ទាន់ហេតុការណ៍
ឃាត់ខ្លួន​ក្រុម​អ្នកញៀន​ល្បែង​ចំនួន​០៩​នាក់ បញ្ជូន​ទៅកាន់​ស្នងការដ្ឋាន​នគរបាល​ខេត្ត​ ==> ​សម្តេច​តេជោ ហ៊ុន សែន អំពាវនាវ​ឱ្យ​ពលរដ្ឋ​ខ្មែរ​កុំ​ធ្វេសប្រហែស​ឱ្យសោះ ក្រោយ​មាន​ករណី​នាំចូល​ជំងឺ​កូវី​ដ​១៩ ពី​ប្រទេស​អារ៉ាប់​១៥​នាក់ ==> ​ឧត្តមសេនីយ៍ឯក ហ៊ុន ម៉ា​ណែ​ត​៖ ប្រទេសជាតិ​រឹងមាំ ផ្អែក​ទៅលើ​វិស័យ​ការពារ​ជាតិ​ខ្លាំង ហើយ​វិស័យ​ការពារ​ជាតិ​ខ្លាំង ដោយសារ​កងទ័ព​ខ្លាំង ==> ​ឧត្តមសេនីយ៍ឯក ស ថេត អះអាងថា មិន​ត្រូវ​ទុក​មន្ត្រី​ណា​ម្នាក់​នៅ​ឯកា​ពេល​មាន​ជំងឺ គ្រោះថ្នាក់​ចរាចរណ៍ ឬ​ជួប​បញ្ហា​ផ្សេងៗ​ឡើយ ==> ​អភិបាល​រាជធានី​ភ្នំពេញ ណែនាំ​ឲ្យ​មន្ត្រី​ថ្នាក់​មូលដ្ឋាន​ពិនិត្យ​ពិចារណា​ឲ្យបាន​ច្បាស់លាស់ មុន​នឹង​ចាត់ទុក​ថា​ពួកគាត់​ជា​ពលរដ្ឋ​ក្រីក្រ ==> សមត្ថកិច្ច​ខេត្ត​ស្វាយរៀង​បង្ក្រាប​ឧក្រិដ្ឋជន​ជួញដូរ​គ្រឿងញៀន​ជា​ជនជាតិ​វៀតណាម​និង​គ្រឿងញៀន​ចំនួន ១១kg​នៅ​ក្រុង​បាវិត​៖ ==> ​អាជ្ញាធរ​រាជធានី​ភ្នំពេញ នឹង​កែសម្រួល​ប្រព័ន្ធ​ចរាចរណ៍​នៅ​ស្តុប​ច្រមុះជ្រូ​កក្បាលថ្នល់ និង​ស្តុប​វត្ត​នាគវ័ន្ត​ ==> អភិបាលខណ្ឌ​ដូនពេញ​៖ «​ទីក្រុង​ស្អាត​ផ្តើមចេញ​ពី​យើង​ទាំងអស់គ្នា​» ==> ​លោក ពៅ ពិសិដ្ឋ អភិបាលរង​ខេត្ត តំណាង​ឯកឧត្តម ទៀ សីហា អភិបាល នៃ​គណ​:​អភិបាលខេត្ត​សៀមរាប អញ្ជើញ​ចូលរួម​ក្នុង​ពិធី​ចែក​ស្បៀង​តំណាង​សិស្ស​ទទួលបាន​អាហារូបករណ៍ សិស្ស​មក​ពី​គ្រួសារ​ក្រីក្រ និង​ក្រុម​សិស្ស​មាន​បណ្ណ​សមធម៌​ក្រីក្រ​ប្រភេទ ក្រ​១ ក្រ​២ និង​បណ្ណ​សមធម៌​ផ្សេងៗ​ទៀត ចំនួន ៤៤​នាក់​ ==> ដំណឹង​ល្អ​! ចាប់ពី​ថ្ងៃ​ទី​១៥ ខែ​កក្កដា​ខាង​មុខ ថៃ​អនុញ្ញាត​ឲ្យ​អាជីវករ​ខ្មែរ​ចូល​លក់ដូរ​ផ្សារ​រុងក្លឿ​ឡើងវិញ តែ​ត្រូវ​បំពេញ​តាម​លក្ខខណ្ឌ​មួយចំនួន​

សម្ដេច​ក្រឡាហោម ស ខេង អញ្ជើញ​សម្ពោធ​ដាក់ឲ្យ​ប្រើប្រាស់ ស្ពាន​ច្រាំង​ចោត និង​ស្ពាន​៤​កន្លែង​ទៀត នៅ​ខេត្ត​បាត់ដំបង​

សម្ដេច​ក្រឡាហោម ស ខេង អញ្ជើញ​សម្ពោធ​ដាក់ឲ្យ​ប្រើប្រាស់ ស្ពាន​ច្រាំង​ចោត និង​ស្ពាន​៤​កន្លែង​ទៀត នៅ​ខេត្ត​បាត់ដំបង​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

បាត់ដំបង ៖ សម្តេច​ក្រឡាហោម ស ខេង ឧបនា​យ​រដ្ឋមន្ត្រី រដ្ឋមន្ត្រីក្រសួង​មហាផ្ទៃ នៅ​ព្រឹក​ថ្ងៃទី​១៤ ខែ​សីហា ឆ្នាំ​២០១៩​នេះ បាន​អញ្ជើញ​ជា​អធិបតី ក្នុង​ពិធី​សម្ពោធ​ដាក់ឲ្យ​ប្រើប្រាស់​ជា​ផ្លូវការ​ស្ពាន​ច្រាំង​ចោត ស្ថិតនៅ​ភូមិ​រូង ឃុំ​ចែង មានជ័យ ស្រុក​បាណន់ និង​ស្ពាន​៤​ផ្សេងទៀត នៅ​ស្រុក​សំឡូត ស្រុក​ប​វិល ស្រុក​ឯក​ភ្នំ និង​ស្រុក​កំរៀង ខេត្ត​បាត់ ដំបង ដែលជា​ហិរញ្ញប្បទាន​របស់​រាជរដ្ឋាភិបាល​កម្ពុជា​។​

​លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន បានឲ្យដឹងថា ស្ពាន​ច្រាំង​ចោត មាន​ប្រវែង​១៦២​ម៉ែត្រ ទទឹង​៨​ម៉ែត្រ ស្ថិតក្នុង​ភូមិ​រូង ឃុំ​ចែង​មានជ័យ ស្រុក​បាណន់ ខេត្ត​បាត់ដំបង ត្រូវបាន​អនុវត្ត​ការសាងសង់​ដោយ​បញ្ជាការដ្ឋាន​វិស្វកម្ម អគ្គបញ្ជាការ នៃ​ក្រសួង​ការពារជាតិ និង​ត្រូវបាន​ត្រួតពិនិត្យ​ការសាងសង់ ដោយ​នាយកដ្ឋាន​ហេដ្ឋារចនាសម្ព័ន្ធ​សាធារណៈ នៃ​ក្រសួង​សាធារណការ និង​ដឹកជញ្ជូន ដោយ​ប្រើប្រាស់ រយៈពេល​សាងសង់ ចំនួន​០២​ឆ្នាំ ដែល​បាន​ចាប់ផ្តើម​សាងសង់ នៅ​ថ្ងៃ​ទី ២២ ខែ​កុម្ភៈ ឆ្នាំ​២០១៧ និង​បញ្ចប់​រួចរាល់​ជា​ស្ថាពរ​នៅ​ថ្ងៃទី​៣០ ខែកក្កដា ឆ្នាំ​២០១៩ ចំណាយ​ថវិកា​រាជរដ្ឋាភិបាល​សរុប​ប្រមាណ​ជា ៤,៩៧១​លាន​រៀល ប្រមាណ​ជាង​១​លាន​ដុល្លារ​អាមេរិក​។​

​ដោយឡែក ស្ពាន​៤​កន្លែង​ផ្សេង​ទៀត​រួមមាន ទី​១៖ ស្ពាន​ប្រវែង​៤៥​ម៉ែត្រ ទទឹង​០៨​ម៉ែត្រ ស្ថិតនៅ​ភូមិ​មាក់ ឃុំ​ព្រៃ​ខ្ពស់ ស្រុក​ប​វេល ខេត្ត​បាត់ដំបង ប្រើប្រាស់​ថវិកា​រាជរដ្ឋាភិបាល​សរុប​ប្រមាណ​ជា​១,៧១២ លាន​រៀល ដោយ​បាន​ចាប់ផ្តើម​សាងសង់​នៅ​ថ្ងៃ​ទី​០២ ខែ​កុម្ភៈ ឆ្នាំ​២០១៧ និង​បាន​បញ្ចប់​នៅ​ ​ថ្ងៃទី​១៣ ខែមិថុនា ឆ្នាំ​២០១៨​។ ទី​២៖ ស្ពាន​ប្រវែង​៧២​ម៉ែត្រ ទទឹង​១០​ម៉ែត្រ ស្ថិតនៅ​ភូមិ​ព្រែក​កញែ​ង ឃុំ​ព្រែក​នរិន្ទ ស្រុក​ឯក​ភ្នំ ខេត្ត​បាត់ដំបង ប្រើប្រាស់​ថវិកា​រាជរដ្ឋាភិបាល​សរុប​ប្រមាណ​ជា ៣,១៥១​លាន​រៀល ដោយ​បាន​ចាប់ផ្តើម​សាងសង់​នៅ​ថ្ងៃ​ទី​០២ ខែ​កុម្ភៈ ឆ្នាំ​២០១៧ និង​បាន​បញ្ចប់​នៅ​ ​ថ្ងៃទី​២០ ខែ​ឧសភា ឆ្នាំ​២០១៩​។​

​ទី​៣៖ ស្ពាន​ប្រវែង​៥៤​ម៉ែត្រ ទទឹង​០៨​ម៉ែត្រ ស្ថិតនៅ​ភូមិ​បឹង​អូរ​ជាង ឃុំ​កំរៀង ស្រុក​កំរៀង ខេត្ត​បាត់ដំបង ប្រើប្រាស់​ថវិកា​រាជរដ្ឋាភិបាល​សរុប​ប្រមាណ​ជា ២,៤៥៩​លាន​រៀល ដោយ​បាន​ចាប់ផ្តើម​សាងសង់​នៅ​ថ្ងៃ​ទី​០២ ខែ​កុម្ភៈ ឆ្នាំ​២០១៧ និង​បាន​បញ្ចប់​នៅ​ ​ថ្ងៃទី​១០ ខែ​ឧសភា ឆ្នាំ​២០១៨​។ និង​ទី​៤៖ ស្ថាន​ប្រវែង​១០២​ម៉ែត្រ ទទឹង​០៨​ម៉ែត្រ ស្ថិតនៅ​ភូមិ​អូរ​រំចេក​ក្រោម ឃុំ​អូរ​សំ​រិល ស្រុក​សំឡូត ខេត្ត​បាត់ដំបង ប្រើប្រាស់​ថវិកា​រាជរដ្ឋាភិបាល​សរុប​ប្រមាណ​ជា ៣,១៥១​លាន​រៀល ដោយ​បាន​ចាប់ផ្តើម​សាងសង់​នៅ​ថ្ងៃ​ទី​២៦ ខែ​មករា ឆ្នាំ​២០១៧ និង​បាន​បញ្ចប់​នៅ​ ​ថ្ងៃទី​២១ ខែវិច្ឆិកា ឆ្នាំ​២០១៨​។​

​ឆ្លើយតប​នឹង​សមិទ្ធផល​ថ្មី សម្រាប់​អ្នក​ខេត្ត​បាត់ដំបង​នេះ សម្ដេច​ក្រឡាហោម ស ខេង បាន​លើកទឹកចិត្ត​ដល់​ប្រជាពលរដ្ឋ​ទាំងអស់ ត្រូវ​ប្រើប្រាស់​ស្ពាន​ដែល​ទើប​សម្ពោធ​នេះ ដើម្បី​ជា​ប្រយោជន៍ ពិសេស​ទាញ​យក​នូវ​ផលិតផល​ដែល​បានមក​ពី​ការកសាង​ស្ពាន​នេះ ក្នុងន័យ​លើកកម្ពស់​ជីវភាព​រស់​នៅ​ប្រចាំថ្ងៃ​បន្ថែមទៀត​។​

​សម្ដេច​ក្រឡាហោម ស ខេង បាន​គូសបញ្ជាក់ថា បច្ចុប្បន្ន​ប្រទេស​កម្ពុជា កំពុងតែ​មាន​សុខ​សន្ដិភាព​ពេញលេញ គ្មាន​ក្រុម​កងទ័ព​ក្រៅច្បាប់ ដើម្បី​មក​ធ្វើ​សង្គ្រាម​ជាមួយ​រាជរដ្ឋាភិបាល ដែល​នេះ​ជា​ភព្វសំណាង​របស់​ប្រជាជន​កម្ពុជា​ទាំងអស់ ក្រោម​ការដឹកនាំ​របស់​សម្ដេច​តេជោ ហ៊ុន សែន ប្រមុខ​នៃ​រាជរដ្ឋាភិបាល​កម្ពុជា​។ សម្ដេច​សង្កត់ធ្ងន់​ថា បើ​ស្រុក​គ្មាន​សុខសន្ដិភាព ប្រជាពលរដ្ឋ​មិន​ពេល​ដើម្បី​ប្រកប​មុខរបរ​ប្រចាំថ្ងៃ​បាន​នោះ​ទេ​។​

​ប្រមុខ​ដឹកនាំ​ក្រសួងមហាផ្ទៃ បាន​អះអាង​ថា ស្របពេល​ដែល​ប្រទេសជាតិ​មាន​សន្ដិភាព ប្រជាពលរដ្ឋ​ត្រូវតែ​រួម​គ្នា​គិត​ដើម្បី​កសាង​ជីវភាព ឲ្យ​សប្បូរ​សប្បាយ ហើយ​កុំទៅ​ជឿ​ការឃោសនា​អូសទាញ ពី​មជ្ឈដ្ឋាន​អ្នកនយោបាយ​ខ្លះ ដែល​គេ​មាន​បំណង​ដើម្បី​គៀងគរ​ប្រមូល​ប្រជាពលរដ្ឋ​ទៅ​គាំទ្រ​គេ ឲ្យទៅ​ប្រឆាំង​រាជរដ្ឋាភិបាល តាមរយៈ​ការធ្វើ​បាតុកម្ម​៕

Filed in: ខេត្តបាត់ដំបង

Recent Posts

Bookmark and Promote!

© 2020 ឆន្ទៈខ្មែរ | Chhantak Khmer News. All rights reserved. XHTML / CSS Valid.