ប្រកាស​ផ្ទេរ​ភារកិច្ច និង​តែងតាំង​មុខតំណែង​អធិការនគរបាល​ស្រុក​ស្អាង​ថ្មី​, វរសេនីយ៍ឯក រស់ ចន្ថា ជំនួស​វរសេនីយ៍ឯក សេង សុជាតិ​

(​កណ្ដាល​)៖ លោក​ឧត្ដមសេនីយ៍ទោ អ៊ាវ ចំរើន ស្នងការ​នគរបាល​ខេត្ដ​កណ្ដាល នៅ​ថ្ងៃ​ទី​០៧ ខែមិថុនា ឆ្នាំ​២០១៩​នេះ ក្រោយ​ទទួលបាន​បទបញ្ជា​ពី​នាយ​ឧត្ដមសេនីយ៍​សន្ដិ​បណ្ឌិត នេ​ត សាវឿន អគ្គស្នងការ​នគរបាល​ជាតិ បាន​អញ្ជើញ​ជា​អធិបតីភាព​ជាមួយ​លោក ញឹម វណ្ណ​ឌិន អភិបាល​ស្រុក​ស្អាង ប្រកាស​ផ្ទេរ​ភារកិច្ច តែងតាំង​មុខតំណែង​អធិការនគរបាល​ស្រុក​ស្អាង​។​

​ពិធី​នេះ​ដែរ ក៏​មាន​វត្ដ​មាន​ចូលរួម​ពី​លោក​ស្នងការរង​, លោក​អធិការ​នគរបាល​ក្រុង​/​ស្រុក​ទាំង​១០, មន្ដ្រីរាជការ​ជុំវិញ​ស្រុក​, លោក​អធិការរង​ស្រុក​ស្អាង​, លោកនាយ​ប៉ុស្ដិ៍​នគរបាល​រដ្ឋបាល និង​មន្ដ្រីនគរបាល​ជាច្រើនរូប​ទៀត​។​

​បន្ទាប់ពី​ស្ដាប់​លោក​វរសេនីយ៍ឯក ម៉ាន់ គឹម​ឡេង នាយ​ការិយាល័យ​បុគ្គលិក នៃ​ស្នងការដ្ឋាន​នគរបាល​ខេត្ដ​កណ្ដាល ឡើង​អាន​ប្រកាស​របស់​ក្រសួងមហាផ្ទៃ ស្ដីពី​ការផ្ទេរ​ភារកិច្ច តែងតាំង​មុខតំណែង​មន្ដ្រីនគរបាល​ជាតិ​រួចមក លោក​ឧត្ដមសេនីយ៍ទោ អ៊ាវ ចំរើន ស្នងការ​នគរបាល​ខេត្ដ​កណ្ដាល បាន​ប្រគល់​ត្រា ជូន​លោក​វរសេនីយ៍ឯក រស់ ចន្ថា អធិការនគរបាល​ស្រុក​លើកដែក ដែល​ត្រូវ​តែងតាំង​ជា​អធិការ នៃ​អធិការដ្ឋាន​នគរបាល​ស្រុក​ស្អាង ខណៈ​លោក​វរសេនីយ៍ឯក សេង សុជាតិ ត្រូវបាន​ផ្ទេរ​ឲ្យទៅ​បម្រើ​ការងារ​នៅ​អគ្គាធិការដ្ឋាន ក្រសួងមហាផ្ទៃ ៕ ដោយ ហុក វិបុល​

Filed in: ខេត្តកណ្តាល

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!