ទាន់ហេតុការណ៍
ថ្នាក់ដឹកនាំ​ខេត្ត​កែប​អញ្ជើញ​ចូលរួម​ក្នុង​ពិធី​បុណ្យកាន់បិណ្ឌ​វេន​ទី​៨ នៅ​វត្ត​កំពង់ត្រឡាច​ ==> ​អភិបាលខណ្ឌ​ដូនពេញ​ដឹកនាំ​មន្ត្រី និង​ពលរដ្ឋ ក្នុង​មូលដ្ឋាន ចូលរួម​កាន់បិណ្ឌ​ទី​៨ នៅ​វត្ត​ព្រះ​ពុទ្ធឃោសាចារ្យ​(​ហៅ​វត្ត​ដំ​ដែក​) ==> ​ឯកឧត្ដម​អភិបាលខេត្ត​ស្វាយរៀង​ជួប​សំណេះសំណាល និង​ផ្តល់​រង្វាន់​លើកទឹកចិត្ត​ជូន​សិស្សានុសិស្ស​ទាំង​៨​នាក់ ដែល​ទទួលបាន​និទ្ទេស​A ==> ​លោកជំទាវ​កិត្តិ​សង្គហ​បណ្ឌិត ឃួន សុ​ដា​រី អញ្ជើញ​ចូល​កាន់បិណ្ឌ​វេន​ទី​៧ វត្ត​វិមាន​តេជ ហៅ​វត្ត​ស្រះចក ក្នុង​ខណ្ឌ​ដូនពេញ រាជធានី​ភ្នំពេញ​ ==> លោក ឃួ​ង ស្រេង ណែនាំ​ឲ្យកម្លាំង​សមត្ថកិច្ច និង​អាជ្ញាធរ​ដែនដី​គ្រប់​ខណ្ឌ​សង្កាត់ ត្រូវ​ពង្រឹង​ការរៀបចំ​ការពារ​សន្តិ​សុខ សណ្តាប់ធ្នាប់​នៅ​គ្រប់​វត្ត​អារាម​ទូទាំង​រាជធានី​ភ្នំពេញ​ ==> ឯកឧត្តម ឧត្តមសេនីយ៍ទោ អ៊ុច សុខុន ដឹកនាំ​ប្រតិភូ​នៃ​ស្នងការដ្ឋាន​ចុះ​សាកសួរ​សុខទុក្ខ​កង កម្លាំង នគរបាល​វរ​សេនា​តូច​ការពារ​ព្រដែនគោក​ ==> ​លោក ជាវ តា​យ ជួប​សំណេះសំណាល​ជាមួយ​មន្ត្រី​រាជការ​ចំណុះ​សាលាខេត្ត​កំពត​នៅ មុន​ឱកាស​បុណ្យ​ភ្ជុំបិណ្ឌ​ឈាន​មកដល់​ ==> ​ថ្នាក់ដឹកនាំ​ខេត្ត​អញ្ជើញ​ចូលរួម​ក្នុង​ពិធី​បុណ្យកាន់បិណ្ឌ​វេន​ទី​៦ វត្ត​ស្នំ​ប្រាំពីរ​ ==> ​កម្មវិធី​វេទិកា​សាធារណៈ ថ្នាក់ក្រោម​ជាតិ​លើ​ប្រធានបទ “​វឌ្ឍនភាព និង​ការ​ជម្រុញ​អភិបាលកិច្ច​ល្អ ក្នុង​ការគ្រប់គ្រង​ធនធាន​ជលផល​” ==> ​លោក​អភិបាល​ខេត្ត​កំពត​បាន​បញ្ជា​ឲ្យ​ស្ថាប័ន ជំនាញ​ពាក់ព័ន្ធ កាយ​យក​អាចម៍ដី​ចេញពី​មាត់​ព្រែក​ក្បាលរ​មាស​ជា​បន្ទាន់​

ចិញ្ចើម​ផ្លូវ​ជាតិ​ក្នុង​ភូមិសាស្ត្រ​ស្រុក​កំពង់ត្រាច ក្លាយជា​កន្លែង​ស្តុក​សំរាម បញ្ចេញ​ក្លិន​សាយភាយ​ពេញបន្ទុក ប៉ុន្តែ​អាជ្ញាធរ​បែរ​ជា​មើលរំលង​

(​ខេត្ត​កំពត​) ៖ ការ​រ​យល់ដឹង​ផ្នែកអនាម័យ បរិស្ថាន​របស់​ប្រជាពលរដ្ឋ​ទូទាំង​តំបន់​ហាក់ដូចជា​នៅ​មាន​កម្រិត​នៅឡើយ ខណៈ​ដែល​ការបញ្ជ្រាប​បាន និង​កំពុង​បន្ត​អនុវត្ត​ជា​បន្តបន្ទាប់​ដូច​ភ្លៀង​លឹម ដោយ​គេ​សង្ឃឹមថា អំណើស​ត​ទៅ​ការសន្តោសប្រណី​ចំពោះ​អ្នក​ដែល​តែងតែ​លួច​ប្លុង​សំរាម​និង​កាកសំណល់​ពាស​វាល​ពាស​កាល​ដូច​ក្នុង​រូបភាព​នេះ នឹងរង​ការផាកពិន័យ​ដោយ​ពុំ​មានក្តី​យោគយល់​បានឡើយ​។​

​នេះ​ជា​ការ​ក្រើនរំឭក​មួយ ដែល​ស្ថាប័ន​ពាក់ព័ន្ធ​តែងតែ​លើក​ទៅ​អនុវត្ត ក្នុង​ពិធី​ផ្សព្វផ្សាយ​ទាក់ទិន​នឹង​ការធ្វើ​អនាម័យ​សម្អាត​បរិស្ថាន​នា​ពេលកន្លងមក ប៉ុន្តែ​ប្រធានបទ​ខាងលើ​ហាក់ដូចជា​ពុំ​បាន​ទទួល​លទ្ធផល​ជា​វិជ្ជមាន​នោះឡើយ ហើយ​ប្រសិនបើ​គោលការណ៍​នេះ​ត្រូវបាន​សាធារណជន​អនុវត្ត​តាម​នោះ ប្រហែល​ជា​នៅតាម​ដងផ្លូវ​សាធារណៈ​នានា គ្មាន​សំរាម​និង​កាកសំណល់​បោះចោល​រប៉ាត់រប៉ាយ​បែប​នេះ​ឡើយ​។​

​យ៉ាងណាមិញ គេ​ពិតជា​ដឹង​ថា​កន្លងមក ក្រសួង​បរិស្ថាន ក៏​ដូច​ជា​ថ្នាក់ដឹកនាំ​ខេត្ត​កំពត​មាន​ការយកចិត្តទុកដាក់​បំផុត​អំពី​បញ្ហា​បំពុលបរិស្ថាន​ដោយសារ​សំរាម និង​កាក​សំណល់​រាវ​រឹង ប៉ុន្តែ​ការយល់ដឹង​របស់​ប្រជាពលរដ្ឋ​ហាក់​នៅ​មាន​កម្រិត​នៅឡើយ ហើយ​ការ​បោះចោល ឬ​ប្លង់​នូវ​កា​រ៉ុង​ច្រក​កាកសំណល់​ផ្សេងៗ​ត្រូវបាន​ប្រជាពលរដ្ឋ​ដែល​ភាគច្រើន​រស់នៅ​តាម​ទីប្រជុំជន បាន​លួច​ដឹក​តាម​រថយន្ត​ឬ​ម៉ូតូ​យក​ទៅ​ទម្លាក់ចោល​នៅ​តាម​ដងផ្លូវ​នៅ​វេលា​យប់​ស្ងាត់​ដែល​ពុំ​មាន​អាជ្ញាធរ សមត្ថកិច្ច​មើលឃើញ​។​

​ម្លោះ​ហើយ​កិច្ចការពារ ថែរក្សា​បរិស្ថាន ក៏​ដូចជា​ការគ្រប់គ្រង​សំរាម​នៅ​តាម​តំបន់​នានា​ក៏​ជា​បន្ទុក និង​ភារកិច្ច​របស់​មន្ត្រី​មូលដ្ឋាន​នីមួយៗ​ដែល​ថ្នាក់​ខេត្ត​បាន​ផ្ទេរ​ជូន​រយៈពេល​ជិត​ពីរ​ឆ្នាំ​កន្លង​មក​ហើយ​ដែរ​។​

​យោង​តាម​ការលើកឡើង​ពី​សំណាក់​មន្ត្រីរាជការ​ក្នុងស្រុក​កំពង់ត្រាច​ម្នាក់​បាន​បញ្ជាក់​ប្រាប់​នៅ​ព្រឹក​ថ្ងៃ​ទី​១០ ខែកក្កដា ឆ្នាំ​២០១៩​នេះ​ថា កន្លងមក ក៏ដូចជា​ពេល​បច្ចុប្បន្ន មន្ត្រី​ជំនាញ​បាន​សហការ​ជាមួយ​អាជ្ញាធរ​មូលដ្ឋាន​ថែមទាំង​បាន​បញ្ជ្រាប និង​កំពុង​បន្ត​ផ្សព្វផ្សាយ​ដល់​ប្រជាពលរដ្ឋ​ទូទាំង​ស្រុក ឲ្យ​យកចិត្តទុកដាក់ លើ​បញ្ហា​សោភ័ណភាព អនាម័យ ព្រមទាំង​ផ្នែក​បរិស្ថាន ដោយ​បាន​ដាក់​គោលការណ៍​ចាប់ពីពេលនេះ​តទៅ ក្នុងករណី​ដែល​មាន​ជនខិលខូច​នៅតែ​បន្ត​បោះចោល​សំរាម​ពាសវាល​ពាសកាល​ក្រោយ​ទទួលបាន​ការអប់រំ​ម្តង​ជា​ពីរ​ដង​រួចមក នោះ​អាជ្ញាធរ​នឹង​ចាត់ការ​ផាកពិន័យ​តាម​នីតិវិធី​ដោយ​មិន​លើកលែង​ឡើយ​។​

​មន្ត្រី​ដដែល​បាន​បញ្ជាក់ទៀតថា ប្រភព​ចម្បង នៃ​គំនរ​សំរាម​តាម​តំបន់​នីមួយៗ​តែង​កើតចេញ​ពី​សកម្មភាព​អាជីវកម្ម​នៅ​ក្បែរ​តំបន់​នោះ​ដោយ អាជីវករ​មួយចំនួន​មិន​បាន​ទុកដាក់​ក្នុង​ធុង​ត្រឹមត្រូវ ហើយ​ឆ្លៀត​ឱកាស​ដឹក​យក​មក​ចាក់​ចោល​តាម​ទីសាធារណៈ ពិសេស​តាម​ដងផ្លូវ​ជាតិ​តែម្តង​។ ចំពោះ​គំនរ​សំរាម​ដែល​កើតមាន​ក្នុង​ភូមិសាស្ត្រ​ស្រុក​កំពង់ត្រាច​នេះ ភាគច្រើន​នាំមក​ពី​ទីប្រជុំជន​ផ្សារ​កំពង់ត្រាច ដែល​អាជីវករ​ខ្លះ​បាន​ដឹក​មក​លប​លួច​ចាក់​ពេលយប់ ស្រប​ពេល​កម្លាំង​មូលដ្ឋាន​មិនទាន់​មាន​គ្រប់គ្រាន់​ក្នុងការ​ឃ្លាំ​ចាំមើល​នោះ​។ ជាធម្មតា អ្នក​សម្អាត​មិន​ត្រឹមតែ​ហត់​ទេ គឺ​ថែមទាំង​ខឹងសម្បារ​ចំពោះ​ក្រុម​អ្នក​យក​សំរាម​មក​ចោល​នេះ​ទៀតផង​។​

​ចំពោះ​ករណី​មាន​សំរាម និង​កាក​សំណល់​គ្រប់​ប្រភេទ​ដែល​គេ​ជញ្ជូន​ទៅ​ស្តុក​ទុក​នៅ ចិញ្ចើម​ផ្លូវ​យ៉ាង​ច្រើន​បែប​នេះ ពិតជា​បាន​បំពុល​បរិស្ថាន និង​ជះ​ក្លិនស្អុយ​សាយភាយ​ពេញបន្ទុក ធ្វើឱ្យ​មហាជន​នាំ​គ្នា​រិះគន់​មក​លើ​អាជ្ញាធរ និង​ជំនាញ ហាក់​គ្មាន​វិធានការ​ទប់ស្កាត់​ចំពោះ​បុគ្គល​មួយ​ក្តាប់​តូច​ដែល​តែងតែ​លួច​យក​សំរាម​ទៅ​ប្លុង​ចោល​នៅពេល​យប់​អធ្រាត​៕
​សេង ណា​រិទ្ធ​

Filed in: ខេត្តកំពត

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!