ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បើកសម្ពោធ​ឲ្យ​ដំណើរកា​រ​បន្ទប់​ពិនិត្យ និង​ព្យាបាល​មាត់​ធ្មេញ កងរាជអាវុធហត្ថ​រាជធានី​ភ្នំពេញ ==> លោក គី វី​រិន្ទ ត្រូវបាន​ប្រកាស​ជា​ផ្លូវការ ជា​ប្រធាន​មន្ទីរ​សាធារណការ និង​ដឹកជញ្ជូន​ខេត្តសៀមរាប ==> រដ្ឋបាល​ខេត្ត​កែប បើក​កិច្ចប្រជុំ​រៀបចំ​យន្តការ​សម្របសម្រួល​កា​រ​ប្រឡង​សញ្ញាបត្រ​មធ្យមសិក្សា​ទុតិយភូមិ​ ==> ​ឯកឧត្តម បណ្ឌិត ហ៊ុន ម៉ា​ណែ​ត អញ្ជើញ​ជា​គណៈអធិបតី ក្នុង​ពិធី​បញ្ចុះ​ខណ្ឌសីមា និង​សម្ពោធ​សមិទ្ធផល​នានា នៅ​វត្ត​ពោធិ៍​រាជ​លំ​ពូ ស្ថិតក្នុង​ស្រុក​កំពង់ត្រាច​ ==> កិច្ចប្រជុំ​ត្រៀម​រៀបចំ​ការប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​២០១៩ នៅ​ខេត្ត​កំពត​ ==> ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង ដឹកនាំ​កំលាំង​ចុះជួយ​ស្ទូងស្រូវ និង​ចែក​គ្រាប់ពូជ​កសិផល ដល់​ប្រជា​សហគមន៍​កសិកម្ម​! ==> មន្ទីរ​សាធារណការ និង​ដឹកជញ្ជូន​ខេត្ត​ព្រះវិហារ នៅតែ​បន្ត​សកម្មភាព​ការងារ​ថែទាំ ជួសជុល​ផ្លូវថ្នល់​តាម​តំបន់​នានា ក្នុង​ភូមិសាស្ត្រ​ស្រុក​មួយចំនួន ! ==> ​សម្តេច​ពញា​ចក្រី ហេង សំរិន ចូល​បច្ច័យ​ចំនួន ៤០​លាន​រៀល សម្រាប់​កសាង​កុដ នៅ​វត្ត​ក្រ​ញ៉ូង និង​វត្ត​ព្រះ​លាន​ព្រះ ក្នុង​ខេត្ត​ត្បូងឃ្មុំ​ ==> ក្រសួង​កិច្ចការនារី​ចែក​អំណោយ​មនុស្សធម៌ ដល់​ពលរដ្ឋ​ក្រីក្រ ចំនួន ២០០​គ្រួសារ ក្នុង​ក្រុង​ប៉ៃលិន​ ==> អភិបាលខេត្ត​តាកែវ អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា កុំ​ដំឡើងថ្លៃ​ពេល​ប្រឡង​បាក់​ឌុប​

លោក គាត ហ៊ុល ត្រូវបាន​ប្រកាស​តែងតាំង​ជា​អភិបាល​នៃ​គណៈ​អភិបាលក្រុង​ប៉ោយប៉ែត​ថ្មី​

យោងតាម​អនុក្រឹត្យ​របស់​រាជរដ្ឋាភិបាល​កម្ពុជា ស្តីពី​ការតែងតាំង​មន្ត្រីរាជការ លេខ ៣៩៨ អនក្រ​. ត​ត ចុះ​ថ្ងៃ​អង្គារ ១៣​រោច ខែ​ផល្គុន ឆ្នាំច សំរឹទ្ធិ​ស័ក ព​.​ស​.២៥៦២ ត្រូវ​នឹង ថ្ងៃទី​០២ ខែ​មេសា ឆ្នាំ​២០១៩ ចុះហត្ថលេខា​ដោយ​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា សម្រេច​តែងតាំង​លោក គាត ហ៊ុល ឋានន្តរស័ក្តិ​ឧត្តមម​ន្ត្រី ថ្នាក់​លេខ​៦ ឱ្យ​កាន់​មុខតំណែង​ជា​អភិបាល នៃ​គណៈ​អភិបាលក្រុង​ប៉ោយប៉ែត ខេត្ត​បន្ទាយមានជ័យ​។​

​ពិធី​ប្រកាស​ចូល​កាន់​មុខតំណែង​អភិបាល នៃ​គណៈ​អភិបាលក្រុង​ប៉ោយប៉ែត​ថ្មី​ជំនួស​លោក សាន ស៊ានហូ អតីត​អភិបាលក្រុង​ប៉ោយប៉ែ​ត​ចាស់​ដែល​ត្រូវ​ចូលនិវត្តន៍​ប្រព្រឹត្តទៅ​ក្រោម​អធិបតីភាព ឯកឧត្តម សួន បវរ អភិបាល នៃ​គណៈ​អភិបាល​ខេត្ត​បន្ទាយមានជ័យ នៅ​សាលាក្រុង​ប៉ោយ​ប៉ែត នា​ព្រឹក​ថ្ងៃ​ព្រហស្បតិ៍ ១៤​កើត ខែ​ចេត្រ ឆ្នាំ​កុរ ឯ​កស័ក ព​.​ស​.២៥៦២ ត្រូវ​នឹង ថ្ងៃទី​១៨ ខែ​មេសា ឆ្នាំ​២០១៩​។

​ក្នុង​អង្គពិធី​ទាំងមូល​មាន​វត្តមាន​អញ្ជើញ​ចូលរួម​ដោយ​ឯកឧត្តម លោកជំទាវ ជា​អភិបាលរង​ខេត្ត ឯកឧត្តម លោកជំទាវ លោក លោកស្រី​ជា​មេបញ្ជាការ ប្រធាន​មន្ទីរ ក្រុមការងារ លោក​អភិបាលក្រុង ស្រុក លោក លោកស្រី​ជា​មន្ត្រីរាជការ បងប្អូន​អាជីវករ លោកគ្រូ​អ្នកគ្រូ សិស្សានុសិស្ស​រួម​នឹង​ភ្ញៀវកិត្តិយស​ជាច្រើន​រយ​នាក់​បាន​អញ្ជើញ​ចូលរួម​អបអរសាទរ​ក្នុង​ពិធី​ដ៏​មាន​អត្ថន័យ​នេះ​។​

​លោក គាត ហ៊ុល អតីត​ចៅសង្កាត់​ផ្សារ​កណ្តាល​ដែល​ទើប​ប្រកាស​តែងតាំង​ជា​អភិបាល នៃ​គណៈ​អភិបាលក្រុង​ប៉ោយប៉ែត​ថ្មី បាន​មានប្រសាសន៍ថា ចំពោះ​សមិទ្ធផល​ដែល​រដ្ឋបាល​សង្កាត់​ផ្សារកណ្ដាល​សម្រេច​បាន​គឺ​បានមក​ពី​ការផ្ដល់​យោបល់​ពី​ថ្នាក់ដឹកនាំ​ខេត្ត ក្រុង និង​ក្រុមការងារ​ដែល​តែងតែ​ផ្ដល់នូវ​បទពិសោធន៍ និង​តម្រង់​ទិស​ដល់​រូប​ខ្ញុំបាទ និង ក្រុមការងារ​ដែល​ឈាន​ដល់​សម្រេចបាន​ជោគជ័យ និង ទទួលបាន​ផ្លែផ្កា ជាពិសេស ការទទួលបាន​នូវ​សំឡេងគាំទ្រ​ពី​ប្រជាពលរដ្ឋ​ក្នុងការ​ដណ្ដើមបាន​ជ័យជំនះ​ក្នុង​ការបោះឆ្នោត​ជ្រើសរើស​តំណាងរាស្ត្រ នីតិកាល​ទី​៦ កន្លងមកនេះ​។

​ដើម្បី​ជា​ការឆ្លើយតប​នូវ​គុណូបការៈ​ដ៏​ថ្លៃថ្លា​នេះ លោក គាត ហ៊ុល អភិបាល នៃ​គណៈ​អភិបាលក្រុង​ប៉ោយប៉ែត បាន​បេ្ដជ្ញាចិត្ត​ថាៈ​
១-​ប្តេជ្ញា​គោរព និង​ប្រតិបត្តិ​តាមច្បាប់ រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា លើកកម្ពស់​សមត្ថភាព យល់ដឹង និង​សិក្សា​ស្វែងយល់​ពី​ច្បាប់ លិខិត​បទដ្ឋាន​គតិយុត្តិ​ជា​ធរមាន ដើម្បី​ធានា​បំពេញ​តួនាទី​ឱ្យបាន​ត្រឹមត្រូវ និង​ជោគជ័យ​តាម​ការកំណត់​។​

២-​ប្តេជ្ញា​ពង្រឹង​សាមគ្គីភាព ឯកភាព​រដ្ឋបាល​ផ្ទៃក្នុង​រវាង​គណៈ​អភិបាល និង​ប្រធាន​ក្រុមប្រឹក្សា​ក្រុង និង​អង្គភាព​នានា​ជុំវិញ​ដែនដី​ក្រុង​ប៉ោយ​ប៉ែត និង​អង្គការ​សង្គម​ស៉ីវិល​ឱ្យបាន​ល្អ និង​រឹងមាំ​។​

៣-​ប្តេជ្ញា​ពង្រឹង​អភិបាលកិច្ច​ល្អ យកចិត្តទុកដាក់​លើ​ការបង្កើន​ប្រសិទ្ធភាព ការអនុវត្ត​គោលនយោបាយ​ផ្ដល់​សេវា​សាធារណៈ​ជូន​ប្រជាពលរដ្ឋ​ឱ្យបាន​ទាន់​ពេលវេលា​។​

៤-​ប្តេជ្ញា​បង្កើន​កិច្ច​អភិវឌ្ឍន៍​តាមរយៈ​ការប្រមូលផ្ដុំ​ឱ្យមាន​ការចូលរួម​ពី​គ្រប់​មជ្ឈដ្ឋាន ដើម្បី​កសាង​សមិទ្ធផល​នានា​នៅ​ទីប្រជុំជន និង​ដល់​មូលដ្ឋាន​ឱ្យបាន​រីកចម្រើន​លើ​គ្រប់​វិស័យ​។ /

Filed in: ខេត្តបន្ទាយមានជ័យ

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!