ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បើកសម្ពោធ​ឲ្យ​ដំណើរកា​រ​បន្ទប់​ពិនិត្យ និង​ព្យាបាល​មាត់​ធ្មេញ កងរាជអាវុធហត្ថ​រាជធានី​ភ្នំពេញ ==> លោក គី វី​រិន្ទ ត្រូវបាន​ប្រកាស​ជា​ផ្លូវការ ជា​ប្រធាន​មន្ទីរ​សាធារណការ និង​ដឹកជញ្ជូន​ខេត្តសៀមរាប ==> រដ្ឋបាល​ខេត្ត​កែប បើក​កិច្ចប្រជុំ​រៀបចំ​យន្តការ​សម្របសម្រួល​កា​រ​ប្រឡង​សញ្ញាបត្រ​មធ្យមសិក្សា​ទុតិយភូមិ​ ==> ​ឯកឧត្តម បណ្ឌិត ហ៊ុន ម៉ា​ណែ​ត អញ្ជើញ​ជា​គណៈអធិបតី ក្នុង​ពិធី​បញ្ចុះ​ខណ្ឌសីមា និង​សម្ពោធ​សមិទ្ធផល​នានា នៅ​វត្ត​ពោធិ៍​រាជ​លំ​ពូ ស្ថិតក្នុង​ស្រុក​កំពង់ត្រាច​ ==> កិច្ចប្រជុំ​ត្រៀម​រៀបចំ​ការប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​២០១៩ នៅ​ខេត្ត​កំពត​ ==> ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង ដឹកនាំ​កំលាំង​ចុះជួយ​ស្ទូងស្រូវ និង​ចែក​គ្រាប់ពូជ​កសិផល ដល់​ប្រជា​សហគមន៍​កសិកម្ម​! ==> មន្ទីរ​សាធារណការ និង​ដឹកជញ្ជូន​ខេត្ត​ព្រះវិហារ នៅតែ​បន្ត​សកម្មភាព​ការងារ​ថែទាំ ជួសជុល​ផ្លូវថ្នល់​តាម​តំបន់​នានា ក្នុង​ភូមិសាស្ត្រ​ស្រុក​មួយចំនួន ! ==> ​សម្តេច​ពញា​ចក្រី ហេង សំរិន ចូល​បច្ច័យ​ចំនួន ៤០​លាន​រៀល សម្រាប់​កសាង​កុដ នៅ​វត្ត​ក្រ​ញ៉ូង និង​វត្ត​ព្រះ​លាន​ព្រះ ក្នុង​ខេត្ត​ត្បូងឃ្មុំ​ ==> ក្រសួង​កិច្ចការនារី​ចែក​អំណោយ​មនុស្សធម៌ ដល់​ពលរដ្ឋ​ក្រីក្រ ចំនួន ២០០​គ្រួសារ ក្នុង​ក្រុង​ប៉ៃលិន​ ==> អភិបាលខេត្ត​តាកែវ អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា កុំ​ដំឡើងថ្លៃ​ពេល​ប្រឡង​បាក់​ឌុប​

​ពិធី​បិទ​ព្រឹត្តិការណ៍​កំពត​សង្ក្រាន្ត អបអរសាទរ​បុណ្យចូលឆ្នាំថ្មី ប្រពៃណី​ជាតិខ្មែរ ឆ្នាំ​កុរ ឯ​កស័ក ព​.​ស ២៥៦៣ គ​.​ស ២០១៩

(​ខេត្ត​កំពត​)៖ នៅ​រសៀល​ថ្ងៃ​អង្គារ  ១២​កើត ខែ​ចេត្រ ឆ្នាំ​កុរ ឯ​កស័ក ព​.​ស ២៥៦២ ត្រូវ​ថ្ងៃ​ទី​១៦ ខែ​មេសា ឆ្នាំ​២០១៩ លោក ជាវ តា​យ អភិបាល​ខេត្ត​កំពត និង​លោកស្រី ព្រមទាំង លោក អ៉ឹង ម៉េង​ហួរ ប្រធាន​ក្រុមប្រឹក្សា​ខេត្ត និង​លោកស្រី បាន​អញ្ជើញ​ជា​អធិបតី​ក្នុង​ពិធី​បិទ​ព្រឹត្តិការណ៍​កំត​សង្ក្រាន្ត  អបអរសាទរ​បុណ្យចូលឆ្នាំថ្មី ប្រពៃណី​ជាតិខ្មែរ ឆ្នាំ​កុរ ឯ​កស័ក ព​.​ស ២៥៦៣ គ​.​ស ២០១៩ នៅ​ទីលាន​ពហុ​កីឡដ្ឋាន​ខេត្តកំពត អមដំណើរ​ដោយ​លោក លោកស្រី សមាជិក​ក្រុមប្រឹក្សា​ខេត្ត គណៈ​អភិបាលខេត្ត នាយក នាយករង​រដ្ឋបាល​សាលាខេត្ត ប្រធាន​មន្ទីរ អង្គភាព​ជុំវិញ​ខេត្ត នាយក​ទី​ចាត់ ប្រធាន​អង្គភាព មន្ត្រីរាជការ​ចំណុះ​សាលាខេត្ត បងប្អូន​ប្រជាពលរដ្ឋ យុវជន សរុប ប្រមាណ​២.០០០​នាក់​។

​ក្នុង​ពិធី​នោះ លោក ជាវ តា​យ អភិបាល​ខេត្ត​កំពត ក៏​បាន​ឧបត្ថម្ភ​ថវិកា​សរុប ១៣.១២០.០០០​រៀល ដល់​កម្លាំង​ទាំងបី ដោយ​ម្នាក់​ទទួលបាន ២​ម៉ឺន​រៀល រួមមាន ស្នងការ​នរគ​បាល​ខេត្ត​៥១២​នាក់ តំបន់​ប្រតិបត្តិការ​សឹក​រង​ខេត្ត​៥០​នាក់ និង កងរាជអាវុធហត្ថ​ខេត្ត​៩៤​នាក់​។​

​ជាមួយគ្នានេះ លោក​អភិបាលខេត្ត ក៏​បាន​ឧបត្ថម្ភ ភេសជ្ជ​: ១២០​កេះ ដល់​បងប្អូន​ប្រជាពលរដ្ឋ យុវជន ដែល​បាន​ចូលរួម​រាំ​លែង​កំសាន្ត​សប្បាយ ក្នុង​កម្មវិធី​បិទ​កំពត​សង្ក្រាន្ត​នេះ​ផង​ដែរ​។​

​ក្នុង​ឱកាស​ដ៏​វិសេសវិសាល​នេះដែរ លោក ជាវ តា​យ អភិបាល​ខេត្ត​កំពត បាន​ថ្លែងថា កំពត​សង្ក្រាន្ត រយៈពេល​៣​ថ្ងៃនេះ មាន​ប្រជាពលរដ្ឋ​ក្នុង​ខេត្ត យុវជន យុវនារី ភ្ញៀវ​ជាតិ អន្តរជាតិ បាន​ចូលរួម​ទស្សនា និង​កំសាន្ត​យ៉ាងច្រើន​កុះករ នៅតាម​រមណីដ្ឋាន​នានា ពិសេស​ចូល​លេង​កំសាន្ត​ក្នុង​កម្មវិធី​ដែល​រដ្ឋបាល​ខេត្ត​បាន​រៀ​ចំ​នៅតាម​សួន​មាត់​ព្រែក នៅក្នុង​ពហុ​កីឡដ្ឋាន និង​នៅតាម​ទី​សាធារណៈ​នានា​នៃ​ទីប្រជុំជន​ខេត្ត​កំពត ហើយ​ពិធី​បុណ្យចូលឆ្នាំថ្មី ឆ្នាំនេះ បាន​ប្រព្រឹត្តទៅ​ស្របពេល​នឹង​ការចាប់ផ្តើម​នៃ​ឆ្នាំ​ដំបូង ក្នុង​ដំណើរការ​អនុវត្ត​កម្មវិធី​នយោបាយ​និង​យុទ្ធ​សស្ត្រ​ចតុកោណ​ដំណាក់កាល​ទី​៤ របស់​រាជរដ្ឋាភិបាល​កម្ពុជា សម្រាប់​នីតិកាល​ទី​៦ នៃ​រដ្ឋសភា  ដែល​កម្ពុជា​ស្ថិតក្នុង​ស្ថានភាព​សុខ​សន្តិភាព​ពេញ​បរិបូណ៍ ហើយ​សន្តិភាព​ដែល​បាន​កើតមានឡើង​ដូច​សព្វថ្ងៃនេះ គឺ​បាន​កើតចេញ​ពី​ការដឹកនាំ​ប្រកបដោយ​គតិបណ្ឌិត​របស់ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​។ បើ​ប្រទេល​គ្មាន​សន្តិភាព ក៏​គ្មាន​ការអភិវឌ្ឍន៍ និង​គ្មាន​ការជួបជុំ​សប្បាយរីករាយ​ដូច​ពេល​នេះ​ដែរ  ដូច្នេះ​យើងទាំងអស់គ្នា សូម​ប្តេជ្ញា​និង​ចូលរួម​ថែរក្សា​ការពារ​សន្តិភាព​មួយ​នេះ  ទោះ​ស្ថិតក្នុង​តម្លៃ​ណាក៏ដោយ​។

​ជា​ចុងក្រោយ លោក​អភិបាលខេត្ត បាន​បួងសួង​ដល់​បារមី​សក្កិសិទ្ធ​ក្នុង​លោក  ពិសេស​ទេវតា​ឆ្នាំ​ថ្មី ឆ្នាំ​កុរ  ព្រះនាម ទុង្សៈ​ទេវី  សូម​តាម​ជួយ​ប្រោះព្រំ​ពរ​ជ័យ​សិរី​សួស្តី និង​សព្វ​សាធុការពរ​បវរ​មហា​ប្រសើរ  ចំពោះ លោក លោកស្រី បងប្អូន​ប្រជាពលរដ្ឋ​ក្នុង​ខេត្ត​កំពត​ទាំងមូល ភ្ញៀវ​ជាតិ អន្តរជាតិ​ទាំងអស់ សូម​ជួប​ប្រទះ​នូវ​សុខភាព​ល្អ សេចក្តីសុខ​គ្រប់ប្រការ  សុភមង្គល​គ្រប់​ក្រុមគ្រួសារ និង​ទទួលបាន​ជោគជ័យ​ថ្មីៗ​ម​ន្ថែ​មទៀត ក្នុង​ឆ្នាំ​ថ្មី​នេះ​៕ សេង ណា​រិទ្ធ​

 

Filed in: ខេត្តកំពត

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!