លោក អូន ខន អភិបាល​ស្រុក​កំពង់ត្រាច ដឹកនាំ​ក្រុម​ការងារ​ធ្វើ​អនាម័យ សម្អាត​បរិស្ថាន ត្រៀម​អបអរ​ពិធី​បុណ្យចូលឆ្នាំថ្មី​ប្រពៃណី​ជាតិខ្មែរ​

(​ខេត្ត​កំពត​)៖ នៅ​ព្រឹក​ថ្ងៃ​ចន្ទ​៤​កើត ខែ​ចេត្រ ឆ្នាំច សំរឹទ្ធិ​ស័ក ព​.​ស​២៥៦២ ត្រូវ​នឹង​ថ្ងៃទី​០៨ ខែ​មេសា ឆ្នាំ​២០១៩ ផ្អែក​តាម​គោល​ការដឹកនាំ​របស់​លោក​អូន ខន អភិបាល នៃ​គណៈ​អភិបាល​ស្រុក​កំពង់ត្រាច ស្តីពី​ការចូលរួម​ធ្វើ​អនាម័យ តាម​ដងផ្លូវ​សាធារណៈ ទីប្រជុំជន​ស្រុក  និង​នៅតាម​បណ្តា​ឃុំ​នានា ដើម្បី​ត្រៀម​រៀបចំ​អបអរសាទរ​ក្នុង​ពិធី​បុណ្យចូលឆ្នាំថ្មី​ប្រពៃណី​ជាតិខ្មែរ​នា​ពេលខាងមុខ​នេះ​ឲ្យ​កាន់តែ​មាន​ភាព​អធិកអធម​។​

​ជាមួយនេះ រដ្ឋបាល​ស្រុក​កំពង់ត្រាច ក៏​បាន​ដឹកនាំ​មន្ត្រីរាជការ​ទូទាំង​ស្រុក កងកម្លាំងប្រដាប់អាវុធ​ទាំង​បី​ប្រភេទ និង​សិស្សានុសិស្ស ធ្វើ​ពលកម្ម​សម្អាត អនាម័យ​អម​តាម​ដង​ផ្លូវជាតិ​លេខ​៣៣ និង​ទីប្រជុំជន​ផ្សារ​ស្រុក​កំពង់ត្រាច​។ ដោយឡែក​នៅ​តាម​បណ្តា​ឃុំ​ទាំង​១៤​ក្នុង​ភូមិសាស្ត្រ​ស្រុក​កំពង់ត្រាច ក៏​បាន​រៀបចំ​ធ្វើ​អនាម័យ​តាម​ដងផ្លូវ និង​ចំណុច​សំខាន់ៗ​ក្នុង​មូលដ្ឋាន​របស់​ខ្លួន​ផងដែរ​។​

​លោក អូន ខន អភិបាលស្រុក សូម​អំពាវនាវ​ដល់​ប្រជាពលរដ្ឋ​ទាំងអស់ សូម​កុំ​យក​សំរាម​បោះចោល​ពាស​វាល​ពាស​កាល គឺ​ត្រូវ​ចេះ​រក្សា ទុកដាក់​ឲ្យបាន​ត្រឹមត្រូ​វ  និង​សូម​មេត្តា​រួម​គ្នា​សម្អាត​អនាម័យ​បរិស្ថាន​ដើម្បី​រក្សា​សោភ័ណភាព​ក្នុងស្រុក​ទាំងមូល រួម​នឹង​ផា​សុខភាព​របស់​បងប្អូន​ផងដែរ​៕ សេង ណា​រិទ្ធ​

 

Filed in: ខេត្តកំពត

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!