​ឯកឧត្តម​រដ្ធមន្ដ្រី វេង សាខុន និង​សហការី បាន​អ​ញើញ​មកជួប​សំណេះសំណាល​ជាមួយ​ប្រជា​ពលរដ្ធ និង​ប្រគល់​ផ្ទះ​សប្បុរ​ធម៌​ទី​០៥ ដែល​ជា​ជំនួយ​ឧបត្ថម្ភ​របស់​ឧត្តម​ប្រធាន និង​សប្បុរសជន​ជូន​លោកយាយ វ៉ា អេង ព្រះជន្ម​៨៥ នៅ​ភូមិ​គគរ​១ ស្រុក​កំពង់សៀម​

​កំពង់ចាម ៖ ក្នុង​ដំណើរ​ឆ្ពោះ​ទៅ​ចូលរួម​ការរៀបចំ​ប្រារព្ធ​ព្រះរាជ​ពិធី​រុក្ខ​ទិវា និង​ទទួល​ស្វាគមន៍​ព្រះរាជ​វត្តមាន​ដ៏​ថ្លៃថ្លា​របស់ ព្រះករុណា ព្រះបាទ​សម្តេចព្រះ​បរមនាថ​នរោត្តម​សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ជាទីគោរព សក្ការៈ​ដ៏​ខ្ពង់ខ្ពស់​បំផុត ដែល​ព្រះ​នឹង​យាង​ចូលរួម​ជា​ព្រះរាជ​អធិបតី​ក្នុង​ពិធី​រុក្ខទិវា ៩ កក្កដា នៅ​ភូមិ​ស្រែ​ត្រែង ឃុំ​ក្បាលដំរី ស្រុក​សំបូរ ខេត្ត​ក្រចេះ នា​ព្រឹក​ថ្ងៃ​ចន្ទ ៧​កើត ខែ​អាសាឍ ឆ្នាំ​កុរ ឯ​កស័ក ព​.​ស ២៥៦៣ ត្រូវ​នឹង​ថ្ងៃទី​៨ ខែកក្កដា ឆ្នាំ​២០១៩ ឯកឧត្តម វេង សាខុន រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង​នេសាទ និង​ជា​សមាជិក​គណកម្មាធិកា​រ​កណ្តាល​គណបក្ស​ប្រជាជន​កម្ពុជា និង​ជា​ប្រធាន​ក្រុមការងារ​ថ្នាក់កណ្តាល​ចុះជួយ​ស្រុក​តំបែរ ខេត្ត​ត្បូងឃ្មុំ ស្រុក​កំពង់សៀម និង​០៣​ឃុំ​នៃ​ស្រុក​ជើងព្រៃ ខេត្ត​កំពង់ចាម រួមជាមួយ ឯកឧត្តម លន់ លឹម​ថៃ តំណាងរាស្ត្រ​មណ្ឌល​កំពង់ចាម និង​សហការី​បាន​អញ្ជើញ​មក​ជួប​សំណេះសំណាល​ជាមួយ​ប្រជាពលរដ្ឋ និង​ប្រគល់​ផ្ទះ​សប្បុរសធម៌​ទី​០៥ ដែល​ជា​ជំនួយ​ឧបត្ថម្ភ​របស់​ឯកឧត្តម​ប្រធាន និង​សប្បុរសជន​ជូន​លោកយាយ វ៉ា អេង ព្រះជន្ម​៨៥​ឆ្នាំ នៅ​ភូមិ​គគរ​១ ឃុំ​គគរ ស្រុក​កំពង់សៀម ដែល​បាន​ជួបប្រទះ​ការលំបាក​ជីវភាព ខ្វះ​ទីជម្រក​ស្នាក់នៅ និង​គ្មាន​ទីពឹង​។​

​នៅក្នុង​ឱកាស​ដ៏​មាន​អត្ថន័យ​នា​ព្រឹក​នេះ ឯកឧត្តម​ប្រធាន​ក៏​បាន​នាំយក​នូវ​អំណោយ​ដ៏​ថ្លៃថ្លា​របស់ សម្តេច កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា​នូវ​សម្ភារ​ប្រើប្រាស់ គ្រឿង​បរិភោគ និង​ថវិកា​មួយចំនួន​ជូន​ដល់​ប្រជាជន​ចំនួន​១១​គ្រួសារ រស់នៅ ក្នុង​ភូមិ​ដែល​កំពុង​ជួប​ភាពខ្វះខាត​។

​ទន្ទឹមនឹងនេះ ឯកឧត្តម​ប្រធាន និង​សហការី​បាន​ហូប​នំ​បញ្ចុក​សាមគ្គី​សម្តេច​តេជោ ជាមួយ​ប្រជាពលរដ្ឋ​យ៉ាង​ស្និទ្ធស្នាល​ផងដែរ ៕

Filed in: ខេត្តកំពង់ចាម

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!