ទាន់ហេតុការណ៍
​ឯកឧត្តម ផាន់ ចាន់​ធុល អភិបាល នៃ​គណ​:​អភិបាលខេត្ត​ប៉ៃលិន ចុះទៅ​ពិនិត្យ​ស្ថានភាព​ដើម្បី ស្ថាបនា​ផ្លូវ​បេតុង​ ==> ​រដ្ឋបាល​រាជធានី​ភ្នំពេញ កំណត់​យក​ថ្ងៃ​ទី​២៣ ខែ​សីហា ជួបប្រជុំ​ជាមួយ​តំណាង​អាជីវករ ផ្សារ​សេន​ជូ​រី​ផ្លា​ហ្សា ដើម្បី​បញ្ចប់​ការតវ៉ា​រឿង រឿង​ក្រុមហ៊ុន​រុះរើ​ផ្សារ​ ==> ​ប្រធាន​មន្ទីរ​សាធារណការ​ខេត្ត​ព្រះវិហារ ប្រាប់​មន្ត្រីក្រោមឱវាទ ត្រូវ​បំរើសេវា​សាធារណៈ ជូន​ប្រជាពលរដ្ឋ​ដោយ​ភាពស្មោះត្រង់ ទន់ភ្លន់ ប្រកប​ដោយ​ក្រមសីលធម៌ និង​ភាពថ្លៃថ្នូរ​ ==> លោកស្រី ម៉ែន សំអន​៖ ព្រះពុទ្ធ​សាសនា​បាន​ចូលរួមចំណែក​យ៉ាង​ច្រើន ក្នុង​ការលើកកម្ពស់​កា​រ​អប់រំ​ចរិយា​ធម៌ សីលធម៌​ក្នុង​សង្គម​ជាតិ​ ==> របួសធ្ងន់​ស្រាល​ពីរ​នាក់​ដោយសារ​គ្រោះថ្នាក់​ចរាចរ រថយន្ត​បុក​ម៉ូតូ​ ==> ​លោក ជាវ តា​យ​អភិបាល​ខេត្ត​កំពត​អញ្ជើញ ចូល​បើក​វិញ្ញាសារ​ប្រឡង​សញ្ញប​ត្រ​មធ្យមសិក្សា​ទុតិយភូមិ​ឆ្នាំ​២០១៩ នៅ​វិទ្យាល័យ​មិត្តភាព​កម្ពុជា​-​ជប៉ុន កំពត​ក្រុង​ ==> ប្រជាពលរដ្ឋ​សុំ​អំពាវនាវ​ដល់​លោក​អភិបាល​ខេត្ត​កំពត​មេត្តា​ជួយ​ទប់ស្កាត់​ក្រុម​ឡាន​ដឹក​ដី កំពុង​បង្ក​ផលប៉ះពាល់​ជា​ខ្លាំង​ដល់​ការរស់នៅ និង​បរិស្ថាន​ ==> ​ឧត្តមសេនីយ៍ឯក រ័ត្ន ស្រ៊ាង បើកសម្ពោធ​ឲ្យ​ដំណើរកា​រ​បន្ទប់​ពិនិត្យ និង​ព្យាបាល​មាត់​ធ្មេញ កងរាជអាវុធហត្ថ​រាជធានី​ភ្នំពេញ ==> លោក គី វី​រិន្ទ ត្រូវបាន​ប្រកាស​ជា​ផ្លូវការ ជា​ប្រធាន​មន្ទីរ​សាធារណការ និង​ដឹកជញ្ជូន​ខេត្តសៀមរាប ==> រដ្ឋបាល​ខេត្ត​កែប បើក​កិច្ចប្រជុំ​រៀបចំ​យន្តការ​សម្របសម្រួល​កា​រ​ប្រឡង​សញ្ញាបត្រ​មធ្យមសិក្សា​ទុតិយភូមិ​

​ពិធី​សម្ពោធ​ពិព័រណ៍​ផលិតផល​សក្តានុពល​ខេត្ត​កំពត លើក​ទី​៤ ឆ្នាំ​២០១៩

(​ខេត្ត​កំពត​) ដោយ​មាន​ការសម្របសម្រួល​រៀបចំឡើង​ដោយ​មន្ទីរ​ពាណិជ្ជកម្ម​ខេត្ត​កំពត​ក្នុង​គោលបំណង​ជំរុញ​សកម្មភាព​ពាណិជ្ជកម្ម​និង​វិនិយោគ​ក្នុង​ខេត្ត​កំពត​ឱ្យ​កាន់តែ​រី​ចម្រើន​នោះ ពិព័រណ៍​ផលិតផល​សក្តានុពល​ខេត្ត​កំពត​លើក​ទី​៤ ឆ្នាំ​២០១៩ ត្រូវបាន​សម្ភោ​ធ​បើក​បង្ហាញ និង​ដាក់តាំង​លក់​ជូន​អតិថិជន ភ្ញៀវ​ទេសចរណ៍ និង​ប្រជាពលរដ្ឋ​ដែល​ពិធី​នេះ​បាន​ចាប់ផ្ដើម​ធ្វើឡើង​នៅ​រសៀល​ម៉ោង​៤ ថ្ងៃទី​៩ ខែ​ឧសភា ឆ្នាំ​២០១៩ ក្រោយ​អធិបតីភាព លោក ស៊ឹម វុទ្ធា អភិបាលរង​ខេត្ត តំណាង លោក ជាវ​តា​យ អភិបាល​នៃ​គណៈ​អភិបាលខេត្ត​កំពត​។​

​ព្រឹត្តិការ​នេះ​ប្រព្រឹត្តិ​ទៅ​ក្នុង​បរិវេណ​មាត់​ព្រែក ក្បែរ​រូបសំណាក់​ព្រះអង្គដួង ដែល​ស្ថិត​ក្នុង​សង្កាត់​កំពង់​កណ្ដាល​ក្រុង​កំពត​មាន​រយៈពេល​៥​ថ្ងៃ​ចាប់ពី​ថ្ងៃ​ទី​៩ ដល់​ថ្ងៃ​ទី​១៣ ខែ​ឧសភា ឆ្នាំ​២០១៩ អម​ដោយ​ការប្រគុំ​តន្ត្រី​រៀងរាល់​រាត្រី​ផងដែរ​ដើម្បី​ផ្តល់​ភាពសប្បាយ​រីករាយ​។ នៅក្នុង​ពិព័រណ៍​នោះ មាន​ស្តង់​សរុប​ចំនួន ៦០ ស្តង់ ក្នុងនោះ​ក៏​មាន​ស្តង់​ផលិតផល​ស​កត្តា​នុព​ល​របស់​ខេត្ត​កែប និង​តាកែវ​ផងដែរ​។​

​លោក​ស៊ឹម វុទ្ធា អភិបាលរង​ខេត្ត​បាន​មានប្រសាសន៍​នៅក្នុង​ពិធី​សម្ភោ​ធ​នោះ​ថា​៖ ពិព័រណ៍​ផលិតផល សក្តានុពល​ខេត្តកំពត រៀបចំ​ឡើង​ពេលនេះ​ដើម្បី​ជំរុញ​សកម្មភាព​ពាណិជ្ជកម្ម និង​វិនិយោគ​ក្នុង​ខេត្ត​កំពត ពិសេស​ជំរុញ​ការនាំចេញ ផលិតផល​សក្តានុពល​របស់​ខេត្ត​កំពត ទៅកាន់​បណ្តា​ខេត្ត​ផ្សេងៗ ក៏​ដូច​ជា​ទៅ​កាន់​ទីផ្សារ​ពិភពលោក ដើម្បី​រួមចំណែក​ក្នុង​ការពង្រឹង និង​ពង្រីក​កិច្ចសហប្រតិបត្តិកា​រ​ពាណិជ្ជកម្ម​រវាង​កម្ពុជា និង​អន្តរជាតិ​លើ ផលិតផល​ឧស្សាហកម្ម សិប្បកម្ម កសិកម្ម និង​វិស័យ​ទេសចរណ៍​ផង​ដែរ​។​

​លោក​អភិបាលរង​ខេត្ត​បន្តទៀតថា​៖​តាមរយៈ​ពិព័រណ៍​នេះ គឺ​ក៏​ចង់​បង្ហាញ​ដល់​សាធារណ​:​ជន​ទាំង​ជាតិ និង​អន្តរជាតិ​ថា ខេត្ត​កំពត​គឺជា​ខេត្ត​មួយ​ដែល​មាន​ផលិតផល​សក្តានុពល​ជាច្រើន​ដូចជា​៖ ស៊ីម៉ង់ត៍ អំបិល ផលិតផល​ផ្កាអំបិល ម្រេច​កំពត ទុរេន សាវម៉ាវ មង្ឃុត ដូង ស្វាយ ចេក ស្រូវ​អង្ករ​ជាដើម ។​មិនតែប៉ុណ្ណោះ​ខេត្តកំពត​ក៏​មាន​រោងចក្រ សហគ្រាស ក្រុមហ៊ុន សិប្បកម្ម​ជាច្រើន​កន្លែង​ដែល​កំពុងតែ​ដំណើរការ​ចង្វាក់​ផលិតកម្ម​របស់ខ្លួន ចំនួន​ជាង​ពីរ​រយ​កន្លែង ហើយ​ក្នុងនោះ​រួម​ទាំង​ការផលិត​កែច្នៃ​ជលផល​សមុទ្រ​ផងដែរ​។​

​លោក​អភិបាលរង​ខេត្ត​សង្ឃឹមថា បងប្អូន​ប្រជាពលរដ្ឋ​នៅក្នុង​ខេត្ត និង​ភ្ញៀវទេសចរ​ជាតិ និង​អន្តរជាតិ ចូលរួម​សប្បាយរីករាយ ជាមួយនឹង​ការប្រគំ​តន្ត្រី ព្រមទាំង​រីករាយ​ក្នុងការ​ទស្សនា​ពិព័រណ៍​នេះ​ផងដែរ ហើយ​ក្រោយពេល​បាន​ទស្សនា ផលិត​ករ អាជីវករ និង​ប្រាស្រ័យ​ទាក់ទង​គ្នា ផ្លាស់ប្តូរ​បទពិសោធន៍​គ្នា​ទៅវិញទៅមក រកឃើញ​នូវ​ចំណុចខ្សោយ ចំណុចខ្លាំង របស់​ខ្លួន​ដើម្បី​កែលម្អ សំដៅ​ធ្វើ​យ៉ាងណា​ឱ្យ​ផលិតផល​របស់​ខ្លួន ផលិត​និង​ធានា​បាន​ទាំង​បរិមាណ និង​គុណភាព និង​មាន​ភាព​ទាក់ទាញ​ដើម្បី​ដណ្តើម​បាន​ទីផ្សារ​កាន់តែ​ធំ​ទូលាយ ក្នុង​គោលដៅ​បង្កើន​ប្រាក់​ចំណេញ​ឱ្យបាន​កាន់តែ​ច្រើនឡើង​៕ សេង ណា​រិទ្ធ​

 

 

 

Filed in: ខេត្តកំពត

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!