ទាន់ហេតុការណ៍
សម្តេច​អគ្គ​មហា​ពញា​ចក្រី ហេង សំរិន និង​ភរិយា​ចូលរួម​ប្រារព្ធ​ពិធី​កាន់បិណ្ឌ​ទី​៤ នៅ​វត្ត​ក្រពើ​ហារ ក្រុង​តាខ្មៅ​ ==> មេ​គយ​ខេត្តបាត់ដំបង លោក យូ ហេង និង​បក្ខពួក​ឃុបឃិត​គ្នា​ប្រព្រឹត្ត​អំពើ​ពុករលួយ​ដើម្បី​ផលប្រយោជន៍​ផ្ទាល់ខ្លួន​ ==> ​ពិធី​ប្រកាស​ចូល​កាន់​មុខតំណែង​ជា​ប្រធាន​មន្ទីរ​រៀបចំ​ដែនដី នគររូបនីយកម្ម​ជំនួស​លោក ប្រាក់ ប៉ូ​លី ទៅ​បំពេញ​ភារកិច្ច នៅឯ​ក្រសួង​ ==> ឃាត់ខ្លួន​ជនសង្ស័យ ០១ នាក់ ដែល​បាន​ធ្វើ​សកម្មភាព លួច យក​ទូរ​សព្ទ័​ដៃ​នៅក្នុង​មន្ទីរពេទ្យបង្អែក​ខេត្ត​បាត់ដំបង​ ==> ដើម្បី​គ្រប់គ្រង​និង​ថែរក្សា​ធនធានធម្មជាតិ​របស់​រដ្ឋ​ឲ្យបាន​គង់វង្ស​អាជ្ញាធរ​និង​ជំនាញ​ពាក់ព័ន្ធ​ត្រូវ​សហការ​គ្នា​ទប់ស្កាត់​កុំឲ្យ​មាន​ការកាប់​ទន្ទ្រាន​ ==> បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ ==> ​បុណ្យ​ឆ្លង​វិមាន​តេជះ​ព្រះ​គោ​ជើង​ប្រាំ​នៅ វត្ត​ពោធិ​មា​រាម​ហៅ​វត្ត​ប៉ា​ហ៊ី​ ==> ក្រុមការងារ​គ្រូពេទ្យ​ស្ម័គ្រចិត្ត​លោក ហ៊ុន ម៉ា​នី ជាង​៥០០​នាក់ បន្ត​ចុះ​ព្យាបាល​ជូន​ប្រជាពលរដ្ឋ​ជិត​៥​ពាន់​នាក់ ដោយ​ឥតគិតថ្លៃ នៅ​ស្រុក​ទឹកឈូ ខេត្ត​កំពត​ ==> ​ឯកឧត្តម ជា សុផារ៉ា​និង​ឯកឧត្តម គន់ គីម​ព្រមទាំង​ក្រុមការងារ កាកបាទក្រហមកម្ពុជា នាំយក​អំណោយ​សម្តេច​កិត្តិ​ព្រឹទ្ធ​បណ្ឌិត​ចែក​អំណោយ​ជូន​ប្រជាពលរដ្ឋ​២៥៣៩​គ្រួសារ នៅ​ខេត្ត​ត្បូងឃ្មុំ​ ==> ​ពលរដ្ឋ​ជា​អ្នករ​កស៊ីដឹក​ទំនិញ​តាម​ព្រំដែន​ព្រែក​ចាក នាំគ្នា​ទៅ​បិទ​ផ្លូវ​នៅ​មុខ​ស្នាក់ការ​គយ​ចល័ត​ដើម្បី​សុំ​ឲ្យ​ស្ថាប័ន​មួយ​នេះ​បញ្ចុះ​តម្លៃ​សេវា​ដឹកជញ្ជូន​

​រដ្ឋបាល​ខេត្ត​កំពត​ធ្វើ​ពិធី​ប្រគេន​ទេយ្យវត្ថុ​និង​ទៀន​ព្រះវស្សា​ដល់​ព្រះសង្ឃ​ចំនួន​២៦៨​វត្ត​ក្នុង​ខេត្ត​កំពត​

(​ខេត្ត​កំពត​)៖ កាលពី​រសៀល​ថ្ងៃ​សៅរ៍​១២​កើត ខែ​អាសាឍ ឆ្នាំកុរ​ឯកស័ក ពុទ្ធ​សករាជ ២៥៦៣ ត្រូវ​នឹង​ថ្ងៃទី​១៣ ខែកក្កដា ឆ្នាំ​២០១៩ រដ្ឋបាល​ខេត្ត​កំពត បាន​ធ្វើ​ពិធី​ប្រគេន​ទេយ្យវត្ថុ​និង​ទៀន​ព្រះវស្សា​ដល់​ព្រះសង្ឃ គង់​ចាំ​ព្រះវស្សា​ដែល​បាន​និមន្ត​មក​ពី​វត្ត​នានា​ទូទាំង​ខេត្ត​កំពត ចំនួន​២៦៨​វត្ត​។​

​ពិធី​នេះ​បាន​ប្រារព្ធ​ឡើង​នៅក្នុង​សាលសន្និសីទ​ខេត្តកំពត ដោយ​មាន​ការ​និមន្ត​ចូលរួម​ពី​មន្ត្រី​សង្ឃ​គ្រប់​ឋានានុក្រម​ក្នុង​ខេត្ត​និង​មាន​វត្តមាន​អញ្ជើញ​ចូលរួម​ពី​សំណាក់ លោក​បណ្ឌិត ប៉ែន ស៉ីម៉ន​អ្នកតំណាងរាស្ត្រ​មណ្ឌល​កំពត​និង​ជា​ប្រធាន​គណៈកម្មការ​ទី​១០​នៃ​រដ្ឋសភាជាតិ លោក ជាវ តា​យ អភិបាល នៃ​គណៈ​អភិបាលខេត្ត លោក ជឹង ផល្លា ប្រធាន​ក្រុមប្រឹក្សា​ខេត្ត ព្រមទាំង​លោក​-​លោកស្រី ជា​សាជិក​សមាជិកា ក្រុមប្រឹក្សា គណៈ​អភិបាលខេត្ត ថ្នាក់ដឹកនាំ​ខេត្ត​ក្រុង​ស្រុក​និង​មន្ត្រីរាជការ នៃ​មន្ទីរ អង្គភាព​ជុំវិញ​ខេត្ត យាយជី តាជី ប្រជា​ពុទ្ធបរិស័ទ​និង សិស្ស​និស្សិត​ប្រមាណ​១៤៣៣​អង្គ​-​នាក់​។​

​មានប្រសាសន៍​សំណេះសំណាល លោក​បណ្ឌិត​ប៉ែន ស៉ីម៉ន បាន​ថ្លែង​ការកោតសរសើរ​ចំពោះ រដ្ឋបាល​ខេត្ត​កំពត  ពិសេស​ថ្នាក់ដឹកនាំ មន្ត្រីរាជការ នៃ​មន្ទីរ​អង្គភាព​ជុំវិញ​ខេត្ត​រួម​ពុទ្ធបរិស័ទ​សប្បុរសជន ដែល​បាន​រួមគ្នា​ផ្ដើម​ធ្វើ​នូវ​កម្ម​ពិធី​នា​ពេល​នេះ​ឡើង ដោយ​ខណៈ​នេះ​លោក​បាន​ចាត់ទុក​នេះ​គឺជា​បុណ្យ​កុសល​ដែល​ពុទ្ធបរិស័ទ​ខែ្មរ​យើង​តែង​មាន​ជំនឿ​និង​ធ្វើ​ទៅ​តាម​ទំនៀមទម្លាប់​ប្រពៃណី​នៃ​ព្រះពុទ្ធសាសនា​ដែល​ជា​សាសនា​របស់​រដ្ឋ​ដ៏​រុងរឿង​នៃ​យើង​ជា​រៀងរាល់​ឆ្នាំ​ពុំដែល​អាក់ខាន ដើម្បី​ជួយ​ផ្គត់ផ្គង់​សម្រាល​ការលំបាក​ដល់​ជីវភាព​របស់​ព្រះសង្ឃ​ដែល​គង់​ចាំ​ព្រះវស្សា​ក្នុង​រយៈពេល​៣​ខែ​តាម​ពុទ្ធបញ្ញត្តិ​។​

​លោក​បណ្ឌិត​ប៉ែន ស៉ីម៉ន ក៏​បាន​មានប្រសាសន៍​បន្ត​លើកឡើង​ទៀតថា​បច្ចុប្បន្ន​ព្រះរាជាណាចក្រ​កម្ពុជា​យើង​ក្រោម​ការដឹកនាំ​លើផ្លូវ​ត្រូវ​ប្រកប​ដោយ​គតិបណ្ឌិត​របស់​សម្ដេច តេ​ជោ ហ៊ុន​សែន វិស័យ​ពុទ្ធចក្រ​មាន​ការរីកចម្រើន​គួរឲ្យកត់សម្គាល់​។ ហើយ​វិស័យ​ពុទ្ធចក្រ​នេះ​រុងរឿង​ទៅបាន​ដោយសារ​វិស័យ​អាណាចក្រ ហើយ អាណាចក្រ​រុងរឿង​ទៅ​បាន​ដោយសារ​ស្រុកទេស​យើង​មាន​សុខសន្តិភាព ទើប​មាន​សិទ្ធ​សេរីភាព​និង​មាន​ការអភិវឌ្ឍ ព្រមទាំង​លទ្ធិប្រជាធិបតេយ្យ​ផងដែរ​។

​លោក​បណ្ឌិត​ប៉ែន ស៉ីម៉ន ក៏​បាន​អំពាវនាវ​ដល់​ប្រជាពលរដ្ឋ​ទូទៅ​គ្រប់​រូប​ត្រូវ​បន្ត​រួបរួម​សាមគ្គ​គ្នា​ធ្លុង​មួ​យ​និង​ត្រូវតែមាន​ជំនឿ​ជឿជាក់​លើ​រាជរដ្ឋាភិបាល​ក្រោម​ការដឹកនាំ​របស់​សម្ដេច​តេជោ ហ៊ុន សែន​ជា​នាយករដ្ឋមន្ត្រី ដើម្បី​ថែរក្សា​ការពារ​សុខសន្តិភាព និង​លទ្ធិប្រជាធិបតេយ្យ​នៅ​កម្ពុជា​កាន់តែ​រឹងមាំ​ថែម​ទៀត​។​

​សូមបញ្ជាក់​ថា​៖ ទេយ្យវត្ថុ​និង​ទៀន​ព្រះវស្សា​ដែល​បាន​ប្រគេន​សម្រាប់​ព្រះសង្ឃ ទាំង​២៦៨​វត្ត​ក្នុង​មួយ​វត្តមាន​ទៀន​ព្រះវស្សា​១​គូរ អង្ករ​៥០​គីឡូ​ទឹកក្រូច​១​កេះ ទឹក​សុទ្ធ​១​កេះ​និង បច្ច័យ​១៥​ម៉ឺន​រៀល តាអាចារ្យ​មក​ពី​វត្ត​ទាំង​២៦៨​វត្ត​ម្នាក់​៤​ម៉ឺន​រៀល​បច្ច័យ​ក្នុងនោះ​មាន​ការចូលរួម​ពី​ឯកឧត្តម​បណ្ឌិត​ប៉ែន ស៉ីម៉ន និង​រដ្ឋបាល​ខេត្ត​កំពត ព្រមទាំង​ពុទ្ធបរិស័ទ​តាម​មន្ទីរ​អង្គភាព​ជុំវិញ​ខេត្ត​ផងដែរ​៕ សេង ណា​រិទ្ធ​

Filed in: ខេត្តកំពត

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.