ទាន់ហេតុការណ៍
​ពិធី ចាប់ឆ្នោត​ទទួល​លេខ​រៀង​ផ្ទះ​គ្រួសារ​អតីត​យុទ្ធជន​ចំនួន ២០០ ខ្នង ជំហាន​ទី​២ ស្ថិតនៅ​ភូមិ​ជីកដី ឃុំ​អណ្តូង​ត្របែក ស្រុក​រមាស​ហែក ខេត្ត​ស្វាយរៀង ==> ​ពិធី​ប្រណាំង​កង់​ណា​ម​គី​ខើ​យ​ងៀ ដណ្ដើម​ពានរង្វាន់​ស្ថានីយ៍​វិទ្យុ​សម្លេង​ប្រជាជន​ទីក្រុង​ហូជីមិញ​(VOH) លើក​ទី​២២ ដែល​ឆ្លងកាត់​បី​ប្រទេស កម្ពុជា វៀតណាម នឹង​ឡាវ​ ==> កិច្ចប្រជុំ​គណៈបញ្ជាការ​ឯកភាព​រដ្ឋបាលខេត្ត ផ្សព្វផ្សាយ​វិធានការ​ចាំបាច់​នានា​សម្រាប់​ទប់ស្កាត់​សភាពការណ៍​បច្ចុប្បន្ន​ ==> ​មាន​ជំងឺ​សសៃប្រសាទ ផឹកស្រា​ស្រវឹង ប្រើ​ហឹង្សា ប្តី​ប្រពន្ធ​អារ​គ្នា​ស្លាប់​ម្នាក់​ ==> ​កិច្ចប្រជុំ​គណៈកម្មការ​អន្តរក្រសួង​ដើម្បី​រៀបចំ​ពិធី​បុណ្យ​សមុទ្រ​លើក​ទី​៨ ជុំ​ទី​២ ឆ្នាំ​២០១៩ ==> វត្ត​ព្រះ​ពុទ្ធឃោសាចារ្យ ប្រគល់​គ្រឿងឧបភោគ​បរិភោគ និង​បច្ច័យ​មួយចំនួន សម្រាប់​ជា​អំណោយ​ជូន​ប្រជាពលរដ្ឋ​ក្រីក្រ ជនពិការ ចាស់ជរា និង​គ្រួសារ​ផ្ទុក​មេរោគ​អេដស៍ តាមរយៈ​អនុសាខា​កាកបាទក្រហម​កម្ពុជា​ខណ្ឌដូនពេញ​ ==> សម្តេច​តេជោ ហ៊ុន សែន អញ្ជើញ​ចូល​ជួប​ជូនពរ និង​ពិភាក្សា​ការងារ​ជាមួយ​ប្រធានាធិបតី​ឥណ្ឌូនេស៊ី​ ==> ​ឯកឧត្តម គួច ចំរើន ចូលរួម​កិច្ចសន្ទនា​ថ្នាក់​អភិបាល​ក្រុង​មិត្តភាព ក្រោម​ប្រធានបទ "​សុភមង្គល​សម្រាប់​ទាំងអស់គ្នា​" និង​ពិធី​ចុះហត្ថលេខា​លើ​អនុស្សរណៈ​ស្តីពី ការបង្កើត​ខេត្ត​ក្រុង​បងប្អូន រវាង ខេត្ត​ព្រះសីហនុ នៃ​ព្រះរាជាណាចក្រ​កម្ពុជា និង ទីក្រុង​ឈី​ងតាវ នៃ​សាធារណរដ្ឋ​ប្រជាមានិត​ចិន​ ==> ​ល្បែងស៊ីសង​កើតឡើង​យ៉ាង​ពេញបន្ទុក ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​ ==> លោក កែ​ន សត្ថា​៖ សូម​ប្រជាពលរដ្ឋ​និង​ពុទ្ធបរិស័ទ​ទាំងអស់​កុំ​ជឿ​ពាក្យ​ញុះញង់​ពួក​ក្បត់ជាតិ​ដែល​កំពុង​ប្រមាថ​ព្រះមហាក្សត្រ​យើង​

ទេសរដ្ឋមន្ត្រី ស៊ុន ចាន់ថុល​៖ កា​ពង្រឹង និង​ស្តារ​ហេដ្ឋារចនាសម្ព័ន្ធ​ដឹកជញ្ជូន ឱ្យមាន​គុណភាព​ខ្ពស់ ​ពិតជា​មាន​សារៈសំខាន់​ណាស់ ព្រោះ​ផ្លូវ​គឺជា​សរសៃឈាម​នៃ​សេដ្ឋកិច្ចជាតិ

(​ព្រះសីហនុ​)៖ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន បាន​ថ្លែងថា ការស្ដារ​ហេដ្ឋារចនាសម្ព័ន្ធ​ដឹកជញ្ជូន​ឡើងវិញ ជាពិសេស​ហេដ្ឋារចនាសម្ព័ន្ធ​ដឹកជញ្ជូន នៅ​ខេត្ត​ព្រះសីហនុ គឺ​វា​ពិត​ជា​ការចាំបាច់​ណាស់ ព្រោះថា ផ្លូវ​គឺ​ជា​សរសៃឈាម​សេដ្ឋកិច្ចជាតិ ដូចនេះ​យើង​ត្រូវ​ពង្រឹង និង​ពង្រីក ការកសាង​ហេដ្ឋារចនាសម្ព័ន្ធ ដោយ​ប្រកាន់​ភ្ជាប់​នូវ​ចក្ខុវិស័យ គឺ​ធ្វើ​ផ្លូវ​ឱ្យ​បាន​មាំ​។​

​លោក​ទេសរដ្ឋមន្ដ្រី ស៊ុន ចាន់ថុល បាន​ថ្លែង​យ៉ាង​ដូចនេះ ក្នុងឱកាស​ដែល​លោក​បាន​អញ្ជើញ​ជួប​សំណេះសំណាល និង​សាកសួរ​សុខទុក្ខ​មន្ត្រីរាជកា​រ នៃ​មន្ទីរ​សាធារណការ និង​ដឹកជញ្ជូន​ខេត្ត​ព្រះសីហនុ ដោយ​មាន​ការចូលរួម​ពី​ថ្នាក់ដឹកនាំ​ក្រសួង សមាជិក​ក្រុមប្រឹក្សា​ខេត្ត លោក​អភិបាលខេត្ត​ព្រះសីហនុ និង​មន្ត្រីរាជការ​មន្ទីរ​ប្រមាណ ១៣៦​នាក់​។​

​លោក​ទេសរដ្ឋមន្ត្រី ស៊ុន ចាន់ថុល បាន​ថ្លែង​បន្តទៀតថា គម្រោង​កំពុង​អនុវត្ត និង​គម្រោង​ដែល​នឹង​ត្រូវ​អនុវត្ត​របស់​ក្រសួង​សាធារណការ និង​ដឹកជញ្ជូន​ទាក់ទង​នឹង​ហេដ្ឋារចនាសម្ព័ន្ធ​ដឹកជញ្ជូន​សំខាន់ៗ​មួយចំនួន​មាន​ដូចជា​៖ ផ្លូវជាតិ​លេខ​២ ផ្លូវជាតិ​លេខ​៣ ផ្លូវជាតិ​លេខ​៤ ផ្លូវជាតិ​លេខ​៨ ស្ពាន និង​កំពង់ផែ ដោយ​លើកកម្ពស់​គុណភាព និង​ពង្រីក​បន្ថែម​ឱ្យ​សមស្រប​តាម​ការរីកចម្រើន​លើ​វិស័យ​ដឹកជញ្ជូន​របស់​ប្រទេសជាតិ​។​

​លោក​ទេសរដ្ឋមន្ត្រី ក៏​បាន​គូសបញ្ជាក់ថា ទន្ទឹម​នឹង​ការងារ​សាងសង់ ក្រសួង​សាធារណការ និង​ដឹកជញ្ជូន មាន​តួនាទី​ផ្ដល់​សេវា​សាធារណៈ​ជូន​បងប្អូន​ប្រជាពលរដ្ឋ​ឱ្យ​បាន​លឿន ប្រសិទ្ធភាព និង​តម្លាភាព ធ្វើយ៉ាងណា​បង្ខិត​សេវាសាធារណៈ​ឱ្យ​ជិត​ប្រជាពលរដ្ឋ តាមរយៈ​ការចុះបញ្ជី​យានយន្ត ការ​ប្រឡង​យក​បណ្ណ​បើកបរ និង​ការត្រួតពិនិត្យ​លក្ខណៈ​បច្ចេកទេស​យានយន្ត តាម​ប្រព័ន្ធ​អន​ឡាញ និង​កម្មវិធី​ថែទាំ​ផ្លូវ ROAD CARE Mobile App ជាដើម​។​

​លោក​ទេសរដ្ឋមន្ត្រី ស៊ុន ចាន់ថុល ក៏​បាន​ថ្លែងអំណរគុណ និង​កោតសរសើរ ដល់​ថ្នាក់ដឹកនាំ​មន្ទីរ និង​មន្ត្រីរាជការ​ទាំងអស់ ដែល​ខិតខំ​ប្រឹងប្រែង​អស់ពី​កម្លាំងកាយ ចិត្ត​ក្នុង​បុព្វហេតុ​បម្រើ​ជាតិ​មាតុភូមិ និង​បាន​ផ្ដាំផ្ញើ​ឱ្យ​មន្ត្រី​ទាំងអស់​អនុវត្ត​អនុសាសន៍​ទាំង​១១​ចំណុច របស់​សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​ឱ្យ​បាន​ខ្ជាប់ខ្ជួន រួបរួម​សាគ្គី​សហការគ្នា​ថែម​ទៀត ក្នុង​ការបម្រើ​ប្រជារាស្ត្រ ឱ្យបាន​កាន់តែ​ប្រសើរ​មួយកម្រិត​ទៀត​៕

Filed in: ខេត្តព្រះសីហនុ

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.