ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បើកសម្ពោធ​ឲ្យ​ដំណើរកា​រ​បន្ទប់​ពិនិត្យ និង​ព្យាបាល​មាត់​ធ្មេញ កងរាជអាវុធហត្ថ​រាជធានី​ភ្នំពេញ ==> លោក គី វី​រិន្ទ ត្រូវបាន​ប្រកាស​ជា​ផ្លូវការ ជា​ប្រធាន​មន្ទីរ​សាធារណការ និង​ដឹកជញ្ជូន​ខេត្តសៀមរាប ==> រដ្ឋបាល​ខេត្ត​កែប បើក​កិច្ចប្រជុំ​រៀបចំ​យន្តការ​សម្របសម្រួល​កា​រ​ប្រឡង​សញ្ញាបត្រ​មធ្យមសិក្សា​ទុតិយភូមិ​ ==> ​ឯកឧត្តម បណ្ឌិត ហ៊ុន ម៉ា​ណែ​ត អញ្ជើញ​ជា​គណៈអធិបតី ក្នុង​ពិធី​បញ្ចុះ​ខណ្ឌសីមា និង​សម្ពោធ​សមិទ្ធផល​នានា នៅ​វត្ត​ពោធិ៍​រាជ​លំ​ពូ ស្ថិតក្នុង​ស្រុក​កំពង់ត្រាច​ ==> កិច្ចប្រជុំ​ត្រៀម​រៀបចំ​ការប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​២០១៩ នៅ​ខេត្ត​កំពត​ ==> ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង ដឹកនាំ​កំលាំង​ចុះជួយ​ស្ទូងស្រូវ និង​ចែក​គ្រាប់ពូជ​កសិផល ដល់​ប្រជា​សហគមន៍​កសិកម្ម​! ==> មន្ទីរ​សាធារណការ និង​ដឹកជញ្ជូន​ខេត្ត​ព្រះវិហារ នៅតែ​បន្ត​សកម្មភាព​ការងារ​ថែទាំ ជួសជុល​ផ្លូវថ្នល់​តាម​តំបន់​នានា ក្នុង​ភូមិសាស្ត្រ​ស្រុក​មួយចំនួន ! ==> ​សម្តេច​ពញា​ចក្រី ហេង សំរិន ចូល​បច្ច័យ​ចំនួន ៤០​លាន​រៀល សម្រាប់​កសាង​កុដ នៅ​វត្ត​ក្រ​ញ៉ូង និង​វត្ត​ព្រះ​លាន​ព្រះ ក្នុង​ខេត្ត​ត្បូងឃ្មុំ​ ==> ក្រសួង​កិច្ចការនារី​ចែក​អំណោយ​មនុស្សធម៌ ដល់​ពលរដ្ឋ​ក្រីក្រ ចំនួន ២០០​គ្រួសារ ក្នុង​ក្រុង​ប៉ៃលិន​ ==> អភិបាលខេត្ត​តាកែវ អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា កុំ​ដំឡើងថ្លៃ​ពេល​ប្រឡង​បាក់​ឌុប​

​ផ្លូវលំ​៣​ខ្សែ ស្ថិតក្នុង​ឃុំ​អង្កោល ស្រុក​ដំណាក់​ចង្អើរ ត្រូវបាន​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​នៅ​ព្រឹក​នេះ​

(​ខេត្ត​កែប​)៖ ផ្លូវលំ​៣​ខ្សែ​ប្រវែង​២.៤០០​ម៉ែត្រ ស្ថិតក្នុង​ឃុំ​អង្កោល ស្រុក​ដំណាក់​ចង្អើរ ខេត្ត​កែប ត្រូវបាន​ធ្វើ​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​នៅ​ព្រឹក​ថ្ងៃទី​០៦ ខែ​ឧសភា ឆ្នាំ​២០១៩ ក្រោម​អធិបតីភាព លោក​កិត្តិ​សេដ្ឋា​បណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួង​ឧស្សាហកម្ម និង​សិប្បកម្ម និង​ជា​ប្រធាន​ក្រុមការងារ​ថ្នាក់កណ្តាល​ចុះជួយ​ខេត្ត​កែប អមដំណើរ​ដោយ លោក កែ​ន សត្ថា អភិបាល​ភិបាល នៃ​គណ​:​អភិបាលខេត្ត​កែប ព្រមទាំង​ប្រតិភូ​. ក្រុម​ការងារ​គ្រប់​ជាន់ថ្នាក់ និង លោក លោកស្រី ជា​សមាជិក ក្រុមប្រឹក្សា​ខេត្ត អភិបាលរង​ខេត្ត អភិបាលស្រុក អាជ្ញាធរ​មូលដ្ឋាន និង​ប្រជាពលរដ្ឋ​ក្នុង​មូលដ្ឋាន​ផងដែរ​។​

​ជា​កិច្ច​ស្វាគមន៍ លោកស្រី គឹម ច​ន្នី អភិបាលស្រុក​ដំណាក់​ចង្អើរ បានឲ្យដឹងថា រយៈកាល​កន្លងមកនេះ ក្រុមការងារ​គ្រប់​លំដាប់ថ្នាក់ បាន​យកចិត្តទុកដាក់​កសាង​អភិវឌ្ឍន៍ ទាំង​ផ្នែក​សេដ្ឋកិច្ច សង្គមកិច្ច ដីធ្លី និង​ធនធានបរិស្ថាន កសាង​ហេដ្ឋារចនាសម្ព័ន្ធ​រូប​វ័ន​ជាច្រើន ដូចជា ផ្លូវថ្នល់ ទំនប់ទឹក ប្រឡាយ សាលារៀន មណ្ឌល​សុខភាព ជីក​អណ្តូង ស្តា​ស្រះ​ទឹក សាងសង់​ផ្ទះ​ជូន​ប្រជាពលរដ្ឋ ពិសេស​ពិនិត្យ​មើល​ស្ថានភាព​រស់នៅ​របស់​ប្រជាពលរដ្ឋ ដោយ​បាន​ជំរុញ​ការយកចិត្តទុកដាក់​ខ្ពស់ និង​លើកកម្ពស់​ជីវភាព​ប្រជាពលរដ្ឋ​នៅ​តាម​មូលដ្ឋាន​ផង​ដែរ​។​

​ថ្លែង​សំណេះសំណាល​ក្នុងឱកាស​នោះ លោក​កិត្តិ​សេដ្ឋា ចម ប្រសិទ្ធ បាន​គូសបញ្ជាក់ថា បច្ចុប្បន្ន​ដោយសារ​ប្រទេស​យើង​មាន​សុខ​សន្តិភាព​ពេញលេញ ទើប​ធ្វើឱ្យ​ភូមិសាស្ត្រ​និមួយៗ​នៅ​ទូទាំង​ប្រទេស ពិសេស​ខេត្ត​កែប​របស់​យើង​គឺ​មាន​លក្ខណៈ​ល្អប្រសើរ មាន​ភាព​រីកចម្រើន​ស្ទើ​គ្រប់​វិស័យ ដូច​ជា​ការស្ថាបនា​ផ្លូវ​ខ្វាត់ខ្វែង​នៅក្នុង​មូលដ្ឋាន​ជាដើម​។​ល​។​

​លោក​ទេសរដ្ឋមន្ត្រី​បាន​បន្តទៀតថា ក្រៅពីនោះ នៅតាម​តំបន់​នានា​ក៏​ត្រូវបាន​ជំរុញ​ឱ្យ​មាន​អណ្តូង​ទឹកស្អាត និង​បណ្តាញ​អគ្គិសនី​ប្រើប្រាស់​ស្ទើ​គ្រប់​មូលដ្ឋាន សម្រាប់​ផ្តល់​សេវា​ប្រើប្រាស់​ជូន​ប្រជាពលរដ្ឋ កាន់តែ​មាន​លក្ខណៈ​ប្រសើរ​ជា​លំដាប់​។​

​ក្នុងឱកាស​នោះ លោក​ទេសរដ្ឋមន្ត្រី ចម ប្រសិទ្ធ ក៏​បាន​ជំរុញ​ដល់​ប្រជាពលរដ្ឋ​គ្រប់​មូលដ្ឋាន ត្រូវ​រួមគ្នា​អនាម័យ​សម្អាត​បរិស្ថាន ពិសេស​ការរស់នៅ​ស្អាត ហូប​ស្អាត​ប្រកប​ដោយ​ភាព​អនាម័យ ដើម្បី​រក្សា​សុខ​ភាព​ឱ្យបាន​រឹងមាំ  និង​ការការពារ​កុំឱ្យ​មាន​ជំងឺ​ដង្កា​ត់​មក​បៀតបៀន​។​

​លោក​បាន​បន្ថែមថា បើ​ភូមិសាស្ត្រ​យើង​រស់​នៅ​មាន​ផ្លូវ​កាន់តែច្រើន ក៏ក្តីសង្ឃឹ​មមាន​កាន់តែ​ច្រើន​ដែរ បើ​យើង​មាន​ផ្លូវ​ស្អាត ដី​នៅ​ទីនេះ​ក៏​កាន់តែ​មាន​ហាងឆេង​កាន់តែ​ខ្ពស់​ដែរ ដែល​ចំណុច​នេះ​ពិតជា​ជួយ​កាត់បន្ថយ​ភាពក្រីក្រ​ដល់​បងប្អូន​ប្រជាពលរដ្ឋ​ក្នុង​មូលដ្ឋាន​របស់​យើង​៕ សេង ណា​រិទ្ធ​

Filed in: ខេត្តកែប

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!