹង​ល្បឿន​អតិបរមា ៦០ គីឡូម៉ែត្រ​ក្នុង​មួយ​ម៉ោង​។ ការសាងសង់​ស្ពាន​នេះ បាន​ចំណាយ​ថវិកា​ប្រមាណ​៤៣.៥​លាន​ដុល្លារ ក្រោម​ជំនួយ​ប្រាក់កម្ចី​របស់​ប្រទេស​ចិន និង​បាន​ដាក់ឲ្យ​ប្រើប្រាស់​នៅ​ឆ្នាំ​២០១០​កន្លងទៅ​៕

(​ដោយ គេហទំព័រ ឆន្ទៈ​ខ្មែរ​)
www.Chk-news.com
012826890/0888826890
WhatsApp=012580455

Filed in: ខេត្តកណ្តាល

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.