ទាន់ហេតុការណ៍
ថ្នាក់ដឹកនាំ​ខេត្ត​កែប​អញ្ជើញ​ចូលរួម​ក្នុង​ពិធី​បុណ្យកាន់បិណ្ឌ​វេន​ទី​៨ នៅ​វត្ត​កំពង់ត្រឡាច​ ==> ​អភិបាលខណ្ឌ​ដូនពេញ​ដឹកនាំ​មន្ត្រី និង​ពលរដ្ឋ ក្នុង​មូលដ្ឋាន ចូលរួម​កាន់បិណ្ឌ​ទី​៨ នៅ​វត្ត​ព្រះ​ពុទ្ធឃោសាចារ្យ​(​ហៅ​វត្ត​ដំ​ដែក​) ==> ​ឯកឧត្ដម​អភិបាលខេត្ត​ស្វាយរៀង​ជួប​សំណេះសំណាល និង​ផ្តល់​រង្វាន់​លើកទឹកចិត្ត​ជូន​សិស្សានុសិស្ស​ទាំង​៨​នាក់ ដែល​ទទួលបាន​និទ្ទេស​A ==> ​លោកជំទាវ​កិត្តិ​សង្គហ​បណ្ឌិត ឃួន សុ​ដា​រី អញ្ជើញ​ចូល​កាន់បិណ្ឌ​វេន​ទី​៧ វត្ត​វិមាន​តេជ ហៅ​វត្ត​ស្រះចក ក្នុង​ខណ្ឌ​ដូនពេញ រាជធានី​ភ្នំពេញ​ ==> លោក ឃួ​ង ស្រេង ណែនាំ​ឲ្យកម្លាំង​សមត្ថកិច្ច និង​អាជ្ញាធរ​ដែនដី​គ្រប់​ខណ្ឌ​សង្កាត់ ត្រូវ​ពង្រឹង​ការរៀបចំ​ការពារ​សន្តិ​សុខ សណ្តាប់ធ្នាប់​នៅ​គ្រប់​វត្ត​អារាម​ទូទាំង​រាជធានី​ភ្នំពេញ​ ==> ឯកឧត្តម ឧត្តមសេនីយ៍ទោ អ៊ុច សុខុន ដឹកនាំ​ប្រតិភូ​នៃ​ស្នងការដ្ឋាន​ចុះ​សាកសួរ​សុខទុក្ខ​កង កម្លាំង នគរបាល​វរ​សេនា​តូច​ការពារ​ព្រដែនគោក​ ==> ​លោក ជាវ តា​យ ជួប​សំណេះសំណាល​ជាមួយ​មន្ត្រី​រាជការ​ចំណុះ​សាលាខេត្ត​កំពត​នៅ មុន​ឱកាស​បុណ្យ​ភ្ជុំបិណ្ឌ​ឈាន​មកដល់​ ==> ​ថ្នាក់ដឹកនាំ​ខេត្ត​អញ្ជើញ​ចូលរួម​ក្នុង​ពិធី​បុណ្យកាន់បិណ្ឌ​វេន​ទី​៦ វត្ត​ស្នំ​ប្រាំពីរ​ ==> ​កម្មវិធី​វេទិកា​សាធារណៈ ថ្នាក់ក្រោម​ជាតិ​លើ​ប្រធានបទ “​វឌ្ឍនភាព និង​ការ​ជម្រុញ​អភិបាលកិច្ច​ល្អ ក្នុង​ការគ្រប់គ្រង​ធនធាន​ជលផល​” ==> ​លោក​អភិបាល​ខេត្ត​កំពត​បាន​បញ្ជា​ឲ្យ​ស្ថាប័ន ជំនាញ​ពាក់ព័ន្ធ កាយ​យក​អាចម៍ដី​ចេញពី​មាត់​ព្រែក​ក្បាលរ​មាស​ជា​បន្ទាន់​

​ប្រជាពលរដ្ឋ​ជាច្រើន​គ្រួសារ​ផ្ទុះ​ការតវ៉ា ខណៈ​អាជ្ញាធរ​ស្រុក​ដំណាក់​ចង្អើរ យក​គ្រឿងចក្រ​ជីក​កកាយ​កំណត់​ព្រំ​ដី​ត្រង់ចំណុច​ព្រលាន​យន្តហោះ​ចាស់​

(​ខេត្ត​កែប​)៖ ប្រជាពលរដ្ឋ​ជាច្រើន​គ្រួសារ​កំពុង​ផ្ទុះ​ការតវ៉ា ខណៈ​អាជ្ញាធរ​ស្រុក​ដំណាក់​ចង្អើរ បាន​យក​គ្រឿងចក្រ​ទៅ​ជីក​កាយ​ដី​កំណត់​ព្រំ នៅត្រង់​ចំណុច​ទីតាំង​ព្រលាន​យន្តហោះ​ចាស់ កាលពី​ព្រឹក​ថ្ងៃទី​០៤ ខែមិថុនា ឆ្នាំ​២០១៩ ស្ថិតក្នុង​ភូមិសាស្ត្រ​ស្រុក​ដំណាក់​ចង្អើរ ខេត្ត​កែប​។​

​យោង​តាម​ការលើកឡើង​ពី​ប្រជាពលរដ្ឋ​ឈ្មោះ គាត មួយ ភេទ​ស្រី អាយុ ៥៧ ឆាំ្ន ដែល​រស់នៅ​ក្នុង​ភូមិ​ភ្នំ​លា​វ ឃុំ​ពងទឹក ស្រុក​ដំណាក់​ចង្អើរ ខេត្ត​កែប បាន​ប្រាប់ឲ្យដឹង​ថា ដី​គាត់​បាន​កាន់កាប់​នៅក្នុង​បរិវេណ​ព្រលាន​យន្តហោះ​វាល​វង្ស នេះ​តាំង​ពី​ឆាំ្ន ២០០០ មក​ម្លេះ ប៉ុន្តែ​ជំនាញ​មិន​ទាន់​ចេញ​ប្លង់​កម្មសិទ្ធិ​ឱ្យ​នៅឡើយ តែ​ដី​របស់​ពលរដ្ឋ​នៅ​ជាប់​គ្នា​បែរជា​មាន​ប្លង់​កម្មសិទ្ធិ​កាន់កាប់​ស្របច្បាប់​ទៅវិញ​។ ប្រជាពលរដ្ឋ​ដដែល​បាន​រៀបរាប់​ទៀត​ថា ចំពោះ​គ្រឿងចក្រ​មក​កាយ​ព្រំ​នៅ​ចំណុច​នេះ បែរជា​បាន​ជ្រៀតជ្រែក​ដី​របស់​គាត់​ដែល​ធ្លាប់​កាន់កាប់​អាស្រ័យ​ផល​ជាច្រើន​ឆ្នាំ​មកហើយ​។​

​ដោយឡែក បើ​តាម​ការអះអាង​ប្រជាពលរដ្ឋ​ម្នាក់​ទៀត ឈ្មោះ តាន់ មី  ភេទ​ស្រី អាយុ​៤៨​ឆាំ្ន រស់នៅ ភូមិ​ភ្នំ​លាវ​បាន​និយាយថា​គាត់​ជា​ពលរដ្ឋ​រស់​នៅ​ដូច​គេឯង​ដែរ​តែ​ហេតុ​អ្វី​ដី​គាត់​នៅក្បែរ ព្រលាន​យន្តហោះ​ដូច​អ្នក​ផ្សេង​ដែរ​តែ​គេ​បែ​ជា​បាន​ប័ណ្ណកម្មសិទ្ធិ ចំណែក​គាត់​វិញ​បែរជា អត់​បាន​អញ្ចឹង តើ​យុតិ្ត​ធម៌​នៅត្រង់ណា​ណាទៅ​?​។​អ្នក​មីង តាន់ មី បាន​និយាយ​ទាំង​ខឹងសម្បា​ថា ពេលនេះ​ជា​ពេល​ដែល​គាត់​ចេញ​មុខ​តតាំង​ហើយ​បើ​អាជ្ញាធរ​ប្រកាសថា​មិន​ឱ្យ​ដូចគ្នា​ក៏​គាត់​មិន​ជំទាស់​ដែរ តែ​គ្រឿងចក្រ​បាន​មក​កាយ​ព្រំ​មាន​ការបត់បែន​ហាក់ដូច​និយម​បក្ស ពួក​ពេក​ហើយ​។​

​ទាក់ទិន​នឹង​ករណី​ប្រើ​គ្រឿងចក្រ​កាយ​ព្រំ​ព្រលាន​យន្តហោះ​ចាស់​ខាងលើ លោកស្រី គឹម ច​ន្នី អភិបាលស្រុក ដំណាក់​ចង្អើរ បាន​អោយដឹងនៅ​រសៀល​ថ្ងៃ​ទី​០៤ ខែមិថុនា ឆ្នាំ​២០១៩​នេះ​ថា ពលរដ្ឋ​ដែល​ចេញមុខ​មក​តវ៉ា​នោះ​សុទ្ធតែ​ត្រូវបាន​វាស់វែង​ឱ្យ​ពួកគាត់​រួច​អស់​ទៅហើយ​រឿង​អី​បាន​ពួកគាត់​មក​តវ៉ា​ទៀត​នោះ​។​ទោះបីជា​បែបណា​ដី​ព្រលានយន្តហោះ​មួយ​នេះ​ខាង​អជ្ញាធរ ខេត្ត​បាន​មាន​គម្រោង​ឱ្យ​ក្រុមហ៊ុន​មួយ​ធ្វើការ​អភិ​វឌ្យន៍​ប៉ុន្តែ​មិន​ទាន់​ចេញ​ជា​ហេតុផល​នៅឡើយ​ទេ​។​

​ប៉ុន្តែ​ទោះជា​យ៉ាងណាក៏ដោយ បើ​តាម​ការពិនិត្យ​ជាក់ស្ដែង​ការយក​គ្រឿងចក្រ​មក​កាយ​ព័ទ្ធជុំវិញ​បរិវេណ​ដី​ព្រលាន​យន្តហោះ​ចាស់​ចំណុច​វាល​វង្ស នេះ​គឺ​ជា​សម្ភារៈ​របស់​តំណាងរាស្ត្រ​មណ្ឌល​ខេត្ត​កែប ហើយ​គេ​ក៏​មិន​ទាន់​ដឹងថា តើ​ខាង​ជំនាញ​បាន​កំណត់​ព្រំប្រទល់​រវាង​ដី​ព្រលានយន្តហោះ និិង​ដី​របស់​ពលរដ្ឋ​ត្រង់​ចំណុច​ណា​នោះឡើយ​៕
សេង ណា​រិទ្ធ​

Filed in: ខេត្តកែប

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!