ទាន់ហេតុការណ៍
​រដ្ឋបាល​ខេត្ត​កែប បើក​សិក្ខាសាលា​ផ្សព្វផ្សាយ​គោលការណ៍​ណែនាំ ពាក់ព័ន្ធ​នឹង​ការអភិវឌ្ឍ​តំបន់ឆ្នេរ និង​រមណីយដ្ឋាន​ឆ្នេរសមុទ្រ​ ==> ​សិក្ខាសាលា​ផ្សព្វផ្សាយ​គោលនយោបាយ​និង​ឯកសារ​គតិយុត្ត​ពាក់ព័ន្ធ​ការគ្រប់គ្រង​និង​អភិវឌ្ឍ​តំបន់​ឆ្នេរសមុទ្រ​កម្ពុជា​ប្រកបដោយ​ចីរភាព​ ==> ​រដ្ឋបាល​ខេត្ត​កំពត ធ្វើ​ពិធី​ក្រុង​ពាលី​សុំ​សេចក្ដីសុខ​ចម្រើន ក្នុងឱកាស​នៃ​ពិធីបុណ្យ​សមុទ្រ​ដែល​ឈាន​ចូល​មក​ដល់​នៅ​ចុងឆ្នាំ​២០១៩​នេះ​ ==> ពិធី​បើក​ការ​បោះជំរំ​យុវជន​កាកបាទក្រហម នៅ​សហគមន៍​ត្រពាំង​សង្កែ ខេត្ត​កំពត​ ==> ពិធី​ចែក​ប័ណ្ណ​សង្គមកិច្ច​និង​បើក ផ្ដល់​របប​គោលនយោបាយ​ជូន​ជនពិការ​ក្រីក្រ​នៅតាម​សហគមន៍​ថ្មគោល​.! ==> សម្តេច​តេជោ​ហ៊ុន សែន អញ្ជើញ​ប្រគល់​សញ្ញាបត្រ ដល់​និស្សិត​សាកលវិទ្យាល័យ​ធនធានមនុស្ស​ជិត​២​ពាន់​នាក់​ ==> ​ប្រជាពលរដ្ឋ​ជិត​៤​ពាន់​នាក់ នៅ​ស្រុក​កោះ​ញែក ខេត្ត​មណ្ឌលគិរី ទទួល​ការព្យាបាល​ជំងឺ​ឥត​គិត​ប្រាក់​ពី​ក្រុមគ្រូពេទ្យ​ស្ម័គ្រចិត្ត លោក ហ៊ុន ម៉ា​នី​ ==> ​ពិធី​ប្រកាស​ចូល​កាន់តំណែង​ប្រធាន​មន្ទីរ​សាធារណការ និង​ដឹកជញ្ជូន​ខេត្ត​កំពង់ស្ពឺ​ថ្មី​ ==> ​រដ្ឋបាល​ខេត្ត​កំពង់ធំ​បញ្ចុះ​បឋមសិលា​សាងសង់​សួនច្បារ​រូបសំណាក​ដាវ​ដែក​កំពង់ស្វាយ​ ==> វេទិកា​ផ្សព្វផ្សាយ និង​ពិគ្រោះ​យោបល់​របស់​ក្រុមប្រឹក្សា​ខេត្ត​កំពត​

វេទិកាសាធារណៈ ដើម្បី​ត្រួតពិនិត្យ​និង​គាំទ្រ​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៤ របស់​រាជរដ្ឋាភិបាល​កម្ពុជា នៅ​ឃុំ​បឹង​សាលា​ខាងជើង​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ខេត្ត​កំពត​)៖ នៅ​រសៀល​ថ្ងៃ​ទី​០៥ ខែ​កញ្ញា ឆ្នាំ​២០១៩ លោក ប៉ាង ណាត ទីប្រឹក្សា​ក្រសួង​ព័ត៌មាន បាន​អញ្ជើញ​ចូលរួម​បើក​វេទិកា​សាធារណៈ ដើម្បី​ត្រួតពិនិត្យ​និង​គាំទ្រ​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៤ របស់​រាជរដ្ឋាភិបាល​កម្ពុជា នៅ​ឃុំ​បឹង​សាលា​ខាងជើង ស្រុក​កំពង់ត្រាច ខេត្ត​កំពត ដោយ​វេទិកា​ថ្នាក់​ជាតិ​នេះ ក៏​មាន​ការអញ្ជើញ​ចូលរួម​បញ្ចេញ​មតិយោបល់ ពី​សំណាក់ លោក អ៊ុម ស៊ី​ណាត ប្រធាន​គណបក្ស​ស្រុក និង​ជា​ប្រធាន​ក្រុមប្រឹក្សា​ស្រុក​កំពង់ត្រាច ព្រមទាំង​ក្រុម​ការងារ អាជ្ញាធរ​មូលដ្ឋាន និង​មាន​ការចូលរួម​ពី​សំណាក់​បងប្អូន​ប្រជាពលរដ្ឋ​ប្រមាណ​ជិត​១០០​នាក់​។​

​ក្នុង​វេទិកា​នេះ ក្រោយពី​លោក ស្រី អាន់ មេឃុំ​បឹង​សាលា​ខាងជើង ធ្វើ​របាយការណ៍​ស្វាគមន៍​រួចមក អង្គពិធី​ក៏បាន​សំណូមពរ​ដល់​បងប្អូន​ប្រជាពលរដ្ឋ​ដែល​មាន​បញ្ហា​ប្រឈម​ឬ​ផលប៉ះពាល់​ទាំងឡាយ​លើកឡើង​រាល់​ករណី​ទាំងឡាយ​កើតឡើង​នៅ​ចំពោះមុខ ដើម្បី​ងាយស្រួល​រក​ដំណោះស្រាយ​ជូន​។​

​ចំពោះ​រាល់​សំណូមពរ​ទាំងអស់ ដូចជា​ការស្នើ​សុំ​ផ្លូវ ករណី​ប្រឈម​នឹង​ការប្រើប្រាស់​អគ្គិសនី ការលិចលង់​ដំណាំ​កសិកម្ម​ផ្តើម​ដោយ​ជំនន់​ភ្លៀង ពិសេស​ការស្នើ​សុំឲ្យ​លោក​ប្រធាន​ក្រុម​ការងារ​ជួយ​ស្តារ​ប្រឡាយ បឹងបួរ​ក្នុង​ភូមិសាស្ត្រ​ខាងលើ ដើម្បី​ធ្វើ​ផ្លូវ​បណ្តោះ​ទឹក​ចេញ​ពី​កន្លែង​លិចលង់​។​

​ជុំវិញ​នឹង​ការរក​ដំណោះស្រាយ​រឿង​វិវាទ​បឹង​ឈូក​នេះ លោក​អ៊ុម ស៊ី​ណាត ប្រធាន​ក្រុមប្រឹក្សា​ស្រុក​កំពង់ត្រាច បាន​លើកឡើង​ដោយ​សុំ​យក​ការដោះស្រាយ​ទំនាស់​បឹង​ឈូក​នេះ ទៅ​ពិភាក្សា​ក្នុង​កិច្ចប្រជុំ​ក្រុមប្រឹក្សា​ស្រុក​វិញ ដោយ​មិន​ចាំបាច់​រំខាន​ដល់​ក្រុមការងារ​ថ្នាក់​ជាតិ​ឡើយ​។​

​ជាមួយគ្នានេះដែរ មជ្ឈដ្ឋាន​ទូទៅ​កុំ​ពុង​ងឿងឆ្ងល់​ថា វេទិកា​ថ្នាក់ជាតិ​ទាំងមូល ហេតុម្តេច​តម្រូវ​ឲ្យ​លោក​ប្រធាន​ក្រុមប្រឹក្សា​ស្រុក​បញ្ចេញ​មតិយោបល់​ក្នុង​វេទិកា ជំនួស​រដ្ឋបាល​ស្រុក​បែប​នេះ​ទៅវិញ ឬ​មួយ​មន្ត្រី​សាលាស្រុក​កំពង់ត្រាច​ជាប់រវល់​បំពេញ​បេសកកម្ម​អស់ហើយ​ឬ​យ៉ាងណា​?​។​

​សូមជម្រាបថា បើ​តាម​ការបកស្រាយរ​បស់ លោក ប៉ាង ណាត ទីប្រឹក្សា​ក្រសួង​ព័ត៌មាន បានបញ្ជាក់​ថា វេទិកា​សាធារណៈ​នេះ ធ្វើឡើង គឺ​ស្រប​ទៅតាម​សំណូមពរ បញ្ហា​ប្រឈម ក្តីកង្វល់ និង​ផលប៉ះពាល់​នានា សម្រាប់​រក​ដំណោះស្រាយ​ជូន​ប្រជាពលរដ្ឋ​ក្នុង​មូលដ្ឋាន​ដោយ​គ្មាន​លំអៀង ហើយ​ប្រធាន​អង្គប្រជុំ​ត្រូវតែ​ស្រាយ​បំភ្លឺ​រាល់​បញ្ហា​ពាក់ព័ន្ធ​ជាច្រើន​ដែល​កំពុង​កើតមាន​នៅក្នុង​ភូមិសាស្ត្រ​របស់ខ្លួន​។​ប៉ុន្តែ​បើ​បញ្ហា​ទាំងនោះ​គ្មាន​លទ្ធភាព​ដោះស្រាយ​ទើប​យក​បញ្ហា​នេះ​បញ្ជូនបន្ត​ទៅ​ថ្នាក់លើ ដើម្បី​សុំ​សេចក្តីសម្រេច សម្រាប់​អនុវត្ត​ជា​ក្រោយ​៕ សេង ណា​រិទ្ធ​

Filed in: ខេត្តកំពត

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.