ទាន់ហេតុការណ៍
​ពិធី ចាប់ឆ្នោត​ទទួល​លេខ​រៀង​ផ្ទះ​គ្រួសារ​អតីត​យុទ្ធជន​ចំនួន ២០០ ខ្នង ជំហាន​ទី​២ ស្ថិតនៅ​ភូមិ​ជីកដី ឃុំ​អណ្តូង​ត្របែក ស្រុក​រមាស​ហែក ខេត្ត​ស្វាយរៀង ==> ​ពិធី​ប្រណាំង​កង់​ណា​ម​គី​ខើ​យ​ងៀ ដណ្ដើម​ពានរង្វាន់​ស្ថានីយ៍​វិទ្យុ​សម្លេង​ប្រជាជន​ទីក្រុង​ហូជីមិញ​(VOH) លើក​ទី​២២ ដែល​ឆ្លងកាត់​បី​ប្រទេស កម្ពុជា វៀតណាម នឹង​ឡាវ​ ==> កិច្ចប្រជុំ​គណៈបញ្ជាការ​ឯកភាព​រដ្ឋបាលខេត្ត ផ្សព្វផ្សាយ​វិធានការ​ចាំបាច់​នានា​សម្រាប់​ទប់ស្កាត់​សភាពការណ៍​បច្ចុប្បន្ន​ ==> ​មាន​ជំងឺ​សសៃប្រសាទ ផឹកស្រា​ស្រវឹង ប្រើ​ហឹង្សា ប្តី​ប្រពន្ធ​អារ​គ្នា​ស្លាប់​ម្នាក់​ ==> ​កិច្ចប្រជុំ​គណៈកម្មការ​អន្តរក្រសួង​ដើម្បី​រៀបចំ​ពិធី​បុណ្យ​សមុទ្រ​លើក​ទី​៨ ជុំ​ទី​២ ឆ្នាំ​២០១៩ ==> វត្ត​ព្រះ​ពុទ្ធឃោសាចារ្យ ប្រគល់​គ្រឿងឧបភោគ​បរិភោគ និង​បច្ច័យ​មួយចំនួន សម្រាប់​ជា​អំណោយ​ជូន​ប្រជាពលរដ្ឋ​ក្រីក្រ ជនពិការ ចាស់ជរា និង​គ្រួសារ​ផ្ទុក​មេរោគ​អេដស៍ តាមរយៈ​អនុសាខា​កាកបាទក្រហម​កម្ពុជា​ខណ្ឌដូនពេញ​ ==> សម្តេច​តេជោ ហ៊ុន សែន អញ្ជើញ​ចូល​ជួប​ជូនពរ និង​ពិភាក្សា​ការងារ​ជាមួយ​ប្រធានាធិបតី​ឥណ្ឌូនេស៊ី​ ==> ​ឯកឧត្តម គួច ចំរើន ចូលរួម​កិច្ចសន្ទនា​ថ្នាក់​អភិបាល​ក្រុង​មិត្តភាព ក្រោម​ប្រធានបទ "​សុភមង្គល​សម្រាប់​ទាំងអស់គ្នា​" និង​ពិធី​ចុះហត្ថលេខា​លើ​អនុស្សរណៈ​ស្តីពី ការបង្កើត​ខេត្ត​ក្រុង​បងប្អូន រវាង ខេត្ត​ព្រះសីហនុ នៃ​ព្រះរាជាណាចក្រ​កម្ពុជា និង ទីក្រុង​ឈី​ងតាវ នៃ​សាធារណរដ្ឋ​ប្រជាមានិត​ចិន​ ==> ​ល្បែងស៊ីសង​កើតឡើង​យ៉ាង​ពេញបន្ទុក ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​ ==> លោក កែ​ន សត្ថា​៖ សូម​ប្រជាពលរដ្ឋ​និង​ពុទ្ធបរិស័ទ​ទាំងអស់​កុំ​ជឿ​ពាក្យ​ញុះញង់​ពួក​ក្បត់ជាតិ​ដែល​កំពុង​ប្រមាថ​ព្រះមហាក្សត្រ​យើង​

អភិបាលខេត្ត​តាកែវ អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា កុំ​ដំឡើងថ្លៃ​ពេល​ប្រឡង​បាក់​ឌុប​

តាកែវ​៖ អភិបាលខេត្ត​តាកែវ លោក អ៊ូច ភា បាន​អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា សូម​កុំ​ដំឡើងថ្លៃ​នៅក្នុង​អំឡុង​ពេល​ប្រឡង សញ្ញាបត្រ​មធ្យមសិក្សា​ទុតិយភូមិ (​បាក់​ឌុប​) ដើម្បី​ធ្វើ​យ៉ាងណា កាត់បន្ថយ​ការចំណាយ​របស់​ក្មួយៗ​សិស្សានុសិស្ស ដែល​មក​ប្រឡង​។​

​យោងតាម​សេចក្ដីណែនាំ​របស់​រដ្ឋបាល​ខេត្តតាកែវ​ស្ដីពី ការណែនាំ​ម្ចាស់​សណ្ឋាគារ ផ្ទះសំណាក់ អាហា​រដ្ឋា​ន កុំ​តម្លើងថ្លៃ​បន្ទប់ និង​អាហារ​នៅក្នុង​ឱកាស​ប្រឡង​បាក់​ឌុប ចាប់ពី​ថ្ងៃ​ទី​១៨ ដល់​ថ្ងៃ​ទី​២០ ខែ​សីហា ឆ្នាំ​២០១៩ ដែល​ចុះហត្ថលេខា​ដោយ​លោក អ៊ូច ភា បានឲ្យដឹងថា ដើម្បី​ចូលរួម​ធានា​ការប្រឡង​សញ្ញាបត្រ មធ្យមសិក្សា​ទុតិយភូមិ​ខាងមុខ ប្រកបដោយ​តម្លាភាព ប្រសិទ្ធភាព និង​ភាពយុត្តិធម៌ និង​ប្រព្រឹត្តទៅ​ដោយ​ភាពរលូន ធានាបាន​នូវ​សន្តិសុខ សណ្ដាប់ធ្នាប់ និង​សុវត្ថិភាព រដ្ឋបាល​ខេត្ត​តាកែវ បាន​ធ្វើ​ការណែនាំ​ដល់​មន្ទីរ​ទេសចរណ៍​ខេត្ត អាជ្ញាធ​ក្រុង​ដូន​កែវ អាជ្ញាធ​ស្រុក​ត្រាំកក់ និង​ស្រុក​ទ្រាំង ត្រូវ​សហការ​ចុះ​ណែនាំ​ដល់​សណ្ឋាគារ ផ្ទះសំណាក់ ម្ចាស់​ភោជនីយដ្ឋាន អាហា​រដ្ឋា​ន កុំឲ្យ​តម្លើង​ថ្លៃ​បន្ទប់ និង​អាហារ​ចាប់ពី​ថ្ងៃ​ទី​១៨ ដល់​ថ្ងៃ​ទី​២០ ខែ​សីហា ឆ្នាំ​២០១៩​ខាងមុខនេះ​។​

​រដ្ឋបាល​ខេត្ត​តាកែវ ក៏​បាន​ណែនាំ​ដល់​អាជ្ញាធ ត្រូវ​ចុះ​ទៅ​ណែនាំ និង​ធ្វើ​កិច្ចសន្យា​ឲ្យ​ផ្អាក​ដំណើរការ ចំពោះ​អាជីវកម្ម​ថតចំលង ដែល​នៅ​ជិត​មណ្ឌល​ប្រឡង រយៈពេល​២​ថ្ងៃ នៃ​ការប្រឡង និង​បាន​ណែនាំ​ដល់​មន្ទីរ​សុខាភិបាល អាជ្ញាធ​មាន​សមត្ថកិច្ច ត្រូវ​ត្រៀម​គ្រូពេទ្យ ថ្នាំសង្កូវ រថយន្ត​សង្គ្រោះ​បន្ទាន់ និង​ត្រៀមកំលាំង​ការពា​រសុខ​សុវត្ថិភាព សណ្ដាប់ធ្នាប់ នៅ​ថ្ងៃ​ប្រឡង​ឲ្យបាន​ល្អ​ប្រសើរ ជា​ពិសេស​អាជ្ញាធ ត្រូវ​រៀបចំ​កន្លែងផ្ញើកង់​ម៉ូតូ រថយន្ត​របស់​សិស្ស ដោយ​មិន​យក​កម្រៃ និង​ធានា​របៀបរៀបរយ និង​សុវត្ថិភាព​ផងដែរ​។​

​ដោយឡែក​នៅក្នុង​កិច្ចប្រជុំ​គណៈ​បញ្ចា​ការឯកភាព​ខេត្ត​នៅ​ព្រឹក​ថ្ងៃ ព្រហស្បតិ៍ ទី​១៨ ខែ​សីហា ឆ្នាំ​២០១៩​នេះ លោក អ៊ូច ភា ក៏​បាន​ធ្វើ​ការណែនាំ ដល់​មន្ទីរ​អង្គភាព​ជុំវិញ​ខេត្ត បង្ក​ភាពងាយស្រួល ដោយ​ផ្តល់​កន្លែង​ស្នាក់នៅ​ក្នុង​អង្គភាព​របស់​ខ្លួន​ដល់​ប្អូនៗ ដែល​មក​ប្រលង ដើម្បី​ឲ្យ​ក្មួយ​កាត់បន្ថយ​ការចំណាយ​លើ​ការ​ស្នាក់នៅ​។​

​នៅក្នុង​ឱកាស​នោះ​លោក​អភិបាលខេត្ត​តាកែវ ក៏​បាន​ប្រកាស​យក​សាល​ប្រជុំ​ថ្មី របស់​សាលាខេត្ត​តាកែវ សម្រាប់​ឲ្យ​ប្អូន​សិស្សានុសិស្ស​មួយចំនួន ដែល​មក​ប្រឡង​ស្នាក់​នៅ​ផង​ដែរ​។​

​គួបញ្ជាក់ថា សម្រាប់​ខេត្ត​តាកែវ មាន​បេក្ខជន​ប្រឡង​ចំនួន ១១០០៨​នាក់ មាន​ការកើនឡើង​បន្តិចបន្តួច ជាង​ឆ្នាំ​២០១៨ មាន​មណ្ឌល​ប្រឡង ១៧​មណ្ឌល នៅក្នុង​ស្រុក​ក្រុង​ចំនួន​៣ គឺ​ក្រុង​ដូន​កែវ ស្រុក​ត្រាំកក់ និង​ស្រុក​ទ្រាំង និង​មាន​បន្ទប់​ប្រឡង​ចំនួន​៤៤៣៕

Filed in: ខេត្តតាកែវ

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.