ទាន់ហេតុការណ៍
​កិច្ចប្រជុំ​ពិនិត្យ និង​ពិភាក្សា​អំពី​ការធ្វើ​បច្ចុប្បន្នភាព​សន្តិសុខ​លម្ហ​សមុទ្រ​ផ្ទៀងផ្ទាត់​ចំនួន​កោះ ថ្ម​ប៉ប្រះ​ទឹក និង​ថ្មដុះ​ក្នុង​ភូមិសាស្ត្រ​ខេត្ត​កំពត​ ==> ពិធី​ប្រកាស​ផ្ទេរ​ភារកិច្ច តែងតាំង​មុខតំណែង និង​បំពាក់​ឋានន្តរស័ក្តិ ស្នងការ នៃ​ស្នងការដ្ឋាន​នគរបាល​ខេត្ត​កែប​ ==> កិច្ចប្រជុំ​គណៈ​អភិបាលខេត្ត​ប្រចាំ​ខែ​ឧសភា​ឆ្នាំ ២០២០ តាមរយៈ​ត​ភ្ជាប់​រូបភាព​និង​សំឡេង (video conference ) ==> ​សង្វៀន​ជល់​មាន់​មួយកន្លែង​ដែល​មាន​ភាគហ៊ុន​ចូលរួម​នោះ​មានឈ្មោះ លោក​វណ្ណ លោក​ខេមរា បើក​លេង​ជា​រៀង​រាល់ថ្ងៃ​នៅ​ផ្លូវ​វត្ត​គោក​ទ្រី​ក្រុង​នៅ​ខេត្ត​សៀមរាប​សមត្ថកិច្ច​មិន​ធ្វើ​ការចុះ បង្ក្រាប​ម្តងណា​ឡើយ !!! ==> ទីតាំង​រោង​សន្និធិ​គ្មាន​ច្បាប់​អនុញ្ញាត ១១​ទីតាំង ត្រូវបាន​កម្លាំង​អាវុធហត្ថ​ខេត្ត​កំពង់ធំ សហការ​បង្ក្រាប ! ==> ​ពិធី​ប្រកាស​ចូល​កាន់តំណែង​អភិបាល​អភិបាលរង នៃ​គណៈ​អភិបាលខេត្ត​កែប ក្រោម​ធិបតី​ភាព​សម្តេច​ក្រឡាហោម ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ ==> ប្រជាពលរដ្ឋ​ជួប​ការលំបាក ចំនួន​១២០​គ្រួសារ​ក្នុង​សង្កាត់​ទាំង​២ នៃ​ក្រុង​កែប ទទួលបាន​អំណោយ​ពី​សាខា​កាកបាទក្រហមកម្ពុជា​ខេត្ត​កែប​ ==> ​លោក ប៉ិល កុសល ដឹកនាំ​ក្រុម​ការងារ​ចម្រុះ ចុះ​វាស់វែង​កំណត់​ព្រំ​ដី​ទំនាស់ ក្នុង​ភូមិសាស្ត្រ​ឃុំ​បឹង​ទូក​ ==> ​ការទន្ទឹងរង់ចាំ​របស់​ប្រជាពលរដ្ឋ​ដែល​ចង់​បាន​ផ្លូវ​គ្រួស​ក្រហម​មួយ​ខ្សែ​ដែល​មាន​ប្រវែង​(៣៧៥០ ម៉ែត្រ​)​ពេលនេះ​បាន​ក្លាយជា​ការពិត​ហើយ​ ==> ​ក្រុមការងារ​នៃ​វេទិកា​សម្ព័ន្ធភាព​សង្គម​ស៊ីវិល​និង​រដ្ឋបាល​ខេត្ត​កំពត​ចុះ​ធ្វើ​យុទ្ធនាការ​បាញ់ថ្នាំ​សម្លាប់​មេរោគ​នៅ​ទីតាំង​សំខាន់ៗ ក្នុង​ក្រុង​កំពត​

ឯកឧត្តម ជា ចាន់តូ អគ្គទេសាភិបាលធនាគារជាតិនៃកម្ពុជា អញ្ជើញចូលរួមជាអធិបតីក្នុងសិក្ខាសាលាផ្សព្វផ្សាយ ស្តីពី វិស័យមីក្រូហិរញ្ញវត្ថុនៅកម្ពុជា ខេត្តប៉ៃលិន

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

ប៉ៃលិន÷នៅព្រឹកថ្ងៃទី២៦ ខែសីហា ឆ្នាំ២០១៩  ឯកឧត្តម ជា ចាន់តូ ឯកឧត្តម ជា ចាន់តូ អគ្គទេសាភិបាលធនាគារជាតិនៃកម្ពុជា អញ្ជើញចូលរួមជាអធិបតីភាពក្នុងសិក្ខាសាលាផ្សព្វផ្សាយ ស្តីពី វិស័យមីក្រូហិរញ្ញវត្ថុនៅកម្ពុជា។ សិក្ខាសាលានេះ រៀបចំឡើងក្នុងគោលបំណងផ្សព្វផ្សាយជូនស្ថាប័ន និងភាគីពាក់ព័ន្ធ ពិសេសអាជ្ញាធរមូលដ្ឋាន អំពីការវិវត្តថ្មីៗនិងបញ្ហាប្រឈមនៃវិស័យមីក្រូហិរញ្ញវត្ថុ និងរួមគ្នាអនុវត្តដំណោះស្រាយដើម្បីឲ្យការអភិវឌ្ឍនៃវិស័យនេះកាន់តែមាននិរន្តរភាព នាពេលអនាគត។ សិក្ខាសាលានេះក៏មានការអញ្ជើញចូលរួមជាកិត្តិយស និងអធបតីភាពរបស់ ឯកឧត្តម  ចេង ញ៉ាញ់ អភិបាលរង និង ស្ថាប័នតុលាការ ស្នងការនគរបាល កងរាជអាវុធហត្ថ និងជាពិសេស អាជ្ញាធរមូលដ្ឋាន ភូមិ ឃំុ សង្កាត់ ក្រុង គ្រប់ថ្នាក់ទូទាំងខេត្តប៉ៃលិន សរុបប្រមាណ ៣៨០ នាក់ ។

ឯកឧត្តម ជា ចាន់តូ អគ្គទេសាភិបាលធនាគារជាតិនៃកម្ពុជា បានមានប្រសាសន៍ថា វិស័យធនាគារបានរីកចម្រើនយ៉ាងឆាប់រហ័សក្នុងរយៈពេលពីរទសវត្សរ៍ចុងក្រោយនេះ ។ ការរីកចម្រើននេះ តម្រូវឲ្យមានប្រព័ន្ធទូទាត់មួយដែលមានសុវត្ថិភាពនិងមានប្រសិទ្ធភាពខ្ពស់ ដើម្បីជួយដល់ចរាចរសាច់ប្រាក់ក្នុង ចំណោមភ្នាក់ងារសេដ្ឋកិច្ច ។ ប្រព័ន្ធទូទាត់សងប្រាក់ប្រកបដោយសុវត្ថិភាពនិងប្រសិទ្ធភាពមានសារៈសំខាន់ណាស់ ចំពោះដំណើរការប្រកបដោយប្រសិទ្ធភាពរបស់ប្រព័ន្ធហិរញ្ញវត្ថុនិងសេដ្ឋកិច្ចទាំងមូល ។
ប្រព័ន្ធទូទាត់សងប្រាក់ដែលមានដំណើរការល្អជួយពង្រឹងស្ថិរភាពប្រព័ន្ធហិរញ្ញវត្ថុ កាត់បន្ថយការចំណាយ នៅក្នុងសេដ្ឋកិច្ច បង្កើននូវប្រសិទ្ធភាពក្នុងការប្រើប្រាស់ធនធានហិរញ្ញវត្ថុ និងបង្កើនសន្ទនីយភាពក្នុងទីផ្សារហិរញ្ញវត្ថុ ។ សំខាន់ជាងនេះទៀត ប្រព័ន្ធទូទាត់សងប្រាក់ត្រូវបានចាត់ទុកថាជាហេដ្ឋារចនាសម្ព័ន្ធចម្បងមួយ សម្រាប់ជួយសម្រួលដល់ការអនុវត្តគោលនយោបាយរូបិយវត្ថុរបស់ធនាគារកណ្តាល ។
ធនាគារកណ្តាលអាចប្រើប្រាស់ប្រព័ន្ធទូទាត់សងប្រាក់ ដើម្បីពន្លឿនលំហូររូបិយវត្ថុនៅក្នុងទីផ្សារអន្តរធនាគារ និងព្យាករណ៍ពីចំនួនសន្ទនីយភាពនៅក្នុងប្រព័ន្ធធនាគារ ដើម្បីឲ្យធនាគារកណ្តាលអាចដាក់ចេញនូវគោលនយោបាយ សមស្រប ។ លើសពីនេះ ធនាគារកណ្តាលអាចប្រើប្រាស់គោលនយោបាយប្រព័ន្ធទូទាត់សងប្រាក់ជាឧបករណ៍ដើម្បីជំរុញការប្រើប្រាស់រូបិយវត្ថុជាតិផងដែរ ។ ហេតុដូចនេះ បានជាមានការយកចិត្តទុកដាក់ជាខ្លាំងពីសំណាក់ សាធារណជន ចំពោះការលើកកម្ពស់ប្រសិទ្ធភាពនិងសុវត្ថិភាពនៅក្នុងប្រព័ន្ធទូទាត់សងប្រាក់ ។ បច្ចុប្បន្ន ការធ្វើ ទំនើបកម្មនៃប្រព័ន្ធទូទាត់សងប្រាក់ត្រូវបានដាក់ជារបៀបវារៈអាទិភាពក្នុងដំណើរការអភិវឌ្ឍសេដ្ឋកិច្ច ។

លើសពីនេះ ប្រទេសកម្ពុជាកំពុងតែត្រៀមខ្លួនដើម្បីធ្វើសមាហរណកម្មសេដ្ឋកិច្ចទៅក្នុងសហគមន៍សេដ្ឋកិច្ច អាស៊ានហើយមិនតែប៉ុណ្ណោះ ដើម្បីគាំទ្រដល់ការធ្វើសមាហរណកម្មនេះ ការអភិវឌ្ឍប្រព័ន្ធទូទាត់ សងប្រាក់ ជាពិសេសប្រព័ន្ធទូទាត់សងប្រាក់ជាអេឡិចត្រូនិកត្រូវបានបង្កើតឡើង ដែលប្រព័ន្ធទូទាត់នេះជាហេដ្ឋារចនាសម្ព័ន្ធចម្បងមួយជួយជំរុញដល់ការធ្វើសមាហរណកម្ម ប្រព័ន្ធទូទាត់សងប្រាក់ប្រកបដោយសុវត្ថិភាព និងប្រសិទ្ធភាពនៅក្នុងតំបន់ និងជួយសម្រួលឲ្យធុរកិច្ចនិងបុគ្គលទាំងឡាយធ្វើការទូទាត់សងប្រាក់ជាអេឡិចត្រូនិកឆ្លងប្រទេសបានយ៉ាងងាយស្រួលនិងអាចជឿទុកចិត្តបាន ។ ជាលទ្ធផលការទូទាត់សងប្រាក់ជាអេឡិចត្រូនិក ដើរតួនាទីយ៉ាងសំខាន់ដើម្បីជំរុញការទូទាត់សងប្រាក់ដែលមិនប្រើសាច់ប្រាក់នៅក្នុងសេដ្ឋកិច្ច បរិយាប័ន្នហិរញ្ញវត្ថុ និងសមាហរណកម្មអាស៊ាន ជាបន្តបន្ទាប់នាពេលកន្លងមក ។
ដោយ គេហទំពរ័ កម្ពុជាអភិវឌ្ឍន៍
www.kap-news.com
077797952
0887797952

Filed in: ខេត្តប៉ៃលិន

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!