ទាន់ហេតុការណ៍
​កិច្ចប្រជុំ​ពិនិត្យ និង​ពិភាក្សា​អំពី​ការធ្វើ​បច្ចុប្បន្នភាព​សន្តិសុខ​លម្ហ​សមុទ្រ​ផ្ទៀងផ្ទាត់​ចំនួន​កោះ ថ្ម​ប៉ប្រះ​ទឹក និង​ថ្មដុះ​ក្នុង​ភូមិសាស្ត្រ​ខេត្ត​កំពត​ ==> ពិធី​ប្រកាស​ផ្ទេរ​ភារកិច្ច តែងតាំង​មុខតំណែង និង​បំពាក់​ឋានន្តរស័ក្តិ ស្នងការ នៃ​ស្នងការដ្ឋាន​នគរបាល​ខេត្ត​កែប​ ==> កិច្ចប្រជុំ​គណៈ​អភិបាលខេត្ត​ប្រចាំ​ខែ​ឧសភា​ឆ្នាំ ២០២០ តាមរយៈ​ត​ភ្ជាប់​រូបភាព​និង​សំឡេង (video conference ) ==> ​សង្វៀន​ជល់​មាន់​មួយកន្លែង​ដែល​មាន​ភាគហ៊ុន​ចូលរួម​នោះ​មានឈ្មោះ លោក​វណ្ណ លោក​ខេមរា បើក​លេង​ជា​រៀង​រាល់ថ្ងៃ​នៅ​ផ្លូវ​វត្ត​គោក​ទ្រី​ក្រុង​នៅ​ខេត្ត​សៀមរាប​សមត្ថកិច្ច​មិន​ធ្វើ​ការចុះ បង្ក្រាប​ម្តងណា​ឡើយ !!! ==> ទីតាំង​រោង​សន្និធិ​គ្មាន​ច្បាប់​អនុញ្ញាត ១១​ទីតាំង ត្រូវបាន​កម្លាំង​អាវុធហត្ថ​ខេត្ត​កំពង់ធំ សហការ​បង្ក្រាប ! ==> ​ពិធី​ប្រកាស​ចូល​កាន់តំណែង​អភិបាល​អភិបាលរង នៃ​គណៈ​អភិបាលខេត្ត​កែប ក្រោម​ធិបតី​ភាព​សម្តេច​ក្រឡាហោម ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ ==> ប្រជាពលរដ្ឋ​ជួប​ការលំបាក ចំនួន​១២០​គ្រួសារ​ក្នុង​សង្កាត់​ទាំង​២ នៃ​ក្រុង​កែប ទទួលបាន​អំណោយ​ពី​សាខា​កាកបាទក្រហមកម្ពុជា​ខេត្ត​កែប​ ==> ​លោក ប៉ិល កុសល ដឹកនាំ​ក្រុម​ការងារ​ចម្រុះ ចុះ​វាស់វែង​កំណត់​ព្រំ​ដី​ទំនាស់ ក្នុង​ភូមិសាស្ត្រ​ឃុំ​បឹង​ទូក​ ==> ​ការទន្ទឹងរង់ចាំ​របស់​ប្រជាពលរដ្ឋ​ដែល​ចង់​បាន​ផ្លូវ​គ្រួស​ក្រហម​មួយ​ខ្សែ​ដែល​មាន​ប្រវែង​(៣៧៥០ ម៉ែត្រ​)​ពេលនេះ​បាន​ក្លាយជា​ការពិត​ហើយ​ ==> ​ក្រុមការងារ​នៃ​វេទិកា​សម្ព័ន្ធភាព​សង្គម​ស៊ីវិល​និង​រដ្ឋបាល​ខេត្ត​កំពត​ចុះ​ធ្វើ​យុទ្ធនាការ​បាញ់ថ្នាំ​សម្លាប់​មេរោគ​នៅ​ទីតាំង​សំខាន់ៗ ក្នុង​ក្រុង​កំពត​

ទេសរដ្ឋមន្ត្រី ស៊ុន ចាន់ថុល​៖ ខេត្ត​ព្រះសីហនុ​ត្រូវការ​ស្ថានីយ​ចម្រោះ​ទឹក​៤​កន្លែង ទើប​អាច​ចម្រោះ​ទឹក​កខ្វក់​បាន​ទាន់ពេលវេលា​

ទេសរដ្ឋមន្ត្រី ស៊ុន ចាន់ថុល​៖ ខេត្ត​ព្រះសីហនុ​ត្រូវការ​ស្ថានីយ​ចម្រោះ​ទឹក​៤​កន្លែង ទើប​អាច​ចម្រោះ​ទឹក​កខ្វក់​បាន​ទាន់ពេលវេលា​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ភ្នំពេញ​)៖ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន បាន​ថ្លែងថា ខេត្ត​ព្រះសីហនុ​ត្រូវការ​ស្ថានីយ​ចម្រោះ​ទឹក​៤​កន្លែង ទើប​អាច​ចម្រោះ​ទឹក​កខ្វក់​បាន​ទាន់ពេលវេលា ដើម្បី​កុំឱ្យ​ទឹក​កខ្វក់​ហូរ​ចូលទៅ​ក្នុង​សមុទ្រ ក្នុងនោះ​ដែរ​ត្រូវ​ប្រើប្រាស់​លូ​មេ​ចំនួន​១៥៧​គីឡូម៉ែត្រ ដើម្បី​បង្វែរ​ទឹក​កខ្វក់​ចូលទៅក្នុង​អាង​ចម្រោះ​ទឹក​កង្វក់​នេះ​។​

​លោក​ទេសរដ្ឋមន្ត្រី ស៊ុន ចាន់ថុល បាន​លើក​ឡើង​យ៉ាង​ដូចនេះ នា​ព្រឹក​ថ្ងៃទី​២៣ ខែ​សីហា ឆ្នាំ​២០១៩​នេះ ក្នុងឱកាស​ដែល​លោក​បាន​អញ្ជើញ​ជា​អធិបតី​ក្នុង សិក្ខាសាលា​ស្តីពី​លទ្ធផល​នៃ​ការរៀបចំ​ផែនការមេ និង​ការសិក្សា​សមិទ្ធិ​លទ្ធភាព​គម្រោង​អភិវឌ្ឍន៍​ប្រព័ន្ធ​ទឹក​កខ្វក់​នៅ​ក្រុងព្រះសីហនុ​។ កម្មវិធី​នេះ​មាន​ការចូលរួម​ពី​លោក គួច ចំរើន អភិបាលខេត្ត​ព្រះសីហនុ រួមទាំង​មន្ត្រី​ពាក់ព័ន្ធ​ជាច្រើន​រូប​ទៀត​ផង​ដែរ​។​

​លោក​ទេសរដ្ឋមន្ត្រី ស៊ុន ចាន់ថុល បាន​ថ្លែងថា បើសិនជា​យើង​មិនបាន​ធ្វើ​អាង​ចម្រោះ​ទឹក​កខ្វក់​ឱ្យ​បាន​លឿន​នោះទេ គឺ​យើង​នឹង​មិន​អាច​ថែរក្សា​ឆ្នេរ​សមុទ្រ​ដ៏​ស្អាត​របស់​យើង​បាន​នោះ​ទេ ដែល​ជាក់ស្តែង​អាង​ចម្រោះ​ទឹក​នៅ​ពេល​បច្ចុប្បន្ន​នេះ គឺ​មិន​អាច​ចម្រោះ​ទឹក​កខ្វក់​បាន​គ្រប់គ្រាន់​នោះ​ទេ ដូច្នេះ​ហើយ​យើង​នឹង​ព្យាយាម​កែរ​ច្នៃ​ធ្វើ​អាង​ចម្រោះ​ទឹក​កខ្វក់ ដែល​មាន​សមត្ថភាព​អាច​ចម្រោះ​ទឹក​ឱ្យបាន​៤​ម៉ឺន​ម៉ែត្រ​គី​ប ក្នុង​មួយ​ថ្ងៃ​នៅ​ឆ្នាំ​២០២១​។​

​លោក ស៊ុន ចាន់ថុល បាន​បន្ថែមទៀតថា នៅ​ខេត្ត​ព្រះសីហនុ ត្រូវការ​ស្ថានីយ​ចម្រោះ​ទឹក​៤​កន្លែង ទើប​អាច​ចម្រោះ​ទឹក​កង្វក់ បាន​ទាន់ពេលវេលា ដើម្បី​កុំឱ្យ​ហូរ​ចូល​ទៅក្នុង​សមុទ្រ ក្នុងនោះដែរ​ទឹក​ប្រើប្រាស់​លូ​មេ​ចំនួន​១៥៧​គីឡូម៉ែត្រ ដើម្បី​បង្វែរ​ទឹក​កង្វក់​ចូលទៅក្នុង​អាង​ចម្រោះ​ទឹក ដែល​ក្នុងនោះ​ដែរ​នៅ​មាន​លូ​រង សម្រាប់​បង្ហូរ​ចេញពី​ផ្ទះសំណាក់ និង​សណ្ឋារគារ រាប់រយ​គីឡូម៉ែត្រ​ទៀត ដើម្បី​បង្ហូរ​ចូល​ទៅ​លូ​មេ ដែល​នេះ​គឺ​ត្រូវ​ចំណាយ​ថវិកា​យ៉ាង​ច្រើន​ផងដែរ​។​

​លោក​ទេសរដ្ឋមន្ត្រី ស៊ុន ចាន់ថុល បាន​គូសបញ្ជាក់​ដែរ​ថា ចំណូល​ដែល​ត្រូវ​យកមក​ប្រើប្រាស់​ក្នុងការ​ធ្វើ​អាង​ចម្រោះ​ទឹក ដើម្បី​ឱ្យ​សម្រេច​តាម​គោលដៅ​នេះ នឹង​ត្រូវ​យក​ពី​ផ្ទះសំណាក់ សណ្ឋាគារ នឹង​ផ្ទះ​របស់​ប្រជាពលរដ្ឋ​ខ្លះ​ផងដែរ ដើម្បី​យក​មក​ជួស​ជុស សាងសង់ និង​ទុក​សម្រាប់​ថែទាំ​អាង​ចម្រោះ​ទឹក​កង្វក់​នេះ​ផង​ដែរ​។​

​សូម​បញ្ជាក់​ដែរ​ថា បើ​យោង​តាម​សេចក្តីព្រាង​ផែនការ​មេ បរិមាណ​ទឹក​កខ្វក់​ក្នុង​ក្រុង​ព្រះសីហនុ​ត្រូវបាន​ប៉ាន់ប្រមាណ​ថា មាន​ចំនួន​ប្រមាណ ២៥,៧០០​ម៉ែត្រគូប​/​ថ្ងៃ នៅ​ឆ្នាំ​២០១៨ និង​មាន​បរិមាណ​ប្រមាណ ៤៧,០០០​ម៉ែត្រគូប​/​ថ្ងៃ នៅ​ឆ្នាំ​២០២៣ និង​ប្រមាណ ៦៤,០០០ ម៉ែត្រគូប​/​ថ្ងៃ នៅ​ឆ្នាំ​២០៣០​។​

​ផែនការ​មេ​បាន​បែងចែក​ផ្ទៃ​ប្រមូល​ទឹក​កខ្វក់​ចំនួន​៨ ដោយ​ត្រូវ​សាងសង់​ស្ថានីយ​ប្រព្រឹត្ត​កម្ម​ទឹក​កខ្វក់​ចំនួន​៤ និង​ការសាងសង់​បណ្តាញ​លូ​មេ​ប្រវែង​១៥៧​គីឡូម៉ែត្រ បណ្តាញ​លូ​មេ​រង​ប្រវែង ៦៥​គីឡូម៉ែត្រ និង​បណ្តាញ​លូ​លូត​ភ្ជាប់​ពី​លំនៅដ្ឋាន និង​អគារ​ពាណិជ្ជកម្ម​ប្រវែង ២១០​គីឡូម៉ែត្រ​។ តាម​របាយការណ៍​ពី​មន្ទីរ​ទេសចរណ៍ ខេត្ត​ព្រះសីហនុ​កាលពី​ឆ្នាំ​កន្លងទៅ ក្រុងព្រះសីហនុ​បាន​ទទួល​ភ្ញៀវ​ទេសចរ សរុប​ប្រមាណ​ជាង ២​លាន​នាក់ ក្នុងនោះ​ភ្ញៀវ​ទេសចរ​អន្តរជាតិ​ចំនួន ៤៧០,០០០​នាក់​។​

​ដើម្បី​ឆ្លើយតប​ទៅនឹង​តម្រូវការ បន្ទាន់​ពី​សន្ទុះ​អភិវឌ្ឍ​ដ៏​ឆាប់រហ័ស​របស់​ទី​ក្រុងព្រះសីហនុ ក្នុង​ការអភិវឌ្ឍន៍​ប្រព័ន្ធ​ទឹក​កខ្វក់​សម្រាប់​រយៈពេល​ខ្លី មធ្យម និង​វែង ការវិនិយោគ​លើ​ការសាងសង់​ហេ​ដ្ឋា​-​រចនាសម្ព័ន្ធ លើ​ប្រព័ន្ធ​ទឹក​កខ្វក់​នឹងត្រូវ​រៀបចំ​ឡើង​ដូចខាងក្រោម​៖

* ក្នុង​ឆ្នាំ​២០១៩-២០២១ ស្ថានីយ​ប្រព្រឹត្ត​កម្ម​ទឹក​កខ្វក់​១ នឹង​ត្រូវ​សាងសង់​ជាមួយនឹង​សមត្ថភាព​ធ្វើ​ប្រព្រឹត្ត​កម្មបាន ៤០,០០០ ម៉ែត្រគូប​/​ថ្ងៃ ស្ថានីយ​បូម​បញ្ជូន​ទឹក​កខ្វក់​៦​កន្លែង និង​លូ​មេ​តាម​បណ្តោយ​ឆ្នេរ​សមុទ្រ​៤៥​គីឡូម៉ែត្រ លូត​ភ្ជាប់​ពី​លំនៅដ្ឋាន និង​អគារ​ពាណិជ្ជកម្ម ៤៧​គីឡូម៉ែត្រ​។​

* ក្នុង​ឆ្នាំ​២០២១-២០២៣ នឹង​ត្រូវ​សាងសង់​លូ​មេ​ប្រវែង​៦៩​គីឡូម៉ែត្រ លូ​មេ​រង​ប្រវែង ៣៩.៨​គីឡូម៉ែត្រ លូត​ភ្ជាប់​ពី​លំនៅដ្ឋាន និង​អគារ​ពាណិជ្ជកម្ម​ប្រវែង ៩២.១​គីឡូម៉ែត្រ​។​

* ក្នុង​ឆ្នាំ​២០២៣-២០៣០ ស្ថានីយ​អាច​នឹង​ពង្រីក​សមត្ថភាព​ប្រព្រឹត្ត​កម្ម​ដល់ ៦០,០០០ ម៉ែត្រគូប ឬ ៨០,០០០ ម៉ែត្រគូប​/​ថ្ងៃ យោងតាម​តម្រូវការ​ហើយនឹង​សាងសង់​ស្ថានីយ​ចំនួន​២​ទៀត ដែល​មាន​សមត្ថភាព​ធ្វើ​ប្រព្រឹត្ត​កម្មបាន​ពី ៨,០០០​ម៉ែត្រគូប​/​ថ្ងៃ ទៅ ៩,០០០ ម៉ែត្រគូប​/​ថ្ងៃ និង​ស្ថានីយ​បូម​បញ្ជូន​ទឹក​កខ្វក់ ២​កន្លែង រួម​ជាមួយ​លូ​មេ​ប្រវែង ៤៣​គីឡូម៉ត្រ លូ​មេ​រង​ប្រវែង ២៤.៩​គីឡូម៉ែត្រ លូត​ភ្ជាប់​ពី​លំនៅដ្ឋាន និង​អគារ​ពាណិជ្ជកម្ម​ប្រវែង ៧១.២​គីឡូម៉ែត្រ​៕

(​ដោយ គេហ​ទំ​ពរ័ កម្ពុជា​អភិវឌ្ឍន៍​)
www.kap-news.com

Filed in: ព័ត៌មានជាតិ

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!