ទាន់ហេតុការណ៍
សម្តេច​អគ្គ​មហា​ពញា​ចក្រី ហេង សំរិន និង​ភរិយា​ចូលរួម​ប្រារព្ធ​ពិធី​កាន់បិណ្ឌ​ទី​៤ នៅ​វត្ត​ក្រពើ​ហារ ក្រុង​តាខ្មៅ​ ==> មេ​គយ​ខេត្តបាត់ដំបង លោក យូ ហេង និង​បក្ខពួក​ឃុបឃិត​គ្នា​ប្រព្រឹត្ត​អំពើ​ពុករលួយ​ដើម្បី​ផលប្រយោជន៍​ផ្ទាល់ខ្លួន​ ==> ​ពិធី​ប្រកាស​ចូល​កាន់​មុខតំណែង​ជា​ប្រធាន​មន្ទីរ​រៀបចំ​ដែនដី នគររូបនីយកម្ម​ជំនួស​លោក ប្រាក់ ប៉ូ​លី ទៅ​បំពេញ​ភារកិច្ច នៅឯ​ក្រសួង​ ==> ឃាត់ខ្លួន​ជនសង្ស័យ ០១ នាក់ ដែល​បាន​ធ្វើ​សកម្មភាព លួច យក​ទូរ​សព្ទ័​ដៃ​នៅក្នុង​មន្ទីរពេទ្យបង្អែក​ខេត្ត​បាត់ដំបង​ ==> ដើម្បី​គ្រប់គ្រង​និង​ថែរក្សា​ធនធានធម្មជាតិ​របស់​រដ្ឋ​ឲ្យបាន​គង់វង្ស​អាជ្ញាធរ​និង​ជំនាញ​ពាក់ព័ន្ធ​ត្រូវ​សហការ​គ្នា​ទប់ស្កាត់​កុំឲ្យ​មាន​ការកាប់​ទន្ទ្រាន​ ==> បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ ==> ​បុណ្យ​ឆ្លង​វិមាន​តេជះ​ព្រះ​គោ​ជើង​ប្រាំ​នៅ វត្ត​ពោធិ​មា​រាម​ហៅ​វត្ត​ប៉ា​ហ៊ី​ ==> ក្រុមការងារ​គ្រូពេទ្យ​ស្ម័គ្រចិត្ត​លោក ហ៊ុន ម៉ា​នី ជាង​៥០០​នាក់ បន្ត​ចុះ​ព្យាបាល​ជូន​ប្រជាពលរដ្ឋ​ជិត​៥​ពាន់​នាក់ ដោយ​ឥតគិតថ្លៃ នៅ​ស្រុក​ទឹកឈូ ខេត្ត​កំពត​ ==> ​ឯកឧត្តម ជា សុផារ៉ា​និង​ឯកឧត្តម គន់ គីម​ព្រមទាំង​ក្រុមការងារ កាកបាទក្រហមកម្ពុជា នាំយក​អំណោយ​សម្តេច​កិត្តិ​ព្រឹទ្ធ​បណ្ឌិត​ចែក​អំណោយ​ជូន​ប្រជាពលរដ្ឋ​២៥៣៩​គ្រួសារ នៅ​ខេត្ត​ត្បូងឃ្មុំ​ ==> ​ពលរដ្ឋ​ជា​អ្នករ​កស៊ីដឹក​ទំនិញ​តាម​ព្រំដែន​ព្រែក​ចាក នាំគ្នា​ទៅ​បិទ​ផ្លូវ​នៅ​មុខ​ស្នាក់ការ​គយ​ចល័ត​ដើម្បី​សុំ​ឲ្យ​ស្ថាប័ន​មួយ​នេះ​បញ្ចុះ​តម្លៃ​សេវា​ដឹកជញ្ជូន​

​លោក​អភិបាល​ខេត្ត​កំពត ជួបប្រជុំ​ជាមួយ​ប្រតិភូ​ក្រសួង​មហាផ្ទៃ​ពិភាក្សា​បញ្ហា​ពង្រឹង​សន្តិសុខ​សណ្ដាប់ធ្នាប់​តាម​បន្ទាត់​ព្រំដែន​និង​ក្នុង​ភូមិសាស្ត្រ​ខេត្ត​កំពត​

(​ខេត្ត​កំពត​) ៖ នៅ​ព្រឹក​ថ្ងៃទី​០៥​ខែ​កញ្ញា ឆ្នាំ​២០១៩ លោក ជាវ តា​យ អភិបាល​នៃ​គណៈ​អភិបាលខេត្ត រួម​និង​ថ្នាក់ដឹកនាំ​អង្គភាព​កងកម្លាំងប្រដាប់អាវុធ​ព្រមទាំង​មន្ត្រី​ពាក់ព័ន្ធ​នៃ​មន្ទីរ អង្គភាព​មួយ​ចំនួន​ក្នុង​ខេត្ត​ជួប​ប្រជុំ​រវាង​ប្រតិភូ​ក្រសួងមហាផ្ទៃ ដែល​ដឹកនាំ​ដោយ នាយ​ឧត្តមសេនីយ៍ សំរិទ្ធ ឌី រដ្ឋលេខាធិការ​ក្រសួងមហាផ្ទៃ ដើម្បី​ពិភាក្សា​ការងារ​មួយចំនួន​ពាក់ព័ន្ធ​បញ្ហា​ការងារ​ពង្រឹង​សន្តិសុខ​សណ្ដាប់ធ្នាប់​សុវត្ថិភាព​តាម​បន្ទាត់​ព្រំដែន​ក៏​ដូច​ក្នុង​ភូមិសាស្ត្រ​នៃ​ខេត្ត​កំពត​ទាំងមូល​។​

​កិច្ចប្រជុំ​នេះ បន្ទាប់​ពី លោក ជាវ តា​យ​អភិបាលខេត្ត​និង​ថ្នាក់ដឹកនាំ​អង្គភាព​កងកម្លាំង​ស្នងការដ្ឋាន​នគរបាល​ខេត្ត​និង​អង្គភាព​នគរបាល​ការពារ​ព្រំដែន​រាយការណ៍​ជូន​គណៈអធិបតី​រួចមក នាយ​ឧត្តម​ឧត្តមសេនីយ៍ សំរិទ្ធ ឌី រដ្ឋលេខាធិការ​ក្រសួងមហាផ្ទៃ បាន​មានប្រសាសន៍​គូសបញ្ជាក់ថា ប្រតិភូ​ក្រសួង​មហាផ្ទៃ​ដែល​បាន​អញ្ជើញ​ចុះ​មក​បំពេញបេសកកម្ម​ពេលនេះ​គឺជា​គោលការណ៍​ចាំបាច់​និង​បន្ទាន់​របស់​ក្រសួងមហាផ្ទៃ​បាន​ដាក់ចេញ​នូវ​វិធានការណ៍ លើកកម្ពស់​ស្មារតី​ទទួលខុសត្រូវ ប្រសិទ្ធភាព​ការងារ ត្រូវ​អនុវត្ត​ប្រកបដោយ​ភាពម៉ឺងម៉ាត់ ហ្មត់ចត់ តាម​គោលការណ៍​ច្បាប់ មិន​ធូររលុង​និង​មិន​បណ្ដែតបណ្ដោយ​តាម​ទម្លាប់​ចាស់​គ្រប់​ប៉ុស្តិ៍​ត្រូវ​ត្រួតពិនិត្យ​ច្រក​ទ្វារ​ព្រំដែន ប៉ុស្តិ៍​ការពារ​នៅតាម​បណ្ដា​កងវរសេនាតូច​នគ​របាល​ការពារ​ព្រំដែន ត្រូវ​ធ្វើ​ការអភិវឌ្ឍ​ខ្លួន​ឲ្យទាន់​សភាពការណ៍​ក្នុង​ដំណាក់កាល​ថ្មី ពង្រឹង ពង្រីក​សមត្ថភាព សំដៅ​កសាង​ខ្សែ​បន្ទាត់​ព្រំដែន​មួយ​ប្រកបដោយ​ក្ដី​សុខ​សណ្ដាប់ធ្នាប់ និង​របៀបរៀបរយ ដើម្បី​រួមចំណែក​គោលនយោបាយ​របស់​រាជ​រដ្ឋាភិបាល ក្នុង​ការកសាង​ព្រំដែន​ជាមួយ​ប្រទេស​ជិតខាង​ជា​ព្រំដែន​សន្តិភាព មិត្តភាព កិច្ចសហប្រតិបត្តិការ​និង​ការអភិវឌ្ឍ ។​

​លោក សំរិទ្ធ ឌី ក៏​បាន​បញ្ជាក់​ឲ្យដឹង​ដែរថា ភ្ជាប់​ជាមួយ​បេសកកម្ម​នេះ​ដែរ ក៏​បាន​ផ្ដោត​សំខាន់ ដើម្បី​សួរ​សុខទុក្ខ​និង​ពិនិត្យ​មើល​សកម្មភាព​ការងារ ព្រមទាំង​ក្ដាប់​សភាពការណ៍ និង​ស្ថានភាព​ជាក់ស្ដែង នៃ​ការរស់នៅ ការ​ត្រៀមប្រយុទ្ធ និង​ការហ្វឹកហ្វឺន ការលំបាក ការងាយស្រួល និង​បញ្ហា​ប្រឈម​មួយចំនួន​របស់​កងកម្លាំង​នគរបាល​ការពារ​ព្រំដែន ដើម្បី​ជួយ​សម្របសម្រួល​ដោះស្រាយ​សម្រាប់​សេចក្តីត្រូវការ​របស់​អង្គភាព​។

​លោកនាយ​ឧត្តម​ឧត្តមសេនីយ៍ សំរិទ្ធ ឌី ក៏​បាន​កោតសរសើ​រដល់​អាជ្ញាធរ​និង​អង្គភាព​នគរបា​ល ព្រមទាំង​សមត្ថកិច្ច​ពាក់ព័ន្ធ​ដែល​បាន​សហការ​ការពារ​ថែរក្សា​សុខ​សុវត្ថិភាព​សណ្ដាប់ធ្នាប់រ​បៀ​បរៀប​រយ​សង្គម​បាន​ល្អប្រសើរ​ជូន​សង្គម​និង​ប្រជាពលរដ្ឋ​ក្នុង​ខេត្ត​កំពត​ទាំងមូល​៕ សេង ណា​រិទ្ធ​

Filed in: ខេត្តកំពត

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.