ទាន់ហេតុការណ៍
ថ្នាក់ដឹកនាំ​ខេត្ត​កែប​អញ្ជើញ​ចូលរួម​ក្នុង​ពិធី​បុណ្យកាន់បិណ្ឌ​វេន​ទី​៨ នៅ​វត្ត​កំពង់ត្រឡាច​ ==> ​អភិបាលខណ្ឌ​ដូនពេញ​ដឹកនាំ​មន្ត្រី និង​ពលរដ្ឋ ក្នុង​មូលដ្ឋាន ចូលរួម​កាន់បិណ្ឌ​ទី​៨ នៅ​វត្ត​ព្រះ​ពុទ្ធឃោសាចារ្យ​(​ហៅ​វត្ត​ដំ​ដែក​) ==> ​ឯកឧត្ដម​អភិបាលខេត្ត​ស្វាយរៀង​ជួប​សំណេះសំណាល និង​ផ្តល់​រង្វាន់​លើកទឹកចិត្ត​ជូន​សិស្សានុសិស្ស​ទាំង​៨​នាក់ ដែល​ទទួលបាន​និទ្ទេស​A ==> ​លោកជំទាវ​កិត្តិ​សង្គហ​បណ្ឌិត ឃួន សុ​ដា​រី អញ្ជើញ​ចូល​កាន់បិណ្ឌ​វេន​ទី​៧ វត្ត​វិមាន​តេជ ហៅ​វត្ត​ស្រះចក ក្នុង​ខណ្ឌ​ដូនពេញ រាជធានី​ភ្នំពេញ​ ==> លោក ឃួ​ង ស្រេង ណែនាំ​ឲ្យកម្លាំង​សមត្ថកិច្ច និង​អាជ្ញាធរ​ដែនដី​គ្រប់​ខណ្ឌ​សង្កាត់ ត្រូវ​ពង្រឹង​ការរៀបចំ​ការពារ​សន្តិ​សុខ សណ្តាប់ធ្នាប់​នៅ​គ្រប់​វត្ត​អារាម​ទូទាំង​រាជធានី​ភ្នំពេញ​ ==> ឯកឧត្តម ឧត្តមសេនីយ៍ទោ អ៊ុច សុខុន ដឹកនាំ​ប្រតិភូ​នៃ​ស្នងការដ្ឋាន​ចុះ​សាកសួរ​សុខទុក្ខ​កង កម្លាំង នគរបាល​វរ​សេនា​តូច​ការពារ​ព្រដែនគោក​ ==> ​លោក ជាវ តា​យ ជួប​សំណេះសំណាល​ជាមួយ​មន្ត្រី​រាជការ​ចំណុះ​សាលាខេត្ត​កំពត​នៅ មុន​ឱកាស​បុណ្យ​ភ្ជុំបិណ្ឌ​ឈាន​មកដល់​ ==> ​ថ្នាក់ដឹកនាំ​ខេត្ត​អញ្ជើញ​ចូលរួម​ក្នុង​ពិធី​បុណ្យកាន់បិណ្ឌ​វេន​ទី​៦ វត្ត​ស្នំ​ប្រាំពីរ​ ==> ​កម្មវិធី​វេទិកា​សាធារណៈ ថ្នាក់ក្រោម​ជាតិ​លើ​ប្រធានបទ “​វឌ្ឍនភាព និង​ការ​ជម្រុញ​អភិបាលកិច្ច​ល្អ ក្នុង​ការគ្រប់គ្រង​ធនធាន​ជលផល​” ==> ​លោក​អភិបាល​ខេត្ត​កំពត​បាន​បញ្ជា​ឲ្យ​ស្ថាប័ន ជំនាញ​ពាក់ព័ន្ធ កាយ​យក​អាចម៍ដី​ចេញពី​មាត់​ព្រែក​ក្បាលរ​មាស​ជា​បន្ទាន់​

​សម្ដេច​ក្រឡាហោម ស ខេង ប្រកាស​ចូល​កាន់​តំណែង​លោក ប៉ា សុជាតិ​វង្ស ជា​ប្រធាន​ក្រុមប្រឹក្សា​រាជធានី ជំនួស​លោក​ម៉ប់ សារិន ត្រូវ​ចប់​អាណត្ដិទី​៣

ភ្នំពេញ​៖ សម្ដេច​ក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួង​មហាផ្ទៃ នៅ​ព្រឹក​ថ្ងៃ​ពុធ ១០​កើត​ខែ​ជេស្ន ឆ្នាំកុរ​ឯកស័ក​ព​.​ស​២៥៦៣​ត្រូវ និង​ថ្ងៃ​ទី​១២ ខែមិថុនា ឆ្នាំ​២០១៩​នេះ បាន​អញ្ជើញ​ជា​អធិបតីភាព ប្រកាស​ចូល​កាន់តំណែង សមាសភាព​ក្រុមប្រឹក្សា​រាជធានី​ភ្នំពេញ ក្នុង​អាណត្តិ​ទី​៣ ដែល​មាន​លោក ប៉ា សុជាតិ​វង្ស ជា​ប្រធាន​ក្រុមប្រឹក្សា អម​ដោយ​សមាជិក​ចំនួន​២៦​រូប ។ ពិធី​នេះ​ត្រូវបាន​ធ្វើឡើង នៅ​សាលា​រាជធានី​ភ្នំពេញ ។​

សម្ដេច​ក្រឡាហោម ស ខេង បានបញ្ជាក់​ថា​៖ ក្នុងការ បោះឆ្នោត​ជ្រើសរើស​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ អាណត្តិ​ទី​៣ ឆ្នាំ​២០១៩ កន្លងទៅនេះ គណបក្ស​ប្រជាជន​កម្ពុជា ទទួលបាន​សំឡេង​គាំទ្រ​លើសលុប និង​គ្រប់គ្រង​អា សនៈ​ក្រុមប្រឹក្សា ស្ទើរតែ​ទាំងស្រុង​បន្ត​ពី​នោះ​គឺ​គណបក្ស​ខ្មែរ​រួបរួម​ជាតិ និង​គណបក្ស​ហ្វ៊ុនស៊ិនប៉ិច ។

លទ្ធផល​ផ្លូវការ ដែល​ប្រកា​ដោយ គ​.​ជ​.​ប នៅ​ថ្ងៃ​ទី​០៨ ខែមិថុនា ឆ្នាំ​២០១៩ បានបង្ហាញ​ថា​៖ ក្នុង​ការបោះឆ្នោត​ជ្រើសរើស​ក្រុមប្រឹក្សា​រាជធានី ខេត្ត គឺ​គណបក្ស​ប្រជាជន​កម្ពុជា​ទទួលបាន ៥៥០​អាសនៈ គណបក្ស​ខ្មែរ​រួបរួម​ជាតិ ទទួលបាន​៦​អាសនៈ និង​គណបក្ស ហ្វ៊ុន​ស៊ិនប៉ិច ទទួលបាន​៣​អាសនៈ ក្នុងចំណោម​អាសនៈ​សរុប ៥៥៩​អាសនៈ ។

លទ្ធផល​ផ្លូវការ នៃ​ការបោះឆ្នោត​ក្រុមប្រឹក្សា​ក្រុង ស្រុក ខណ្ឌ អាណត្តិ​ទី​៣​នេះ បានបង្ហាញ​ថា គណ បក្ស​ប្រជាជន​កម្ពុជា បាន​បន្ត​នាំមុខគេ ដោយ​ទទួលបាន​អាសនៈ​សរុប ៣៤៨៤​អាសនៈ ចំណែក​ឯ​គណបក្ស​ហ្វ៊ុនស៊ិនប៉ិច​ទទួលបាន ៣៣​អាសនៈ និង ខ្មែរ​រួបរួម​ជាតិ​ទទួល​បាន​៣៨​អាសនៈ ក្នុងចំណោម​អាសនៈ​ក្រុមប្រឹក្សា​ក្រុង​/​ស្រុក​/​ខណ្ឌ មាន​ចំនួន ៣,៥៥៥​អាសនៈ ។​

សម្ដេច​ក្រឡាហោម ស ខេង បាន​បន្ដថា​៖ នៅក្នុង​ការបោះឆ្នោត​ជ្រើសរើស​ក្រុមប្រឹក្សា​រាជធានី​ខេត្ត ក្រុង ស្រុក ខណ្ឌ អាណត្តិ​ទី​៣​នេះ មាន​គណបក្ស​តែ​៣​ប៉ុណ្ណោះ ដែល​ទទួលបាន​អាសនៈ នោះ​គឺ​គណបក្ស ប្រជាជន​កម្ពុជា​របស់ សម្តេច​តេជោ ហ៊ុន សែន គណបក្ស​ហ្វ៊ុនស៊ិនប៉ិច របស់​សម្តេច​ក្រុមព្រះ នរោត្តម រណឫទ្ធិ និង​គណបក្ស​ខ្មែរ​រួបរួម​ជាតិ របស់លោក ញឹក ប៊ុនឆៃ ។ គណបក្ស​ចំនួន​៤​ទៀត ដែល​ចូលរួម​ការបោះឆ្នោត​ដែរនោះ មិន​ទទួលបាន​អាសនៈ​ឡើយ ។​

លោក ឃួ​ង ស្រេង អភិបាល​រាជធានី​ភ្នំពេញ បានបញ្ជាក់​ថា ៖​ការបោះឆ្នោត​ជ្រើសរើស​ក្រុមប្រឹក្សា រាជធានី ខេត្ត ក្រុង ស្រុក ខណ្ឌ អាណត្តិ​ទី​៣ ឆ្នាំ​២០១៩ បាន​ប្រព្រឹត្តទៅ កាលពី​ថ្ងៃ​ទី​២៦ ខែ​ឧសភា ឆ្នាំ​២០១៩​កន្លងទៅនេះ ដំណើរការ​នៃ​ការបោះឆ្នោត និង​ការរាប់​សន្លឹកឆ្នោត បាន​ប្រព្រឹត្តទៅ​ដោយ​រលូន​គ្មាន​ការរារាំង គ្មាន​អំពើហិង្សា គ្មាន​ការគំរាមកំហែង និង​មាន​សន្តិសុខ​សណ្ដាប់ធ្នាប់​ល្អ ប្រសើរ ក្នុង​នោះ​សម្រាប់​រាជធានី​ភ្នំពេញ សរុប​លទ្ធផល​បោៈឆ្នោត ខណ្ឌ គណបក្ស ប្រជាជន​កម្ពុជា​ទទួល​បាន​ចំនួន​៨៨៦/៨៧៨ ក្នុងនោះ​គណបក្ស​ហ្វុនស៊ិនប៉ិច​ទទួលបាន​៧ សម្ដេច , គណបក្ស​ខ្មែរ​រួបរួម​ជាតិ​បាន​ចំនួន​១ សញ្ជាតិ​កម្ពុជា ១ ,​មិនបានការ ១ ។ គិត​ជា​អាសនៈ គណ បក្ស​ប្រជាជន​កម្ពុជា​ទទួលបាន​ចំនូ​ន​២៦៨/ ២៧០ អាសនៈ គណបក្ស​ហ្វុនស៊ិនប៉ិច​បាន​១ និង​គណបក្ស​ខ្មែរ​រួបរួម​ជាតិ​បាន​ចំនួន​១ ៕
​ដោយ ហុក វិបុល​

Filed in: ព័ត៌មានជាតិ

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!