ទាន់ហេតុការណ៍
សម្តេច​អគ្គ​មហា​ពញា​ចក្រី ហេង សំរិន និង​ភរិយា​ចូលរួម​ប្រារព្ធ​ពិធី​កាន់បិណ្ឌ​ទី​៤ នៅ​វត្ត​ក្រពើ​ហារ ក្រុង​តាខ្មៅ​ ==> មេ​គយ​ខេត្តបាត់ដំបង លោក យូ ហេង និង​បក្ខពួក​ឃុបឃិត​គ្នា​ប្រព្រឹត្ត​អំពើ​ពុករលួយ​ដើម្បី​ផលប្រយោជន៍​ផ្ទាល់ខ្លួន​ ==> ​ពិធី​ប្រកាស​ចូល​កាន់​មុខតំណែង​ជា​ប្រធាន​មន្ទីរ​រៀបចំ​ដែនដី នគររូបនីយកម្ម​ជំនួស​លោក ប្រាក់ ប៉ូ​លី ទៅ​បំពេញ​ភារកិច្ច នៅឯ​ក្រសួង​ ==> ឃាត់ខ្លួន​ជនសង្ស័យ ០១ នាក់ ដែល​បាន​ធ្វើ​សកម្មភាព លួច យក​ទូរ​សព្ទ័​ដៃ​នៅក្នុង​មន្ទីរពេទ្យបង្អែក​ខេត្ត​បាត់ដំបង​ ==> ដើម្បី​គ្រប់គ្រង​និង​ថែរក្សា​ធនធានធម្មជាតិ​របស់​រដ្ឋ​ឲ្យបាន​គង់វង្ស​អាជ្ញាធរ​និង​ជំនាញ​ពាក់ព័ន្ធ​ត្រូវ​សហការ​គ្នា​ទប់ស្កាត់​កុំឲ្យ​មាន​ការកាប់​ទន្ទ្រាន​ ==> បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ ==> ​បុណ្យ​ឆ្លង​វិមាន​តេជះ​ព្រះ​គោ​ជើង​ប្រាំ​នៅ វត្ត​ពោធិ​មា​រាម​ហៅ​វត្ត​ប៉ា​ហ៊ី​ ==> ក្រុមការងារ​គ្រូពេទ្យ​ស្ម័គ្រចិត្ត​លោក ហ៊ុន ម៉ា​នី ជាង​៥០០​នាក់ បន្ត​ចុះ​ព្យាបាល​ជូន​ប្រជាពលរដ្ឋ​ជិត​៥​ពាន់​នាក់ ដោយ​ឥតគិតថ្លៃ នៅ​ស្រុក​ទឹកឈូ ខេត្ត​កំពត​ ==> ​ឯកឧត្តម ជា សុផារ៉ា​និង​ឯកឧត្តម គន់ គីម​ព្រមទាំង​ក្រុមការងារ កាកបាទក្រហមកម្ពុជា នាំយក​អំណោយ​សម្តេច​កិត្តិ​ព្រឹទ្ធ​បណ្ឌិត​ចែក​អំណោយ​ជូន​ប្រជាពលរដ្ឋ​២៥៣៩​គ្រួសារ នៅ​ខេត្ត​ត្បូងឃ្មុំ​ ==> ​ពលរដ្ឋ​ជា​អ្នករ​កស៊ីដឹក​ទំនិញ​តាម​ព្រំដែន​ព្រែក​ចាក នាំគ្នា​ទៅ​បិទ​ផ្លូវ​នៅ​មុខ​ស្នាក់ការ​គយ​ចល័ត​ដើម្បី​សុំ​ឲ្យ​ស្ថាប័ន​មួយ​នេះ​បញ្ចុះ​តម្លៃ​សេវា​ដឹកជញ្ជូន​

​អាជ្ញាធរ​ខេត្ត​ប៉ៃលិន បើក​ការដ្ឋាន​ស្ថាបនា​ផ្លូវ​បេតុង​១​ខ្សែ ចូល​សាលាឃុំ​ស្ទឹង​កាច់ ដើម្បី​សម្រួល​ដល់​ការផ្តល់សេវា​សាធារណៈ​ជូន​ពលរដ្ឋ​

(​ប៉ៃលិន​)៖ ថ្ងៃទី​០៨ ខែមិថុនា ឆ្នាំ​២០១៩​នេះ លោក ផាន់ ចាន់​ធុល អភិបាលខេត្ត​ប៉ៃលិន អមដំណើរ​ដោយ​លោកស្រី ជា លាភ អភិបាលរង​ខេត្ត ព្រមទាំង​ថ្នាក់ដឹកនាំ មន្ត្រីរាជការ​មន្ទីរ​អង្គភាព​ស្ថាប័ន​ជុំវិញ​ខេត្ត បាន​បើក​ការដ្ឋាន​ស្ថាបនា​ផ្លូវ​បេតុង​១​ខ្សែ ចូល​សាលាឃុំ​ស្ទឹង​កាច់ ស្រុក​សាលា​ក្រៅ ដើម្បី​ងាយស្រួល​ក្នុងការ​ធ្វើ​ដំណើរ​ចេញ​-​ចូល ក្នុង​ការផ្តល់​សេវា​សាធារណៈ​នានា​ជូន​ពលរដ្ឋ ស្របតាម​គោលនយោបាយ​កំណែទម្រង់​ស៊ីជម្រៅ របស់​រាជរដ្ឋាភិបាល​។​

​លោក ផាន់ ចាន់​ធុល បាន​លើកឡើង​ថា រាជរដ្ឋាភិបាល​កម្ពុជា ក្រោម​ការដឹកនាំ​របស់​សម្តេច​តេជោ ហ៊ុន សែន បាន​ខិតខំ​ប្រឹងប្រែង​ដោះស្រាយ នូវ​រាល់​ការលំបាក និង​សំណូមពរ​របស់​ប្រជាពលរដ្ឋ ព្រមទាំង​បាន​ខិតខំ​កសាង​អភិវឌ្ឍន៍​ប្រទេសជាតិ ឲ្យមាន​ការរីកចម្រើន​លើ​គ្រប់​វិស័យ ជាពិសេស​ការកសាង​ហេ​ដ្ឋា​រចនាសម័ន្ធ​រូបវ័ន​នានា​ដូចជា​៖ ផ្លូវ ស្ពាន សាលារៀន មន្ទីរពេទ្យ ជាដើម​។​

​លោក​អភិបាលខេត្ត បាន​បញ្ជាក់ទៀតថា ការស្ថាបនា​ផ្លូវ​បេតុង​នេះ គឺ​មាន​តួនាទី​ជួយ​សម្រួល​បាន​មួយកម្រិត ដល់​ដំណើរការ នៃ​ការផ្តល់​សេវា​សាធារណៈ របស់​រដ្ឋបាល​ឃុំ ជូន​ប្រជាពលរដ្ឋ​ប្រកបដោយ​គុណភាព ប្រសិទ្ធភាព មាន​ការអភិវឌ្ឍ​ប្រកបដោយ​សមធម៌ និង​ចីរភាព ដោយ​រក្សាបាន​នូវ​សន្តិសុខ សណ្តាប់ធ្នាប់​សង្គម និង​លើកស្ទួយ​កម្រិតជីវភាព​របស់​ប្រជាពលរដ្ឋ​គ្រប់​រូប​នៅ​មូលដ្ឋាន​។​

​លោក ផាន់ ចាន់​ធុល ក៏​បាន​ជំរុញ​ដល់​អាជ្ញាធរ​មូលដ្ឋាន​ទាំងអស់ ជា​ពិសេស​មេឃុំ​-​ចៅសង្កាត់ និង​មេភូមិ​ទាំងអស់ ដែល​គៀក​ផ្ទាល់​នឹង​ប្រជាជន ត្រូវខិតខំ​បំពេញ​ការងារ​របស់​ខ្លួន ដោយ​ការទទួលខុសត្រូវ​ខ្ពស់ ក្នុង​ការផ្តល់​សេវា​សាធារណៈ​នានា​ជូន​ប្រជាពលរដ្ឋ និង​ត្រូវ​ខិតខំ​ដោះស្រាយ បញ្ហា​ប្រឈម​នានា​ដែល​កើតមានឡើង​នៅ​មូលដ្ឋាន​ឲ្យ​កាន់តែ​មាន​ប្រសិទ្ធភាព​ខ្ពស់ និង​ឆាប់រហ័ស​។​

​សូមបញ្ជាក់​ថា ផ្លូវ​បេតុង​១​ខ្សែ ចូល​សាលាឃុំ​ស្ទឹង​កាច់ ដែល​អាជ្ញាធរ​ខេត្ត​ប៉ៃលិន បាន​ចាប់ផ្តើម​បើក​ការដ្ឋាន​ស្ថាបនា នាពេល​នេះ​មាន​ប្រវែង​១០០​ម៉ែត្រ ទទឹង​៦​ម៉ែត្រ ចាប់ពី​ចំណុច​ផ្លូវ​កៅស៊ូ ស្ថិតក្នុង​ភូមិ​អូរ​បេង ឃុំ​ស្ទឹង​កាច់ ស្រុក​សាលា​ក្រៅ ដោយ​ប្រើប្រាស់​កញ្ចប់​ថវិកា គម្រោង​អភិវឌ្ឍន៍​ខេត្ត និង​បញ្ចប់​ការស្ថាបនា​នៅ​ដំណាច់​ខែ​មិថុនា​នេះ​៕
​ហុក​.​វិបុល​

Filed in: ខេត្តប៉ៃលិន

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.