ថ្នាក់ដឹកនាំ​ខេត្ត​អញ្ជើញ​ចូលរួម​អបអរសាទរ​កម្មវិធី​បោះជំរំ​យុវជន​លើក​ទី​៨ “​សង្ក្រាន្ត​ជួបជុំ​មិត្ត​” ក្រោម​ប្រូធានបទ “​វិទ្យាសាស្ត្រ និង​វប្បធម៌​” នៅ​វិទ្យាល័យ ហ៊ុន សែន ចំការ​ដូង​

(​ខេត្ត​កែប​)៖ កាលពី​រសៀល​ថ្ងៃ​អង្គារ​១៣ រោច ខែ​ផល្គុន ឆ្នាំច សំរឹទ្ធិ​ស័ក ព​.​ស ២៥៦២ ត្រូវ​នឹង​ថ្ងៃទី​០២ ខែ​មេសា​ឆ្នាំ​២០១៩ ដើម្បី​លើកស្ទួយ​វប្បធម៌ និង​អត្តសញ្ញាណ​ជាតិខ្មែរ ក៏ដូចជា​ជំរុញ​បន្ថែម​នូវ​ស្មារតី​សាមគ្គីភាព និង​ភាព​ខិតខំ​រៀនសូត្រ​ដើម្បី​អនាគត​របស់​ក្មួយៗ វិទ្យាល័យ ហ៊ុន​សែន ចំការ​ដូង បាន​រៀបចំ​កម្មវិធី “​សង្ក្រាន្ត​ជួបជុំ​មិត្ត​” ប្រធានបទ  “​វិទ្យាសាស្ត្រ និង​វប្បធម៌​”​។​

​កម្មវិធី​នេះ​ត្រូវបាន​ប្រារព្ធ​ឡើង​នៅ​បរិវេណ​វិទ្យាល័យ​ហ៊ុន​សែន ចំការ​ដូង ដោយ​មាន​ការផ្ដល់​កិត្តិយស​អញ្ជើញ​ចូលរួម​ពី​សំណាក់ លោក កែ​ន សត្ថា អភិបាល នៃ​គណៈ​អភិបាលខេត្ត​កែប លោក សោម ពិសិដ្ឋ អភិបាលរង​ខេត្ត និង​មាន​ការអញ្ជើញ​ចូលរួម​ពី ប្រធាន អនុប្រធាន​មន្ទីរ​អង្គភាព​ជំវិញ​ខេត្ត គណៈ​អភិបាលស្រុក លោកគ្រូ អ្នកគ្រូ ក្មួយៗ​សិស្សានុសិស្ស សរុប​ចំនួន​៥៤៨​នាក់​។​

​ក្នុងឱកាស​នោះ ដើម្បី​ញ៉ាំង​ពិធី​នេះ​ឲ្យ​កាន់តែ​មាន​ភាពសប្បាយ​រីករាយ គណៈអធិបតី និង​សហការី ព្រមទាំង​ក្មួយៗ​ជា​សិស្សានុសិស្ស​ក៏​បាន​ចូលរួម​លេងល្បែង​ប្រជាប្រិយ និង​រាំ​លេង​កម្សាន្ត ប្រកបដោយ​ភាពសប្បាយ​រីករាយ​ក្រៃលែង​៕ សេង ណា​រិទ្ធ​

 

Filed in: ខេត្តកែប

Recent Posts

Bookmark and Promote!

© 2019 ឆន្ទៈខ្មែរ | Chhantak Khmer News. All rights reserved. XHTML / CSS Valid.
error: Content is protected !!